OLAC Record
oai:paradisec.org.au:KK1-0934

Metadata
Title:Dusat ni hpa na n hkau hkat ai lam (Why animals disagree with each other)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Lu Lu Awng (speaker), 2017; Dusat ni hpa na n hkau hkat ai lam (Why animals disagree with each other), MPEG/X-WAV, 2020-02-11. DOI: 10.4225/72/5989e6fb11460
Contributor (compiler):Keita Kurabe
Contributor (depositor):Keita Kurabe
Contributor (speaker):L. Lu Lu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-13
Date Created (W3CDTF):2017-02-13
Description:Ya tsun na gaw galang ni yu ni dusat dumyen amyu myu ni hpa na nhkau hkat ai lam hpe tsun mayu ai rai nga ai,Moi shawng de moi shawng de da nam sum wum langai mi kaw ah yu hte galang nga ai da, Ah yu gaw da pyaw hpa leng hpa hpe grai ra sharawng ai wa rai nga ai rai tim mung galang gaw da teng mang ai amu hpe ra sharawng ai wa rai nga ai rai tim mung da shan lahkawng gaw hkau hkat tim mung shan lahkawng na myit ra ai lam gaw da e nbung ai lam rai nga ai, Dai shaloi lani mi hta gaw da oh ra maga mare de da ndai shanhte na ndai dusat dumyen ni a lamang langai mi nga ai da, Dai lamang kaw shanhte hpe mung sa na matu um saw shaga da ai da, Saw shaga da ai shaloi gaw da shanhte gaw da sa na matu myit n ra sharaw ai da, Hpa na i nga yang shi gaw lagaw kadung ai majaw hka panglai ni hpe shi n lu rap ai majaw shi hku na nsa ai baw i nsa ai ngu hku na shi gaw myit daw dan da ai, Rai tim mung da shi hte grai hkau ai galang gaw tsun ai da, Hkau yu re sa ga le dai de gaw nang n na ga ai lam ni na na nga le ngu tsun ai da. Ha ha ha nang gaw ngai hpe yu kaji ai ga i ngai n na ga ai lam ngu gaw n nga sai gaw ngu da, Dai shaloi dai galang gaw myit dat ai da, Aw nye hkau yu hpe dai baw sha n mai tsun nga ai nye hkau yu hpe gaw pyaw hpa leng hpa sha hpa lu hpa hte she mai sha leng nga ai dai hku myit nna aw dai hku nga nang hpe ngai naw tsun na oh de gaw nang n lu ga ai ntsin ni grai nga ai re lu dai ni hte lu ga pyaw ga leng ga ngu nna ngu na dai hku tsun ai da, Dai shaloi gaw shi gaw da e le ngai mung sa na ngu myit ai le nang hpe ngai majoi shala ai she re gaw ngu na shi gaw bai masu dat ai da, Dai shaloi shi gaw tsun ai da mai ai sa na rai tim mung nang ngai hpe lama mi garum u yaw hpa baw garum ra na rai ngu yang ngai dai de sa na shaloi nang na baw nang na hkum ntsa de ngai lung na ngai sa na ngu tsun dat ai da, Shi mai law nang sha dai hku nang sha kaja ai hku amyit rawng jang gaw hpa tim mung mai ai ngu shi gaw tsun dat ai dai shaloi da hpang jahpawt shi gaw sa mat sai da, Sa mat ai shaloi da dai yu hku na da dai galang a galang a hkum hkrang kaw jawn nna hka ni pang lai ni bum ni hpe lai di mat ai da lai di mat na dai lamang de du sai da, Dai lamang de du ai shaloi da yu gaw kalang ta du ai shaloi da shanhte na manang ni hte e nhkru n kaja ai nmai lu ai n mai sha ai rai ni hpe lu sha num ni hte pyaw hpa leng hpa ka manawt let dai kaw nga taw ai da, Rai tim mung da galang gaw dai hku n re ai da seng ang ai seng ang a ga ni kaja ai lam ni hpe e jahta le shi na dai jinghku ni hte atsawm di shaga taw nga ai, Dai shaloi hpang jahpawt du mat ai shaloi gaw da yu gaw lakan npu kaw malap taw nga ai hpe masha ni mu ai, Rai tim mung da masha ni mu tim mung da shi gaw da mana sha du ai manam rai ti na shi gaw hpa na pyaw hpa leng hpa ra ai masha rai kun ngu tsun ai da, Dai majaw da shi hpe gaw kadai mung n ra ai da majaw dai galang gaw tam ai da wa na shaloi da hka ya naw tam yu ga ngai na manang hpe ya wa na teng du sai gara kaw she gara kaw she du taw ai kun ngu tsun dat ai shaloi lakan npu kaw re ai majaw n mu ai da. Nmu ti aw shi shi shawng wa mat ai rai sam sai shi na manang ni shi hpe wa sa kau jaw sai ngu hku na shi hku na ma shi na shi wa mat ai da, Wa mat ai shaloi gaw da shi gaw da bri nna bai dum ai shaloi da koi ya kadai mung n nga sai ndai shara kaw ya ngai na manang galang mung n nga taw sai hpa mi nga nga galang ndai gaw grai nhku ai she rai nga ya ngai sha galang ndai hpe sha mu yu u ngai sat nan sat na ngu hku na shi na myit kaw dai rawng mat sai da, Rai tim shi gaw wa ai da, Wa ai shaloi hka pang lai mu ai da pang lai ngu tim mung grai kaba hkra n re ai yu ngu gaw kaji ai majaw i hka kade ram sung tim mung shi na matu gaw pang lai re e kaji mi sha sung sung re hka kaw nga ti na dai kaw shi gaw n lu rap re na dai kaw malap masu su taw nga ai da, Malap masu su na dai kaw na masha masha dai kaw na hkau na galaw ai dingla langai gaw wa nna Ha ndai kaw yu langai si taw nga ai le yu ndai hpe hta la nna nye na kashu ni hpe naw shaleng sha na re ngu ai hku na shi gaw yu hpe shi na hting bye kaw bang wa ai da, Hting bye kaw bang wa ai shaloi yu gaw da, Yu na wa gaw grai ja ai dai ai re majaw da shi na dai hting-hpye hpe kawa baw kau ai da, Kawa baw kau na shi gaw hka panglai ni rap ngut ai shaloi shi gaw gumhtawng yu mat ai gumhtawng pru mat ai dai shaloi shi ma shi na nta de du mat sai, Rai tim mung dingla dai gaw shi na hting-hpyen kaw yu lawm ai hku sha myit nna nta de du sai, Gai gai gai kashu ni e ngai na kashu ni e nan wa yu mu wa yu mu dwila nang hte hpe gasup chyai nna arung arai langai mi jaw na ngu tsun ai, Dai shaloi shi na kashu grai law hkra gaw da dai kaw sa wa nna dwila hpa baw rai grai myit shang sha wa sai lawang tsun dang yu mu ngu tsun ai da, Dai shaloi nan gaw ngu hting-hpye kaw yu dat yang hpa n nga taw sai da, Maw atsawm di tam yu mung atsawm di tam yu mu ngu yang n nga taw sai da, N-nga taw nna shi gaw kaning re na hting-hpye ndai gaw kaning re ai ta ngu na dai hting-hpye hpe ga nna kabai dat ai shaloi lagat ni kaw hkra ai da, Lagat tsip kaw hkra nna lagat tsip mung Ha anhte na ndai nta hpe kadai jahten sharun da ya ai ta ngu dai hku na i ndai gaw shanhte na hpun makau kaw hpun makau kaw da u hka nga ai da, U hka ni hpe da ndai u hka ni gaw anhte hpe manawn masham rawng ai anhte a atsip hpe ndai hku di ya ai i ngu na ndai u hka kasha ni hpe kawa sat ai da, Kawa sat ai shaloi u hka kanu wa ai shaloi ha nye na kasha ni hpe kadai sat ai ta ndai gaw kadai ni rai oh ra maga de na kadu hka ni rai na re ngu ai da, Kadu hka kadu hka ni rai na re ngu jang dai shaloi madu wa tsun ai da hpa mi nga nga n mai byin ai ndai gaw kawa da ai re nga yang gaw kadu hka ni gaw n mai byin ai ngu tsun ai da, Kadai rai ngu shi grai myit ai myit myit myit yang she da dai shi na hpun makau kaw na te te du u ni hpe shadu ai da, Te te du u ni mung ndai te te du u ni mung shat sha tam sha shanhte na kasha ni hpe dai ni hpe kawa sat kau da kawa sat kau ai shaloi te te du u dai ni mung da ya nye kasha ni hpe sat kau ya sai ya kadai kun ngu na tam tam re na shi na langai hpang langai le i sat sat sat re na dai hku nga mat ai sha jahtum kaw gaw da dai shaloi hkai nu si hkai nu hpun langai hpe da mu ai da, Hkai nu hpun langai hpe da dai kaw na da u dai ni gaw shanhte u shanhte na u amyu baw shagu gaw da jawm nna dai hkai nu hpun hpe da daw kau dat ai, Daw kau dat ai shaloi hkai nu hkai nu ni gaw da hkai nu naw hka lung ai majaw da run mat ai da, Run mat nna run run run nna magwi yup taw ai kaw magwi gaw rawt wa nna ha ngu na rawt wa ai shaloi magwi na ladi hku hte myi hku de yawng shang mat wa ai da, Dai shaloi da dai magwi na shi na myi kaw dai hkai nu shang mat ai re majaw shi ma kwi kalang ta myi mang sa myit kau na ngu lagat wa ai shaloi dai hka makau kaw yup taw um shu hpe shi gaw gabye sat kau hkrum ai da, Dai shaloi da shu dai mung ga magwi kaba law ai gabye sat kau ai majaw da shu dai mung si mat ai da, Si mat ai shaloi da dai shanhte na dusat dumyen ni ma i dai sara salang rai nga ai dai hkanhkyi hkanhkyi hpe ndai lam ni yawng hpe madi sa madun ai da, Hpa baw hpa baw hpa baw hpa baw ngu na yawng madi madun ai shaloi da dai magwi hpe san yang mung ndai rai nga ai ndai rai nga ai ngu tsun ai da, Rai tim mung da ndai masha ni lagat ni yawng yawng htum mat tim da ndai laprang matu nawn n nga taw ai da, Tsun ga nga yang ndai byin wa lam gaw byin wa ai lam gaw nawn matut ai lam nawn n nga taw ai le matut ai lam nawn n nga taw yang ndai kaw i ga-ang kaw lam langai naw nga ai ngu tsun ai da, Langai naw nga ai ngu she gai dai hku nga yang hka ding bau hka ding bau hpa na dai u hte hka ding bau i hpa na ndai hkai nu hpe hpa na sharun dat ai rai ngu tsun ai shaloi da hka ding bau gaw hpa tsun ai i nga yang hpa chye na ngai na npu ngai na ntsa ngai na baw ntsa kaw oh kaw ngai na ngai hkum-puk hkum pa ni hte ganaw taw ai shaloi ntsa kaw na she ngai hpe namsi langai mi gaw hkrat bun wa ai ngu tsun ai da, Dai namsi ni hpe san yang ngai mung nchye ai ngai hpe kadu hka she kadu hka ni she ngai hpe ndai namsi hpe kawa di kawa di dat ya kadu hka nang hpa baw na di ai rai ngai na kasha ni hpe sat kau ya nga ai gaw ngu e san san san san san re yang gaw da e dai kaw na she i shi shi shi shi nna kadai mung ngai re ai law ngai re ai law ngai re ai law kadai mung i ngai na mara re ngu kadai mung n hkap la ai majaw da ngai na kasha hpe sat kau ya ai gaw nang she re nang she re nga tsun nna da e ya du hkra da ndai mungkan kaw nga ai dusat dumyen ni yawng gaw hkum hkum zup zup re na zuphpawng hpawng ai ni mung n nga mat sai da, Kadai mung da kadai na pawt sin dawn ai myit hte sha nga taw sai da, Ya ngai na prat kaw du tim mung lapu hte magwi ngu ai gaw e n hkau ai n hkau ai e tsun ga nga yang u la hte u la pi htim hkat wa ai dai zawn sha n hkau hkat ai ngu ai hpe ndai kaw jahtum dat n ngai law. . Language as given: Jinghpaw
Format:Digitised: no Media: Audio
Identifier:KK1-0934
Identifier (URI):http://catalog.paradisec.org.au/repository/KK1/0934
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0934/KK1-0934-A.mp3
http://catalog.paradisec.org.au/repository/KK1/0934/KK1-0934-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0934
DateStamp:  2018-02-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Lu Lu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0934
Up-to-date as of: Tue Feb 11 15:36:33 EST 2020