OLAC Record
oai:paradisec.org.au:KK1-0933

Metadata
Title:Kaji langai la lam (The hidden small child)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Lu Lu Awng (speaker), 2017. Kaji langai la lam (The hidden small child). X-WAV/MPEG. KK1-0933 at catalog.paradisec.org.au. https://dx.doi.org/10.4225/72/5989e6f6af073
Contributor (compiler):Keita Kurabe
Contributor (depositor):Keita Kurabe
Contributor (speaker):L. Lu Lu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-13
Date Created (W3CDTF):2017-02-13
Description:Ya ngai tsun na lam gaw ma kaji langai la lam re, Moi shawng de mare langai mi hta dinggai yan dingla nga ai da, Dai dinggai yan dingla gaw hkungran ai gaw hkun ning sum shi ning manga shi ning matsat shi ning rai tim mung ma gaw n lu hkraw ai da, Dai majaw dinggai yan dingla gaw grai myit htum ai hku na dinggai wa gaw tsun ai da an lahkawng lama na machyi makaw hkrum nna n nga mat jang an lahkawng na ndai hpe i ga dai galaw ya na ngu na shi gaw grai myit ru ai da, Rai tim mung da shan lahkawng gaw ma n lu ai da ma n lu wa re ai shan lahkawng gaw myit ru taw ai shaloi da shan lakawng lu wa ai ma gaw da shi gaw lani mi hta gaw da shi gaw da shi madawn ni madawn ai da madawn ni madawn nna shi gaw da e shanhte poi prat gaw da ma gun n gun hpe ya na zawn tsi jaw gawt ni n nga ai majaw da ndai hku ni nre ai da, Shanhte ma gun sai ma gun sai na-um na-sin byin yang gaw da shanhte nta kaw na tsawm dik htum ai nam pan wa pu wa wa re ai da, Shi shanhte galoi mung n pu ga ai nam pan langai mi gaw da pu wa ai da. Pu wa ai shaloi shi ma gun sai ngu na shi chye ai da, Shi da kaba wa magan gan shi na ndai kan kaba wa magan gan da nam pan dai mung kaji mi kaji mi um kaji mi jat jat re na kaba wa ai da kaji mi pu jat wa ai da dai hpe gaw shi grai pyaw sai da, Rai tim mung da gun ai da um ma n kau kau hpe gaw da shata jahku sha gun ai da rai tim mung da ma kasha dai hpe gaw shata shi lahkawng gun ai da shata shi lahkawng gun re nna madu wa tsun ai da, Nang shata shi lahkawng ting gun ai ya nang shangai na ma gaw kaba law ai ma she n re ndawn ngu tsun ai da, Rai tim mung da shi bai shangai ai ma gaw da anhte na ndai yung nu daram sha law ai ma rai nga ai dai majaw i, Dai shanhte na mare kaw gaw salang wa gaw tsun ai da um anhte na mare gaw moi kaw na arawng sha dang hte hpring zup ai mare re ai majaw ndai mare kaw na i kaji ai ma shangai ai ngu ai gaw gaya jahpa re ai majaw aning ni ma dai hku n mai ai dai majaw anhte ni mung ma shangai ai ni re kaji kaji re ai ma ni hpe sat kau ra ai kadai lu ai rai ngu tsun ai. Dai madu wa gaw i anhte an na ndai gaya jahpa lama na an la wa an htinggaw wa ni re kaji sha law ai ma lu ai mare ting chye mat yang anhte gaya hkrum na rai nga le sat kau ga ngu tsun ai da, E hkum di i anhte na ndai gaw anhte na i ma re ai majaw dai hku n mai ai ngu tsun ai dai shaloi i shanhte gaw ndai hku tsun ai da, Madu jan gaw makoi da nna dai hku bau bau bau re shat ni jaw sha da dai hku bau nna rai tim shi kaba ai gaw da ndai ta yung nu daram sha law ai da, Ta yung nu daram sha law tim mung da shanhte gaw da ndai hku sha bau maka da bau maka da ai da, Hpang yi gaw da ndai ndai ma ndai hpe gaw da kawa gaw n-ju ai da, Kanu gaw ndai shi na madu wa hta nga jang da moi e latsa ning ram pawng wa ai madu wa hta nga yang da ya sha shangai wa ai ma ndai hpe grau tsawra taw ai da, Grau tsawra taw ai majaw da shanhte gaw mau ai da, Mau ai majaw i shi gaw ndai hku tsun ai da ma ma nang ma anhte ndai kaw i zuphpawng nga ai ndai kaw hkawhkam shayi hpe madun ai hkawhkam shayi hpe madun nna hkawhkam shayi ndai ra ai. Ra ai ma ra ai la hpe gaw shi la na re dai kaw ma nang shang lawm u ngu tsun ai ma dai gaw la kasha re ai da, La kasha re ai majaw da shi hpe gaw da shi na mying hpe gaw i shi na mying hpe gaw da Sut Ngai Awng ngu shamying da jaw ai da, Dai Sut Ngai Awng gaw da kaji tim mung da n-gun grai ja ai da, Shi nu shi wa ni pi n lu galaw ai i n lu gun hpai ai hpe shi lu galaw ai da um shanhte na ndai mare hta gaw da nta langai mi kaw da hpun dung kaba ba law ai langai mi dai hku i shata shagu shata shagu jaw ra ai jaw ra ai dai hku ta-wun nga ai da, Dai hku ta-wun nga re i um i shan nu ni galoi mung jaw ai galoi mung jaw ai rai tim mung da maji ta hte aw maji ta shaloi da hpun du hpe shanhte n lu jaw ai i, N lu jaw ai shaloi i hpa na n lu jaw ai i nga yang hpun du chyawm mi lu sai rai tim mung da krang na n-gun wa n nga taw ai da, Dai majaw ma dai gaw Sut Ngai Awng gaw da grai kaji tim mung da dai hpun hpe krang ra ai da, Krang ya re na she dai hpe sa jaw ai da sa jaw yang um e e dai tsun ai da hpawt ni gaw anhte na hkawhkam shayi gaw shi ra ai la hpe lata la na majaw ndai kaw na i yawng hkra sa wa ya rit ngu i saw shaga dat ai law ngu tsun ai shaloi dai hpe na ai Sut Ngai Awng gaw n kam ai hpa na i nga yang masha ni gaw masha ni gaw kaba ai re masha ni kaba ai majaw shi hpe ga-bye hkra na shi hkrit ai da, Dai majaw da e tsun ai da um kanu gaw tsun ai ma e ma nang sa u ah nu ma gaw kaji ai lama na ma hpe shi ra ai nga pi ma hte gara hku hkungran na ngu i hkungran poi kaw ma gaw gara hku di na ngu tsun ai da, Ma e sa u law lama na ma nang gaw la kasha re n sa yang nu ni hpe sat na rai nga le ngu tsun ai da, Ma dai gaw sa sa sa re palawng n lu ai da palawng nlu re yang kanu gaw da shi hpe tsun ai da ma an nu ni rem da ai u nga ai hpa n tsa ra ai ngu na u mun sha baw baw u mun ma u mun hte shi a palawng galaw ya ai da, Tsawm tsawm htap htap hte dai hku palawng galaw ya ai da dai hpe jahpun let sa wa sai da, Sa wa ai shaloi i dai shaloi gaw da ndan kaba nga ai da, Ndan kaba law ai ndan dai hpe hpai ra ai re ai da. Kade kaning re n-gun ni kade ram nga ai e dai ni pi n lu hpai ai da n lu hpai na she da dai ma kaji sha law ai shi na mying ma lawm ai da, Shi hpe gaw i kaji mi asak ma kaba sai majaw shi hpe n sat sai da, E dai kaw na dai kaw na ndai hkawhkakm shawng kaw na hkawhkam hte hpang de na i hpang na hkawhkam ni hkawhkam ma dai gaw da kwi hkyen ni jau hkyen ni grai byin ai ma re ai da dai ma dai pi n lu hpai ngu dai mare masha ni gaw hkum tsun nu n lu hpai ai rai tim dai hpe i ndai poi hpe n galaw sai ngu na i ndai hku tsun kau ai shaloi shi gaw hpa baw tsun ai i nga yang dai hku hkum tsun dai hku n tsun ai sha dai hpe anhte ni hku na grai ya teng kaw na i Sut Ngai Awng hpang jahtum re ai Sut Ngai Awng n lu hpai yang gaw ndai hpe ndai lamang hpe ndai kaw jahtum dat ai ngu tsun ai da, Dai garai n rai shi ai shaloi Sut Ngai Awng shi hpe san ai da, Masha ma n mu tim mike-hkot ngu ai gaw i moi na nseng shaja ai hpe tsun ai da lama na Sut Ngai Awng la kasha langai wa grai ntsawm na kaji sha law ai ma rai taw ndai hkawhkam shayi nang gara hku nga na rai nga yang gara hku mi nga nga i ndai ram ting n-gun atsam hte hpring zup ai la kasha hpe gaw kaning re tim ngai gaw la ngu tsun ai shaloi ndai Sut Ngai Awng hku na i grai shi gaw i ndai ndan hpe ngai lu hpai hkra nga na kwi shi hpai nna n-gun grai shaja ai da Yah ngu hpai dat ai wa shi na matu nga jang da hpa n lung tawng langai hpe hpai ai zawn zawn pi n nga ai da atsang aw aw sha re yawng mau taw sai da, Sut Ngai Awng gaw kaji sha law n dan gaw kaba law n mu taw ai da, Shi na shi shi na shi hkrai wa i nlung kaw pyen taw ai zawn re taw mawt ya kadai hpai taw ai da shi gaw Sut Ngai Awng hpai taw ai re ngu tsun dat ai shaloi da ndai Sut Ngai Awng hpe da ndai hkawhkam shayi gaw la kau ai da, Dai shaloi da hkawhkam shayi la kau ai dai kaw na i hpang de dai hkawhkam shadang ni gaw grai nju ai da yaw, Ni re kaji sha law ai Sut Ngai Awng ni re ma wa ngai ra ai hkawhkam shayi hpe shi la kau i ngu na grai pawt ai da grai pawt re tsun na hku nga nanhte mare kaw nanhte mare kaw nhpa na wa kaji sha law kaji sha law ma hpe i nanhte sat kau u ngu ai hpe nanhte hpa na nsat ai rai ngu tsun sai da, Anhte na nchye ai da Sut Ngai Awng gaw ndai kaw shi gaw hkawhkam shayi hte la hkat ra ai majaw la hkat ai she re ai hpa n ra ai ngu tsun ai shaloi hkawhkam shayi ma shi na shi dai hku i gaya shi gaw la na nga tim mung la na nga tim mung ndai kaji hpe la na nga tim mung shi na hku nga grai lusu grai tsawm ai hkawhkam shayi wa kaji sha law ai la rau la hkat ai ngu gaya nna gaya ai majaw shi na shi moi shi tsun da ai gaw da ngai gaw lauban ai la hpe sha la na nga tsun da ai re da, Rai tim mung ya shi la shi ga sadi ngu ai gaw i shi gaw tsun ga nga yang ga sadi ngu ai hpe grai dung ai ga re shi gaw ga sadi grai dung ai majaw la kau ai da, La kau tim shi gaw grai gaya ai majaw da e tsun ga nga yang si tsi ni lu nna si mat ai da, Si mat re ai shaloi dai hkawhkam dai kaw na dai gaw da shanhte na mare hta gaw da ya ya anhte na ndai prat hta gaw nga yang gaw da num ni sha ma mai gun ai da. Rai tim shanhte na prat hta gaw num la kadai tim ma mai gun ai baw prat re da dai majaw da dai kaji sha law ai wa ma gun ai da, Ma gun ma gun tim shangai wa ai la gaw da shi zawn zawn re n kaji ai da kaba wa ai da, Rai tim shangai ai shaloi gaw kaji sha law tim mung da kaba kaba re nna anhte na masha daram kaba ai da, Um dai hku kaba na shi gaw da lani mi hta shi gaw da hka sa ai da hka sa ai shaloi da woi ni hpe mu ai woi ni hpe mu nna woi ni hpe tsun ai da, Ndai hka gaw ndai hka gaw i sun ai rai ngu tsun ai da, Shanhte gaw woi ngu ai gaw masha ga n chye na ai masha ngu ai gaw woi ga n chye na ai rai tim mung masha dai gaw tinang chye ai ga hpe tsun ai ndai hka ndai i sun ai rai ngai rap na ngai oh ra ga de bungli nga ai majaw ngai hpe garum ya rit ngu tsun ai da, Dai woi ni mung chye na ai hte chye na woi ni mung hka hte sung n sung ai hpe chye na ai da dai majaw da aw masha ndai gaw hka dai sung n sung ai hpe san taw nga rai hka ngu ai hku na shi dai hku myit la rai tim mung hka ndai gaw nsung ai ngu ma nchye tsun ai sung ai ngu ma nchye tsun ai dai hku ga hpe shanhte gaw hprut hprut mung nchye tsun sung sung tang tang magyi ga-ang ngu ai gaw sung ma sung ma tang ai magyi ga-ang re e dai daram hpe tsun ai da, Dai ram hpe tsun ai shaloi da shi gaw ndai hku tsun ai da, Hey woi ni ndai hka i sung ai rai ngai hpe garum la rit nanhte ni masha myit rawng yang gaw i ngai hpe naw garum la rit ngai gaw ahkyak ai ya ndai hkying shi daram htu mat jang ngai gaw nmai sai ngu dai hku tsun na i nye wa nye wa kaw na ngai bai wa ra ai majaw ngai hpe naw garum la rit oww ngu na sung sung tang tang magyi ga-ang atsawm di bai tsun yu mu law nanhte ga chye shaga ai hpe atsawm di bai tsun yu mu sung sung tang tang magyi ga-ang dai hkrai sha bai tsun taw mali manga lang dai sha gahtap tsun taw pawt mayu wa sai da, Pawt mayu na shi rap chyam yu ai da, Woi dai hpe mung sat kau sai da, Sat kau na shi gaw rap chyam yu rap chyam yu rap chyam yu lu sai da she shi gaw ma dai hpe shi na kasha gaw i oh de du jang da e oh de du jang shi gaw i dai woi hpe sat kau ai majaw shu tai mat ai da, Shu tai mat shu tai mat re ai shaloi i shi sa la na gaw hkawhkam shayi bai re ai da hkawhkam shayi bai rai shi shun yang gaw kadai mung nhkap la kadai mung n ra sha rawng sai n ra sharawng ai majaw shi gaw grai gaya ai rai tim shi hpe nan hku tsun ai da, Nang dai hkawhkam hkawhkam shayi na kawa hpe tsun ai da shaga i nang na kasha hkawhkam shayi sha hte jaw sha na gaw ngai re ngai na kawa Sut Ngai Awng re ai majaw ngai gaw nang na kasha hpe la na gaw ngai re nga jang nang wa i ngai na kash hpe la na n mai byin ai n mai byin ai ngu tsun e mai byin ai law n masu sha ai ngai gaw nang na nang na kasha hpe la na gaw ngai re nga tsun ai shi gaw n kam ai da, Nkam re shi gaw tsun wa sai da um shi nan hku tsun nang lama na nang na kasha hte ngai hpe n jaw sha yang ngai gaw marawn na ngu tsun ai da, Marawn u le nang shu langai sha marawn ai gaw ngai hpa baw byin na ngu shi gaw marawn re shu ni marawn marawn marawn marawn re wa jang gaw da maran htu wa ai da, Maran htu wa jang gaw da maran htu wa jang gaw da n mai ai da n mai ai majaw da dai shanhte ni ndai shanhte na ndai hkawhkam ndai ja ja oh ra gaw da shanhte gaw ndai ja nga tim mung shanhte gaw i hkum puk hte galaw da ai grau law ai majaw da hkum puk rau galaw da ai grau law ai majaw da ndai byaw hkrat wa ai majaw shanhte gaw e dai hku shu ni dai hku mahkawn ni hkawn yan mara htu wa ai majaw hkum mahkawn hkum mahkawn jaw sha na ngu tsun rai tim shi hpe bai n lung rau bai kabai ai da, Aw nang ngai hpe n lung tawng hte kabai ai i nang n lung tawng hte kabai jang ngai gaw bai hkrap na ngu tsun ai da, Hkrap na nga hkrap u nang hkrap ai ngai hpa n byin ai ngu tsun ai hkrap hkrap hkrap hkrap re shi hkrap yang hka grai law wa ai majaw dai hkawhkam mare hpe galip kau na galip kau na hkrit ai majaw hkum hkrap hkkum hkrap jaw sha nan gu na jaw sha kau dat ai da, Jaw sha na ngu na jaw sha kau dat ai da. Ya anhte na ndai prat hta nga yang da e masha hte masha hpe sha atsawm ti shaga masha hte masha nga tim pi gaida yan nu hte lauban nga yang n shaga ai e ya anhte mung re ya anhte mung re maw hpyi maw hpyi ni nga jang anhte matsat ai anhte muk sha taw ai ngu na maw hpyi ni muk sha hpyi jang ah lar ya ngai muk sha taw ai pi grai matsat mat ai ngu na kabai jaw kau da ai, Tinang hku na anhte jawng hkan ni anhte jawng hkan ni jawng shang wa na chyinhka kaw mung ta n tu ai i galaw ntu ai ni dai hku nga taw taw re ai nga anhte ni gaw grai matsat mat sai e ya alat chyai kaw muk mari sha na pi ah lar jahkring mi hkring sa la ai aten kaw muk sha na pi grai matsat mat ai, Rai tim mung ndai maumwi ndai maumwi gaw masha tim dusat dumyen tim mung e dai hku mai la hkat ai moi gaw shanhte na htunghkring na re ai ngu na she kanu kaw na tsawra myit gaw tinang na kasha kade ram kaji taw tim gaya jahpa law ndai mungdan kaw ngai hpe chye mat jang dai hku n myit ai sha dai hku bau maka la ai ngu na ndai maumwi hpe ndai shara kaw jahtum dat ai.. Language as given: Jinghpaw
Format:Digitised: no Media: Audio
Identifier:KK1-0933
Identifier (URI):http://catalog.paradisec.org.au/repository/KK1/0933
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0933/KK1-0933-A.wav
http://catalog.paradisec.org.au/repository/KK1/0933/KK1-0933-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0933
DateStamp:  2018-02-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Lu Lu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0933
Up-to-date as of: Sat Nov 14 14:24:51 EST 2020