OLAC Record
oai:paradisec.org.au:KK1-0929

Metadata
Title:Shingtai hkan wa a lam (The widower)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Hkawn Hpang (speaker), 2017; Shingtai hkan wa a lam (The widower), X-WAV/MPEG, 2020-02-11. DOI: 10.4225/72/5989e6e57638f
Contributor (compiler):Keita Kurabe
Contributor (depositor):Keita Kurabe
Contributor (speaker):L. Hkawn Hpang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-13
Date Created (W3CDTF):2017-02-13
Description:Kalang mi mare kahtawng langai mi kaw e shingkra hkan wa ni nga ai. Dai shingkra hkan wa ni nga ai ahking aten hta gaw kawa gaw e ngai mung kasha num kasha langai sha lu ai re gaw ngai hpang dinghku de na re ngu na mi e da ndai shingkra la gaw dinghku langai bai de ai da. Shi de ai dinghku mung dinghku num dai wa mung um ndai mahkawn n rai taw gaida num rai taw ai da. Gaida num rai na she gaida num dai kaw mung dai shi na kasha hte asak aprat bung ai num kasha langai mi lawm wa ai da. Lawm wa re shi gaw de sai da. De re she ndai um ndai hpang num ngu na wa gaw ndai shi kasha shawng num ngu ai ma dai hpe grai dan sha ai da. Matsan mayen dai malu masha ni hpe rai tim angau angam ni sha dang re ai ni jaw sha da kasha hpe rai jang gaw hpa mung n shangun sha dai hku re nga nga re ahkring aten hta she lani mi na aten hta ndai num kaji ngu na wa gaw dai shawng num na kasha num kasha hpe she nang ndai bum hkum hpyi bum hkum ndai kaw bum hkum ndai kaw pasi ni nang hpyi hkra bang ra ai yaw ngu tsun ai da. Nang gara de ma n lu sa ai ndai pasi hpe nang hpring hkra baw bang ra ai ngu tsun ai da. Dai she dai num kasha dai gaw um shi mung hkrit mung hkrit ai da. Madat mara mung madat mara lam nga ai da. Dai she dai num kasha dai gaw pasi hpe e ndai bum hkum hpyi kaw bang bang re she ndum shami wa shi dai hku bang taw nga nbung laru kaba wa ai da. Nbung laru wa grai laja lana re na nbung laru wa bung ahpawt wa ai ahkying aten hta shi bang nga ai pasi dai wa poi mat wa ai da. Poi mat wa rai jang she num kasha dai gaw ayi pasi ndai poi mat wa ai gaw n byin na re hpa majaw nga yang ndai pasi ndai e ndai bum hkum ndai kaw hpring ra tsa lam shadang nhpring yang ngai bai katut sha na ra ai i nye nu kaji wa ngai hpe bai zi ri sha na ra ai dai majaw ngai nmai ai ndai hpe gaw pasi ndai hpe gaw ngai hkan nan hkan rim la ra ai lu hkra nan hkam rim la na re ngu na she ndai nbung laru loi zim re ai ten hta e loi zim mat wa ai shaloi ndai num kasha ndai gaw pasi poi mat ai hpang kaw hkan nan mat wa ai da. Htaw hkan nan mat wa yang she hpun pawt langai mi kaw wa du ai da. Hpun pawt langai mi kaw wa du rai yang she hpun pawt kaw wa she shi wa hkring sa re she nga taw yang she nsen langai mi pru wa ai da. Dai hpun pawt kaba kaw e num kasha nan hpa baw tam hkawm ai ngu tsun ai da. Aw ngai hpe e nye nu kaji gaw nga hpe bum hkum hpyi kaw e pasi bang shangun ai re ndai pasi ndai hpe e ngai ra ai dai majaw pasi ndai nbung laru ai shaloi poi mat wa ai dai majaw pasi ndai hpe ngai n lu yang gaw nmai na re poi mat ai nye pasi hpe nang nmu dat ya ai i hpun kaba hpe shi dai hku ga san san dat ai da. Ga san dat ai shaloi dai hpun kaba kaw na nsen gaw pru wa ai da. E nang na na pasi dai poi mat ai hpe nang chye mayu jang gaw nye a hpun pawt kaw sa shanu shingbyi ai kaw e sa shingbyin ai ni asan apan re ai kaw shingbyi lu na matu nang nye hpun pawt kaw ndai ja san jaseng lam naw galaw kau da ya rit asan apan re na jasan jasen kau ya rit dai jang she na pasi gara de poi mat ai ngu ai hpe ngai tsun dang na ngu tsun ai da. Dai shaloi num kasha dai gaw mai sa nang ngai hpe tsun dang na nga yang gaw ngai galaw ya na ngu na dai num kasha gaw dai hpun pawt kaw e maza mala ni nam lap jahkraw hpun jahkraw ni yawng hpe asan di seng kau da ya ai da. Seng kaw da ya na she dai kaw na hpun pawt kaw na nsen nang na pasi dai nang hkawm sa wa ai nang myi mang yawng ai dai maga de nang ding ding sa mat wa u ngu tsun ai da. Htaw ding ding sa mat wa e nang kaw dai kaw mu lu na re nang na pasi yawng sa mat wa ai re poi mat wa ai re ngu tsun ai, Kaja sha dai de bai sa re she bainam kasha langai hte bai sa hkrum ai da. Bainam kasha bainam hte hkrum e nang hpa baw tam taw nga ai rai num kasha e ngu dai hku tsun ai shaloi she aw ngai na pasi ngai bumhkum kaw pasi bang yang dai zawn zawn nbung ru wa na pasi poi mat wa ai nye pasi hpe ngai hkan rim la ai re, Nang ngai na pasi poi mat wa ai n mu ai i ngu dang ngu tsun yang bainam gaw nang na pasi gara de poi mat wa ai ngu ai hpe nang chye mayu jang gaw da Nang ndai ngai hpe e da bainam ngu ai dusat ni gaw namlaw malap hkum tsum hpa hpe sha ai dusat re ai da. Shanhte ni gaw i laga dusat hte nbung ai namlap sha nga jang hpa namlaw namlap tim sha ai lu sha n lata ai bainam re ai da. Dai majaw bainam gaw tsun ai nang ngai sha na matu namlap naw di da ya rit dang re yang she ngai nang hpe nang na pasi gara maga de poi mat ai ngu ai hpe ngai madi madung lu ai ngu tsun ai. Num kasha dai mung kaja wa sha bainam hpe she namlap law law di tawn da ya ai da. Di taw da ya she ndai bainam gaw nang na pasi ndai maga de yawn sa mat wa sai re yaw ngu dai hku ngu tsun ai da. E chyeju kaba sai ngu na num kasha dai gaw bai sa mat wa sa mat wa she htaw nta langai mi kaw bai du mat wa ai da. Bai du mat wa re she dai kaw num langai mi dinggai langai mi nga ai da. Dinggai langai mi nga yang she dai kaw e dinggai dai hpe san ai da. Ah dwi ndai kaw e ngai na pasi n du pru wa ai i n poi shang wa ai i ngu dai hku san ai da. Dai she ah dwi gaw nang na pasi hpe nang mu mayu jang nye a nta bungli naw galaw ya rit ngu tsun ai da. Dai jang she nang hpe ngai pasi gara de nga ai lam na pasi gara de poi mat wa ai lam tsun dang na ngu dang ngu tsun ai da. De jang she num dai gaw num kasha dai gaw galaw ya ai da. Oh nta san seng ai lam ni jasan seng ai lam ni galaw shadu lu shadu sha hka ni yawng ja ya dai adwi dingla hpe dai hku ni zep zi galaw ya ngut ai hpang she dai ah dwi dinggai gaw tsun ai da. Sadek lahkawng jaw ai da. Maw ngu tsun ai da. Aw sadek langai jaw ai da. Maw ndai ngu na she ja sadek kaba law ai ja sadek wa jaw ai da. Ah dwi ja sadek dai ngai na ja sadek nre ngai na rai gaw pasi sha re ngai dai ja sadek n ra ai ngu dang ngu tsun ai da. Nre ai nang na pasi mung ngai kaw nga ai ngu tsun ai da. Na pasi ngai kaw poi shang wa ai ndai gaw pasi sadek re ngu na laga pasi sadek bai shaw dat ya ai da. Ndai ja sadek ndai gaw i nang hkrum lam ting hta nang pasi gara de poi mat wa ai san ai shaloi nang hpun kaba kaw mung sa san hkrup sai nrai bainam hpe mung nang san hkrup ai nrai re ai re rai tim mung hpun kaba kaw nang gara hku galaw kau da ai bainam hpe nang gara hku galaw kau da ai ngu ai lam ni ah dwi yawng chye ai ngu ai da. Ya mung nang hpe ngai kalang ta pasi sadek mai shaw ya ai shi ngai kaw poi wa ai ngai sadek kaw bang da ai ngai pasi sadek hpe kalang ta mai shaw ya ai da. Rai tim mung ah dwi gaw nang na myit masa hpe chye mayu ai majaw i nang kade ram masha a ntsa hta chye na ya ai nang kade ram garum shing tau myit masin rawng ai ngu ai hpe chye mayu ai majaw htaw hpun pawt ni bainam ni hpe ah dwi chyam dat ya ai re i dai majaw nang gaw masha ga hpe madat mara chye ai masha hpe hkungga la ra ai myit masin rawng ai re bai na nang gaw nta kaw ma npyaw ngawn ai lam byin hkrum hkra nang matsan mayen hkrum sha ga ai re dai majaw nang dai ni kaw na gaw nang ndai hpang kanu ngu ai i yan roi rip sha ai zing ri zing ret ai lam kaw na lawt sanu ga dai zawn re nhkrum sha u ga nang ndai ah dwi jaw dat ai ndai ja sadek ndai hpe e akyu sha shawng re jai lang na Nang galu kaba wa u ngu na she dai ah dwi dinggai gaw dai pasi sadek ma jaw dat ai da. Dai she shi gaw dai ja sadek hte pasi sadek hpe hpai re na nta bai wa nta wa re ai shaloi she ndai hpang kanu ngu ai wa gaw tsun ai da. Ya nang hpe pasi bang dat shangun ai gara de sa mat wa ai e ngai nbung laru wa ai shaloi pasi ndai poi mat na pasi hkan la ai ah dwi dainggai kaw du yang ngai ndai ngai hpe ah dwi dinggai ndai ja sadek jaw dat ai i ngu na dai hku tsun ai da. Dai shaloi she nang gara hku gara hku dai ah dwi dinggai kaw du mat ai lam tsun dat rit ngu da. Tsun yang she kasha hpe mung dai hku sa shangun mayu na hku nga shi kasha hpe mung dai hku sa shangun mayu she ja sadek ra nna kasha hpe bai sa shangun ai da. Nang sa ai hkrung lam hpe tsun dang rit ngu ai da. Tsun dang yang she mi shi hkrum sha ai hkrum lam ma hkra bai tsun dang ai da. Tsun dang yang she dai kaw du yang dai kaw dai hku dai hku galaw ra ai dai kaw du yang dai hku dai hku dai hku galaw ra ai galaw kau da ai ngu tsun sa mat wa she mi Num kasha wa hkrum sha ai shi kasha hpang num na kasha du mat wa ai da. Du mat wa yang she num kasha wa hkrum sha ai hpun pawt kaw dai shi kasha hpan num na kasha du mat wa ai da. Du mat wa yang she ndai kaw pasi n lai wa ai i pasi nye pasi kaja nga yang pasi ntam ai le i dai ja sadek sha ra nna pasi tam masu su re na sa mat wa re she dai hpun pawt kaw nang ngai na nang na pasi gara de poi mat ai lam chye mayu jang gaw nye na hpun pawt hpe ja san jaseng galaw ya u ngu she ngai nang na mayam nre ngai i ngai ngai ndai pasi gara de poi mat ai ngai ra nna sha nye pasi hpe ngai hkan tam na sa wa ai she re ngu dai hku ngu tsun ai da. Re she hpun pawt gaw n lu tsun dang ai gu tsun ai da. Nang chye ai hku sa mat wa u bainam hte hkrum yang mung bainam hpe mung dai hku tsun ai da. Bainam mung nang hpe gaw ngai nlu garum ai ngu nang chye ai hku tam mat wa u ngu she kaja wa sha mi na atung dinggai kaw du mat wa ai da. Ah dwi dinggai kaw du mat wa she ah dwi dinggai hpe shi dai hku tsun yang she Ah dwi dinggai mung chye ai da e nang na pasi hpe ra yang gaw ngai na nta bungli galaw kau da ya rit e san seng ai lam shadu lu shadu sha ai lam yawng zep zi naw galaw kau da ya rit ngu she ah dwi dinggai nang ngai hpe mayam shadu ai i ngai mayam nre nang shangun shagu galaw na matu ma ngai du sa ai nre ngai nye bungli hte ngai sa ai she re ndai pasi hpe mu hkra ngai la na matu sa ai she re ngu dai hku tsun ai da. Dai majaw ah dwi dinggai nang kaw ja sadek ma nga ai ngu tsun ai da. Pasi sadek ma nga ai lahkawng yan jaw rit ngu tsun ai da. Dai hku tsun yang she mai ai mai ai nang ngai shangun ai ma nang gaw n kam galaw ya ai rai tim nang hpyi ai hpe gaw ngai shadik shatup ya na ngai jaw ya na ngu na she sadek jaw dat ya ai da. Sadek dai jaw dat yang she um dai num kasha hpe tsun ai ndai sadek ndai hpe nan kaw hkum hpaw na nta du yang she nang atsawm wa hpaw u yaw ngu na tsun she nta de du mat yang gaw wa hpaw dat yang she ja sadek dai wa she ndai shingtai sumbra ni i azip atsap ni shingtai shingla re Dai zawn re sadek rai taw ai da. Hpang jahtum ye gaw dai yan nu madaw she htaw ra num kaba jan na kasha i a um ndai myit ra ai hku sha nga nga ra mat ai da. Dai num kasha dai gaw shi gaw e kanu n lu mat ai rai tim shi gaw zin ri zinret ai roi rip hkum sha ai rai tim mung grai myit su ai tsawra myit hte hpyi ai num kasha re ai majaw shi gaw grai nga ngwi nga pyaw mat ai num kasha tai mat wa ai da. . Language as given: Jinghpaw
Format:Digitised: no Media: Audio
Identifier:KK1-0929
Identifier (URI):http://catalog.paradisec.org.au/repository/KK1/0929
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0929/KK1-0929-A.wav
http://catalog.paradisec.org.au/repository/KK1/0929/KK1-0929-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0929
DateStamp:  2018-10-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Hkawn Hpang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0929
Up-to-date as of: Tue Feb 11 15:36:32 EST 2020