OLAC Record
oai:paradisec.org.au:KK1-0928

Metadata
Title:Jum mari sa ai la kasha a lam (The man who went to buy salt)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Hkawn Hpang (speaker), 2017; Jum mari sa ai la kasha a lam (The man who went to buy salt), X-WAV/MPEG, 2020-03-20. DOI: 10.4225/72/5989e6e0ee4c5
Contributor (compiler):Keita Kurabe
Contributor (depositor):Keita Kurabe
Contributor (speaker):L. Hkawn Hpang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-13
Date Created (W3CDTF):2017-02-13
Description:Kalang mi da mare kahtawng langai mi kaw e ndai la kasha langai mi nga ai, Shi gaw shi chyu sha nga ai re ai da. Shanhte nga ai mare kahtawng gaw ndai gat hte grai tsang ai da. Nam maling kaba ni hpe ma i lai di ra re na shanhte na e ndai malu masha ngu ai hpe e sa mari la ra ai kahtawng langai mi kaw nga ai re da. Nga re ahkring aten hta lani mi shi gaw ndai sha na jum n nga mat ai da. Jum n nga mat ai majaw ndai la kasha ndai gaw aw ngai jum n lu mat sa hka dai majaw gaw ngai gaw gat de sa na ngai jum naw sa mari na re ngu na sa mat wa ai shaloi gaw maling langai mi kaw du re ai shaloi gaw pu mung grai pu ba re na shi gaw ngai nan kaw hkring naw hkring sa la na re ngu na hpang mung grai hpang hkrat sai ngu na hka shi lwi nga ai kaw sa yu re na she shi dai kaw hka shi kaw na hka sha da gawt lu re na shi dai kaw ba jahkoi na shi jahkring mi hkring nga ai ten hta she makau kaw madat dat yang she shi ndai madai nsen na ai da. Madai ai nsen na nna shi gaw tam hkawm mat wa yang she ndai hkanhkyi langai mi wa ndai Shi na ndai garep nra kaw she pala jung taw nga na shi dai kaw machyi madai taw nga ai hpe shi sa mu ai da. Sa mu re ai shaloi gaw shi na myit hta gaw ndai hkanhkyi ngu ai ni gaw shinggyim masha ni hpe ding bai dingla jaw ai i hkrum ai hte gaw shanhte gaw amya ai nga labau na ga ai nga tsun ai rai tim mung shanhte hpe ga pyaw shaga ra ai ngu ai gaw dai la kasha dai gaw dum dat na hku nga, Dum re ai shaloi hkanhkyi hpe shawng tauban ai da. Hkanhkyi ye nang ngai hpe hpa hkum galaw yaw ngai mung nang hpe hpa hpyen n galaw na ya nang machyi taw ai nga ai hpe e ngai nang na pala dai hpe baw kau na mi ngai nang hpe tsi tsi n matu ngai sa wa ai re ngu tsun ai da. Dai hku tsun re ai shaloi gaw ndai la kasha ndai gaw hkanhkyi hpe shawng tauban ga tsun re na she hkanhkyi na pala hpe e dai hku sa gan malawt kau ya i malawt kau ya na she makau grup yin kaw na tsi hkrung tsi nam nam lap ni hpe shi tam bram la ai tam bram la na she dai hku adup shup la re na she ndai hkanhkyi na nma ndai pala hkra ai ni ma dai kaw e namlap Dai gayup ntsin ni shup bang re na she atsawm di na shi htu mani tawn da ai nam lap dai hte shi gaw dai hku ga up kau da ya ai da. Ga up kau da ya re she shi gaw dai kaw hkring mung hkring sa la shi hpe mung dai hku galaw kau da ya sai re ai majaw shi gaw htaw shi sa na gat de bai sa mat wa ai da. Sa mat wa re she ya shi jum mung sa mari la jum mari la ngut na bai nhtang wa ai lam kaw she ndai masha jazai up hpung ni hpe masha jazai dai up hpung hte hkrum katut la ai da. Hkrum katut la re ai shaloi gaw masha jazai ndai ni gaw ndai ndai la kasha ndai gaw lu rim la ai hku nga lu zim la zim re she htaw shanhte na masha jazai ni nga ai wang kaba de woi mat wa ai da. Woi mat wa re ai shaloi gaw shi hpe e hpri lawng kaw wa bang da ma ai da. Dai la kasha dai hpe hpri lawng kaw wa bang da oh hkawhkam dai kaw na shanhte masha jazai hkawhkam mung grai kabu ai da, Ya bai masha langai bai lu la wa sai ngu dai ngu she ndai maga de gaw masha bang da ai hpri lawng ndai maga de gaw hkanhkyi ni bang da ai hpri lawng re na hku Nga hkri lawng rai re she shanhte na gasup ai shara le i ndai hkanhkyi hte masha hpe e gasat hkat shangun ai wang mung galaw da ai da. Dai gasup wang hpe yu na matu hkawhkam wa na lat san shara grai hkrit hkam ai shara ni mung galaw da dai kaw aw shawa daw tsa ni yu n-gun jaw na shawa daw tsa ni nga shara mung grai hkrat hkra galaw da re, Dai she lani mi na aten hta she ndai la kasha wa na aten du wa ai da. Aten du re she hkawhkam jan mung grai nan myit hta e myit mada taw ai da. Galoi na ahkring aten hta ndai la kasha wa gaw i dai ni gaw ndai la kasha na aten rai sai e ndai la kasha wa hpe hkanhkyi dat shi na shanhte shinggyim masha ni yu taw nga ai shanhte na myit masin hta gaw myit sin ran hta gaw ndai la kasha ndai gaw shanhte na myi npu hta galoi wa sai hte myan re na hkanhkyi wa na ngup hte le i shang mat na re amya katut na re myit shingran ni yawng mu let she shanhte gaw dai shani gaw hkanhkyi ndai hkanhkyi hte ndai gasup hkat na matu gasat hkat na matu dai la kasha dai hpe dai hpri lawng kaw na Shalet dat ai da. Shalet dat la kasha dai gaw hpyi gasup wang kaw du yang gaw la kasha dai gaw akyu chyu hpyi taw sai da. Karai kasang e ngai hpe asak shalawt la rit ngai hpe ndai kaw matsan dum la rit ngai hpe hkye shalawt rit ngu na la kasha dai mung zim sha oh ra de gaw garu hkrai garu taw sai rai tim shi gaw myit masin hpe zim sha re na akyu chyu hpyi taw ai da. Akyu chyu hpyi hpyi re she dai kaw dai kaw um hkanhkyi langai bai dat dat sai da. Aru ye ya ngai hkanhkyi hte gasat hkat ra sai lo gara hku wa di na ngu na shi gaw akyu chyu hpyi hpyi re she hkanhkyi hpe rawt dat ai hte wa hkanhkyi dai wa she dai la kasha dai hpe wa n amya sha ai da. N amya sha ai kalang ta la kasha na lagaw ni re lagaw kaw she hput di di ai da. Hput di di re na she dai la kasha na lagaw hkan ni ndai hkan ni apuk ya taw ai da. Apuk she apuk ya taw ai shaloi gaw hkawhkam wa mau mat sai da. Hkawhkam wa jan mung mau mat sai ga dai ni gaw ndai la kasha ndai gaw shawoi na masha hte ndai hkanhkyi gasat hkat ai hte nbung nga ai le dai ni gaw ndai la kasha ndai gaw ni re chyeju hpe lu la ai gaw gara hku wa rai nga ai kun ngu na she hkanhkyi wa mung hkawhkam wa mung mau sai da. Mau she hkanhkyi dai wa mung kaji pi n gasat ai da. Shi hpe madaw she apuk re apuk apuk re dai hku re da dai hku re jang she hkawhkam wa gaw n lu nga sai da. Ya ndai la kasha ndai gaw kaning re na ni re ai ma hkanhkyi wa pi shi hpe she e ndai e hkungga ai i shi hpe hkungga ai hkungga la ra let ndai hku galaw ai gaw ndai la kasha gaw kaning re atsam rawng ai kun e ngu na she shi shangun ma ni hpe sa woi wa yu mung dai hku tsun ai da. Tsun ai shaloi gaw ndai shi shangun na ni mayam ni gaw da la kasha dai hpe woi wa ai da. Woi wa ai shaloi ndai hkawhkam wa gaw san ai da. Hey shabrang wa nang gaw kaning re ai masha ta e i shawoi nga yang gaw nang hpe e ning re i re gasat poi nga jang hkanhkyi ni masha hpe e jawm amya sha kau kau re ai galoi mung hkanhkyi ni dan taw taw she re dai ni gaw nang gaw hkanhkyi amya she amya nang hpe she hkanhkyi wa gaw galaw apuk na Nang hpe gaw hkungga nga ai le nang gaw kaning re atsam rawng ai wa rai ta ngu na shi hpe hkawhkam wa gaw san ai da. San ai shaloi she ndai la kasha gaw tsun ai da. Ngai atsam rawng ai nre ngai gaw kaning re atsam mung ngai kaw n nga ai rai tim mung ngai gaw jum mari sa ai wa re dai zawn re na shi ngai hkanhkyi wa hpe galaw kau da ai dai shi hte amya shangun ai hkanhkyi gaw shi shamai kau da ai hkanhkyi wa rai taw ai da. Ndai hkanhkyi ndai gaw ngai jum mari sa ai kaw e dai zawn re shi hpe e pala hkra ai kaw e shayan ngai shamai kau da ya ai re ya ndai hkanhkyi ndai mung nanhte lata kaw du taw nga ai hkanhkyi re dai majaw shi ngai hpe matsing ai e shi a shi a ntsa kaw ngai na chyeju nga ai hpe shi dusat wa chye taw ai dai majaw shi ngai hpe n amya ai hta sha n ga shi ngai hpe hkungga la ra let shi ngai hpe apuk re hkungga ai lam she re tsun ai da. Dai majaw hkawhkam wa e nang hpe mung ngai ga hkum mi hpaji jaw mayu ai ngu nang gaw ndai zawn re shangun ma law law i mayam law law hte re na nang gaw Mayam law law lu ai hkawhkam wa rai nga ndai rai tim mung dai ni gaw ndai na a maya ni hpe zing ring zin ret i nang shangun mung shangun ai zin ring mung zin ring ai nang kam ai hku shanhte hpe yam sha taw nga ai i dai re ai majaw gaw nang gaw ndai mayam ni na tsawra myit hpe nang n lu la ai ngu tsun ai da. Dai majaw nang mung i na a masha ni na a mayam ma ni nang hpe e hkungga tsawra na matu nang hpe galoi mung nang hpe hkungga la ra na matu nang hkam la mayu jang gaw i ndai hkanhkyi wa kaw na hpaji hpe nang sharing la u ndai hkanhkyi gaw kaja wa nga yang gaw amya sha na gaw i shi nye a chyeju hpe shi dum ai majaw shi hpe ngai atsawm sha galaw da ai majaw shi ngai hpe hkungga la ra let shi dai hku galaw ai re dai majaw hkawhkam wa e nang mung dai ni kaw na gaw na mayam ni hpe sat ai nat ai zing ri zing ret sha ai dai zawn re na nang nhkru n kaja ai hku hkum up hkan nang ma galoi ma dai ni na tsawra myit hpe nang n lu la na re ai yaw ngu dai hku tsun ai hte e dai hkawhkam wa gaw grai myit malai Lu mat ai da. Ndai la kasha ndai wa a majaw gaw i grai myit malai lu mat ai kaw na shi gaw masha u zai a hkawhkam kaba rai tim shi gaw grai nan si mani ai hte up hkang mat wa ai hkawhkam langai tai mat wa ai da. . Language as given: Jinghpaw
Format:Digitised: no Media: Audio
Identifier:KK1-0928
Identifier (URI):http://catalog.paradisec.org.au/repository/KK1/0928
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0928/KK1-0928-A.wav
http://catalog.paradisec.org.au/repository/KK1/0928/KK1-0928-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0928
DateStamp:  2018-10-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Hkawn Hpang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0928
Up-to-date as of: Fri Mar 20 15:23:14 EDT 2020