OLAC Record
oai:paradisec.org.au:KK1-0915

Metadata
Title:Nga hkwi la wa hte baren shayi (The fisherman and the dragon girl)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), Z. Brang Seng (speaker), 2017. Nga hkwi la wa hte baren shayi (The fisherman and the dragon girl). X-WAV/MPEG. KK1-0915 at catalog.paradisec.org.au. https://dx.doi.org/10.4225/72/5989e6a8561e0
Contributor (compiler):Keita Kurabe
Contributor (depositor):Keita Kurabe
Contributor (speaker):Z. Brang Seng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-12
Date Created (W3CDTF):2017-02-12
Description:E ya ngai tsun na maumwi gabaw gaw Nga hkwi la langai hte bareng shayi a lam rai nga ai. Moi shawng ye da la langai mi gaw shi Nga hkwi Nga hkwi shaloi hpun ai palawng wa je mat ti na shi chyu hkyen ai shaloi ri hkaw wa ri shawn hkyen ai da. Ri samit hku shawn hkyen re she ri dai wa hka ri hkun di wa i hka makau de taleng bang mat wa na she i shi sa hta la na hkyen ai shaloi she shi bareng num langai hpe mu nna oh chye bareng shayi langai mi hpe mu nna shi gaw dai hku yu ai da. Shi grai tsawm ti na shi gaw i bareng num gaw i shi gaw hpang ye hkungran na matu tsun ai da. Dai num wa she tsun ai shaloi nang ngai hpe kaja wa hkungran la na nga yang nye wa na baw kaw na mi lungseng hpe lu la hkra yawng galaw u ngu tsun ai da. Dai shaloi dai hku tsun na shi gaw i tsun ai shaloi shi aw dai hpang shani gaw shi dai sung kaw shi na dai Nga hkwi ai shara kaw sha bai sa nga taw ai shaloi san ai da. Dai gwi langai mi sa wa ai da. Shi hkan san hkawm ai shaloi gwi langai mi hpe mu ai da.E hkau gwi e ngai hpe bareng num wa i Bareng shayi gaw tsun ai shi hpe hkungran la na rai yang ngai ndai shi wa na baw na lungseng hpe lu la hkra galaw u nga dai hku tsun ai ngai gara hku galaw na rai ngu tsun ai da. Ngai hpe garum la rit ngu dai hku tsun ai. Shi gwi wa gaw i dai shaloi shi ngai lu garum lu ai nang hpe tsun na yaw ngu na atsawm sha hkan galaw u yaw ngu tsun ai da. Shi gaw ngai tsun na nang dai bareng wa i bareng wa na baw kaw na lungseng la mayu yang htaw hpun kaw na uhkru du hpe sa san u ngu shi dai hku tsun ai da. Hpun lung re na u hkru du dai kaw san ai da. U hkru du hpe bai wa san re she dai u hkru du gaw i dai u hkru du gaw bai tsun ai da. Nang nang dai bareng wa na lungseng kaja wa sha la mayu yang dai dai oh dai lungseng la mayu yang shi kaja sha dai bainam hkan na hkanda kaw taukawt wa kaw sa u ngu ai da. Taukawt wa kaw sa u ngu dai hku tsun ai da. Taukawt wa hpe sa san taukawt wa e ngai hpe naw garum la rit ngu hpa byin ai ngu dai hku san ai da. San ai shaloi taukawt wa taukawt wa ngai dai bareng num hpe ra ai ngu ra ai dai majaw shi shi wa na baw kaw na i dai hku lungseng la shangun ai ngu dai hpe ngai gara hku la ra na rai ngu tsun ai da. Dai shaloi ngai lu garum lu ai hka kaw na hka kata kaw na Nga hkam da ai hpe wa san u ngu dai hku tsun ai da. Wa san u ngu tsun dai la wa gaw kaja wa sha dai hka kaw na Nga hkam da ai wa hpe wa san ai da. Wa san ai hka kaw hkam da ai e ndai i ndai hka hka kaw na bareng wa na baw kaw na lungseng hpe gara hku la na rai ngu dai hku tsun ai shaloi da tsun ai shaloi nang dai baw kaw na lungseng hpe la mayu yang bareng wa na baw kaw na lungseng hpe la mayu yang nang jahpawt shana jan shang ten hta ndai hka makau kaw nang sa nga taw u yaw ngu tsun ai shaloi dai hku tsun dat ai shaloi bareng dai la wa shana jan shang ten hta dai kaw sa nga taw ai da. Sa nga taw na she sa nga taw na she dai bareng wa pru wa ai shaloi rim na nang dai bareng wa na lungseng hpyi u ngu tsun ai da. Nang dai lungseng n jaw yang nang hpe hka de ndat ai ngu dai hku tsun u yaw ngu dai hku tsun ai da. Dai la wa dai hku la taw nga sai da. Nga taw nga ai shaloi shi gaw nga taw nga taw shana de tup nga taw tim shani shana la taw tim dai bareng wa gaw npru wa hkraw na hku nga shi she npru wa hkraw na she dai hku sha la chyu la na she dai hku nga ai shaloi shata hku du wa ai da. Shata hku du wa na dai la wa nga hkam da ai wa ndai ngai hpe masu sha ai re ngu dai hku tsun ai da. Masu sha ai ngu dai hku tsun ai shaloi nga hkam la gaw ndai wa gaw bai wa san ai da. Nga hkam da ai wa e ngai ndai shana de jan shang wa jang ndai hka makau kaw sa la taw bareng wa mung hpa mung npru wa ai ngu dai hku tsun ai da. Dai shaloi dai nga hkam da ai wa mung ngai nang tsun ai hku atsawm hkan galaw ai n nga ai ngu dai hku tsun ai da. Dai Nga hkam da wa gaw nga hkam da wa ngai nang hpe kaja sha tsun ai re ngu ngai teng teng sha tsun na ngu nang kaja hkan galaw u yaw ngu dai hku tsun ai da. De nang ya kaja sha bai dai na de bai le i dai hku la taw nga u yaw ngu dai hku tsun ai da. Dai shaloi shi gaw dai hku shata ni grai na hkra bai sa la taw ai da. Sa la la taw nga dai la taw ai shaloi dai shi grai yup mayu na shi jahkring mi yup dat ai hku nga. Yup dat ai shaloi shi dai shi yup nga ai lamang wa i dai bareng wa gaw pru wa na jan wa kra la ai da. Jan wa kra la na she shi bai rawt wa ai de bai shang mat wa ai da. Hpang shani tim shi gaw shi yup nga yang dai bareng wa pru wa na shi bai rawt wa yang bareng wa bai shang mat ai shaloi nga dai hku bai re ai da. Dai nga hkam da ndai wa ngai hpe masu ai re ngu na ngai hkan da hpe wa sat kau na hku nga. Wa sat kau na dai wa sat kau na dai hku sha nga ai da. Shi na nga hkwi shara kaw sha shi mi na dai kaw sha bai nga na ngu na bai wa na bai wa nga taw ai shaloi shi gaw dai bareng shayi hte bai hkrum ai da. Bareng shayi gaw nang ngai shangun ai hku n lu galaw ai i ngu dai hku tsun ai da. Ngai grai shakut tim mung i bareng na wa gaw i kawng de npru wa hkraw ai ngu dai hku tsun ai da. Dai hku tsun nang hpa myit hkum daw yaw ngu dai hku tsun na bai mat mat ai da. Dai la wa gaw dai hku sha bai myit daw nna dai hku nga taw ai shaloi shi hpe oh hkayu langai sa wa ai da. Hkayu langai sa wa na she e hkoi sa wa ai da. Hkoi sa wa na dai hkau hkau ye nang hpa myit ru taw ai rai ngu dai hku tsun ai da. Hkau hkoi e ngai hpe garum la rit ngu ngai bareng shayi hpe ra ti na ngai shi tsun ai hku galaw ai wa nmai byin hkraw ai ngu dai hku tsun ai da. Dai hkoi wa hkoi wa gaw i nang hpa byin mayu ai rai nye hpe tsun u ngai hkan galaw ya na ngu tsun ai da. Dai hkoi wa gaw aw masha wa gaw tsun ai da. Ngai bareng shayi hpe ra ai dai shi wa na baw kaw na lungseng lu la yang shi ngai hpe hkungran la na nga tsun ai ngu dai hku tsun ai da. Dai shaloi shi dai hkoi wa gaw tsun ai hku nga, Dai bareng wa na baw kaw na lungseng la ai wa mung aloi sha re ngu dai hku tsun ai da. Jahpawt jan pru wa hkyen ai dai hku jan pru wa hkyen ai dai hka makau kaw sa dung nga u yaw ngu tsun ai da. E dai hka kaw shata hku laning hku sa dung nga ngut sai npru hkraw ai ngu kaja teng sha pru wa na ra ai sa dung nga u ngu dai hku tsun ai da. Sa dung nga u ngu dai hku tsun ai dai shaloi dai masha wa gaw sa dung nga yang hka makau kaw sa dung nga nna dai pru wa ai da. Bareng wa pru wa pru wa ti na she dai kaw bareng wa hpe kalang ta rim la ai da. Rim da ti na shi na ashe hpang dai baw kaw a lungseng hpyi ai da. Nang nang ngai na baw kaw na lungseng hpa majaw hpyi ai rai ngu tsun ai da. Bareng shayi wa gaw na na baw kaw na baw kaw na lungseng lu la yang she i ngai hpe hkungran la na nga tsun ai re ngu yang e nye kasha hpyi ai she re jaw na ngu dai hku tsun ai da. Jaw na ngu tsun na jaw dat ai da. Jaw dat na shi na Nga hkwi sha shara de bai wa nna wa nna bareng shayi wa hpe tsun na hku nga, Ngai ngai nang tsun ai hku galaw hkan sa ngut sai ngu dai hku tsun ai da. Hkan sa ngut sai ngu dai hku tsun na she shi dai bareng shayi wa gaw i dai Nga hkwi la hpe hka de woi wa ti na shi wa hpe hkungran na matu ahkaw ahkan wa hpyi ai da. Shi wa mung myit hkrum na dai hka kaw sha hkungran la na shan lahkawng kawng ntsa de bai lung nna i dai hku prat tup pyaw pyaw ngwi ngwi pyaw pyaw hte nga mat ai da.. Language as given: Jinghpaw
Format:Digitised: no Media: Audio
Identifier:KK1-0915
Identifier (URI):http://catalog.paradisec.org.au/repository/KK1/0915
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0915/KK1-0915-A.mp3
http://catalog.paradisec.org.au/repository/KK1/0915/KK1-0915-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0915
DateStamp:  2018-10-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); Z. Brang Seng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0915
Up-to-date as of: Sat Nov 14 14:24:49 EST 2020