OLAC Record
oai:paradisec.org.au:KK1-0891

Metadata
Title:Shinghkra yen wa (The widower)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Lu Htoi (speaker), 2017; Shinghkra yen wa (The widower), MPEG/X-WAV, 2020-02-11. DOI: 10.4225/72/5989e642edc6f
Contributor (compiler):Keita Kurabe
Contributor (depositor):Keita Kurabe
Contributor (speaker):M. Lu Htoi
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-12
Date Created (W3CDTF):2017-02-12
Description:Moi da la langai mi nga ai da. Grai lu lu lu sha ai hku re. Retim mung lu lu lu sha na she shi madu jan mung si mat rai, kasha langai sha lu ai wa shi gaw hkawng hkrai hkawng ai majaw kasha gaw lagawn byin wa sai da. Shi tam da ai sut gan ni yawng jai hkrai jai sha kau, dut hkrai dut sha kau ma wa re yang gaw dai la wa bungli grai galaw timmung shi gaw dingla wa sai da. Lani mi gaw dingla wa sai re majaw ma e ya gaw nang mung grai kaba nna myit su ram sai re majaw wa mung dingla wa sai gaw dai ni kaw na gaw ma bai galaw jaw u, wa dingla nna grai n tai sai ngu yang she dai hku ngu yang she, ma dai gaw hpa bungli mung n galaw kam ai da, hpa n galaw kam, sha na shakya na dai sha kam na nga re yang gaw kawa gaw dingla wa nna nau myit htum wa na she shi hte grai hkau ai manang langai mi kaw e she n chyang sa chyang su ngu na sa sa da ai da. E manang wa e nye kasha gaw aw nta kaw hpa mung n galaw hkraw re gaw nang ndai laning mi tup nye kasha hpe e bungli woi galaw ya rit, nta kaw ngai kawa shangun ai hpa mung n galaw hkraw re majaw gaw nang e grai kam sai, 1 ning mi sha ndu yang gaw hkum wa shangun yaw ngu na sa sa da na kawa gaw wa mat sai da. Shaloi gaw kaning nga tim ndai nye manang wa gaw lu mung grai lu re she re gaw ngai hpe chyam ai re ngu na she apyaw sha tawn da ai da. Apyaw sha tawn da na ngai kade ram kaja n kaja chyawm yu ai re sai nga na dai ram she lu su ai yen wa mi ngu na she atsawm sha tawn da mu mu mai mai jaw sha re na she 1 ning mi du ai shaloi ja dingga lap di ya dat ai da. Ndai gaw nang bungli n shangun tim wa hpe bungli grai galaw ai ngu na ndai wa ya u, 1ning mi na nang e bungli galaw shabrai re ngu ya dat ai she, e wa du wa sai ngu, kawa hkap yu yang wa atsawm sha wa, lata ni yu yang mung akalung sha rai, kaning nga tim nye kasha gaw bungli n galaw sai ngu na e e ngu na kawa gaw kasha la wa ai ja dingga lap ni e hkahtun de kabai kau ya ai da. Retim shi gaw bungli mung n galaw ai, alaga lu wa ai re na kawa kabai kau ya tim hpa n yawn ai da. Hpa n yawn ai nga nga re yang she kawa gaw bai myit sai da, ndai kalang gaw grai tsan ai mana maka bungli galaw ai agying agang re nta kaw she bai sa sa da na re sam ai ngu na e ma e ya oh ra kaw nchyang sa chyang su, nchyang sa chyang wa rit, wa grai dingla nna bungli n lu galaw sai ngu na bai kasha e woi na bai sa sa da ya she, bungli grai shangun ya rit yaw 1ning mi sha n du yang gaw nta de hkum wa shangun ngu bai sa tsun sa da da. Dai kaw bai sa sa da yang mung oh ra ni gaw kawa dai ram ram lu ai wa anhte e myit chyam ai re sam ai nga, shawng de na hte maren bungli mung ahpa atang re sha galaw nna, nba ai sha woi nga na 1ning mi du jang ja lap mi bai jaw dat ai da. E wa bai du wa sai nga, nang ngai galaw ai 1 ning mi tup na shabrai re nga na wa ya she, kasha e yu yang hpa bungli galaw hkang mung n hkang re jang she shawng na hte maren woi di hka htung de kabai kau ya ai da. Kabai kau ya jang kasha mung n yawn ai da, chye alaga lu ai she re mo nga na she hpa myit n machyi ai da, shaloi gaw kawa bai myit yu sai da. Nmu nna chye mung n chye hkat ai jasam langai mi kaw sa sa na myit, e ma e ya bai nchyang bai chyang su wa grai dingla wa sai, ngu na she grai tsan ai de da law, dai gaw mana maka tsan ai de dai shaloi gaw mana maka tsan ai de, hprawng wa mung nmai re de, manu mana tsan ai, galoi mung n mu yu, galoi mung n du yu re chyip hte chyap re kahtawng mana maka tsan ai de sa sa na she nta langai mi kaw bungli galaw na masha nra ai i? ngu na sa tsun dan yang she e ra ai nga jang she, dai re yang gaw ndai nye kasha e bungli shangun ya rit, 1ning mi sha n du yang gaw gara de mung hkum sa shangun, nta de mung hkum wa shangun ngu na shingngu sa sa da yang, asi asat da, jasam re nga, n law nlang ga asi asat shangun, galaw she galaw, hprawng wa ngu mung ngwi na galaw she galaw, asi asat sihtu si mai mung mu mu mung n lu sha, bu hpun palawng mung tsawm tsawm htap htap n lu, kawa e ya dat ai bu hpun palawg ni sha gaw bungli nau galaw na je mat ma retim, shangun she shangun, galaw she galaw, grai ba na bu hpun palawng mung yawng je mat ai da. 1ning mi du yang gaw lata ni mung ja ja rat rat ahpye ahkrat hkum ni mung achyang ahkret ahkrat lasi lamun na wa ai da. Dai shaloi dai madu ni kaw 1ning mi du jang ja dingga lap mi bai jaw dat ai da. Dai bai lang nna wa re yang gaw e wa du wa sai nga hte gaw kawa gaw grai matsan dum mat da, shi kasha e hkap yu yu na e grai gaw matsan dum nna, bu hpun palawng pyi um ndai lang gaw ram ram gaw galaw na sai nga, retim mung n chye masu su nna she ja dingga lap mi re ngu na she wa jaw jang she shawng na zawn rai kabai kau ya na maw ai da, kawa gaw dai kabai na maw jang kasha gaw hkan magra la na wa e ngai kasha ndai daram ba she ba jam jau nna tsawm mari galaw nna lu ai re, hkum kabai kau ya yaw wa ngu na hkan je la na she, shingrai na kawa mung n kabai kau ya sai da. Kasha e nau tsawra mat nna ahpum chyip di na she, e wa a kasha gaw aw grai myitsu sai ngu na ya gaw wa dingla timmung hpa myit n htum ra sai, nang kasha hpa mung grai chye wa sai re majaw ya gaw mala la rai shawoi na zawn asi asat gaw hkum galaw i, mu mu mai mai sha bungli mung galaw tsawm tsawm htap htap mung rai nga re ngu na kasha mung myit malai lu mat na dai shani kaw na gaw kawa nta nga yang kade ram pyaw ai ngu hpe e dum nna kawa hpe chyeju mung dum re na shan wa grai pyaw na nga mat ai da htum sai maumwi gaw. . Language as given: Jinghpaw
Format:Digitised: no Media: Audio
Identifier:KK1-0891
Identifier (URI):http://catalog.paradisec.org.au/repository/KK1/0891
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0891/KK1-0891-A.mp3
http://catalog.paradisec.org.au/repository/KK1/0891/KK1-0891-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0891
DateStamp:  2018-10-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Lu Htoi (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0891
Up-to-date as of: Tue Feb 11 15:36:25 EST 2020