OLAC Record
oai:paradisec.org.au:KK1-0879

Metadata
Title:Mungji Mung hte shadan Hkum Tsai ni majan kasat ai lam (The battle between Mungji Mung and Hkum Tsai)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Lu Htoi (speaker), 2017. Mungji Mung hte shadan Hkum Tsai ni majan kasat ai lam (The battle between Mungji Mung and Hkum Tsai). X-WAV/MPEG/XML. KK1-0879 at catalog.paradisec.org.au. https://dx.doi.org/10.4225/72/5989e6159d3d1
Contributor (compiler):Keita Kurabe
Contributor (depositor):Keita Kurabe
Contributor (speaker):M. Lu Htoi
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-12
Date Created (W3CDTF):2017-02-12
Description:Moi anhte mungji mung ni gaw shara magup shara tam hkawm, gara shara kaw htuk yang grau mai na ngu tam hkawm ai shaloi oh ra ya nga ai mungji htingnu kawng oh ra kaw kade n de ma grai mu mada re na kahtet mung nau n kahtet katsi mung nau n katsi re na grai nga pyaw na n bung katsi ni mung grai lu ai shara re da. Dai majaw anhte kaji kawoi ni dai shara kaw lata la na htingnu kawng kaw e mare de ai da. Mare de na nga hkrat wa yang she kadai mung kade du, anhte na du gaw dai mungji du zau awng ya doi ling naw nga ai gaw. Doi ling naw nga ai dai ni re gaw, dai ni hpe mungji du ni she bungli galaw shingjawng, oh ra shadan ni mung shanhte na du ni na yi hkyen shingjawng yang mung ndai mungji ga na ni chyu chyu dang mat da, yi hkyen shingjawng yang mung dang mat nta galaw shingjawng yang mung mungji ni shawng dang mat re na she dang chyu dang, lani mi gaw yi wa bai galaw shingjawng sai da. Du ni na yi wa bai galaw shingjawng sai da, ndai mungji bu ni dang mat re na dang chyu dang na shanhte ndang na gaya na shanhte gaw myit magaw nna majan gasat na kadai n chye ai sha i ndai lagu nna ndai mungji bu hpe e lagu sat na maw ai da. Shing re nna she lagu sat kau na maw nna lana de mi gaw oh ra htingni kawng na ngu gaw oh mare jahtum le lung wa yang du ai dai lam gaw oh ra shanhte wa ai lam ang ai nre i, lam kaba law de lung wa ai lam re, e dai hku na she jau jau sa, moi na ni gaw yi galaw sha jan du jang she yi de na wa ai gaw. Shaloi she jau jau shanhte na plan gaw ndai nam kaw makoi nga na sumup kaw makoi nga na she shanhte 1, 2 ngu la na she yi de na ni yi wa na yan re wa yang she wa sai i nga ahtum ai hte shingdu de na kahtam na jasat sharu kau na hku re da. Dai hku ngu myit ai wa she yan wa sai da dai shanhte sa makoi nga sai da. Mungji mung na ni e sat kau na hku na yi wa na lam yi sa wa ai na bai wa ai lam de e shanhte makoi taw nga yang she wa sai da kaja wa. Kaja wa yi dan na wa sai da, oh ra ni gaw hpa n chye ai, wa yang she gaw de langai mi lawm ai da yaw, gaw de langai mi lawm ai wa she dai lam hkawm yang dai oh ra moi gaw htum hpau prat re nrai, htum hpau prat re nga wuntsi lang ai prat, wuntsi manam ai zen ai ni gaw dai na de gaw aw lak lai ai hpyen du ai nga myit nna yawng akatsi nga na myit sha re hkawm na shaga mung nshaga hkat mat masai da. Shaloi gaw mana langai mi wa she *shaw shi nanra * shaw shi nan ra ngu ai gaw jinghpaw ga hku nga yang wuntsi manam ai nga da. Dum mat na sai ngu na shanhte gaw kaja wa sha shing nga tsun ai hte n kau mi gaw hto de, lai mat wa ai ni gaw hto chyang mat wa nre i, nkau mi gaw dai kaw mahka taw nga ai dai kaw she hpyen ni dai kaw shang na, nkau mi gaw le de kahtam hkrat wa, nkau mi hto de kahtam hkrat wa rai, kahtam hkrai kahtam hkat na, kahtam hkrai kahtam, kahtam hkrai kahtam na she kade ya mi kahtam sat ai mi re yi hku lai wa, mungji ni a yi hku lai wa yang yi hku lai wa yang mung mam yi ni majoi mi hkyen kabai kau da da. Mana ndai ni sha na anhte dang sha ai ngu na wat yi ni majoi hkyen kau da, hpa mu hpa gasat re na di kau da na shanhte shadan ga de wa mat na she mungji ni bai shadan ni e bai gasat ai da. Shadan ni e bai gasat yang gaw oh ra mam yi i, mam yi hku ga lai wa jang e mana mung e mana ngu na nhtu hte ning di kahtam kau na lai ai da. Shingrai na gasat hkat na she majan gasat hkat na karai n gasat hkat shi yang she mwi jang n kau mi gaw dai manang ni majan gasat nga ai le i, majan gasat nga ai ohra de hkum tsai ni shadan ni e naw gasat ra ai nrai dai ni e gasat na bawng taw nga yang she mwi jang nkau mi gaw majan gasat na yawng si mat ma yang gaw mwi jang n lu htum mat na ngu na nkau mi hto miwa ga de hprawng ai da. Miwa ga de hprawng ai gaw ndai la 6 re yen nau ni kaw na matu lakung dai de hprawng mat ai le, miwa ga de hprawng mat ai, ya ban prat 3 re jang ndai ga de yu wa na bai dai miwa n kaja ai dai ni du ai kaw na ndai de bai hprawng hkrat wa na bai kahkyin mat ai. Majan byin nna dai hku mam yi ni e gaw nhkyen ya ai da. Re nna she maumwi gaw dai kaw htum sai reitim mung moi na ni ning nga tsun ai, ndai shadan ni gaw da mungji ni hte majan gasat yang e man yi hkyen ai majaw mam kade lu tim nlaw sha hkraw ai da yaw. Nye kanau kawja dai de num wa ai dai, e bawk e moi na ni tsun ai teng sam ai, mam 200 lu timmung oh mam nnan karai n lu yang ma mat sha arai nga ai, moi na ni tsun ai mam yi hkyen na nse n rawng ai nga grai jaw nga, anhte htingnu kawng ga gaw mam 100, 200 nga gaw sahte re sai yaw, sahte mam dang 60, 70 sha lu tim oh mam nnan bai lu sha hkra lu sha hkra hkra, moi gaw jak hte nhtu sha ai le, sharam na sha bye 2 bye 3 sha htu sha ai mi, jahpawt jau jau rawt, n kau ni gaw shat shadu, nkau mi gaw mamhtu re nna she yi de bai yawng yan mat wa wa re grai law sha ai da, nse nga ai da. Ya du hkra masha ni moi na dinggai dingla ni hkai taw nga ai hte ya anhte kaba wa ai ni bai maram yu ai shaloi dai hku byin taw nga ai da. mam numla byawng mat, nse n nga mat ai da. Shing re na majan gasat hkat mat ai gaw oh htingnu kawng made de ai tsun sai i, aw dai majan gasat hkat ai gaw kade ning e ang ai i nga yang she, AD 1806 ning hta ang ai, dai shadan ni hte mungji ni majan byin ai, AD 1806 ning re yang gaw htingnu kawng mare de ai gaw ngai wa sawn yu ai hpang gaw 1680 ning anhte htingnu kawng mare de ai gaw 1680 ning re yang she , shadan ni hte mungji ni majan gasat ai gaw 1806 ning nga yang gaw dai gaw hpang jahtum na gasat ai ga rai nga. Gasat sai ga re nga dai shadan ni hte oh ra shadan ni hte na majan le i, dai gasat ai kaw e kadai dai lawm ai garum lawm ai i nga yang e sumlut ni garum lawm ai da. Sumlut ni gasat garum ai majaw sumlut ni hpe e mungji ga daw mi nignhpawt mare hpe e garan jaw kau na dai ni du hkra kahpu kanau re na nga taw nga ai da. Sumlut ni hte mwi jang ni shanhte sadung ga de yu wa yang mung hpu ja gun nna mwi jang ni a nta kaw hpu gun shang na kahpu kanau ngu ga ngu na ja jaw hkat ai re da. Dai majan gasat ai gaw ngai sawn yu ai shaloi i dai hkum tsai ni hte e n dai mungji ni majan gasat hkat ai gaw ya ndai hku oh ra hpung sara ni ndai hku kahtawng gara kaw kade ning mi kahtawng de ai nga nrai. Anhte sama ginwang na kahtawng de ai nga dai kaw e labau sagawn ai gaw oh Hpung Up sara Dau Ze dabak yang na re da, retim htingnu kawng gaw galoi de ai re n chye ai da. Dai majaw ngai gaw labau ma ka ai re majaw htingnu kawng na mare de ai labau sagawn yang she kade ning daram re i nga yang, majan gasat hkat ai gaw.. Language as given: Jinghpaw
Format:Digitised: no Media: Audio
Identifier:KK1-0879
Identifier (URI):http://catalog.paradisec.org.au/repository/KK1/0879
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0879/KK1-0879-A.wav
http://catalog.paradisec.org.au/repository/KK1/0879/KK1-0879-A.mp3
http://catalog.paradisec.org.au/repository/KK1/0879/KK1-0879-B.mp3
http://catalog.paradisec.org.au/repository/KK1/0879/KK1-0879-B.wav
http://catalog.paradisec.org.au/repository/KK1/0879/KK1-0879-B.eaf
http://catalog.paradisec.org.au/repository/KK1/0879/KK1-0879-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0879
DateStamp:  2018-10-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Lu Htoi (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0879
Up-to-date as of: Sat Nov 14 14:24:45 EST 2020