OLAC Record
oai:paradisec.org.au:KK1-0877

Metadata
Title:Man ngu ai she nga jin ngu n nga (The fisherman and his lazy wife)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Lu Htoi (speaker), 2017. Man ngu ai she nga jin ngu n nga (The fisherman and his lazy wife). X-WAV/MPEG. KK1-0877 at catalog.paradisec.org.au. https://dx.doi.org/10.4225/72/5989e6113db34
Contributor (compiler):Keita Kurabe
Contributor (depositor):Keita Kurabe
Contributor (speaker):M. Lu Htoi
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-12
Date Created (W3CDTF):2017-02-12
Description:Moi kalang mi da kahtawng langai mi kaw e madu jan hte madu wa sha re kasha mung nlu re yen la nga ai da. Dai yen la gaw dai la dai wa gaw lagawn gaw grai lagawn ai, retim nga grai chye hkoi ai da. Madu jan mung grai lagawn na nta sha, madu wa la wa ai nga ni la na sha shadu du rai, shat ni mung n kau mi e gaw, nga n kau mi dut na nkau mi e gaw sihtu shadu sha re na grai pyaw na nta n galaw ai da, hpun pawt hkan sha nga ai da. Hpun pawt hkan sha nga re na grai pyaw dum ai da, shan gaw shingrai madu wa mung nga sa hkoi la, bai du wa, madu jan shani ting ting hpa ngalaw ra, madu wa du wa jang e dai nga si htu shadu na lit dai sa lu na shingrai na nga part galu wa sai da. Dai wa she dai hku nga na matsan she matsan rai, lani mi na gaw sagya wa gaw shan hpe chyam yu ai le i, ndai yen gaw prat tup na sha hkoi sha na oh ran rai nga na gaw prat jahtum na nga sam ai, dai re majaw gaw ndai yen e gaw loi gaw yu gaw yu ra sai, ngu nna sagya wa gaw dai hku ngu myit ai da. Dai majaw gaw lani mi gaw madu wa nga sa hkoi nga, shani tup dawn tim nlu, shana de jan du si yang she nga grai tsawm ai 1 mi sha lu ai da. Dai gaw ja nga re na hku nga grai tsawm ai nga yang gaw 1 mi lu ai da. Shaloi she ga a ya ngai pyi jan du wa ai hte rai nga yang ndai te sha law sha lu ai gaw chye kaji tim la wa na re ngu na la na maw yang dai nga wa ga shaga wa ai da. E shinggyin masha nga hkoi sha ai wa e nang la wa tim shadu sha tim kan nhkru re majaw gaw ngai hpe matsan dum rit bai dat kau dat rit. Nang ra ai hpa retim mung hpyi u ngu ai da. Nang ra ai rai sa hpyi hpyi re u, ngai jaw na ngu shaloi ya dai na mung shat hpa n sha ai, nye madu jan gaw pawt na rai sai ngu yang, dai re yang nang hpa ra ai ngu yang dai na sha na malu masha ra ai, e e wa su wa nna she madu jan gaw du wa ai da. Du wa yang she hpa mung n la wa ai wa re gaw dai na gaw nhpa sha sa na ngu yang e dai ni ting nga dawn ai nga kachyi sha law lu ai majaw shadu sha mung n law, retim la wa na ngu, retim shi wa she ngai hpe grai tawngban ai, matsan dum la, shadu sha mung n law re majaw matsan dum la, nang ra ai hpyi u na majaw ngai dai na sha na malu masha ra ai ngu yang nta du wa yu u, nga dat ai ngu yang she hka rai ya gaw reng, dai ni na nga e an hpe gaw dai na malu masha sha ra ai, malu masha jaw sha u ngu yang, kaja wa sha sha na malu masha ni (asintin) re nga yaw na shan gaw dai sha na hkru mat sai da. Hpang jahpawt bai rawt ai shaloi gaw madu jan bai nga sai, grai lawhpa wa sai da, nga na nta mung hpyi u le, na dai sha mi hpyi ai gaw nta tsawm tsawm re ai grai tsawm grai hkyik grai hkam ai nta mung hpyi u le ngu dai hku madu e shing ngu. Kaja wa sha hpang shani bai sa na nga bai dawn yang gaw nga bai nlu hkraw re na dai nga e bai sa shaga ai da. Dai panglai na ja nga e pru wa yu rit ngu, nang hpa baw ra ai ngu she, nye madu jan tsun yang nta grai hkyik ai grai tsawm htap ai ra ai da nga, e wa yu ngu, wa yang she kaja wa sha grai tsawm hkyik hkam ai nta kaba ni nga nga la ai da. Nga nga la she madu jan bai pawt sai da. Pawt hkrai pawt da, ya gaw nta sha hpyi nna gaw makau hkan ni, ndaw yang hkan ni, nampu nampan ni tsawm ai gaw n tsun shalawm ai wa mi, nta (kadinpauk) ni mung grai law re ai hpyi u le nga dat ai da, dai hku nga dat na kaja wa bai sa ai da. Dai panglai kaw na nga kasha hpe sa tsun da, wa yu nga, wa yu yang kaja sha nta mung grai tsawm htap nna nampu nampan hte hprek re sai da, retim dai ni sha yu chyai na madu jan jan gaw pyaw she pyaw, pyaw she pyaw na kahkrang hkrai kahkrang hkawm ai da. Retim mung shat kaw si taw nga da, shat kaw si sha na gaw hpa n lu re majaw madu wa e bai pawt she pawt na, nang gaw nta sha lu ai dai nampan sun sha yu yang gaw hkru mung n hkru wa, kawsi nga le shat mung hpa n sha nga le malu masha mung hpyi shalawm mu le nga na she madu wa gaw dai de bai sa sai da. Sa yang mung dai bai sa tsun dan jang dai shawoi na hte maren *e e nang tsun ai ngai chye na sai * bai wa yu yang kaja wa sha sha na malu masha ni mung aten du jang e lu sha sha re na she dai nta kaw e tsawm tsawm htap htap rai nga yang gaw ga a dun ye ye ra ai wa ai hte, nta (chantike) ra ai hte, nampan sun hka gaw jaw ra wa hte, bungli grai law mat na she madu jan gaw myik dik ai ngu mung nnga pawt chyu pawt sa tsang na ya gaw bungli mung grai law sai, grai ba ai. Shatsawm jahtap rai hte grai ba ai, ndan re kaw n kam nga sai, goi kaning re bai nga mayu ai rai moi an nnan naw nga yang na hpun pawt dai de bai nga mayu sai nga da. Shingrai na nang gaw nga sha hkoi, nga shan sha shadu sha re sha nga mayu ai nga, e e mai ai nga na she dai nga kaw bai sa nna nga e bai sa shaga la na bai tsun ai da shaloi she nye madu jan gaw da hpa kade hkyik ai nta kaw nga timmung lagawn ai majaw n kam nga ai da. Dai majaw panglai na nga wa e nye madu jan tsun yang e moi na hpun pawt kaw nga si htu sha shadu sha rai nga mayu ai da. E e re jang gaw re sai ngu, wa sa nu nang mu na re ngu bai wa yu yang she madu jan wa she moi nga hpun pawt dai kaw wa she grai pyaw rai wa nga taw nga da. Dai kaw na gaw shan gaw kaji daw de mung dan re nga pyaw dum ai re majaw dai kaw sha pyaw dum ai da. Shingrai na prat tup dai hpun pawt kaw sha hpun pawt hkan sha yup re na nga na nga hkoi sha na sha nga mat ai da. Dai majaw jinghpaw ga malai jin ngu gaw nnga ia da, man ngu sha nga ia da. Dai majaw shan gaw moi hpun pawt kaw nga yang grai pyaw dum ai majaw hpun pawt kaw sha nga na nga mat masai da. . Language as given: Jinghpaw
Format:Digitised: no Media: Audio
Identifier:KK1-0877
Identifier (URI):http://catalog.paradisec.org.au/repository/KK1/0877
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0877/KK1-0877-A.wav
http://catalog.paradisec.org.au/repository/KK1/0877/KK1-0877-A.mp3
http://catalog.paradisec.org.au/repository/KK1/0877/KK1-0877-B.wav
http://catalog.paradisec.org.au/repository/KK1/0877/KK1-0877-B.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0877
DateStamp:  2018-10-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Lu Htoi (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0877
Up-to-date as of: Thu Sep 3 17:39:22 EDT 2020