OLAC Record
oai:paradisec.org.au:KK1-0816

Metadata
Title:Kahtan kaw mi tai mi sha tu ai nat (The child spirit with one eye)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), C. Nu Mai (speaker), 2017. Kahtan kaw mi tai mi sha tu ai nat (The child spirit with one eye). X-WAV/MPEG. KK1-0816 at catalog.paradisec.org.au. https://dx.doi.org/10.4225/72/5989e50c71801
Contributor (compiler):Keita Kurabe
Contributor (depositor):Keita Kurabe
Contributor (speaker):C. Nu Mai
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-12
Date Created (W3CDTF):2017-02-12
Description:Ya ngai tsun na maumwi gaw myi kahtang kaw myi langai sha tu ai myi tai mi sha tu ai nat a lam re ai, nat num nat kasha a lam re ai, moi shawng de da mare langai mi kaw da num kasha grai tsawm ai num kasha langai mi nga ai da, dai num kasha gaw dai maren ting kaw loi mi tsawm ai da, deng she lani mi na teng hta gaw dai num kasha hpe gaw nat ni jahkrung woi la kau ai da, nat ni jahkrung woi la nna she, dai num kasha she nat la nat shabrang gaw dinghku de mat ai da, rau nga mat ai, rau nga mat re she mare masha ni mung num kasha langai mat mat na shanhte gaw hkan tam ai da, hkan tam re she htaw n lung marit marawt re shara kaw num kasha langai mi sha shi hkrai sha nga taw nga ai, nga taw nga re she dai mu tim shanhte gaw dai num kasha hpe n lu woi la mat ai da, dai num kasha hpe shanhte sa woi la na ngu yang shanhte n lu woi la ma ai da, dang re na rai tim mung shanhte gaw num kasha dai apyaw sha re nga ai mu jang shanhte gaw dai hku sha yu taw nga ai da, re she lani mi na teng hta num kasha dai gaw kanu kawa Nta de wa ai da, kanu kawa nta de wa na she kanu kawa ni gaw yi galaw sha ai, kanu ni gaw ya mam ting maw sai nga yang she num kasha dai gaw wa na tsun aid da, nu dai ni anhte hpe ngai mam sa ting lawm na re yaw ngai masha ma law law shaga sa wa na dai lang ra ai ni law law la sa da, ngut jang shat ma law law aw shat ni lu sha law law la sa wa mi yaw ngai masha woi sa wa na ngai galaw lawm na re ngu tsun ai da, shaloi she mai ai mai ai ngu na she kanu ni gaw kaja wa yi de lu sha law law sha chyip gun na she sa mat wa sai da, sa mat wa re she yi kaw du ai shaloi kasha jan gaw shi na ma hpe she kanu hpe ya da ai da, nu ndai ma hpe woi da u ngai bungli galaw lawm na rai tim mung nu nang ma ndai hpe hkum yu yaw ngu tsun ai da, hkum yu ngu na she e ngu na she kanu mung kaja wa ba gaw ba tawn da ya ai da, n yu ai da, oh shi masha grai woi sa wa na nga tsun shi hkrai sha wa mi sa wa ngu na kanu gaw myit na she, loi hkring gaw kaja wa sha shanhte gaw nta masha ni shanhte gaw n mu ai wa bungli galaw oh grai ngut mat wa ai da, mam ting ai ni mung shawt shawt shawt grai ting ngut mat wa re she, shani shat sha re she dai kasha jan gaw jaw hkrai jaw hkawm da, jaw hkrai jaw hkawm, jaw hkrai jawm hkrawm re she kasha jan gaw mu ai da, kanu ni gaw n mu re she bungli gaw dai hku ngut mat sai da, mam ting ai ngut mat wa re she mam mu na teng bai du wa sai da, mam mu teng du wa yang mung dai hku sha re ai da, kanu jan hpe she ma tawn da nna hkum yu yaw nu ngu sha ngu ai da, hpa byin ai ma ngu yang hkum yu nu nang hkum yu sha ngu tsun ai da, re she dai mam mu ai shaloi mung dai hku sha re ai da, kasha jan gaw shi a nat salung sala n i hpe woi sa wa na she mu kau ya mu kau ya mu kau ya kanu ni gaw kade lang yu tim mung ma ndai gaw masha law law shaga sa wa na gaw nga anhte gaw hpa mi n mu ai mi, shi gaw mam gaw bai grai mu lu hpa baw ni wa re i ngu na mau ai da, re mam mung dai hku mu kau hpang sha ning yi hkyen ta bai du yang mung ngai dai ni yi sa hkyen lawm na yaw nu nanhte hpe ngu na dai hku sha bai tsun ai da, Ma gaw kanu hpe dai hku sha ba shangun ai hpang lahkawng masum mali yang rai wa yang gaw kanu gaw grai yu mayu ai myit rawng wa ai da, grai yu mayu ai myit rawng wa na she hpang shani na mam hkai ta kaw she mam ting ta kaw du ai shaloi she kanu gaw lani mi na teng hta kanu lagu yu ai da, kashu ngu na hpe lagu yu dat yang she, ndai kahtang kaw she myi langai sha tu taw ai mu jang she e kajawng kaja hte bai magap kau ai da, kanu gaw magap kau na dai hku sha nga taw nga yang she rai tim mung nat ni gaw shi hpe mu ai re nga she kasha jan chye kau ai da, kasha jan chye kau re she, nu nang hpe ngai tsun ai le hkum yu ngu tsun ai le nang n mai yu ai hkum yu nu nang mu kau jang gaw ngai nu nang hpe n lu garum ya ai nang hpe ngai ya na zawn re na n lu garum mat sai dai majaw hkum yu she ngu yang mi hpa majaw yu ai rai ngu ai da, e ya kawn na gaw ngai nu nang hpe n lu garum na sai nu nang hpe ya ngai hpu jaw sha na garum gaw nang hpe ngai ya hpang de gaw n lu garum na sai nu nang hte ngai mai n mai mu hkat na sai. Nanhte kaw ngai nlu wa sai dai majaw ya lana de mi u-lawn kaba galaw da mi mung ngu tsun ai da, u-lawn kaba ni ma galaw da na nhku hkan ni ma atsawm seng tawn da nna e shing noi ni ma law law ja da mung ngu tsun ai da, kasha jan gaw kanu gaw kasha jan dai hku tsun jang mau mau nga na she hkrit mung hkrit mat ai da, dai kasha jan na myi dai tu ai kasha hpe wa mu kau jang she hkrit nna she kaja wa wa nna she, lana de mi gaw kasha jan dai hku tsun da ai hpe she ha..kaning re u-lawn kaba wa mi hpa wa sa di na kun i ngu na she, dai nta npu kaw kaji mi sha kum da ai da, bai kum da nna shanhte gaw kadai ma nsin taw nga ai da, nta sha wa mat wa re she aw yi de sa mat wa ai da, yi de sa mat wa re she, lana de mi na shanhte wa yang she, maren ting shan nga le i shan nga jahkyi ni sum pung sum pa ball lone pa hkan mya she rai dang re taw ai da, shanhte u-lawn kaw gaw kaji sha law nga dai kaw gaw kaji mi sha rawng taw ai da, law law wa gaw maren hkan ni prang taw nga ai da, prang taw nga ya ndai gaw hpa baw byin wa ai ga wa re i ngu mau mat ai da, mau mat na she nhku de shang wa yu yang mung ja ni tawn da ya ai da, re gaw kasha jan gaw dai kanu yan kawa hpe dai hpu jaw sha ai ngu na shanhte nat ni nat ni hpu sa jaw ai hku na she shanhte ja ni sa tawn da ya na dai shanhte a dusat dumyen ni hpe ma sa bang sa gau jaw ai wa she shanhte u-lawn kaba n galaw da na she dai dusat dumyen ni gaw shanhte kaji sha lu la nna ngam ai ni gaw yawng bai nam de shang mat ma mare masha ni wa jang gaw hkrit na yawng hprawng bra mat ma re na shanhte kum tawn da ai kaji sha law u-lawn kaw rawng ai hte sha shanhte lu la ma ai da, dai shani kaw na kasha jan hpe ma kasha jan tsun ai ga hpe kanu n madat kau ai majaw dai shani kaw na kasha jan gaw shan kanu yan kawa hpe n lu garum mat kasha jan hpe mung nhkrum mat ma ai da.. Language as given: Jinghpaw
Format:Digitised: no Media: Audio
Identifier:KK1-0816
Identifier (URI):http://catalog.paradisec.org.au/repository/KK1/0816
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0816/KK1-0816-A.wav
http://catalog.paradisec.org.au/repository/KK1/0816/KK1-0816-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0816
DateStamp:  2017-10-25
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); C. Nu Mai (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0816
Up-to-date as of: Sat Nov 14 14:24:37 EST 2020