OLAC Record
oai:paradisec.org.au:KK1-0800

Metadata
Title:Nhkum ni nat dama lu ai lam (The Nhkum people who got spirits as their wife-takers)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Lu Htoi (speaker), 2017; Nhkum ni nat dama lu ai lam (The Nhkum people who got spirits as their wife-takers), MPEG/X-WAV, 2020-03-20. DOI: 10.4225/72/5989e4c8000b7
Contributor (compiler):Keita Kurabe
Contributor (depositor):Keita Kurabe
Contributor (speaker):M. Lu Htoi
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-11
Date Created (W3CDTF):2017-02-11
Description:Moi shawng de da nhkum ni gaw nat dauma lu ai da, kaning re i nga yang she dai dai e nhkum la wa gaw jau gawn hkrai gawn sha, oh nam na dusat dumyen chyu chyu gap chyu gap sha ai, gap chyu gap sha ai da nat ma chye dumsa ai da, dai jau gawn wa gaw nat ma chye dimsa ai wa lani mi na gaw ashe dai oh nat ni na, shat nga langai mi gap hkrup ai da, dai dai gap gaw gap hkra sai wa gap hkra dat nna she, hkan hkrai hkan hkrai hkan hkrai hkan kade hkan tim mung nmu mat kade hkan tim nmu mat re na she e n mu mat yang gaw n sin sin mat ai da yaw n sin sin mat na mahtu yu ri nga ai nan na oh ra de na gaw nsin sin mat sai gaw oh ra kaw shang manam na re ngu na she dai de shang wa yu yang moi na shanhte kaji kawoi prat na e dai jan wa she mam hturu ri hte nga taw na hku nga, shi du ai hte kajawng ai hte ha ya nan de wa kaning re na dam pru wa a ta ya nan de gaw jahtum nat jahtum ni a shara she re gaw nga tsun ai da, nang hpa rai nan de du ai rai ngu yang htaw ashe shat nga langai mi gap dat ai dai hkan lung wa ai re ngu jang dai gaw anhte na jahtung ni na e she re gaw nang hpa re gap ai ndai nang grai shut sai, ndai ashe nan kahtang hprawn re na i kahtang hprawn re na le ni mai nhprawng ai gaw nmai gap ai ngu tsun ai da, dai kaw yawng ndai jahtum wa na rai re shan ma hkra gaw dai re ai, ya na gaw hkum gap sa yaw ngu na she shing re na she rai rai matep hpai nna bai shabawn kau dat ai da, bai wa ngu nna sha bawn kau dat yang she, e nta sha ndu yang hkum hpyan yu yaw ngu ai da, hkum hpyan yu yaw ngu kaja wa dai shi a moi na shi a kawoi ke ngu na dai wa ya dat ai dai la re na bai wa ya gaw nta du wa ai daram rai sai ngu na hpyan dat yu yang she lam n mu mat ai, lam lamu kaba ru she lam n mu mat re she e dai hku tsawm mari sha nta bai du mat wa ai da, shing re nga re gaw hpang yi gaw htaw ra ashe dai kagu dingla ngu na shanhte shinggyim nhkum num la ai i dai kagu dingla ngu na wa gaw machyi hkrai machyi, machyi hkrai machyi re wa machyi hkrai machyi rai wa yang she, kaning nchye di na she dai moi kalang mi shanhte a shan nga Langai gap dat ai nre i dai jau gawn dai wa gaw dumsa grai chye ai da nga ai majaw jau gawn dai hpe sa shaga ai da, sa shaga yang she e ngai hpa n chye ai law ngu rai tim laga kadai hpe n chye shaga sai nang hpe sha shaga sa na ngu na she dai moi na shi woi wa shangun dat ai re ngu na sa ai da, shaloi gaw le nta kaw na tsawm ra tsang ai shara kaw du jang gaw myi di dat u myi masum lang ni ni di na myi di dat u ngu ai da, myi di dat jang she lam lamaw kaba re laru ru mat ai de sa hkrai sa sa hkrai sa, sa hkrai sa mat wa jang she kaja wa sha kaja wa nat mung kaw du yang she ni nga ai da, nang hkum hkrit yaw htaw ashe nta chyinghka lam kaw gaw sharaw gaw sharaw hpe gwi shatai nna chyinghka lam sin ai da, nye karat ni ma yawng myi langai langai sha tu ai re da, dai majaw dai nat jahtung re ai majaw gaw dai nye gu gaw baw grai hpraw sai re ai hkum kajawng yaw ngu tsun ai, e dai shi mung sadi nna sa wa nna dai jahtung dingla hpe e nat sa, jahtung ni wa mung nat galaw dumsa sa sam ai gaw, dumsa sa nna mai mat sai da. Mai mat na she nang hpe hpa n chye jaw ai rai yang i le wa nna e hpu law law dat na yaw nga ai da, hpu law law jaw na e ngu na she kaja wa sha moi na dai shi na kawoi ngu na dai hpe gaw masha shinggyim sha jahkrung woi wa ai re majaw jahkrung anan na ai da yaw, jahkrung anan nga ai da, dai de shing rai shing ngu na rai ai wa she hpang dai nta bai du wa yang gaw jahkyi shat nga ni wa nam de n tam la ra sai nta makau hkan sha htaw hkawat hkan sha majoi mi sha jing hkyen majoi mi sha sat sha sha re grai sat sha mai ai da, grai sat sha lu ai da shanhte gaw dai nam shan sha sha nna nga ai da, dai hpang rai yang e ndai dai shanhte kawoi wa ngu na wa ashe dinggai mat ai shaloi dinggai wa na kasha nat jahtung kasha ma lu sai da, dai ba nna dai mayu ga de naw wa ai da yaw, mayu ga de wa yang she ma dai gaw kadai mung n hpaw yu nmai hpaw yu ai da, kadai mung nmai yu ai ngu tsun ai da, kadai mung n mai yu ai ngu shani hkan ni ga ni sa ya re ai da, dai shinggyim masha dai wa ga ni sa yaw yi magan sa ya, ga ni sa ya re. Shi kasha ye gaw magap hkrai magap tawn da kanu sha n wa dingsan gaw n rawt ai da, shi nu hpe she e nu nye kasha hkum yu ya yaw ngu yang e e e ngu na ga sa shangun na grai jau shang ai wa she lani mi na nhtoi hta gaw gar nye kasha she lu tawn da ai kashu wa mi yu n mai ai nga mi dai ni na gaw naw lagu yu na re ngu na kawoi ke ngu na wa she lagu hpaw yu ya gaw myi langai sha tu ai da law shaloi jang she shana de ga de na wa jang nye kasha yu ya sai ngai nkam nga sai wa sa na ngu na wa mat wa ai da, wa mat wa ai hpa hpu mung n bang ai ngu na nanhte jahkyi shat nga ni grai gam sha lu ai dai hpu bang ai re le anhte e nye gu ni nye karat ni nanhte hpe hpu bang ai re kade mung mai sat sha ai yaw ngu tsun kau da ai da, shaloi kanu e nang ngai sha nga ai de e ngai mung hkan nan mayu ai law ngu na kanu ma hkan nan ai da, e hkum hkrit yaw sharaw ma nga ai, nye karat ni nye kagu ni ma yawng mi langai ngai sha tu ai re e nang n hkrit na re hkan nan u hkan nan na, kaja wa sha wu lam lam kaw mana maka lamawng lam wa Mana maka pyaw nna nga ai wa she sa ai wa she yawng yawng myi ntu hkrai hkrai shana de shi karat ni re nga kagu ni re nga ai wa mung yawng myi langai ngai sha tu ai kaman man dai shi ba wa ai kasha mung e myi langai sha tu re na hpang jahpawt gaw chye wa sa na re ngu wa mat na she rai makai bai shangun dat ai da, kanu hpe rai makai nu nan dai nta ndu yang hkum hpyan yu law ngu na ya dat ai wa lam lamawn ru ru bai wa chye ya mung nta du ni sai mu ngu hpyan yu yang gaw gamang wa lam mung mat mat ai tsam mari sha bai du wa ai da, dai kaw na gaw aw ndai ni e nat nat jahtung re ngu chye mat ai kaw na gaw ndai nhkum ni gaw grai sadi sai da, dai kaw na gaw grai sadi maja sai kade sadi maja tim ndai gu nhkum naw na e kajan tsawm ai sha la ai da yaw nat dai ni gaw nhkum lung le grai tsawm ai da naw kaji ai grai tsawm ai she shani hkan ni kaba ni n nga nta ma ni hkrai sha nga jang masha ni sa shaga jang hkum htang yaw nga ai da, aw dai shawng ye shi kamoi langai mi naw la ai da law dai she num sa hpyi sa ai. Kanam makyin hpyi sa ai ngu na sa hpyi yang she n ya dat ai da, nanhte jahtung nat jahtung re ngu na dai grai tsawm ai hkra sha bai hpyi hpyi re ai majaw nya dat ai shi wa mat jang she si mat ai da, lama wa ya dat yang gaw dai ahkrun wa nga mai ai da, rai tim mung nra dat jang gaw shanhte si mat nna num la woi mat wa ai le, e numla woi mat wa re dai kaw na gaw nat ni hte gaw dai kaw na gaw tsang hkrai tsan mat wa sai hku rai nga dai ah gu na kajan ma lung nga grai tsawm langai bai nga ai naw kaji ai shaloi lani mi kaba ai ni gaw htaw bungli sa mat re shanhte ma ni hkrai nta nga she kadai shaga tim hkum htang yaw nga she kaja wa a katsin nga mare tim kadai n nga jang wa she, e nta madu ni e nta madu ni nga na lahpaw htak sa ga le le nga hku kaw na mada yu yang kadai mung n nga ai da, masha mung n nga ai wa kamang wa dai hku shaga ai da, e dai dai majaw e shanhte nat re ai nat ni sa shaga ai chye mat ai majaw gaw dai hku re na nat ni nat dama ma nat ni kaw ma n wa mat re na ya ndai karai kasang hpe kam sham na Hpum shang mat na nat ni kaw n wa ra mat sai, rai tim dai shanhte na dai bum dai de e bau ngoi sa gaw na gaw dai mare na masha langai ngai si ai galoi mung dai nhkum ni a nat bum dai de e bau ngoi jang gaw masha langai si ai, dai hpe e dai kaw na nat hpe kadai sha chyut kau ai nga hpun up sara latau naw sha chyut kau ai, dai shaning wa malap kau nga ai le hpun up sara latau naw ya gaw n nga mat sai le i, dai nhkum ni na nat bum seng bum dai de le, dai de dai de wa sha chyut re she sara latau naw gaw nat nat masum hpe mying chye ai da, nat masum hpe mying chye nna dai nat dai ni kaning san ai u hpe jawng ai ngu dai hpe u sumla kaba woi galaw ai da, aw ban sau yang na masha ni hpe e dai ni gaw nhkum ni a nat bum de na dai de kai htum kai lang ni da nga ai da, kai htum kai lang ni atsawm tsawm sha re ai oh kata de hku ni hku ai da, kaja wa sha htu sha mai ai ni nga ai da, dai dai sha chyut kau na rai sai dai majaw gaw maren ting sa u ngu shaga yang she, shaga yang she oh anhte ashawng ye karat na kash nhkum naw Nau n kam ai tim sa gaw sa ai da, sa nna u kaba ba law ai galaw na she e ga matang nna dum sa zawn zawn nga ai le i moi na dumsa zawn zawn nga nna hpun up gaw re rai tim mung dai nat masum na mying gan nna nang gaw oh ra kaw jawng nang gaw dai kaw jawng nang gaw dai kaw jawng re na dai ni gaw ndai gaw lahpan pa nga du sai re ai majaw gaw nang ndai kaw n mai nga sai re majaw gaw nang myit hkawn ai laga de htawt mat sa nu yaw ngu na akyu ma hpyi re na ga tsun majai nna e dai shapyet kau ya ai hte wat nbung swi nga lapra ni mawn re mat na nhkum naw pi nshun si she hprwi nga nna kam mat ai da, dai kaw na ya dai bau ma ndum mat sai masha ma nsi mat sai, dai ban sau yang htaw ra maga de na nhkum ni na nat dama nga ai bum dai.. Language as given: Jinghpaw
Format:Digitised: no Media: Audio
Identifier:KK1-0800
Identifier (URI):http://catalog.paradisec.org.au/repository/KK1/0800
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0800/KK1-0800-A.mp3
http://catalog.paradisec.org.au/repository/KK1/0800/KK1-0800-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0800
DateStamp:  2017-10-25
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Lu Htoi (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0800
Up-to-date as of: Fri Mar 20 15:22:48 EDT 2020