OLAC Record
oai:paradisec.org.au:KK1-0795

Metadata
Title:Chyinraw ja sha ai yan la a lam (The lucky fish)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Hkawn Ra (speaker), 2017; Chyinraw ja sha ai yan la a lam (The lucky fish), MPEG/X-WAV, 2020-03-20. DOI: 10.4225/72/5989e4b6dce19
Contributor (compiler):Keita Kurabe
Contributor (depositor):Keita Kurabe
Contributor (speaker):M. Hkawn Ra
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-11
Date Created (W3CDTF):2017-02-11
Description:Chyinraw ja sha ai yan la a lam re, Moi shawng de da chyinraw ja sha ai asak grai kaba sai kashu kasha mung nlu ai dinggai yan dingla lahkawng yan nga ma ai da. Dinggai jan shi gaw hpa she nchye tim nta kaw na ga she rat nga chye shaga ai dinggai rai na hku nga madu wa sha chyinraw ja re na lani mi na gaw chyinraw ja ai dai kaw wa Nga ya na hku nga yang ja Nga rai na hku nga grai tsawm ai Nga kasha langai mi hpe mu ja la ai da. Nga kasha langai mi hpe mu ja la re yang gaw shi gaw Nga dai hpe gaw shi gaw Nga dai hpe gaw shi gaw nta de la wa na hkyen re yang Nga dai kaw na wa ga shaga wa ai da. Yi dwila e ngai hpe hkum wa shadu sha kau yaw ngai hpe e hka de bai dat bang dat rit nan dwi la yan dwi hpabaw byin mayu yang ngai hpa baw kajang ya na ngu na tsun ai da. Dai shaloi dai dingla dai gaw Nga kasha dai hpe grai matsan dum ai myit hte shi gaw nan yan lahkawng ra sharawng ai hpabaw rai tsun u ngu tsun ai da. Dai shaloi gaw dingla dai gaw da yi an yan lahkawng ra sharawn ai gaw an lahkawng a nta gaw ya yang Grai anyawt anyat re na madi manyap re ai re ai majaw grai npyaw ai dai majaw an dinggai dwila yan dwi hpe nta grai kaja ai langai mi lajang ya rit ngu Nga kasha hpe tsun ai da. Dai shaloi Nga kasha gaw e ngai hpe hka de sha bai dat bang dat rit dwila nang hpa yi ra ai lam ni nga jang mung ndai hka kau kaw sa nna ngai hpe sa shaga rit yaw sa tsun rit yaw ngu na e tsun ai da. Dai shaloi ye she dai dai dingla wa dang ngu ai hte dingla wa gaw Nga kasha hpe e hka de dat bang kau dat ai sai da. Hka de dat bang kau dat re na she shi gaw hka de Nga dai hpe dat bang kau dat yang she shi nta de wa yu yang kaja wa sha shan dinggai yan dingla nga ai nta wa mi she kaja nan sha e ya na hku nga yang moe lung le lung re ai nta rai mat sai da. Maran ni hpa ni n madi ai nta rai mat ai da. Shi gaw dingla wa hpe e kaning re na dang re nta lu nga wa ai a ta ngu san yu ai shaloi shi mung madu jan hpe dai Nga kasha dai gaw kadai hpe mung hkum tsun dan yaw dwila e nang sha chye u ga ngu dat ai da. Rai tim mung shi gaw madu jan hpe Grai nkam tsun dang ai rai tim madu jan san ai majaw shi madu jan re nga dinggai dai hpe e tsun dang kau sai da. E dingai e dai ni ngai chyinraw ja sha ai gaw dang re Nga kasha hpe mu yang shi dai hku hpyi nem na ngai dai hku dat kau da ai le dai majaw shi an yan hpe ndang re nta jaw ai ngu ai da. Dinggai dai gaw grai myit kaba sai da lo grai re grai lu mayu wa sai da lo dai majaw dingla nang gaw ya kalang bai hta de nhtang sa na an lahkawng hpe e ja dibu ni ja ni jaw rit ngu sa tsun u ngu bai tsun ai da. Dai shaloi gaw dingla wa gaw nkam ai law ngai nsa tsun sai ndai hku lu nga ai grai hkrat sai ngu tsun tim sa tsun u sa nan sa tsun u ngu tsun ai da. Dai shaloi e dai dingla wa gaw gyinshan kut kut re na she daw hkrawng sha hpai re na hka shi chyinraw ja da ai hka de bai sa re na sa shaga sai da. E ja Nga e nang dwila hpe ga sadi jaw da ai hte maren dai ni bai pru wa rit dwila yan dwi hpe e ja dibu shamang ya rit le jaw ya rit le ngu na sa tsun ai shaloi gaw kaja wa sha dai ja Nga gaw e dwila hkum tsang Nta de wa su ngu tsun dat ai da. Dai shaloi dai nta de wa yu yang dai shan yan na nhtum kaw e ja dibu nga taw nga ai da. Dang re na shi gaw ja dibu nga taw dinggai dai gaw ja dibu lu tim bai nrai dum sai da lo laga grai bai ra mayu wa sai da lo, Dai re na shan yan lahkawng gaw bai hpyi sai da. E dingla nang gaw ndai sha mi hpyi wa ai gaw ya gaw an yan lahkawng kaw e an yan lahkawng nlu taw nga ai ja mung lu sai rai re yang gaw ya an yan lahkawng hpe gaw shadang sha la kasha jaw rit ngu bai sa hpyi u ngu tsun ai da. Dai shaloi gaw dingla wa gaw e kaning re na hpyi na rai e ngu tsun ai shaloi sa hpyi u ngu hkrai hkrai pawt nna madu wa gaw bai sa hpyi ai da. E Ja Nga e nang dwila hpe ga sadi jaw da ai hte mareng dai ni bai dwila yan dwi hpe e bai jaw rit la kasha shadang sha langai bai jaw rit ngu tsun ai da. Dai shaloi gaw dai ja Nga gaw aw shinggyim masha hpe du hkra shi shan yan hpe shabyin ya na gaw shi grai ngwi ai da. Dai shaloi gaw shi gaw dingla wa hpe tsun ai da. Dai dwila yan dwi hpyi ai shinggyim masha dai nbyin na nmai ai re ngu san ai da. Dai shaloi gaw dingla wa gaw madu jan hpe bai wa nna dinggai e dang nga ai le ngu tsun yang nbyin na nmai na re an yan gaw ra nan ra ai ngu tsun ai da. Dai shaloi gaw dai ja Nga gaw dai dingla wa hpe tsun dat ai da. Dwila e ngai jaw dat ai shinggyim masha dai gaw nan yan na matu gaw grai hkrat ai aru arai ni hta gaw grai nhkrat ai tai mat wa na re ai yaw ngu tsun dat ai da. Rai tim mung dingla wa gaw madu jan hpe bai wa tsun ai da. Dai shaloi madu jan mung ra nan ra ai ngu bai hpyi ai da. Dai shaloi gaw dai Ja Nga gaw grai nkam ai sha shinggyim masha langai hpe jaw dat ai da. Jaw dat ai gaw dai shinggyim masha gaw dinggai yan dingla wa kaw du mat wa re na dingla wa shan yan dingla nta de du mat wa dai dinggai jan shan yan nta kaw gaw shinggyim masha la shabrang langai mi nga taw sai da. Dai ja Nga gaw dingla wa hpe tsun dat ai grai nhkrat ai rai na re ngu tsun dat ai majaw dingla wa gaw grai myit npyaw let wa ai da. Rai tim dinggai jan gaw galoi mung kashu kasha n lu ga ai majaw shi gaw kasha ra ai hte grai myit pyaw ai da. Rai tim mung dai Ja Nga wa shamang dat ya ai kasha wa gaw ya ndai shinggyim masha la ai shani kaw na gaw dwila yan dwi nan yan lahkawng ngai kaw e nan yan ra ai lam hpa mung nlu hpyi sa na re yaw dai ni kaw na gaw nan yan na matu ndai shinggyim masha gaw hpang jahtum rai sai ngu tsun dat ai da. Dai shaloi gaw dingla wa mung dai ga sadi hpe hkam la let wa ai shaloi gaw dai shinggyim masha dai gaw nga nga la sai da. Shinggyim masha dai gaw myi yet shan yan lahkawng lu ai ja dibu ni hpe shawng no langai dut sha bang sai da lu dut sha bang dut sha bang re na hpang jahtum gaw shan lahkawng lu ai dum nta du hkra dut sha kau ya hpang grai nhku nkaja ai hte dai dinggai yan dingla hpe mung myi yet Nga hta chyinraw shaw la lu ai shara kaw sha sa kabai bang kau rai re na shi dai hku sha nga mat ai da. Dai majaw grai lawhpa ai majaw dinggai yan dingla shan lahkawng tup Dai nan lahkawng hpe ye gaw ndai kaw na she shamang ya ai re ai majaw nang yan lahkawng ndai kaw rawng u ngu na dai la kasha gaw chyinraw ja la ai hkaunawn kaw kabai bang kau re na shi hkrai sha yawng hkra dai mungkan ga na sutgan ma hkra shi hkrai sha la kau na dinggai yan dingla hpe shi hkrai sha nga mat ai da.. Language as given: Jinghpaw
Format:Digitised: no Media: Audio
Identifier:KK1-0795
Identifier (URI):http://catalog.paradisec.org.au/repository/KK1/0795
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0795/KK1-0795-A.mp3
http://catalog.paradisec.org.au/repository/KK1/0795/KK1-0795-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0795
DateStamp:  2018-03-31
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Hkawn Ra (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0795
Up-to-date as of: Fri Mar 20 15:22:47 EDT 2020