OLAC Record
oai:paradisec.org.au:KK1-0754

Metadata
Title:Matsan ai kahpu kanau (The poor brother and sister)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), lashi bawk hkawn (speaker), 2017. Matsan ai kahpu kanau (The poor brother and sister). X-WAV/MPEG. KK1-0754 at catalog.paradisec.org.au. https://dx.doi.org/10.4225/72/5989e404aacdd
Contributor (compiler):Keita Kurabe
Contributor (depositor):Keita Kurabe
Contributor (speaker):lashi bawk hkawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-11
Date Created (W3CDTF):2017-02-11
Description:Ya ngai hkai na maumwi gaw jahkai ma shan nu a lam re moi shawng de mare kahtawng langai mi kaw jahkai yan nau nga ma ai da. Dai shaloi kahpu mahtang gaw da gawn shing yan kaba ai rai tim mung da myit hpaji n let ai nyan nrawng ai le nyan nrawng ai loi mi pa ai loi mi mana ai ngu ga le nyan nau nlet ai da kanau wa gaw grai zet ai da. Grai zet grai zen ai da. Bawnu kung ai da. Kanau wa gaw dai shaloi shan gaw kahpu wa gaw hpa mung shi na shi nyan hte shi na shi chyam yu na galaw ai ngu mung nnga ai hpa mung shi na shi hkrai galaw chyam yu na ngu n nga ai dai hku re na kanau wa tsun ai chyu chyu galaw ai da. Kanau tsun ai chyu hpu ndai galaw ga i nga jang um mai ai nga na dai hku galaw oh ra galaw ga i nga jang mai ai ngu na dai hku galaw da. Kanau tsun ai hpe chyu hkan galaw law re ai da. Dai shaloi lani hte lani kaba wa re ai shaloi gaw gai ya gaw an lahkawng mung aprat mung ram wa sai gaw ngai tsun ai hku hkrai mung nang hkum galaw nang mung nang na hpun nang hkrai nang nang mung galaw yu u ngu ti na she shan gaw yi laga ga hkyeng ga ngu na shan gaw yi hkyen ai da. Nam kaw yi hkyen re ai shaloi gaw dai shan lahkawng yi sa hkyen sai da. Kadai mung kadai yi de kadai hkyen re ai shaloi gaw kahpu wa gaw san ai da. Yi gaw hkyen ya ndai gaw kani di ai hpan rai kun ngu na she kanau wa hpe e kanau ngai gaw yi gaw hkyen ngut sai nang yi kaw hpa baw gat na rai ngu tsun ai da. Hpabaw hkai na rai ngu tsun ai shaloi gaw gar hpu wa mung Nga rung agut la na she hkai law gat law ngu na tsun ai da. Dai hku ngu tsun yang kaja wa kahpu wa gaw shi na shi hpa mung bai nchye myit la na she kaja nan dai Nga rung hkut na wa she shi yi ting kaw wa she nat kau ngut ai hpang dai yi kaw gaw Nga run hkut na gat da ai da. Nga run ahkut na gat da kanau wa re yang gaw shi yi kaw she htaw ra shagyin ni nai mam ni yagyin nga ai hpan dang re ai hpan hkainu ni hkai da ai da. Hkai da re na ya grai na hkai li ni tu jang she i rai jang she kahpu wa bai san ai da. Kahpu gaw e kanau na yi kaw gaw hpabaw ni tu sai rai grai tu sai i ngu san ai shaloi E tu sai le nhpraw nka gahtek gahprawt dai ni wa grai tu sai ngu tsun ai da. Dai shaloi kahpu hpe mung hpun na yi kaw gaw hpabaw ni tu sai rai ngu ai shaloi gaw um nye yi kaw mung nbaw nbyen ni gaw grai tu sai ngu na tsun ai da. Dai shaloi gaw kanau wa gaw um hpu ya shi yi kaw nbaw nbyen ni grai tu ai nga tsun ai gaw gara hku kaning re ai hpe tsun ai kun ngu na she kahpu hpe loi manawn ai myit hte dai hku shi hpun na yi de sa yu ai da. Sa yu ai shaloi gaw shi hpu na yi kaw gaw nbaw nbyen nga ai yawng Nga ni le Nga dumsu wuloi ni she koi yi ting kaw hpa mung ntu ai kaw nga ni yawng hpum jawm taw ai da. Grai hpum jawm taw jang she kanau wa gaw shi yi kaw gaw dai mam ni i hkainu shagyin nga ai hpang ni grai tu jang koi ya nye yi kaw gaw dai ni sha tu ai nye hpu yi kaw gaw Nga nde de hpum jawm ai gaw ya shi gaw ndai shi na hkrai she lu sai ga re nga ai ngu na kahpu hpe manawn ai myit hte she e dai nga ni hpum jawm taw ai kaw shi gaw shadung htu la na she ndai hpu hpe gaw nyan ra sai ngu na she dai Nga ni hpum jawm taw ai kaw she shadung hpe she hka kaw gayau la na dai Nga ni hpum taw ai kaw yawng agat bung dat ai da. Nga ni kaw agat bung dat re ai shaloi gaw Nga ni hkum kaw ahpraw re ma ai le i ahpraw re ma rai jang she kahpu hpe tsun ai da. Gai hpu ya na yi kaw hpum taw nga ai Nga dai ni gaw dai ahpraw ka ka san ai dai ahpraw hpraw san ai dai ni yawng ngai na re ai lu yaw chyang ai ni sha nang na rai na re ngu na kahpu hpe bai tsun ai da. Dai tsun ai shaloi gaw kahpu wa mung mai sa rai u ga nang na Nga nga jang mung rai u ga ngu na dai hku tsun re ai shaloi gaw dai shaloi shi shadung gat da ai hpang jang she maran wa agyin htu wa ai da. Maran agyin htu wa jang she Nga Nga ni kaw gat da ai shadung dai ni gaw yawng prai bai oh ra hka maran hte hka hte kashin kau ma ai le, Dang re jang she nkau mi yawng tsai mat re oh nkau mi gaw maran htu wa jang she hpun kaba npu hkan ni nkau mi gaw dai kaw sa hkying sa re Nga ni gaw hkum hkan tsai ni gaw tsai shadung nkau mi gaw ntsai re ai gaw ntsai re na Ka ka kawt kawt re na dai hku re na nga taw ai da. Dai shaloi maran htu nna Nga ni gaw yawng bai chyang ma re ai shaloi kahpu wa gaw shi yi kaw bai sa yu yang shi gaw myit yu sai da. Nye kanau tsun ai myi yet pi naw shi Nga hpraw n hpraw ai gaw shi na re ai nga ya gaw Nga ni yawng chyang ai hkrai hkrai rai taw ndai wa gaw ya hpa nga tim nye hpe maw sha ai rai sai ngu tsun na she ngai hpe ndai wa nre ai hku galaw ai she rai sai ngu na she ndai kanau wa gaw e shi i kanau hpe grai pawt mayu ngai hpe nau roi sha ai ngu hku na she shi gaw tsun ai da. Lamu shi gaw dai dagam dat ai le. Gai ndai dai shaloi shadung marang i dai yawng kashin kau ya ai shaloi grai pawt mayu ai kahpu gaw ngai hpe kaning nga tim ndai wa maw sha ai rai sai ngu na she ndai wa hpa nga tim ngai hpe e ndai maw sha ai rai sai ngu na she shi gaw ndai dagam dat ai da. Kahpu gaw dai kaw she maran dai maran nkau mi gaw maran htu na ka ka kawt kawt re na nga taw nga taw re ai shaloi she shi gaw tsun ai i, Dai shaloi dai hpang kaw na she e kanau hpe she e dai apan dai aten apan re na dai nkau mi gaw dai hku nga taw re she langai mi mung shi gaw nlu la kau ai da. Shi Nga shi hpraw hpraw re ai nga tsun ai gaw maran htu dat jang she yawng tsai mat jang she shi gaw Nga langai mi mung nlu la kau ai da. Yawng kahpu na hkrai bai rai mat ai le i kahpu na hkrai bai rai mat na shi gaw Nga langai mi mung bai n lu la kau na um ndai hpu hpe gaw nbyin sai Nga dusat dumyen ndai ram shi lu mat yang gaw nmai sai ngu na shi gaw manawn ai myit hte she kahpu hpe sat kau na lam bai tam wa ai da. Sat kau na lam tam na hpu e lani mi na nhtoi hta hpu e ya na n nam si mat sai nta de du-u naw galaw ga ngu na kahpu hpe shaga la na nam de du-u sa daw sa mat ai da. Shan gaw du-u daw na sa mat re ai shaloi she du-u tawk sai da. Shan lahkawng du-u tawk re ai shaloi she kahpu hpe sat kau mayu na shi gaw kahpu hpe hpun ndai na nnam hpe bang yang pi ram na sai kun hpu nang shawng shang yu u ngu na she kahpu gaw a katsi nga na dai shang yu re ai da. Shang yu re ai shaloi gaw kanau gaw du-u ntsa kaw magap bai gap na she gyit kau ai hku nga, Gyit nna oh pali ni agyin di na hkri nna gyit kau re kahpu hpe gaw ya gaw si nu ga ngu na dai hku nya nna galaw ai gaw rai nga rai tim kahpu gaw grai na tim mung kanau du-u nhpaw la jang she hpaw la rit lo ngu tsun tim nhpaw la re majaw shi gaw hkyin dik dat ai da. Du-u magap hpe hkyin dik dat ai shaloi gaw dai shi gyit da ai pali ni gaw di mat na kahpu gaw dai kaw na bai lawt wa ai da. Dai shaloi gaw kanau bai rai jang gaw kahpu mung ndai ngai hpe si na gyam ai rai sai ngu na kalang mi bai dai kaw myit npyaw na she kanau hpe bai ya bai gai kanau nang mung bai shang yu u le nang nang bai shang yu u nang i shan sai kun ngu na she dai kanau hpe bai du-u kaw bai shang shangun ai da. Kanau hpe du-u kaw bai shang chyam yu ai shaloi gaw kahpu mung kaja wa dai kanau zawn re ti ntsa kaw na she oh ra wa lahku shawn nga ai hpang oh ra pali mahkai kau ai le mahkai na da ai gyin shi shawn di na dai du-u hpe bai gyit kau ai da. Dai shaloi shi gaw myit yu sai da. Ndai wa myi ngai hpe mung gyit kau ai da ngai hpe sat na lam gyam ai re amyu myu ngai hpe shi gaw nye yi kaw na dumsu ni mung shi na hkrai nga nna ngai hpe ntara ai hku na ndai ngai na kanau ngai hpe galaw ai da. Dai majaw ngai ndai shi hpe ngai ndai du-u nkam hpaw ya sai ngu na dai gyin shi shawn nna gyit kau ai hpe nga nga ti gyit kau ai dai jang she kade na tim kanau mung bai hpu ngai hpe hpaw ya rit le ngu tim nhpaw ya ma sai da. Nhpaw ya na she dai kaw she shi hpe gaw sharawng kau ai da. Shi kade hkyindik yu tim mung mi shi gyit ai gaw kahpu kalang hkyin dik dat yang gaw yawng malawt mat ai ya kahpu bai gyit ai ndai sumri gaw grai nga mat ai re nga shi bai hkyin dik yang gaw shi bai ndi mat na shi gaw dai kaw sharawn kau ai da. Sharawng kau na ndai wa hpe gaw dai hku na dai kaw sha si mat u ga ngu na she htaw rum langai mi kaw hpai sa wa na she dai rum ntsa kaw dai du-u dai hpe sa noi da ai da. Sa noi da re na she gau ngwi ngwi shi gaw dai kaw loi mi Jam jau jaw da ai hku rai nga lama shi myit malai lu wa jang mung nsi jan gaw bai hkyen la na ngu ai myit gaw she nrawng i dai na dai rum ntsa kaw she dai noi da ai da. Sa noi da re ai shaloi loi mi na re masum mali ya na re ai shaloi she mali maga ya na re ai shaloi shi gaw kahpu gaw dai shi noi kau da ai du-u hpe bai sa gawan yu ai da. Wa gawan yu ai shaloi gaw naw noi taw re jang she oh nam kaw nga ai gadu hka hpe she e oh ra rum ntsa kaw noi da ai hpe sa katan yu su ngu ti na she i naw hkrun ai kun sa akawt yu u ngu ga re nga dai du-u kaw rawng ai masha naw hkrun ai kun dai nang sa gata yu u yaw sa akawt yu u akawt yu na kata de na nsen na jang gaw bai tsun rit ngu tsun dat ai hku nga, Dai hpe gadu hka bai rawt na na ai gaw rum ntsa na du-u hpe sa dan shahkrat kau u yaw ngu na na kau dat ai da. Na kau dat ai majaw she gadu hka gaw sa gata yu u ngu ai hpe sa dan jahkrat kau u ngu na ti na she dai rum mam du-u noi da ai sumri hpe sa kawa di kau dat ai da. Sa kawa di kau dat ai shaloi dai Kanau wa gaw htaw rum de hkrat si mat wa ai da. Du-u hte nawn re na agrawp si mat wa ai da. Dai kaw na da anhte e anhte jinghpaw wunpawng sha ni gaw da dai ni du hkra nat hpe kam ai le dai nsu nat ngu ai gaw dai ni du hkra ndai nat jaw ni gaw ndai hpe naw ai gaw dai kanau wa dai gatsin si mat ai ngu ai baw dai sawa si ai rai nga dai nat gaw nat tai mat ai le dai shi na kanau nat tai mat nna nsu nat ngu na dai ni du hkra anhte naw jau sha chyan ai gaw dai kanau si mat ai wa re da. Dai majaw jinghpaw wunpawng sha ni kaw na i ndai moi kaw na dai ni du hkra nat naw jaw jau ai ni yawng gaw dai hpe kam let naw hkan galaw ma ai da. Htunghkring kaba langai mi hku na nam ga hkan ni nat jaw ai nga mung nsu nat hpa nat hka nat nga dai ni nga ai gaw ndai ni re ai kaw na byin wa ai re da. Ndai Nga hpraw nga byin wa ai mung ndai hkan nau kaw na ndai hku shadung gahprut bung ai ndai kaw na Nga hpaw Nga ka nga mat wa ai da. Dai ni du hkra Nga wuloi kaw tim ka ka re Nga dumsu kaw rai tim mung ka ka re na Nga mat ai gaw ndai kaw na hpang wa ai re. . Language as given: Jinghpaw
Format:Digitised: no Media: Audio
Identifier:KK1-0754
Identifier (URI):http://catalog.paradisec.org.au/repository/KK1/0754
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0754/KK1-0754-A.wav
http://catalog.paradisec.org.au/repository/KK1/0754/KK1-0754-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0754
DateStamp:  2018-03-20
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); lashi bawk hkawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0754
Up-to-date as of: Sat Nov 14 14:24:24 EST 2020