OLAC Record
oai:paradisec.org.au:KK1-0737

Metadata
Title:N-gun ja dum ai hkawhkam (The arrogant king)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), N. Gum Ja Naw (speaker), 2017. N-gun ja dum ai hkawhkam (The arrogant king). X-WAV/MPEG/XML. KK1-0737 at catalog.paradisec.org.au. https://dx.doi.org/10.4225/72/5989e3cc407e9
Contributor (compiler):Keita Kurabe
Contributor (depositor):Keita Kurabe
Contributor (speaker):N. Gum Ja Naw
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-10
Date Created (W3CDTF):2017-02-10
Description:Moi shawng de da n gun ja grai shakawng ai hkawhkam wa langai mi nga ai da. Dai hkawhkam wa a mying gaw ngai ma nchye ai. Gara mungdan na hkawhkam rai ma nlu tsun dan ai. Hpa majaw nga ngai hpe hkai dan ai nye kawa ntsun dan ai majaw mying nlu tsun dan ai. Hkawhkam wa dai gaw gara hku kade daram nga n gun ja shakawng ai i nga yang she shi na hkawhkam wang pat da ai chyinghka nlung hte lungbyen kaba hte galaw da ai chyinghka hpe magwi pay 10 tsaw ai magwi hte she lu hpaw ai da. Retim mung hkawhkam wa gaw shi hkrai lu hpaw ai da. Shi na hkawhkam wang kata na nai kadung hpun hpe shi hkrai lu gang baw ai da. Dai majaw shi gaw n gun ja shakawng wa ai da. Ndai mungkan ga lamu yen ga lapan dat ai ngai ram n gun ja ai gaw nnga na sai nga nna tsun wa ai da. Dai gaw shi a madu jan hkawhkam jan gaw n rai na re hkawhkam wa e hkum tsun nu. Mungkan ga ntsa e gaw chye htum ja htum jin htum kung htum ngu nnga ai ngu na shading sharai shadum jashai yang, nnga ai ngai hta grau n gun ja ai tam su. Hpawt ni na shani ka-ang ja pungting madi du hkra nlu tam jang nang hpe hkawhkam a maint hte mashelaw kalang ta sat kau na ngu amaint jahkrat ai da. Re na hkawhkam jan gaw gara sumtsan sumwa de sa na aten mung njaw re majaw gara de n chye tam nna hkawhkam wang shinggan hku nna she hkrap di wam hkawm ai da. Dai kaw sanen lu ngu myen ga hku ( pauktinyo) ngu ai dai hkap san ai da. E hkawhkam jan hpa rai hkrap hkawm ndai ngu san yang e sanen e hkawhkam wa n gun ja shakawng ai majaw ngai gaw hkum tsun u ngu yang e tsun na da, ngai hta grau ja ai n lu tam jang hpaw ni na shani ka-ang du hkra sha a hkang lu ai ngai hpe sat kau na nga ai ngu. E rai sai hpa nra ai myit pyaw pyaw hte wa su, ngai hpang woi sa u, ya tim woi sa wa ru ngu na tsun dat ai majaw hkawhkam jan gaw grai myit pyaw nna nhtang wa ai da. Hkawhkam wa hkap san ai gaw ya mu sai i ngu mu sai. Hpawt ni nre ya tim woi sa wa rit nga ai ngu, saw deng sa ga ngu sa wa yang oh lam npu maga de kahtan makru daw mi gaw yet mat rai kaw n htang chyaw rai kap ai sanen hkap san ai da. Hkawhkam wa nang i n gun ja shakawng ai nga, re, e sa wa rit. Nang ngai na maitsan koi noi u, grai shaja na noi u lu myi di chyip noi u lol, rai sai i, rai sai da ngu yang sanen e lapri kabai kau ai wa gara de du mat wa ai i nga yang, hpyi hpai garau para bum ngu de hkrat mat wa ai da. Hpyihpai sawk garawk para ngu gaw gara de re ma ngai ma nchye ai, ya ngai maumwi hkai ai re ma nchye ai. Dam dam wam wam wing wing wang wang nga nna dam yawng wa yang gaw hto hka kaba langai kaw madim dim ai n gun ja wa hpe mu ai da. Dai n gun ja wa gaw hka hpe 2 maga lagaw hte lakang shingkrang kra di tsap nna shi na lahtan hte madim hpun dung dit taw nga ai da. Dai hpe wa mu shi gaw myit malai gaw lu she lu wa ai da, e hpu n gun ja wa e lam madun la rit law ngu marawn san yang, ya nang gaw kadai rai n ta? gumja man gaw man pau sa kahtan gaw htan ai gaw ngu san yang, e ngai hkawhkam wa re nngai law. Ngai na ningrum ningtau jang hkawhkam jan a man e n gun ja shakawng ai majaw sanen e lapri kabai kau ai hpyi hpai sawk garawk para bum de du mat wa, ya e nang kaw dam pru re nngai law, ngai hpe lam madun la law, hpa nra ai hto lahta hpung gaw kaw hpu n gun ja wa nga myek nga ai ngu na tsun ai da. Shi pyi dai ram n gun ja ai gaw kahpu n gun ja wa nga naw bai tsun shi gaw hkrit mung hkrit, myit malai mung lu she lu da, kaja wa lung wa yu yang gaw magwi tunghkum hte nga myek nga ai da. Bawm hkrat ngoi ai zawn nga hkaleng kapaw taw nga ai kaw du yang san la ai da. E hpu n gun ja wa e lam madun la rit law ngu san yang dai wa mung bai kalang mi, hto ra bum man 5 hpaw ai hpu n gun ja wa yup di nga ai dai kaw wa san su shi hpe yup jasu na matu gaw kawa yan langai nga ai, shat nga rung shaja sumdu langai nga ai, sanat htumhpau langai taw ai, dai kawa yan hte ladi de shalau ya yang ndum jang dai shat nga rung sumdu hte ladi abyen ya u deng n dum jang sanat htumhpau hte ladi hku de kapaw bang dat ya u deng gaw dum na ra ai ngu tsun. Dai hte galaw tim ndum ladi sha kanun bai yup mat ai hpang jahtum gaw htumhpau hte ladi hte kapaw bang yang she ladi kanun kau na rawt wa ai da. E hpu n gun ja wa e ngai hpe lam madun la rit law, ngai gaw nye madu jan hkawhkam jan a man e n gun ja shakawng ai nga sanen e lapri kabai kau ai hpyihpai e sawk garawk para bum de hkrat mat wa ya e nang kaw du ai re nngai law. Nang gara de wa mayu ai ma, hkawhkam wa ngu san yang gaw shau kang la mukhkyu ngu ai jaugawng kaba wa nga ai mare de du mayu law ngu. E deng gaw re sa ngu na bum man 5 hpaw ai shingdu maga na 5 bum hpe yup nna bran hkum chyan nawng let magra kabai ayai dat ai hto shaukang lam mukhkyu a mare shingnawm de du hkra kabut (myesar) tawng ra ai da. Ndai kabut taw ai yu di wa su ngu nna ndai ngu na matsun dat ai. Kaja wa wa mat ai, hto shaukang la mukhkyu nga ai mare hka daru kaw shawng du ai da. Dai kaw gaw dinggai hpaw mi langai hka ja sa ai da. 5 lam galu ai 5 bik galu ai punghkaw wa shingdoi daw hkrawng shatai di hka ja sa ai. Dai kaw tawn da ai, dwi nanhte bu na hka daru ndai kaw punghkaw kapat taw ai ngai hta kau ya na yaw ngu hkum hta kau nye shu ndai ndwi a shingdoi she re me ngu na hta di doi mat wa ai da. Dwi e shaukang la mukhkyu a nta madun rit law ngu oh ra re nu ai ngu madun, sa wa ai de shaukang la mukhkyu gaw shi mat ai lam hpe na sai re majaw e hkawhkam wa e te hkanwg nga yawng gara hkawng maga hkawng de na hkawhkam num mung shani shagu nang mat ai nga di tam ma ai law, ngu e shaukang la mukhkyu e sanen e lapri kabai kau ai ya dai ni she na du wa re nngai law, ngai hpe lam madun la rit law ngu ai da. E hpan e naw hkring u, shan naw gap sha ga ngu na jahkring she hpang shani gaw woi sa wa ai da. Dai ni gaw hkawhkam wa e shan yi gaw n gap na re, shan la sha gap na re ngu, nam mali kaba de du sai she shaukang la mukhkyu gaw ndan jinghpa dum dat ai da. Ndan jinghpa dum jang magwi hpawlam jahkyi ni shat nga manu mana yan sa wa, shan yi shan yi gaw kanawg kau laja tim nnga mat ai da, shan la chyu gap, gap sumpum tawn, bai hkawhkam wa shan ju shaga ngu hpun hta u yang gaw htun tawng kaji ji re sha hta da, dai de gaw oi magwi gaw gara hku n ju ai gaw, dung nga u hkawhkam wa ngai hta na ngu. Lapai lata hku magawn dat ai, eka 10 ram seng rap, lahkra lata hte magawn dat eka 10 ram dai kaw wan nat tawn magwi tunghkum ni hpawlam tunghkum ni mara ju nna she hkut sai nga yang hkawhkam wa sha yu, shat nga magyi langai pa nma ai da. Law sai i nga law sai, hkru sai i nga hkru sai, ya dung nga u ngai sha na yaw, shaukang la mukhkyu kalang sha yang magwi tunghkum mi hpe baw de maya di yawng mayu kau kau di ai da, hpawlam ni dai hku maya. Sha ma ma re jang hka lu mayu ai ngu hkawhkam wa ngu lu mayu re yang kang seng ndan lu ngu ai n hku kaw nhkyi hte kaboi yang hka pru wa ai da. Dai jaw lu nna ya gaw nang kawn na gaw an lam garan saka ngu nna shingdu maga na bum langai magra lapri kabai dat ai hto hkawhkam hkaw ndaw du hkra kabut taw nga ai da. Ndai hkan nna wa su ngu wa hkawhkam hkaw de du mat wa ai da. Ndai maumwi gaw anhte shinggyin masha ni dai ni du hkra nga ai. Ngai chye nngai, ngai chyang nngai, ngai kung nngai, ngai zet nngai, ngai jin nngai, ngai ja nngai nga ai. Jin ja ai, chye chyang ai lu sut lusu grau htum ai ngu gaw mungkang ga hta gaw htum ngu nnga ai da. Dai majaw gaw manang wa a lawun kaw un nga na (kwint lut ai ti kan ai naik chya) ai ngu gaw mara dat hkat ai ngu gaw madung re ngu lachyum re. . Language as given: Jinghpaw
Format:Digitised: no Media: Audio
Identifier:KK1-0737
Identifier (URI):http://catalog.paradisec.org.au/repository/KK1/0737
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0737/KK1-0737-A.wav
http://catalog.paradisec.org.au/repository/KK1/0737/KK1-0737-A.mp3
http://catalog.paradisec.org.au/repository/KK1/0737/KK1-0737-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0737
DateStamp:  2018-03-20
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); N. Gum Ja Naw (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0737
Up-to-date as of: Sat Nov 14 14:24:22 EST 2020