OLAC Record
oai:paradisec.org.au:KK1-0720

Metadata
Title:Matsan ma a lam (The poor boy)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), W. Hkawn Nan (speaker), 2017. Matsan ma a lam (The poor boy). X-WAV/MPEG. KK1-0720 at catalog.paradisec.org.au. https://dx.doi.org/10.4225/72/5989e38a12a7f
Contributor (compiler):Keita Kurabe
Contributor (depositor):Keita Kurabe
Contributor (speaker):W. Hkawn Nan
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-10
Date Created (W3CDTF):2017-02-10
Description:Ya ngai tsun na gaw matsan ma na lam hpe tsun dang na hku re ai. Moi shawng de da mare langai mi kaw da gaida shan nu n ga ai da. Gaida shan nu gaw da grai matsan ai da. Dai ma dai gaw da kaji ai teng kaw na shi gaw jawng lung na nga mung i moi gaw lung pa lang ai le i lung pa ma n lu mari ai da. Dai kaw lungpa kaw mahkyek na mahkyek mung nlu ai da. Rai jang grai matsan ai da. Shi gaw nau matsan nna jawng mung nlung ai dai hku nga ai da. Dai mare kaw poi shinra ni nga yang shi gaw poi bai sa mayu ai da. Poi sa na matu shi gaw buhpun palawng mung nlu ai hpa mu kara ni mung zim zim kara kaw sha na baw sau ni mung dai re ni mung nlu sha re shi gaw grai matsan nna nga ai da. Grai matsan nna nga matsan re she lani mi gaw shi bungli galaw ai da. Shi gaw kanu hpe ma grai tsawra ai da. Kanu hpe tsawra na shi gaw kanu na ga madat na kanu kaw na shamang chyeju hpyi hpyi re ai da. Nu ngai hpe i lani mi masha ni na shawng kaw lu tsap hkra masha ni hpe i lu jaw lu sha ai masha ni hpe gam garan jaw chye ai dang re Masha kaba i lauban ai dai re byin mayu ai shamang ya rit ngu kanu hpe dai hku tsun tsun re ai da. Kanu mung akyu hpyi ya nye kasha byin na ra ai byin na ra ai dai hku hkra tsun ai da. Dai hku hkrai tsun na she lani mi na aten hta shi gaw bungli hkra galaw da. Masha nta i oh hka ja nga yang hka ja ya ndai kaw rai hkrut ya nga yang rai hkrut ya ndai kaw hpun chyek nga yang hpun chyek ya dai hku na shi gaw dai hku na kaba wa ai da. Rai tim shi gaw shi lani hte lani shi lu ai ja gumhpraw hpe mahkawng da mahkawng da re na lani mi gaw shi ndai hpu hta sa ai da. Hpun hta sa re ai shaloi she i dai hpun pawt kaw she moi prat na ni gaw ndai ja dibu ni lup da ai ni nga ai dai kaw ja yambu kaji sha law ai kaw ja mu la ai da shi dai ja mu la re na she kanu wa wa madung re she kanu wa madung re ai shaloi kanu gaw masawp yu ai da. Kanu gaw myi n mu sai re nga yi nye kasha re ndai gaw hkret hkret nga ai ndai hpe wan hte nat yu ngu kasha gaw wan hte nat yu yi ndai gaw ja rai na re ndai hpe sa dut u da dut shan nu lahkawng lu Sai da. Lu Sai da grai lu hkra chyawm nre da. Lu ai da lu dai hku nga ai shaloi mi shi gaw kadai mung nra ai da. Kadai mung nkam yu ai da. Kara gaw zim zim i matsan shayen palawng ni mung je je re di re ni sha hpun na nga masha ni gaw shi nkam yu ai da. Dai shi dai hku na loi mi lu wa ai hte she mare na mahkawn dai wa gaw dai wa gaw shingkra kasha re ai da. Shi gaw shingkra kasha re dai wa gaw shi hpe ra wa ai da. Ra wa na shi mung ra na shan lahkawng jan la kau ai da. La kau na dai hku nga re she dai num dai gaw nta kaw mung hpa n galaw ai sha shi gaw kawa hpe sha shayak sha ai da. Dai kaw bai du jang ndai matsan ma ndai wa gaw bungli bai tam galaw hkawm da. Bungli bai galaw hkawm kanu gaw myi nmu re shi hte tawn da da re ai da. Shi hte tawn da da re jang kanu i shi gaw kamoi hpe n kam yu ai da. Nkam yu na she nta kaw pi nye wa hpe n galaw jaw ra ai ndai kaw she wa galaw jaw ra ai ngu nna shi gaw grai pawt mayu ai da. Hpa tim ngai grai galaw jaw hka shin nga yang mung shat mung ngai shadu jaw dai hku tsun ai da. Dai hku tsun na shi gaw grai pawt mayu na she shi madu wa hpe asawng ai da. Shana yup teng du jang she e e na wa e ndai hku sha nga yang gaw amoi hpe mung myi gaw nmu sai hte myi gaw nmu sai hte re ndai hku sha woi nga yang gaw nbyin ai e shi mung asak kaba shi mung nkam nga na sha re dai majaw an lahkawng dai kaw nga yang ja gumhpraw mung nlu wa sai shani shana lu ai sha jai sha lu ai sha jai sha na tam ai sha gaw n law ai dai majaw ah moi hpe mung nlu baw sai, Hpang ye an lahkawng kashu kasha lu yang mung yak wa ai dai majaw nang shi hpe kawa kyang la na kawa hte i kawa ni hte gyit majaw nna dai ntsa kaw na nu hpe shadung nna oh ra ndai mare shinggan kaw na hka kaba i dai kaw sha shayawn kau dat u dai kaw shayawn jang gaw masha ni matsan dum ai ni gaw bau la kau na grau lauban ni she bau la na kun kaning re lusu ni yu la nna bau la na kun ngu ah moi na matu grau kaja ai ngu na shi gaw n kaja ai hku madu wa hpe she shi gaw tsun ai da. Shana tsun ai madu wa gaw kanu hpe gaw ngwi dat ai da. Shana lagu hkrap ai da. Nye nu hpe ngai grai tsawra ai wa nga rai tim shi gaw madu jan na ga hpe madat ai da. Madu jan na ga hpe madat na she shi gaw dai galaw na she dai kaw galaw na she kanu kawa galaw na kanu hpe dai kaw shadung na dai kaw hka kaw shayawn dat ai. Nu nang hpa hkum tsang yaw shat makai langai ma jaw dat ai da. Dai yang nu nang hpa hkum tsang yaw nang ndai hka kaw yawn mat ai rai tim mung hpa nra ai yaw nang hpe masha ni grau kaja ai ni nang hpe lu la na ra ai nang hpe bau la na ra ai ngu na kanu hpe dai hku tsun dat nna kanu hpe shayawn kau dat ai. Kanu gaw hkrap ai da. Rai tim mung shayawn kau dat ai da. Shayawn kau dat yang shayawn kau dat na yawn mat wa ai da. Shi nu gaw yawn hkrai yawn hkrai yawn hkrai yawn mat wa yang she le yawn ai shara hpun kaba law nga ai kaw she shi nu gaw akyu hpyi ai da. Yi yi anhte shanhte moi na nga yang gaw i sagra i sagra di re nat ni malawp maga la rit ngai hpe hpa mung nbyin u ga ngu na she dai shi kasha shat dai sha jum re na she yawn mat wa ai da. Yawn mat re kasha gaw shana gaw nmai yup sai da. Nye nu hpe yup mang lu ai law maran htu ai nye nu hka kaw mara grai htu wa na hku nga hka kaw hka grau kaba wa na kaning gaw re nga mi re ngu na shi gaw grai myit npyaw hkrap nna she jahpawt ye jau jau madu jan nrawt shi yang she oh de hka de dai shi nu hpe shayawn kau dat ai hka kaw na hpun pawt i dai hpun pawt kaw sa hkrap dung nga ai da. Nu e ya ngai nang hpe mada tim nmu sai lo ngai grai yawn ai law nu a akyu hpyi ya na ngai ndai hku kaba wa ai ya ngai dai ni ndai hku galaw kau ai nye mara raw ya rit lo nu e ngai kaw bai mai wa yang lawang wa rit lo nu nang hpe ngai galoi tim atsawm sha na bau na lo lawang wa rit lo oh ra num hpe mung ngai nra sai lo ngu dai hku sa hkrap taw ai da. Dai hku sa hkrap marawng taw re she shi nu gaw maran grai htu grai yawn mat wa ai shaloi hpum la grai ja nna yawn mat wa ai shaloi hka hpum la grai ja na yawn mat wa ai shaloi shi gaw hpun tawng kaba law ai nga ai da. Dai hpun tawng kaba dai kaw wa chya ai da kawa shi jawng wa ai kawa dai wa chya shi dai shat makai lang taw na hku nga shat makai dai lang taw jang she dai shat makai lang taw ai kaw she e dai kaw na i dai kaw na nat ni gaw nat kaja rai ga nga dai ni yu rawng ai dai shat makai hpe yu nna shat makai dai hpe kanu lang ai shat makai dai hpe shanhte la kau ya ai da. La kau shat makai dai gaw la kau na she dai dinggai dai hpe she shanhte lu ai dai nat ni ja yambu ni ja rai ni grai law hkra shi dung ai ntsa kaw bai mara dat ya nna dinggai nang gaw bai lung wa su yaw ngu nat ni galaw dat yang gaw byin ai re nga she hka ntsa de bai shalung dat ai da. Na kasha hte apyaw sha wa nga taw u na kasha grai hkrap taw ai myit malai lu sai nga kanu mung wa ai da. Wa re dai hku jawng mat yang she kasha gaw dai hku hkrap taw ai da. Nye nu gaw ya gaw si sai ngai gaw kanu n lu sai jahkrai ma byin sai mi matsang ma kaw na ya gaw jahkrai ma byin sai ngu na hkrap she hkrap nga yang she e kanu wa she wa ai da. Dai hku bai lung wa jang she kasha gaw i ya nye nu hpe bai mu sai rai nga ai le ngu na she shi yu ai da. Shi kalang ta hka de sa na she kanu hpe pawng la re dai kaw she ma e ndai nu na makau kaw hpa ni kun nchye ai grai dung re ai nga nna yu dat yu yang gaw ja ni hkrai rai mat ai da. Ja ni hkrai re shi gaw dai ja ni mung la kanu hpe mung woi wa re nu i moi gaw ngai grai matsang shayen rai tim mung nu nang ngai hpe ndai aten du hkra bau ai ya gaw ngai i n dai hku na ngai na myit a majaw ngai na tingkyen myit a majaw ndai hku byin mat ai re ngu na she nu nang hpe grai taubang ai shi gaw hkrap na she ahpum na hkrap na shi dai kaw myit malai lu na she n kaja ai kanu hpe shayawn kau shangun ai dai shi na num dai hpe mung nta kaw na gawt kau nna jahka kau na dai shang nu lahkawng pyaw pyaw re na nga mat ai da. Dai majaw i anhte ni kanu a tsawra myit hpe chyena nna kanu hte sha i dai hku anhte ma ni mung kanu hpe tsawra ra ai. Kaning kaning re tim mung kanu ni hpe gaw nmai kabai kau ai. Di re na kanu ni hpe tsawra ai ngu ai hpe tsun dang ai re ai. . Language as given: Jinghpaw
Format:Digitised: no Media: Audio
Identifier:KK1-0720
Identifier (URI):http://catalog.paradisec.org.au/repository/KK1/0720
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0720/KK1-0720-A.wav
http://catalog.paradisec.org.au/repository/KK1/0720/KK1-0720-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0720
DateStamp:  2018-03-20
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); W. Hkawn Nan (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0720
Up-to-date as of: Sat Nov 14 14:24:21 EST 2020