OLAC Record
oai:paradisec.org.au:KK1-0718

Metadata
Title:Kawa lami masum tu ai lam (The bamboo joint)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), W. Hkawn Nan (speaker), 2017. Kawa lami masum tu ai lam (The bamboo joint). X-WAV/MPEG. KK1-0718 at catalog.paradisec.org.au. https://dx.doi.org/10.4225/72/5989e3813822a
Contributor (compiler):Keita Kurabe
Contributor (depositor):Keita Kurabe
Contributor (speaker):W. Hkawn Nan
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-10
Date Created (W3CDTF):2017-02-10
Description:Ya ngai tsun na lam gaw kawa gaw ndai kawa lami masum nga ai ngu ai, kawa kaw lami masum nga ai ngu ai lam hpe tsun dan na hku re, moi shawng ye da mare langai mi kaw da num kasha langai grai kyet ai grai myit su ai num kasha langai mi nga ai da, dai nga re shi gaw grai myit su na bungli ni ma galaw sha na dai hku kanu kawa ga madat na nga ai da, dai she lani mi ndai oh laga mare kaw na lauban kasha ngu na dai wa gaw sa wa ai da, dai wa gaw da mare de wam hkawm ai hku na n re shi gaw ndai bungli galaw yang gara hku re ai ngu dai masa lam hpe sa yu sa gawn let shi sa wa ai da, shi sa wa ai kaw she dai kaw she ndai num kasha gaw da, nampan sung kaw shi bungli galaw ai da, nampan sung kaw bungli galaw re shi gaw nampan ni hpe hka ni jaw na atsawm sha pawng re dai hku galaw ai kaw she la ndai gaw da sa yu ai da, sa yu dai de hkawm sa wa ai shaloi dai num hpe mu na shi gaw myit shang sha mat ai da, myit shang sha mat na she num dai hpe shi e atsawm sha i sa hpyi la na ngu tsun ai da. Dai sa hpyi la na ngu tsun na kanu kawa ni gaw grai tsan ai yang she shi gaw e dai kaw sha myit su shi lu ai jan gumhpraw hte shi gaw dai num na kanu kawa kaw hpyi la na she shan lahkawng gaw dai kaw dinghku de sha mat ai da, dinghku de sha re dinghku de sha na nga re she ndai la wa na kanu kawa ni gaw shaga ai da, ma e nang num lu sai nga nta de woi wa yu rit nta de wa rit ngu shaga ai da, dai hku shaga re she nta kaw du ai hte she kanu ni gaw ndai wa gaw nam kaw na hpa mung n chye ai hpaji mung n chye ai ndi re num re ai majaw anhte ni n ra ai ma nang hpe ndai num hpe jahka kau u nang hpe laga num anhte ni myit hkrum da ai nga ai ndai mare kaw ndai wa gaw ja gumhpraw mung lu ai hpaji mung chye ai shi hte jaw sha na ngu tsun ai da, rai jang la wa gaw ah nu e ngai shi hpe n ra ai ngai ndai wa hpe ra nna ngai pi naw la sai ya mung i shi kaw gaw e ndai shi kaw gaw i ma gun sai le i ndai hku na dai hku ma hkum hte rai mat sai dai majaw a ngai shi hpe sha atsawm sha re na sha yu na nga na ngu tsun ai da. Dai shaloi she e le kanu gaw tsun ai da, kanu hte kana ni nga ai da, grai n kaja ai da e ding nga yang nang gaw htaw hkau na de sa sin su dai hpawt dumsu ni nga ni grai shang ai da, dai majaw nang dai hte sha wa sin u bat mi tup yaw ndai bat mi na madu jan hpe hpa n galaw shangun ai anhte nta kaw atsawm sha bau ya na ngu tsun ai da, shi mung kanu hpe nga yang kam ai le kam na shi gaw hkau na de sa mat re bungli wa galaw ai da, sa galaw re she ndai nta kaw she kanu hte kana shawng gaw grai roi sha ai da shi hpe ndai hku na ma hkum hte rai tim n dan n la re hpai shangun na amyu myu galaw shangun na shi gaw grai jam jau na shi dai n dang hkam mat ai da, ndai hku shi gaw hkum gawn mung li re shi n dang hkam na shi gaw jan hprawng mat ai da, shi na mare de hprawng mat wa re she lam kaw du she shi gaw kan grai machyi wa na dai kaw ma shangai kau ai da, lam kaw ma shangai kau re she shi gaw ma gaw ya sha shangai ngut ai bai rai re katsi ai hpe hpa hte mung i shi na ndai palawng langai lawm ai dai palawng gan je na Ma hpe sha hkayawp na shi gaw dai hku pawn wa ai da, pawn wa na shi gaw lam hkawm mat wa ai da, lam hkawm re she hkam wa re shaloi she dai hku lam hkawm nga re shi gaw shat mung nlu sha re nga shi gaw grai kya taw sai da, ma hpe chyu mung n lu jaw da chyu jaw mung chyu mung n pru da shi gaw hpa mung n sha da nna grai kya taw ai da, grai kya taw na shi gaw wa ai shaloi dai lam kaw she, kawa wa hpang kaba law ai nga ai da, dai nga ai dai kaw shi dai kaw wa hkring ai da, wa hkring na she i ngai nye kasha hpe ndai lam kaw ndan nga yang mung e lama mi i lama ma sharaw ni sa hta sha kau na ra ai dai majaw nye kasha hpe ndai kawa ntsa kaw mara da na re ngu na she ngai mung grai ba wa ai ngai naw hkring la na ngu na she, ma hpe she kawa wa hpan ntsa kaw mara na she shi mung dai kaw hkring ai da, dai kaw hkring nna hkring nga ai kaw shi nau ba nna hka grai lu mayu hka mung nlu lu na shi dai kaw si mat ai da, si mat re she ma mung dai kaw chyu mung n lu chyu re she gyet hkrai gyet da nga..nga..nga hkrap hkrai hkrap, Hkrap hkrai hkrap nna ma mung dai kaw hkrap ka-an nna ka-an i dai hku hkrap jing na dai kaw si mat ai da, kanu gaw kawa wa hpan npu kaw si kasha gaw dai kaw si jang madu wa gaw nchye ai da bat mi byin na nta wa re she, nu ya ngai na num gaw teng ngu she nchye ai nang na num hpe gaw shi na shi nang hpe n ra sai nga nna shi na shi wa mat sai ngu masu sha ai da yawng dai la dai gaw da, kanu ni ya nang hpe myit hkrum da ai ndai num hpe la u nga shi gaw ngai ndai num hpe n ra ai ya ngai nye madu jan i shi gaw hkum gawn li ai re majaw, shi shangai teng ni wa sai ngai shi hpe she atsawm sha wa gawn na ngu na shi gaw hkan mat wa ai da, kanu ni hkan shaga tim shi gaw n hkan nan ai sha dai num shi madu jan kaw hkan mat wa ai da, hkan mat wa re she dai mare kaw gaw dai mare shang wa dai wa hpan rai na hku nga rai jang madu jan na mang mung n mu sai da, ma na mang mung n mau sai da, hpa mung nmu shi gaw dai hku rai mat wa re mare de wa san yan she mare de mung n shang wa ngu tsun ai da, n shang wa ngu tsun yang she, Nshang wa ngu tsun na she shi mung grai yawn na she shanhte na kanu ni kaw nhtang wa ai kaw she shi gaw kawa wa hpang dai kaw du jang she, shi na myit hta wa amyu mi nga wa ai da, amyu mi nga wa na shi gaw ah dai hku amyu mi nga wa nna grai ma ba wa na i ngai naw hkring la na re ngu na ngai naw hkring la nna e ndai kaw hka sha pi naw tam lu naw hkring la na shi dai kaw hkring ai ngu na dai hku na shi grai myit ru taw shi na madu jan yan i dai madu jan hte ma na matu myit taw ai da, myit taw ai shaloi shi kaw she, e dai hku myit myit re shi mung grai hkam sha mat ai grai hkam sha na shi mung shat n sha dai hku grai na hkrai nga nten ni grai hkraw shat n sha hka n lu na dai hku nau na nna shi mung grai ba nna shi gaw dai wa hpan pawt kaw du yang shi mung dai kaw si mat ai da, bai si mat re she si mat ai kaw she da, dai kawa wa hpan kaw si jang she dai kawa wa hpan kaw nnan yi gaw lami n nga ai re ai da, kawa dai gaw ding ding apyen re nna tu ai re da, dai she dai shan nu wa ni si ai kawn na she da. Ndai kawa kaw lami nga mat wa ai da, ntsa na lami dai gaw lami re ai da, number langai si ai majaw ntsa na lami gaw kanu tai da, number lahkawng kaw gaw dai ma-nga si ai majaw ga-ang kaw wa ang ai da, dai kawa ngu na wa gaw hpan yi bai si ai re majaw i shi gaw ndai hpan jahtum npu kaw wa ang ai dai ya kawa lami kaw kawa lami masum kap re ai dai lami dai gaw da, dai shan nu wa ni a labau dai shan nu wa ni a maumwi shan nu wa ni dai kaw dai hku re na si mat ai majaw hkrung nga ai teng hta grai tsawra ra ai i dai hku si hka hka nna rai tim mung si ai shaloi bai hkrum na shanhte ndai kawa wa hpan kaw sha wa zup ai majaw kawa lami tai nna shanhte ni ya du hkra ndai kawa lami ngu ai gaw dai shanhte ni dai de sat si na dai kaw shan nu wa na dai hku na sak se zawn byin na dai kaw ya du hkra kawa lami tai mat ai da. . Language as given: Jinghpaw
Format:Digitised: no Media: Audio
Identifier:KK1-0718
Identifier (URI):http://catalog.paradisec.org.au/repository/KK1/0718
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0718/KK1-0718-A.wav
http://catalog.paradisec.org.au/repository/KK1/0718/KK1-0718-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0718
DateStamp:  2017-09-27
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); W. Hkawn Nan (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0718
Up-to-date as of: Sat Nov 14 14:24:20 EST 2020