OLAC Record
oai:paradisec.org.au:KK1-0715

Metadata
Title:Jahtung nat a lam (The cruel terrestrial spirit)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), W. Hkawn Nan (speaker), 2017; Jahtung nat a lam (The cruel terrestrial spirit), MPEG/X-WAV, 2020-02-11. DOI: 10.4225/72/5989e3744bc87
Contributor (compiler):Keita Kurabe
Contributor (depositor):Keita Kurabe
Contributor (speaker):W. Hkawn Nan
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-10
Date Created (W3CDTF):2017-02-10
Description:Ya ngai tsun na gaw ndai jahtung nat ni i jahtung nat ni nhpa na shanhte ni hpe jahtung nat ni hpe nat jaw yang ndai hku na bang ai sumbu kaw n jaw ai, bang ai sumbu kaw jaw yang kawa wa ai nga lam hpe tsun dan na hku re. Moi shawng e da mare langai mi kaw da dai mare kaw she da ndai num ni gaw da ndai hpun hta sa ai da. Shanhte ni gaw manang ni hte re na law law hpun hta sa ai da, dai shaloi she num langai mi gaw shinggan grai pru mayu ai da, shinggan gria pru mayu na she shanhte kaw na dai wa grau shakya da i, shakya da na shi gaw shinggan grai pru mayu na manang ni hpe she nanhte ngai hpe ndai kaw jahkring mi naw la la u yaw ngai shinggan naw pru la na ngu tsun ai da. Re jang she shinggan pru na ngu tsun ai shaloi she shi na manang ni gaw e nang shinggan ndai kaw pru nga ta u yaw anhte ni nang hpe puk na woh ngu na puk yang nang mung woh ngu na htan u yaw ngu na tsun ai da. E mai ai ngu na she dai shinggan pru nga ta ai da, shinggan pru nga ta re yang shi manang ni gaw hpun ma hkawm mat sai da, oh nam maling hte maling hpun ma hkawm mat wa re jang she shi mung hkan tam ai da, manang ni e hkan tam shi mung hpun bai mu na dai kaw hpun bai hta re yang manang ni hte grai tsan mat sai da. Grai tsan mat re shaloi she da, grai tsan mat ai da grai tsan mat na shi nau tsan mat ai majaw da shi hkrai dai kaw shi mu ai kaw hpun hta taw ai da. Hpun hta taw ai shaloi she shi kaw gaw dai shat majaw bang ai bang sumbu i dai ma lawm ai da. Re na shi gaw dai kaw hta na shat nau kan si wa na dai hpyen sha taw ai da, hpyen sha taw na dai shi na bang ai sumbu dai lang na hpyen sha taw she jahtung nat gaw lai wa ai da, dai hku jahtung nat gaw lai wa hkrup ai da. Jahtung nat lai wa hkrup ai majaw jahtung nat dai gaw da kalang ta shi hpe ra di na da, shi wa she shi hpe shapoi la kau ai da. Shi hpe shapoi la kau na myi gale kau ya na oh de jahtung nat nga ai shara de woi mat wa ai da. Woi mat wa re shaloi she da, dai jahtung nat nga ai nta kaw du ai hte she jahtung nat gaw da, dai shi woi wa ai num dai hpe myi bai jasan dat ya ai da, myi bai jasan dat ya yang she num dai gaw yu dat yang she shi gaw shakrin re taw na hku nga, jahtung nat gaw shakrin rai jang she shing na duk langai mi sha lang na shakrin rai taw ai da, re jang she i gaya kahpa ngu na shi gaw myi magap da, i gaya jahpa ngu yang she dai jahtung nat gaw ngai hpe yu na i nang hpa gaya ai wa ngu, nang na hkum gaw hpa mung nkap ai, gaya jahpa she re ngu tsun ai da. Hpa mung n kap ai ngu yang lahpaw di shakap u ngu tsun ai da, dai num dai gaw lahpaw di shakap u ngu jang, lahpaw ngu gaw da shinggyim masha ni ngai hpe jaw jau ai rai re, ngai sha ai rai re dai majaw ngai na hkum kaw n mai shakap ai ngu tsun ai da. N mai shakap ai ngu tsun ai shaloi shi gaw e ding re jang ndai kaw ngai i ndai gun ai sumbu lang wa ai ngai shat sha ai kaw na lang wa ai re, ndai gun ai sumbu ndai hpe nang na labu kaw i ndai kachyi mi hku waw na ndai kaw dagraw kau u ngu tsun she shi gaw kaja dai lang ai sumbu dai hte dai jahtung nat dai gaw shi labu bu kau ai da. Labu bu na dai hku nga yang shi gaw dai num dai gaw wa lam kade tam tim nmu ai da, nmu jang shi dai wa hte dai kaw nga mat ai, jahtung nat hte nga mat re, dinghku de mat she ma langai lu ai da. Ma langai lu re she dai jahtung nat gaw, jahtung nat hpe dai num wa gaw ah hkang hpyi ai da, ngai nye nu kaw wa mayu ai ngu tsun ai da. Nye nu kaw wa mayu ai, nye nu hte nhkrum ai mung 2 ning re sai ngu da, 2 ning re sai majaw nye nu kaning re na nga ai kun ngai nye nu hpe wa jahkrum na yaw ngu tsun she jahtung nat gaw e mai ai ding nga yang ngai nang hpe lam madun dat na ngu tsun ai da. Lam madun dat na ngu jang nang bat mi sha nga yaw, bat mi sha nga na wa ndai de bai wa u ngu, e mai ai ngu tsun na shi nta wa mat ai da. Nta wa mat re yang she, nta wa ai dai kaw she kanu kaw du yang kanu gaw grai hkrap kabu ai da, hkrap mung hkrap na kabu mung kabu na kasha hpe ah hpum na hkrap yang she nu ngai ma mung lu sai ngu tsun ai da. Kanu gaw e e rai sai le ding nga jang gaw rai sai, dai hku na shi gaw kanu hte nga bat mi hpring wa sai da. Bat mi hpring wa bat mi hpring na matu 3 ya naw ra ai da, dai shaloi she shi gaw hka nnga sai da, hka nnga yang she retim kanu gaw i shi hpe shi kasha wa nnan na hte nbung mat ai da, nnan e gaw kanu hpe grai tsawra ai hpa ni galaw, ya gaw kanu hpe ga shaga lam mung nnga na she, ma mung woi wa manga ma mung woi wa na ma hpe madun ai lam mung nnga da. Ma hpe gaw dingyang myi man kaw gaw sumpan magap da ya ya re da. Sumpan hte magap da re yang she kanu gaw na kasha e jaw yu u le ma e i ngai mung nye kashu hpe pawn mayu ai mu mayu ai she me ngu, nu nang hkum pawn law nang pawn yang hkrap wa ai ngu na singgoi kaw sha shagoi da da re da, myi man nhpraw shangun ai da, kanu gaw nye kasha ndai gaw i grai lak lai ai ngu na she dinghku de ai wa madu wa hpe mung nwoi wa, ya ma hpe mung ngai hpe n pawn shangun nyu shangun ai gaw grai lak lai ai, kasha nnga ai shaloi she kanu gaw moi gaw ndai kawa kaba law, kawa ding re kaw she kawa ndum hpai na dai kaw hka ja lu ai re da, kawa n dum kaw le npu de she kanu gaw sumprang na she ah nyaw baw ai da, hku 2 ram ah nyaw baw da na she kasha hpe she hka nga ai mung ru kau na dai ah nyaw baw na nye kasha e hka nnga sai dai ni gaw hka sa ja la su ngu tsun ai da. Chye nu e nu nang sa ja su le ngu yang, chye ma e nang nu e shangun ai i, nu gaw asak mung grai kaba sai, kawng gaw lung ra ai hte karaw gaw karaw hte kadawng gaw lung ra ai hte hka gaw tsan ai hte, ma nang mahtang jang sa la su ngu yang ngai i nye kashu hpe woi da na, nu nang woi ai nga tim singgoi hkring mat jang singgoi sha ndai hku ah shun ya yaw ah nu hkum pawn yaw ma hpe hpaw ma hkum hpaw yu yaw ngu tsun ai da. Dai hku tsun yang she shi nu gaw e e mai ai mai ai, shi kasha hka ja yang hka kaw du na hka bai hpai wa, hpai wa tim lam kaang kaw du yang hka bai ma mat re da. Dai hka baw taw jang she ma mat yang she kanu gaw na taw jang dai shi kashu hpe hpaw dat yu ai da, ning hku hpaw dat yu yang myi man kaw wa she myi ni ladi ni hpa nkap ai da, jahtung ni gaw hpa n kap ai hpan re da. Hpa n kap ai da, yawng wa ara apri re da, kanu gaw kajawng mat na dai kaw nan kalang ta dung kajawng taw ai da, dai shaloi kasha du wa jang she nu nang nye kasha e hpaw yu na nang hka nhtum kaw ndai hku na baw na nang ngai e hka ja shangun ai ya kaw na gaw nang kaw galoi ma wa na nrai sai yaw ngu tsun ai da. Nang kaw ngai galoi ma wa na nre sai ngu tsun yang she kanu gaw e ma e ding nga yang nu i nang nu hpe ntsawra sai i, ntsawra ai nre tsawra ai tim nang ngai na kasha hpe hkum hpaw yu ngu hpaw yu ai majaw nye kasha hpe nmai yu ai nang yu ai, kanu gaw da chye ai da, chye jang she ndai i shat ma makai dat ya na she ndai lam kaw kan si yang sha yaw ngu na ndai shat makai ai hpan i shat makai ai hpan sumbu dai jaw dat yang she shi kasha gaw nla ai ngu tsun ai da, nla ai ngu tsun she la mat du, nla ai law, la mat u ndai gaw la mat jang gra ngoi ai ngu tsun ai da, ndai lang hkawm yang grai ngoi ai ngu jang, retim la mat u ngu kasha gaw dai la na wa mat ai da. Wa mat yang she jahtung dai kaw she jahtung dai kaw bai du wa re she ngai nye nu kaw galoi ma nwa sai, e dai hku grau kaja ai ngu na shan 2 dai hku nga ai kaw she kanu gaw dai ma hpe hpaw yang ndai gaw i myi man kaw hpa mung ladi n gup ni mung n kap ai ndai hku apri sha re majaw shi gaw dumsa dingla kaw sa na nat sa jaw ai da, nat sa jaw re she dai wa tsun ai na kasha hpe jahtung nat shapoi la kau na dai hku byin ai re ngu tsun ai da. Dai hku byin ai re, nang na kasha gun sa ai ndai i sumbu shat sumbu ndai hte shi hpe labu shabu da ai labu sharaw dat yang gaw dai labu dai lu raw kau yang gaw na kasha i nang kaw myit malai na wa yang bai wa na ra ai dai hku tsun ai da. Dai hku tsun yang she dai shat sumbu dai kaw she dai nat galaw ai shaloi dai jahtung hpe sa galaw ai shaloi dai shat sumbu dai kaw shat bang ai da, shat bang na dai hku sa jaw daw jau na dai hku dai kaw nat galaw ai da, mare kaw nat galaw taw ai shaloi she jahtung nat gaw ndai ngai bu ai ndai sumbu kaw ngai hpe shat bang na dai hku jaw ai gaw ngai gara hku timmung nmai sha ai, ngai hpe ndai gaw roi ai re ngu hku na she shi gaw grai pawt na i ndai hku na shi hpe nat galaw ai ratiim mung shi hpe jaw sha ai retim mung shi gaw jang kawa sat kau ai da. Shi na kani jan e re nga jang kawa sat kau ai da, dai majaw ndai jahtung nat ngu hpe gaw da ndai shat sumbu kaw i shat sumbu (aike) kaw bang na shi hpe galoi ma dai kaw bang na nmai jaw jau ai da. Dai kaw jaw jau yang gaw nhtang de na madu dai jaw jau ai ni hpe kawa sat wa ai da. Dai majaw galoi mung ndai jahtung ni hpe jaw yang gaw da ndai lahpraw kaw ah tsawm sha makai na jahtung nat hpe jaw yang lahpaw kaw ah tsawm sha makai na jaw jau ai ngu gaw ya du hkra dai hku re ai da. . Language as given: Jinghpaw
Format:Digitised: no Media: Audio
Identifier:KK1-0715
Identifier (URI):http://catalog.paradisec.org.au/repository/KK1/0715
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0715/KK1-0715-A.mp3
http://catalog.paradisec.org.au/repository/KK1/0715/KK1-0715-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0715
DateStamp:  2017-10-25
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); W. Hkawn Nan (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0715
Up-to-date as of: Tue Feb 11 15:35:56 EST 2020