OLAC Record
oai:paradisec.org.au:KK1-0711

Metadata
Title:Langu hpun gara hku byin wa ai (The origin of the banana)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), W. Hkawn Nan (speaker), 2017. Langu hpun gara hku byin wa ai (The origin of the banana). MPEG/X-WAV. KK1-0711 at catalog.paradisec.org.au. https://dx.doi.org/10.4225/72/5989e3631794e
Contributor (compiler):Keita Kurabe
Contributor (depositor):Keita Kurabe
Contributor (speaker):W. Hkawn Nan
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-10
Date Created (W3CDTF):2017-02-10
Description:Ya ngai hkai dang na maumwi gaw moi moi prat kaw na ndai langu hpun ngu ai langu si ngu ai gara hku byin wa ai ngu ai hpe tsun dang na re. Moi shawng ye da mare langai mi kaw she da ndai gaida shan nu nga ai da. Gaida shan nu re yang she da ndai kanu hte sha nga kanu matsan mayen re shan nu ni gaw matsan ai da. Dai hku na nga ai shaloi ndai gaida kasha ndai gaw da oh shanhte mare hte mare kaw na nga ai kaw na laga mare kaw na la hte ra hkat ai da. Ra hkat re she la maga de na kanu kawa ni gaw myit n hkrum ai da. Rai tim shan lahkawng gaw grai ra hkat na she ndai la wa gaw ndai gaida shan nu kaw dauma shang ai hku na shang nna dai hku na nga mat ai da. Nga nga re she lani mi la dai ndai hpun hta ai bungli hpe galaw ai da. Hpun hta bungli hpe galaw re she shi gaw bum ni grai lung ai da. Lani mi shi hkrai hpun hta sa ai shaloi shi jan du ai da. Shana de jan du na wa ai shaloi lamu maran ni grai htu nna nbungli laru ni grai bung ai da. Shi wa ai lam kaw shi hpe hpun daw nna gamyet sat kau ai da. Gamyet sat kau ai shaloi mi shi la da ai num dai kaw gaw ma hkum hte nga ta ai da. Ma hkum hte nga ta re she dai ma hkum hte nga taw ai ma dainggai ma shan nu lahkawng gaw dai hku na nga ai shaloi ahkring aten na wa ai shaloi dai num manga shangai ai da. Shangai nna num kasha shangai ai da. Num kasha shangai yang num kasha dai gaw da shata lahkawng re ai shaloi she ndai shi nu gaw myi nmu sai da. Dai ma kanu dai wa gaw shi gaw bungli galaw taw ai da. Nta kaw shi shat gawk bungli galaw taw ai shaloi she ma yu ai nga na shi gaw ma hpe she shi bungli galaw ai makau kaw pingra langai ra da ai dai pingra kaw ma hpe sha yup da ai da. Ma hpe sha yup da re she shanhte na mare na shanhte na mare ni hku yu dat yang dai kaw bum grai tsaw ai nlung ni hte tsi da ai dai hku re ai bum langai mi nga ai da. Dai bum kaw gaw ala ni pi naw nlu lung ai da. Grai lung yat ai da. Dai bum dai kaw nga ai da. Dai bum dai mu masha ni nin hku yu yang pi naw grai tsaw ai majaw masha ni kadai mung n lung gwi ma ai da. Dai shaloi she da dai wa bungli galaw ai shaloi ma hpe dai kaw shayup da ai da. Shayup da ai shaloi she dai bum de na sa wa ai langgyi nga ai hpan le langgyi nga hpan u kaba law ai dai hpan sa wa ai da. Dai hpan sa wa na she ma dai hpe wa shi wa shi na ngup hte hpai mat wa ai da. Ma dai shata lahkawng sha naw rai shi yang manga hpe hpai mat wa ai da. Hpai mat wa ai shaloi she kadai mung nmu dat shi ai da. Nmu dat she shi gaw ndai kanu wa bungli galaw taw nga yan yi nye kasha rawt sai kun ngu na yu dat yang kasha n nga shi mau na dai bum maga de jahkring shi ni hku gayin dat ai shaloi she oh bum ntsa de du taw sai da. Bum ntsa de hpai taw ai hpe mu ai da. Shi dai langgyi u dai hpai taw ai hpe mu ai da. Mu ai majaw shi grai ngai hpe naw hkye la mi lo nye kasha hpe dai hku na bum de na u woi mat sai ngu ai da. Bum de na u woi mat sai dai majaw nye kasha hpe gaw lu hkra la ra ai masha ni nin hku tsun ai da. Nkau mi gaw chye ning re nang ndai ma hpe lu na nrai sai nang kabai kau ra sai ngu tsun ai da. Hpa majaw nga yang ndai bum de gaw anhte kaw na wa jet wa nga ni gaw kadai pi naw n lu lung ai shara re ngu tsun ai da. Dai she shi gaw nmai ai ngai nye kasha hpe grai tsawra ai kawa mung nnga sai gaw kawa na kawa hte mung bung ai re majaw kawa na matu nga na kawa hpe dum yang shalang shabrang na matu nye kasha hpe ngai bau na matu ndai langai sha nga ai ngu tsun ai da. Shi she masha ni gaw hkum lung sa nang kasha hpe nang lu na nrai sai ndai kaw na wajat wanga ni kadai mung ndai bum hpe nlu lung ai ndai ma hpe nang nlu la sai rai nga ai ngu tim shi gaw nhkraw ai da. Grai hkrap na she nye kasha hpe ngai lu hkra la na ngu na she shi gaw dai bum de lung mat wa ai da. Lung mat ai da. Lung hkrai lung lung hkai lung yang she shi mung lu gaw lu lung masha ni pi naw shi hpe dai bum dai gaw ni re agyen na tsaw lung mat ai re gaw masha ni gaw ndai num gaw ndai bum kaw di hkrat si sai ndai shan nu gaw kasha hpe mung langgyi sha kau kanu mung ndai bum kaw na di hkrat si sana re ngu dai hku tsun ai da. Dai hku tsun tim mung num dai gaw kasha hpe myit ai re nga ngai si yang si ngai hpa byin yang byin nye kasha asak hkrung jang rai sai ngu shi dai bum kaw lung mat wa ai da. Lung mat mahkyit hkrai mahkyit lung gau ngwi gau ngwi shi dai bum kaw du mat wa ai da. Dai bum kaw du re she langgyi dai gaw shi kasha hpe sha maw sai da. Sha maw hte shi gaw nlung langai hta hpai nna kabai dat yang she dai u dai langgyi u gaw hprawng mat ai da. Hprawng mat wa re ai shaloi shi gaw shi kasha hpe bai gawn ai da. Shi kasha hpe bai pawn nna yu wa na matu grai tsang mat sai grai tsaw ai bum re ai da. Grai tsaw ai bum re she yu wa na matu grai yak sai rai tim shi gaw naw lu yu wa an nu lahkawng ndai kaw nga yang gaw an nu lahkawng yan si mat na ra ai ngu na she shi gaw oh mare masha ni gaw ndai ram pi lu lung sai num ndai gaw grai byin ai ngu na she bai yu wa ai da. Bai yu wa ndai daw mi kaw du ai hte she masha ni gaw sumri kabai dat ya ai da. Ndai sumri kaw jum nna yu wa mu ngu sumri dai hpe kanu gaw lum jum sai da. Jum ai hte di ai hte oh ra de n nga nna di hkrat mat wa ai shaloi ma hpe ma mung hkrat kanu mung hkrat re ma hpe gaw oh ra ni mare ma masha ni lu pawn la na she kanu gaw dai kaw hkrat si mat ai da. Ma dai gaw kawoi dwi rau sha kaba wa ai da. Dai hku na bau mare masha ni mung yu garum na dai hku na kaba wa kaba wa re ma dai gaw lani mi shi asak aprat ram nna kaba wa ai shaloi grai tsawm ai num langai shayi sha langai byin ai da. Grai tsawm yang gaw dai mare kaw na la ni gaw shi hpe grai ra ai da. Laga mare kaw na la ni ma grai ra ai da. Grai ra ai da. Rai tim shi gaw kadai hpe ma nra ai da. Masha ni shi hpe grai ra tim shi gaw kadai hpe nra ai da. Masha ni gaw tsun ai da. E nang jan na yaw anhte grai ra tim nang nra shi gaw nra ai hkra sha ngu taw na shi gaw kadwi hpe sha bau na she shani shagu shi gaw nam langai de sa nna dai nam de hpun sa hta ai da. Namsi namsaw shatmai shat maw di re sa tam ai da. Sa tam sa tam sa tam dai hku shi hkrai sa tam re she kadwi myi n mu ai re nga shi hkrai sa mat re lani mi na ahkying aten hta da shi dai kaw hpun hta ai da. Hpun hta shi dai kaw shat ni ma gun sha ai da. Shat shingnoi ni htingga ni gaw dai hpun pawt kaba law ai dai kaw shadung da na she shi dai kaw hpun hta masawm na dai kaw dung nga yang ala langai mi gaw shi hpe yu taw taw re ai da. Oh grai tsang ai hpun langai mi kaw shi hpe zim nga na yu taw ai da. Shi gaw grai mau ai da. Shi gaw hkrit ma hkrit nna rai tim shi ga n shaga ai da. Shi hpun hta ngut na shi shat sha ngut jang wa mat hpang shani mung dai hku re masum la ngu na hta la dai she shi hta ai hpun ni hpe tam ai da. Tam na hpun grai law hkra tam na num dai hpe jaw jaw re ai da. Ga ma loi mi ma nshaga ai da. Dai hpe shi gaw i hpa ma hpa ma zingri zingret ma n re ai da. Hpa ma ndi ai da. Dai majaw shi gaw hpun hta na shi hpe jaw jaw re shi gaw shi kaw gun sa ai shat ni bai jaw sha ai da. Shat ni bai jaw sha re she shi gaw lani mi shi gaw la ndai gaw nam kaw nga ai la ndai gaw ngai hpe grai garum ai ngai hpe hpa mung dingbai dingla mung njaw ai dai ni gaw shi hpe chyeju dum ai hte ngai u sat sa nna shi hpe sa jaw sha na re ngu myit ai da. Dai na shi gaw kadwi hpe tsun na she u hpe sat na she jahtu grai mu hkra shadu ga ngu na makai mat na dai kaw shi hpun pawt kaw sa tawn da nna hpun bai hta taw ai shaloi la dai bai sa wa ai da. La dai bai sa wa yang she ngai i nang hpe hpun bai hta garum ai ngai hpe hpun hta garum ai chyeju kaba sai yaw dai majaw ngai dai ni chyeju dum ai hte nang hpe ngai u shan shat mai hte shat jaw sha mayu ai ngu jaw sha la dai gaw dai shaloi ga shaga wa ai da. Ngai shan n mai sha ai ngu tsun ai da. Ngai shan n mai sha ai ngai shan hpe ma gam ai shan n sha ai ngai gaw ndai nam law nam lap ni sha sha ai ndai kan na namlaw namlap ni nam si nam saw ni tam sha na nga ai ngu tsun ai da. Namsi namsaw ni tam sha na nga re she hpa na nsha ai rai ngu she ngai gaw da lani mi hta da. Ndai bum kaw i ndai bum kaw nga ai ngu ai gaw lani mi hta ngai ndai bum grai tsaw ai kaw na ndai mare ma hkra hpe lu na matu re ai ngu ai da. Num dai gaw hpa nchye na ai da. Rai tim mung num dai gaw shi hpe garum shani shagu garum hkrai garum hpun ni hta garum jang la dai gaw grai ma tsawm ai da. Num wa myit shang sha mat wa ai da. Num wa myit shang sha mat na she la wa hpe grai ra ai da. La wa mung shi hpe gaw ra wa ai da. Rai tim la wa gaw ngai nang hpe n mai ra ai ngu da. Ngai dai ni gaw nang hpe hpun ni ma grai law hkra hta da ya sai dai ni gaw ngai na wa teng du mat sai ngu tsun ai da. Ndai kaw na ngai hkawm ra sai ngai wa ten du sai num wa gaw tsun ai da. Nang gara de wa na ngai hpe tsun dang u ngu nmai tsun dang ai rai tim ngai wa ra sai ngu tsun ai ngai hpe shaga sai ngai wa ra sai ngu jang ngai nang hpe i ngai hpe la ni grai ra ai rai tim ngai kadai hpe nra ai nang hpe sha ra wa sai ngu na shi na ta hpe hkan gan ai da. La wa gaw ngai wa sa na ngu na hpun de gayin mat ai hte num dai gaw kalang ta Shi na shat makai tawn da kau na she la wa na ta hkan gan ai da. Jum hkrai jum nna gan da ai da. Gan da nna hkum hkawm u law hkum wa mat ngai nanhte hte rau nga na num wa tsun ai da. Rai tim mung la dai gaw nmai ai ngai ya wa ra sai ngu she la dai mung nmai ai law ngu num dai mung gan hkrai gan taw ai shaloi she da dai hku gan taw la dai wa mat na ngu she nau gan nna ndai shi na dai nchyang ndum na ta ndai hte dawmi num wa kaw shi gan ai kaw daw kau da ai da. Daw mat ai da. Oh ra la wa gaw mat mat ai da. Mat mat re she num dai gaw shi hpe nau ra na she ta hpe jum mat ai jum mat ai da. Dai hku jum chyai re she e ta dai gaw i anhte shinggyim masha ta ngu ai gaw dai hku yat manam wa ai shi gaw nau n ja ai re nga la dai hpe shi nau ra nna shi na nta shawng kaw da ga kaw htu na she dai shi na ta shi na lata hpe nchyang dum ndai re ai hpe gaw ga de bang na she ndai lata hpe gaw ndai hku na htawng nna lup da ai da. Lup da ai shaloi she na wa loi mi na wa re yang dai kaw na langu hpun ngu tu wa ai da. Langu hpun ngu pru wa re na she alap ni lap wa lap wa re na ndai ndai anhte na ta latsan kaw lap wa na she ndi re ai kaw na ndai kaw na tsun ga nga yang shi na laswi lasa ni kaw langu si si wa ai da. Dai shani kaw na dai num wa dai la na ta kaw gan nna hkai da ai langu si langu hpun ngu nga wa ai da. . Language as given: Jinghpaw
Format:Digitised: no Media: Audio
Identifier:KK1-0711
Identifier (URI):http://catalog.paradisec.org.au/repository/KK1/0711
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0711/KK1-0711-A.mp3
http://catalog.paradisec.org.au/repository/KK1/0711/KK1-0711-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0711
DateStamp:  2018-03-20
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); W. Hkawn Nan (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0711
Up-to-date as of: Sat Nov 14 14:24:19 EST 2020