OLAC Record
oai:paradisec.org.au:KK1-0691

Metadata
Title:Num ni shangai chyinghkai yang chye da ra ai lam (Things women must know when they give birth)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Awng (speaker), 2017; Num ni shangai chyinghkai yang chye da ra ai lam (Things women must know when they give birth), MPEG/X-WAV, 2020-02-11. DOI: 10.4225/72/5989e314380f0
Contributor (compiler):Keita Kurabe
Contributor (depositor):Keita Kurabe
Contributor (speaker):M. Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-10
Date Created (W3CDTF):2017-02-10
Description:Ya ngai hkai na maumwi gaw num ni shangai chyinghkai yang ma shangai yang chye da ra ai lam ni re. Moi shawng de da dinghku langai mi hta shabrang langai mi nga ai, shi a kanam hpe grai htap htuk manu ai hku na hkungran ya ma ai da. 1 ning mi jan re jang dai num jan gaw shi chyeju hkum re nna shi chyeju hkum byin wa ai da. Madu wa e mung ntsun dan ai, kagu gamoi ni e mung n tsun dan ai. Kadai hpe mung ntsun dan ai, shi chyu sha ip tawn da ai da. Dai shangai na aten du ai shaloi mung kadai hpe mung ntsun ai, shi gaw dai ni ngai baw machyi ai bungli rai nlu sa ai nga na baw machyi ai nga na sha shi nta ngam ta ai da. Kagu gamoi ni madu wa ni yawng gaw karang yi de bungli galaw sa mat ai da. Shani ka-ang re jang shi gaw ma shangai ai da. Shi hkrai sha ma shangai, ma shangai ai shaloi gaw ma jasi wa shangai tawn da ai da. Ma jasi shangai tawn da re na shi gaw mau, yawn mung yawn re na ma dai hpe shi a labu kaw hta bang na le nam de sa kabai kau ai da. Sa kabai kau ai, kaja wa nga yang gaw dai shawng shangai ai ma gaw ma hkawn re na nga, nang gaw mahkawn re ngu na dai hku tsun dat ra ai, amying jaw dat ra ai shi mying n jaw dat ai. Dai majaw nam kaw sa kabai kau sai ma chyangai wa she shi hkrai bai lung wa na shanhte a nta ndan re lam kaba makau kaw bai wa taw ai da. Yi kaw na wa ai ni yawng gaw wa matsa ai da, kade nbya re kun? kadai lu shangun ai kun? lam kaw me ama lu jahkrat tawn da ai gaw kadai na re kun? nga na manyen mahtoi matsa na lai mat wa ai hkrai hkrai re da. Re na gaw hpang jahtum e wa mung kagu yen kamoi re da, kagu yen gamoi ni madu wa ni wa matsa ma ai da. Dai ma dai hpe e nta bai du shang wa ai shaloi re jang gaw dai num jan gaw ma shangai machyi ai ntsun ai baw machyi ai sha tsun ai re majaw dai ni loi mi n hkam kaja ai i nga, loi mi hkam kaja sai nga jang gaw ma lu ai mung n chye nlu ai mung nchye dai hku nga ai da. Hpang jahpawt bai du sa i nga jang masha ni yi sa wa ai shaloi mung ma dai gaw lam kaw sha taw nga ai da, agwi ni mung n hta sha, wa ni mung n hta sha bai taw nga ai da. Yi sa ai ni yawng mung matsa n na lai mat wa, lai mat wa re ai re da. Chyunlaw tsan re sa i nga jang she dai num jan gaw kaning re ma wa re kun? ngai na ma gaw ma jasi re ngai she sa kabai kau sai wa mi masha yawng yawng tsun ai gaw, ngai mung naw sa yu na re ngu na sa yu yang gaw shawng shani shi lu kabai kau ai ma chyangai wa rai taw nga ai da. Dai shaloi gaw shi gaw gaya ai hte pawt ai hte re na she bai garawt la na she le nam de sumbwi shalawng kaw sa kabai bang tawn da na nang i ngai e gaya jahkrum ngai e gaya jahkrum ai nang, dai ni bai lung wa yu le ngu na she gayet mung gayet nlung hta la na lagaw lata ni mung kabai daw kau ya baw ni mung 2, 3 shara waw hkra n lung hte kabai waw ya di, shi dan re nga ai aten hta ma a numla gaw le yi kaw bungli galaw nga ai kagu dingla wa kaw shang nna she kagu dingla wa jahtau wa ai da. Akaloh nu gaw ngai hpe e lagaw lata mung kabai daw kau ya sai loh, abaw mung 2, 3 shara kabai waw kau ya sai loh, machyi ai loh, adup mung adup ai loh, nu e hkum di sa loh, nang mahtang ngai hpe mying n jaw ai shangai ai, shangai ai hpang mying n jaw ai kabai kau na ngai amying ra na nu kaw dai wa hpyi ai she re loh nga na dingla wa gaw grai gayup she gayup kadau re jang nta masha ni mung grai mau ai da. Grai mau nna gaw htingbu ni e shaga la na dingla wa hpe gaw shana de gaw yi kaw na hpai wa ai da. Hpai wa ai dai hku re na hpai wa dingla wa grai machyi re shaloi gaw shanhte nat jaw prat hta e gaw shaba wawt ai, shaba wawt ai shaloi gaw ndai sawa si sai ndang si mat ai, n kaja ai hka hkrat si ai, hpun hkrat si ai n hkyi n htu ningwa hte si ai, ndai ni hpe nambat 1 shaga nna nanhte n rai myit ni, ndai dingla wa hpe kawa ai gaw ngu, anhte gaw nrai ga ai nga. Nre nga jang gaw wa manu ngu, masha kaja gumgai dingla na si mat ai ni, machyi makaw si mat ai ni hpe bai shaga na nanhte nrai nit ni? ndai dingla hpe shaga ai gaw aw kawa ai gaw ngu yang anhte ma nrai nga ai nga. Re jang gaw bumsi ai nat, hpun pawt kaba sin ai nat, hka de nga ai nat, lungpu hkan nga ai nat ni yawng hpe bai shaga nna nanhte rai kun? ndai dingla wa hpe gawa ai gaw ngu yang ndai mung anhte n re ai nga da. Anhte mung nre ga ai nga jang gaw ningwawt wa gaw mau sai da, shara shagu shanhte hkan wawt yu ai shaloi gaw hkrum ai lam langai gaw ya mungkan ga na nat ni mahkra hpe san yu sai kadai mung n kawa ai nga, kadai mung n kawa ai nga, dingla wa gaw machyi nga ai. Dai majaw yawng dang di lu ai gaw mu nat sha re, mu gaw ntsa de nga ai re majaw yawng hpe up ai wa re, dai majaw mu nat hpe e nanhte daw jau na di mu shanhte ndai nga wuhkyeng wula dawng mi daram re hte e ndai mu nat hpe jaw jau mu re jang gaw mai na re. Ndai dingla wa hpe e kawa ai kadai re ngu gaw hto mu wa sagawn nna dai wa hpe mara jaw u ga ngu na tsun ai da. Dai shaloi gaw dingla wa gaw dai hku wawt mu jang gaw loi mi mai ai da, nhku hkan e shi hkrai hkawm lu ai, shinggan hkan e daw hkrawng lang na hkawm lu ai, shi e a nga lu ai dai mu nat hpe jaw na ngu nga rem na, mare makau hkan e hkawm lu ai da. Nta ting nat jaw na mu nat hpe nat jaw na ngu gaw myit hkrum sa, ajum hte e lusha wa n lu da. Jum hte lusha nlu ai majaw 1 ning mi ning ni njaw ai bai shalai tawn re jang she lani mi na gaw anga da dingla wa mi da bai mat mat da. 2 yen bai mat mat dai kaw na gaw mau sai da, a nga hkang gaw hkang masha gaw nmu, a nga mung n mu, mare masha ni gaw tsan tsan kaw na gaw mu ai da, hto ra kaw nga rem ai le ra kaw nga ai ngu, ni hkra sa wa jang gaw nmu mat re na shanhte gaw grai mau ma ai da. Grai mau nga ai shaloi htingbu ni hpaji jaw ai gaw, oh ra shanhte hte nau n tsan ai kahtawng langai mi kaw shabrang langai mi myihtoi chyaulung nnan sha myihtoi htoi chye wa ai myihtoi langai mi nga ai, dai kaw chyawm me sa wawt yu mu mahkoi mu na kun ngu nna hpaji jaw ai shaloi gaw kaja wa shaba wawt na shaloi gaw dai si mat ai wa a labu dingsa rai rai palawng dingsa rai rai dai gun na sa wawt ra ai. Shabrang myit su ai shabrang 2 hpe shaba naw sa wawt ya mi ngu na shangun dat ai shaloi gaw ohra kahtawng de ya shanhte nga ai kahtawng lapran kaw hka aram re langai mi nga ai da. Dai shabrang yen rai jang gaw masha ni tingraw ja nga ja, tingraw ja tawn da ai hkan lagu ru na wa le hka nam de rai wa, hka hku de lung wa shani ting dai hkan lagu ru, tingraw nkau mi re yang gaw shayawng kau ya, re yang nga kaji ji law ai 2 sha lu ai da. Dai hpe wa shan gaw ya ndai an nta wa jang kakang jahkraw la na jap htu htu sha ga i ngu nna she lawoi hpaw hte makai nna nam kaw makoi tawn da ai da. De hpang e she myihtoi wa gaw bai du lung wa re shaloi gaw myihtoi wa gaw yawng shan pyi karai n tsun yang yawng chye ya sai da. Dai dingla wa a bu hpun palawng dingsa shi hpe jaw ai kaw na dai hpe yu nna yawng chye ya sai da. E nan dai hpawt grai jau kaw na lung wa sai, masha ni a nga tingraw hkan lagu ru hkawm ai rai nga mi dai, nan hpa nga mung n lu ru ai, 2 sha lu ai kachyi chyi law 2 sha lu ai, ndai hpe nan gaw jahkraw nna jap htu htu sha ga i nga, lagoi hpaw hte makai nna makoi kau tawn da mu ai. Ndai hpe e kaba ni e wa jaw, ndai hpe e amu lun na ngu na kumhpa kalang mi bai kap mu, nanhte nta ndai nta kaw e n bya nat langai mi nga ai. Ndai n byanat amying n shamying ai kabai kau ai n bya nat ndai wa chyinglau hkawm ai sha re, ya yu wa nna wa tsun dan mu. Dingla wa hte a nga gaw numshang kaw nga nga ma ai, shana shanang dai kaw wa yup ma ai, nanhte kumhpa kap ngut ai shaloi e dai numshang kaw wa yu mu, dai kaw wa mu na mi dai ngu nna tsun ai da. Re jang gaw kaja wa nta kaw du yu wa jang kaba ai ni hpe bai wa tsun dan, wa tsun dan nna gaw kaba ai ni gaw ningwawt wa wawt ya dat ai hte maren a nga jahkraw dai hte amu lun na loh ngu na ndai lang gaw teng sha lun ya sa na law ngu na kumhpa bai kap, hkindun gindai galaw re na dingla wa hpe e tam ai, namshang kaw nga ai yaw nga ai majaw namshang kaw lung yu yang gaw kaja wa nga hte masha hte dai kaw nga ai hpe wa mu ma ai da. Dingla wa gaw yawng baw mung hpraw mat, n hka mun mung hpraw mat, anga mung n rung n di nda re anga mung grai kaba mat, re ma ai da. Dai majaw kahtawng masha ni gaw e nanhte amu lun na matu anat jaw na matu jum nlu jang gaw anhte mare kaw na lahkawn la ga, dai shani sha na, n- gu lusha nlu jang mung anhte mare kaw na lahkawn na she galaw sa ka ngu na mare ting e n- gu hte jum ni garum ya re na e dai mu lun ai hpang e gaw dingla wa mung grai hkam kaja na nga ai da. Dai hpe e ndai ala madin dingla madin mau ai re majaw lamau ni ngu na shamying kau ma ai da. Lamau ni damau nre sha lamau ni ngu nna shamying kau ai, lamau ni ya mung nga ai, ya du hkra lamau ni shanhte ni grai hkabra mat sai, retim mung ndai maumwi hpe e bai sagawn jang bai hkrum ai ni gaw grai ni ai ni hku na bai hku hkau hkat ma ai da. . Language as given: Jinghpaw
Format:Digitised: no Media: Audio
Identifier:KK1-0691
Identifier (URI):http://catalog.paradisec.org.au/repository/KK1/0691
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0691/KK1-0691-A.mp3
http://catalog.paradisec.org.au/repository/KK1/0691/KK1-0691-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0691
DateStamp:  2018-10-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0691
Up-to-date as of: Tue Feb 11 15:35:42 EST 2020