OLAC Record
oai:paradisec.org.au:KK1-0676

Metadata
Title:Chyinglap Ja Hpa (Chyinglap Ja Hpa who was possessed by a spirit)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Htoi Bawk (speaker), 2017. Chyinglap Ja Hpa (Chyinglap Ja Hpa who was possessed by a spirit). X-WAV/MPEG. KK1-0676 at catalog.paradisec.org.au. https://dx.doi.org/10.4225/72/5989e2d2c3ce9
Contributor (compiler):Keita Kurabe
Contributor (depositor):Keita Kurabe
Contributor (speaker):L. Htoi Bawk
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-10
Date Created (W3CDTF):2017-02-10
Description:Transcription (Lu Hkawng) Ya tsun na lam gaw ndai moi Hugawng pa kaw e byin lai wa ai Chyinglap Ja Hpa ngu ai num gaw ndai nat jan tai mat wa ai lam hpe e tsun dan na hku re. ndai Chyinglap Ja Hpa ngu ai num gaw nat jan, nat ni sha poi mat wa na shi gaw nat jan tai mat wa ai. Dai re ai majaw gaw grai na tsawm ra mi na jang she dai Chyinglap Ja Hpa, Chyinglap Ja Hpa ngu ai jan gaw ndai ma ba nna mayu nta de sa wa ai, kanu hpe wa jahkrum ai. E dai shaloi e, kanu gaw shi kasha ning re na ma ba nna sa wa ai shaloi gaw shi kashu hpe grai mu mayu ai grai mu mayu ai, rai tim mung ndai Chyinglap Ja Hpa gaw shi kasha hpe kawoi dwi yu ya na hpe shi n ra ai, shi a kanu hpe n madun ai. Kanu gaw ''Ma e na kasha hpe nu yu yu ga'' nga na kade lang tsun tim ''Nu n mai yu ai hkum yu'' ngu na tsun ai, tsun ai da, dai nna she kanu gaw grai yu mayu Dan re lani mi gaw dai Chyinglap Ja Hpa gaw ma hpe e sin nyen hte ayan yan makai chyu makai myiman magap chyu magap da na e dan re nna ba chyu ba tawn da, dan re na lani mi hta, lani mi na aten hta gaw Chyinglap Ja Hpa gaw shi gaw ma hpe sha yup tawn da ai. Ma hpe sha yup tawn da nna she shi gaw hka ja sa ai da. Hka ja sa re ai shaloi gaw kanu gaw ''Nye kasha Ja Hpa ndai gaw shi kasha gade ram wa tsawm nna ngai hpe nkam yu shangun ai kun'' ngu na e, ma hpe shi kasha hka ja sa mat ai shaloi she dai sha yup da ai ma hpe sa hpaw yu ai da. Sa hpaw yu ai shaloi gaw ma gaw achyang san nna she gahtan kaw myi langai sha tu ai nat nat kasha wa rai taw nga ai da. Dan re she ''Ke ning re ai wa i nye kasha gaw ning re kasha wa alu da i'' ngu na she grai myit n pyaw rai yang she ndai Chyinglap Ja Hpa gaw shi gaw masha hku mung masha hku mung rai taw nga rai tim mung shi gaw nat jan tai mat sai re majaw gaw shi gaw kanu lagu yu ai ngu ai hpe chye ai. Dan re ai majaw gaw Chyinglap Ja Hpa bai wa ai shaloi gaw ''Nu nang, nu e ngai grai gaya ai, yawn ma grai yawn ai nu nang hpe e ma hkum yu ngu yang e nu nang ma hpaw yu ya ai ngai grai gaya ai'' ngu nna grai gaya ai ngu nna ma hpe hta ba la nna wa mat wa ai da. Dan re wa mat wa nna she, rai tim mung hpang na kalang bai wa mat wa nna grai na ai shaloi kalang bai dai Chyingla Ja Hpa a kawa ndai Chyinglap du dingla bai si re ai shaloi she ndai Chyinglap ni gaw du ni rai re nga, du, du Hugawng du ni rai re nga rai jang she ndai Chyinglap du dingla si ai shaloi she, ndai dumsa myi htoi ni kaw sha bai sa ndai nat, nta, nat ni bai sa shun re yang she dama ni du na re dai na gaw dama ni du na re, dama ni ngai Chyinglap Ja Hpa a matu hpu sa bang na re ngu na ndai nat dumsa ni hku na she tsun wa ai da. Tsun re she e dai shaloi gaw ndai nat jaw ni gaw ndai moi de anhte naw kaji ai aten hta e ndai Hugawng pa kaw nat jaw ni grai naw nga ai dai shaloi gaw dan re masha si jang e, nat jaw ni gaw ga bung dum ai, ''Dawn ting dawn ngut, dawn ting dawn ngut, tawk ting tawk, dawn ting dawn ngut, dawn ting dawn ngut'' nga na e ga bung bau kaba lahkawng masum noi tawn da nna bau dum ai. Bau dum nna maru marang re nna ka ai, dai aten hta gaw shanhte Karai makam mung nlu shi ai nat jaw prat re ai majaw gaw dan re na ka ai anhte ni pyi naw dep ai. E dai Chyinglap Ja Hpa kawa si ai shaloi mung dai hku na ga bung dum ai da. Dai shaloi e, ga bung dum ka taw nga ai masha u hpung u wa ka taw nga ai ndai ka roi nhpang ngu ai nga ai ndai ka roi n hpang nat ra mung nga ai dai ka roi n hpang ngu ai dai, dai kaw she Hpawlam kaba langai mi gat bang wa nna she nam de na gat bang wa gat sa wa na she dai dai ka roi nhpang kaw sa tsap taw nga ai da. Hpawlam dai wa shana tup dai kaw sa tsap taw nga ai, Hpawlam ngu ai gaw masha hpe grai chye daru ai baw re, rai tim mung dai Hpawlam dai gaw gadai hpe mung n daru nna she dai karoi nhpang kaw sa tsap taw re na she karoi ngu ai gaw ndai ga bung dum ai ga bung poi galaw ai ga-ang kaw jun tawn da ai ndai nat hpa ni mung sat ai dai shara rai nga ai, dai kaw oh ra nat ra ni mung nga ai. E dai kaw sa tsap taw rai yang she, hpang jahpawt du hkra n htoi htoi du hkra Hpawlam dai gaw dai kaw sa tsap taw ai da. Rai tim mung kadai mung sanat la ti na n sa gap, n sa gap sat la rai jang gaw Hpawlam dai gaw jan law re wa ai shaloi Hpawlam dai ai shi hkrai angwi sha bai pru hkawm mat wa ai nga bai tsun ai. Pru hkawm mat wa ai da, rai jang she shana rai jang gaw ndai nat shung sai da. Nat shung rai yang gaw ''Anhte dama ni mayu ni hpe hpu sa bang yang mung hpu n hkap la ya ma ai dai majaw gaw anhte grai yawn ga ai, anhte grai yawn ga ai'' ngu na e, ''Dai ni kawn na gaw anhte ndai mayu ga de n sa na sa ga ai'' ngu na myi htoi htoi ai da. Dai nna dai majaw gaw ya ndai Hu-gawng pa oh ra bum maga de gaw ya Chyinglap hpun, Chyinglap n tu ai, Chyinglap n tu ai, Hu-gawng pa ledo lam ding yang gaw Chyinglap ni grai tu ai Chyinglap ni grai mai di sha ai, rai tim mung ndai ndai bum oh ra ntsa de gaw ndai Chyinglap n tu ai ngu hpe e dai dai zawn re na labau a majaw Chyinglap n tu ai nga ai hpe anhte chye lu ai hku re, ndai gaw Chyinglap Ja Hpa a maumwi labau hte seng nna byin ai lam re nga nna Hu-gawng pa na ni hkai dan ma ai. . Language as given: Jinghpaw
Format:Digitised: no Media: Audio
Identifier:KK1-0676
Identifier (URI):http://catalog.paradisec.org.au/repository/KK1/0676
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0676/KK1-0676-A.wav
http://catalog.paradisec.org.au/repository/KK1/0676/KK1-0676-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0676
DateStamp:  2021-01-08
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Htoi Bawk (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0676
Up-to-date as of: Sat Jan 9 19:35:07 EST 2021