OLAC Record
oai:paradisec.org.au:KK1-0670

Metadata
Title:Ma Kaw and Ma Lu (Ma Kaw hte Ma Lu)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), H. Htu Nan (speaker), 2017; Ma Kaw and Ma Lu (Ma Kaw hte Ma Lu), X-WAV/MPEG, 2020-02-11. DOI: 10.4225/72/5989e2b88200a
Contributor (compiler):Keita Kurabe
Contributor (depositor):Keita Kurabe
Contributor (speaker):H. Htu Nan
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-10
Date Created (W3CDTF):2017-02-10
Description:Moi shawng de ma kaw yan ma lu shan hkawng na maumwi i shan lahkawng na lam ma kaw yan ma lu gaw shan lahkawng gaw shi dwi hte sha nga ai da. Yi kaw dai hku sha nga re ai shaloi she shan woi dwi ni gaw dai mam ni ma myin wa ten da. Dai she u ni ma mam grai sha ai da. Dai she shan woi dwi ni she wa hpawk galaw ai le i, Oh ra yi hte ndai yi wa dum ai baw ahpawk le dai hpang galaw re she ma kaw jan hte ma lu gaw dai hku sha nga shan woi dwi ni shani tup tup dai hku sha galaw lani mi na nhtoi hta gaw sim nam kanu wa mi she um dai wa hpawk dai hpe she sa gan gajam taw ai da. Shani tup yi wa kaw wa a shun taw ai da. Dai na kashu yan hpe tsun ai da. Ma yan nau ni ah dwi yi shanawm de naw sa yu na nan nau ni ndai kaw naw nga taw mu yaw ngu tsun ai da. Dai na she ah dwi sha nwa ding san ah dwi hpe ah dwi hpe chyinghka hkum hpawt la rit ngu tsun na she Chyinghka ma la kau da ya re she dai ma kawoi dwi jan gaw dai maga sa mat ai, Yi shanawm de sa mat re ai shaloi sha nam kanu gaw mi sa wa ai da. Sanam kanu sa wa na she Dai kawoi dwi hpe sha kau ai da. Sha kau na she jan du wa tim oh ra yan nau ni gaw kawoi dwi n wa shi ai re ai majaw i grai myit tsang ti na nga taw ai da. Nsin pi sin wa she dai sanam kanu wa ai shaloi san ai da. Ma yan ah dwi wa sai chyinghka hpaw la rit ngu tsun ai shaloi um ndai ma kaw wa gaw kawoi dwi na nsen n re ai majaw shi n kam ai da. Nkam she ah nau ni na ah dwi gaw dai hku nsen n kaba ai nang gaw nsen grai kaba taw ai ngu she n ra ai dai ni ting yi de u nau shagawn na nau marawng jahtau na re dai hku byin mat ai ngu tsun she, Dai hku re yang an nau ni na kawoi dwi re yang myi ma yu ga ngu myi yu ai shaloi myi wa ahkyen re taw ai da. Ah nau ni na ah dwi gaw myi na nhkyen ai ngu tsun dai shaloi she tsun ai da. Ngai dai ni yi shanawm kaw mam lap hte myi achyawt kau na re ngu tsun ai da. Dai shaloi she ma lu jan mung tsun ai da. Ah shawng ye hpaw la ga law ngu tsun n hpaw la shi ga nang ma lu jan gaw i kawoi dwi hpe grai tsawra re ai majaw le shi gaw grai hpaw la mayu kana shawng gaw kaba sai re nga Loi mi chye myit sai re nga gaw shi gaw nhpaw la shangun mayu ai. Dai hku nga yang gaw an nau na ah dwi hpe lata i masawp dat yu lang dat yu u ngu she lata masawp dat yu yang mun hkrai hkrai da mun hkrai re she yi ah dwi pi naw mun ntu ai nang gaw mun grai tu ai ngu she dai ni ting lachyit i nam mare dai hku oh ra yi shanawm kaw lachyit nau sa da na re ngu lachyit nau sa marit na re ngu tsun ai dai shaloi sha shan nau ni hpaw la ai da. Hpaw la re she dai nat kanu i sanam kanu shang wa na she ma kaw jan gaw loi mi zen ai da. Shi dwi she nbung ai re nga ma lu jan hpa nchye re ai rai nga gaw dai na ah dwi hte yup ai wa gaw e lagaw ta ni atsawm re shing jan gaw ah dwi woi yup la na ngu tsun she dai she ma kaw jan gaw chye ai re nga galaw u hkyi ni galaw chya la na nga taw she ma lu jan gaw woi yup re shan woi dwi aw ma kaw jan gaw lagaw ta nshing ai nga n tsawm ai re nga ma lu hte yup re shana tup krut krut nga shi dwi sha taw ai da. Sanam kanu sha taw re she san ai da. Ma kaw jan she ah dwi nang hpa sha ai rai ngai ma sha mayu ai ngu yang she grai ja ai law ngu tsun ai da. Grai ja ai law ngu tsun yang she umt law kaji mi pi sha yu ga ngu she dai hku nga sha yu u le ngu she dai hku jaw dat ai da. Dai shaloi shi kanau na ta latsan rai taw nga ai. Dai shaloi shi gaw hkrit ti na she ah dwi ngai shinggan pru mayu ai ngu tsun yang she e hkum pru law dai kaw pru u law ngu she n re ai law ah dwi ye ngai ah dwi hpe gaya ai ngu tsun ai da. N gaya ai law sa u law ngu tsun ai na she dai kaw sa u ngu she ngwi sa ai law ngu she kawoi dwi gaw kasha nre ai dai kashu ma kaw jan nau tsun na she dai hku nga yang sa u sa u ngu na she ri le i dai hpe she ndai yung hkri le yung hkri kaw gyit dat ya ai da. Ndai htum ai shara kaw nang sa u yaw ngu tsun she kaja wa sha ma kaw jan mung dai hpai mat wa re na she gan yu yang naw ahkyet du yang gaw shi gaw nhkring ai sha dai hku sa ai sha shi gaw hpun du kaw jan gyit da ya ai da. Hpun du kaw gyit kau da ya na she shi gaw hprawng mat ai da. Yi kaw na hprawng mat re she ndai lagat hpun dai yi shing nawm kaw lagat hpun kaba law ai nga ai da. Dai lagat hpun kaw she shi wa dung taw nga shana shi yup pyaw mat ai da. Dai shaloi she jahpawt hprang re wa yang she um chying law sai nga yang jan ni ma htang sai le i dai shanhte hpun kaba kaw dai jan htang re she le npu de wa she ma kaw na na sing na wa she le npu kaw ma kaw na jan na sing na wa she le npu kaw wa she dai hku ashun ti nga taw ai da. Dai sanam kanu mung hka ja ai she yu da yu she shi mung htaw ma kaw jan na shing na hpe mu ai majaw shi gaw mau chyu mau ma chyu mau bai hkawm yu bai sa yu bai hkawm yu bai sa yu re she dai ma kaw jan mung grai mani mayu na she mani dat ai she dai shaloi she dai sanam kanu gaw yu dat ai hte ndai ma kaw jan rai taw she ma e mana ah dwi grai la ai le lawang wa rit ngu she um law n wa ai law ah dwi ye ngu tsun na she wa rit law hpa nra ai wa rit ngu she nwa ai law dang ngu tsun na she wa rit law hpa n ra ai wa rit ngu she n wa ai law ai hkrai ngu da. Dai na she um dai hku nga yang gaw ngai nan kaw lagat si naw di sha na ah dwi ngu tsun ai. Deng she kawoi dwi gaw tsun ai da. Ah dwi ma di jaw rit ngu she mai ai le ngu she shi dwi hpe di jaw da. Ngup mahka da u ngu she ngup kaw kabai bang ti na wa she kawoi dwi gaw sha kau kau re ai da. Dai she ah dwi ngai grai tsaw ai de na grai tsawm ai naw di jaw na nta ndai yi wa kaw na nri nhtu naw wa la ya rit ngu tsun ai, Dai shaloi sanam kanu gaw ri nhtu hpe sa la ti na she kabai jung ai da. Dai i kabai jaw dat u ngu yang kaja wa sha kabai dat ai mi she ma kaw jan hpe kanoi hkra hkra re ai da. Rai tim ma kaw jan bai lu la kau i nye shu hpe kanoi sha hkra kau ai ngu ga sha tsawm re she ndai ma kaw jan mung namsi di la na she ah dwi ngup mahka da u myi ma di da u ngu she ngup mahka da ngu she kalang ta dai nri hpe bang dat ya ai dai sanam num si mat ai le dai she si mat ai hpang she ndai lagat hpun kata kaw dai sanam num na sai ni wa yawng samat tai mat ai da. Samat tai mat re she shi gaw gara hku n chye yu mat na she Nga taw ai da. Dai shaloi jahkyi sum pum mi yen sa wa ai da. Jahkyi ni hpe tsun ai da. Nanhte ni hpe ngai ndai lagat si di jaw na ndai samat ni yawng la kau ya rit ngu tsun ai shaloi jahkyi ni mung yi anhte grai kyin ai oh ra hkran de tam sha ra ai ngu na she sa mat da. Dai shaloi she um tsap sum pum mi bai lai wa ai da. Tsap sum pum mi bai lai wa ai shaloi she tsun ai da. E tsap ni e ngai hpe naw garum la rit ngai nanhte hpe lagat si jaw sha na ngai hpe ndai samat ni yawng kanawn kau ya marit ngu tsun ai da. Dai shaloi tsap ni gaw yi anhte ni grai kyin ai oh ra de sa ra ai ngu tsun she dai shaloi she shi ma kaw jan myit htum ti nga taw she hpang yi she wa du sum pum mi lai wa ai da. Tsun ai da. Wa du ni e ngai hpe naw garum la marit ngu tsun ai da. Dai shaloi wa du ni gaw hpabaw garum la ya na rai samat yawng hkra ganaw kau ya yang nang hpe nanhte hpe anhte ni ngai ndai lagat si i di jaw da na ngu tsun ai dai shaloi wa du ni kaja sha yawng kanaw kau ya ai da. kanaw kau ya na she lagat si ni nga ma nga yawng Ashun di kau ya ai da. Dai she wa du ni dai sha ai she shi hprawng mat ai le i shi lu yu mat re ai shaloi she oh mare du mat sai da. Shi gwi hpyi sha hpun lang she gwi hpyi hpun she oh mare le shi moi na nga ai kaw shi gwi kasha ni tai mat ai da. Masha ni poi sa ai ni mung i yi gwi ndai gara kaw na kun ngu htawng hkrai htawng galau da. Htawng hkrai htawng galau da. Dai shaloi hpang yi she dinggai yan dingla she yi gwi kasha ndai matsan maye rai nga ai ngu na she pawng la nna she shi nta kaw wa jaw sha shat ni wa jaw sha na she alum ala re wa tawn da re she, Dai dinggai yan dingla wa she dai nam de yi de sa mat ai re ai shaloi shat shadu da ya ya re ai da. Dai ma kaw jan gwi hpyi rawng kau na shat shadu jaw re she grai mau ai da. Dai dinggai yan dingla gaw htingbu ni hpe san yu tim mung ntsun dang nchye ai n shadu da ya ai hkrai ngu da. Dai she lani mi na nhtoi hta dai dinggai yan dingla gaw wa lagu yu ai da. Wa lagu yu re ai shaloi she tsun ai da. Ndai gwi hpyi raw kau na shat shadu sha taw ai hpe mu na she Kawoi dwi gaw tsun ai ma e nang dai ram tsawm ai hpa na gwi hpyi hpun da ai rai ngu tsun ai dai shaloi hpa n shaga mat ai da. Dai shaloi hpa mung nshaga mat ai da. Dai she ma kaw jan nmu ai gwi hpyi bai nat kau ya ai da. Dai shaloi ma kaw jan mung pawt mat sai ga ma nshaga jaw mat sai. Bungli ma n galaw mat hpa mung n galaw mat re she tsun ai da. Hpa gara hku asaw tim ma kaw jan gaw myit n pyaw ai i n kam mat yang she dai hku rai yang gaw hpabaw galaw dang ra na rai nang hpe hpabaw sharing ya na rai da da sharing ya na yaw ngu tsun ai da. Dai shaloi she ma kaw jan kabu na she mani wa ai da. Dai shaloi she nang ah dwi nang ngai hpe da da sharing na rai yang dai ngai hpe tawn da ai dai lagat hpun i dai kaw na lakyin dai hte da lang galaw ya rit ngu tsun ai. Dai shaloi kaja sha dai dinggai yan dingla mung dai kaw na lagat hpun dai kaw na she lakyin ni hpe la nna da lang ni galaw ya na she shi da da sharing ti nga taw ai da. Dai shaloi she lani mi na nhtoi hta dai shi hka ja sa ai kaw she ndai nat ngu ga le i Kaja ai le nat rai tim kaja ai dai ni she yu wa ai da. Dai she shata mung na da law shata mung na dai nai she yu wa na she tsun ai da. Hka sa lu ai she lapai hku sha lu ai da. Tsun ai yi atsa ni e lapai hku sha hkum ja lu lata lahkawng maga hku na ja lu yang she nanhte hkru na re ngu tsun ai da. Dai shaloi kaja sha dai ni mung lata lahkawng hte ja lu grai hkru ai da. Yi nang ram ram myitsu ai wa anhte hpang de hkan nan wa rit shata mung de hkan nan wa rit ngu tsun ai shaloi ma kaw jan gaw n kam ai law ngai ah dwi yan jidwi hpe grai n ja ai law ngu tsun she na dwi yan jidwi hpe ma wa san yu u hkraw yang woi lung wa na re ngu tsun ai shaloi dai shaloi wa san yu ai hkraw ai da. Dai shaloi she shata mung na ni hpe tsun ai da. Nang kaja sha anhte hpe woi lung na rai yan gaw ngai hpe hkyen tawn da ai lagat hpun hpe ma woi lung ya rit dai shaloi anhte hkan lung wa na ngu tsun ai dai shaloi ndai shata mung kaw na ni ma hkraw re na she ndai lagat hpun hpe ma dinggai yan dingla hpe ma woi wa na she ya du hkra shata kaw Loi mi sin sin re ai gaw dinggai yan dingla ma lagat hpun ma re nga tsun ai re nga maumwi gaw dai kaw htum mat sai. . Language as given: Jinghpaw
Format:Digitised: no Media: Audio
Identifier:KK1-0670
Identifier (URI):http://catalog.paradisec.org.au/repository/KK1/0670
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0670/KK1-0670-A.wav
http://catalog.paradisec.org.au/repository/KK1/0670/KK1-0670-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0670
DateStamp:  2018-03-18
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); H. Htu Nan (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0670
Up-to-date as of: Tue Feb 11 15:35:38 EST 2020