OLAC Record
oai:paradisec.org.au:KK1-0616

Metadata
Title:Si du hpe tam ai la (The man who wants to die)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. King Nang (speaker), 2017; Si du hpe tam ai la (The man who wants to die), MPEG/X-WAV, 2020-03-20. DOI: 10.4225/72/5989e1db5d65f
Contributor (compiler):Keita Kurabe
Contributor (depositor):Keita Kurabe
Contributor (speaker):M. King Nang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya ngai hkai na maumwi gaw si du hpe tam ai la langai mi a maumwi re, Moi shawng de e ndai la langai mi gaw ndai shi gaw mungkan ga e nga yang shi a myit hpe gara hku na n lu shalang gara hku nan n lu shapyaw la ai da. Dai majaw shi gaw si chyu si mayu ai da. Si chyu si mayu hpa sha myitru yang mung ngai si mayu sai ngai si mayu sai sidu gara kaw nga nga ai kun ngu ai da. Hpa dai hku sha aten tsawm ra mi lai mat wa lai mat wa rai mat tim shi gaw kaja wa nan lani mi gaw bai myitru sai da. Lama mi a majaw sha bai myitru yang mung shi gaw ngai gaw dai ni gaw kaja wa si du hpe sha tam sa na ngu na ngu na shi gaw myit daw dan kau nna sidu gara kaw nga ai kun ngu na shi gaw tam hkawm mat wa ai da. Shaloi she tam hkawm sai da. Si du gara kaw nga ai kun ngu na tam hkrai tam hkawm tam shi tam hkawm shi lu hkawm chyam hkawm ai e mungkan ga ntsa e shi gaw gara kaw ding yan hkawm ai gara du yang gara kaw gara kaw du yang gara kaw sidu gara kaw nga ai kun ngu na dai hku na san mat wa re na tam hkawm mat wa ai da. Rai tim mung kadai mung e anhte si du hpe nchye ga ai lu nmu ga ai lu aw ngu na dai hku hkrai hkap tsun dan ai da. Rai tim mung shi gaw lani mi hta gaw dang re na tam hkawm mat wa yang she ndai si du ngu ai wa hte hkrum ai da. Shaloi jan she shi gaw grai kabu na hku rai nga, E e ngai grai si mayu ni ai lo si du e ngai hpe si shangun rit law ngu na dai hku tsun ai da. Dai shaloi gaw sidu gaw shi hpe gara hku tsun a ta nga yang she e ya nang gara n mai si shi ai nang na si na aten gara ndu shi ai e nang shata manga shata kru yawm di gaw dai ram nang naw nga ra ai ngu tsun ai da. Dai daram naw nga ra ai nang nmai si shi ai ngu tsun jang she shi gaw dai laprang ngai shalai na pi gaw shi gaw grai myitru ai hku rai nga grai myit htum ai hku rai nga rai tim mung sidu dang nga da ai re majaw kaning nchye di ai dai lamang sha gaw naw nga pra ra sai ga rai nga ngu na shi gaw dai hku myit nna nga sai da. Dang re wa she shi gaw dai hku na bai nga nga nga re she bungli lama ma awng dan ai a majaw i e dang re a majaw mung Oh myit pyaw hpa amyu myu bai lu la ai majaw mung shi gaw grai bai pyaw mat sai da e la dai gaw dang re jang she mi moi grai si mayu na she si du hpe tam sai wa she ya hkring gaw shi gaw bai nkam si mat sai da. Ke nkam si sai da lu n kam si mat na she ya ngai ngai nkam si shi ai nkam si ai ngu na ngai si du hpe bai tsun la na rai sam ai ngu na shi gaw dai hku na bai tam hkawm ai da. Si du hpe bai tam hkawm tam hkawm kaja wa nan si du ngu ai gaw gara kaw nga ai re shi hkrat n chye ai re majaw gaw dai hku hkawm hkrai hkawm re yang she mi mung dang re yang she shara mi tsawm mari sha gaw hkrum lu ai re ai majaw gaw ya mung dai hku bai taubang la na ngu na shi gaw hkawm hkrai hkawm ai da. Hkawm hkrai hkawm re yang she si du hpe n mu ai da. Si du hpe nmu re na she shi gaw e rai sai si du hpe n mu jang gaw oh ngai gaw ya ngai amyu mu chye sai ngu ai da. E ngai hpe si ra ai nga nhtoi shani si du ngai hpe nmu hkra ngai makoi mat na re ngu na shi gaw dai hku na myit sai da. Dai majaw shi gaw dai shaloi gaw shi gaw Ja gumhpraw lu na she grai jahte mat sai teng rai sa na hku rai nga dai majaw gaw shi na ma shi na shangun ma ni hpe i shi gaw oh ra sadek hka n shang hkra re sadek galaw shangun ai da. Sadek kaba law ai galaw shangun na she shi gaw dai kaw e shi na dai shata manga shata kru sha na matu lu sha ni mung dai kaw bang shangun ai da. Shingrai na dai kaw ma hkra jing hkum bang shangun shi mung dai kaw shang rawng re na she shi hpe gaw ndai sadek shi mung dai kaw shang rawng re na she shi hpe gaw ndai sadek shi mung dai kaw rawng ngut sai i nga jang she hka n shang lu na hku i shi mung dai kaw shang rawng re na she shi hpe gaw ndai sadek shi mung dai kaw rawng ngut sai i nga jang she ndai hka nshang lu na hku i ndai kaw shi gaw dai kaw e nsa sa lu na matu ni ma hkra hkum hkum zup zup lajang da re na she shi gaw sadek kaba dai kaw rawng sai da. Rawng na she ya ngai ndai kaw rawng ngut ai hpang ye gaw ngai hpe e panglai de jahkrat bang kau na ngu na jahkrat bang marit ngu na mi kaw na matsun da chya lu re ai da. Sumri galu law ai sumri galu law ai grai galu dik ai dai hte e dai sadek kaw gyit nna she sung dik ai panglai de jahkrat bang ai da. Panglai de jahkrat bang re na she dai sumri dai hpe gaw oh zaibru jan nan loi mi ga ja ai hte she e dai kaw e bai mai lap di na bai i dai kaw e bai sumri hte bai gyit da re na dai hku galaw shangun ai da. Shing re na kaja wa nang dai hku galaw re na shi gaw sa dek de rawng nna le hka kata kaw rai taw nga na sa hku rai nga, Dai she shi gaw shi gaw e dai daram nga na aten masat ya ai aten lai jang e shi hpe bai shawng la na matu shi gaw matsun da ai da. Shaloi jan gaw si du gaw shi hpe nsi shangun sa na re ngu na dai hku myit na shi dai hku galaw mat sai re da. Shaloi she shi dai kaw rawng taw nga sai da. Rawng taw nga re jang she kaja wa shi si na nhtoi wa du wa sai da e nhtoi du wa re yang she si du gaw shi hpe bai tam sai da. Si du gaw shi hpe bai tam ai da. Shi na aten du sai re ai majaw shata kru tup mat sai re ai majaw shi na aten hkrat kaw e si ra ai re majaw bai tam nmu hkraw sai da law tam hkrai tam tam hkrai tam tam hkrai tam ai da si du mung tam ai wa n mu she n mu hkraw, Nmu she nmu hkraw mi dai la dai wa htinglet hkawm ai gahtang hkawm ai e mungkan ga she chyam hkra hkra re si du mung dang re chyam hkawm na she tam hkra tam ai da nmu ai da. Nmu she nmu nmu she nmu re na she ya shi gaw shat mung kawsi mat da law ndai si du gaw buga kahtawng hkan ni tam hkawm yang mung nmu rai na she shi gaw le masha n nga ai shara hkan ni i dai hku na hka hkau zaibru jan dang re hkan ni mung shi mung tam hkawm shi gaw tam hkawm mat wa re yang she oh ra zaibru jan hku shi mung shat grai kawsi wa yang she shi gaw lam hkawm tim mung lagaw n lu sharawt mat ai da. Lagawt pi naw gaw zaibru jan kaw she garawt garawt re na gasawt na she dai hku na hkawm re na she e mi na si mayu ai la hpe tam hkawm re she zaibru jan hku lai wa re yang she shi na lagaw kaw wa sumri langai mi bai la wa ai da. Shaloi jan wa she kaning re sumri dai kaw bai la na galau taw na hku nga, Ndai kaning re sumri re ai kun ngu na dai hku gan hkrai gan gan hkrai gan gan hkrai gangan hkrai gan nhtum she nhtum hkraw ai da.Nhtum she nhtum hkraw gan she gan shaw gan she gan shaw re yang she hpang jahtum re rai jang ye gaw sadek langai mi wa paw wa ai da. Sadek langai mi paw wa re na she e dai hka ran kawng de e dung hka kaw rai jang gaw dai sa dek hpe gan yang mung tsang na rai nga ai i dai hku na gan sha waw dat yang she, Dai hka htum ai kaw e du ai hte dai sa dek du ai hte shi gaw kaja wa nan sa dek dai hpe ah dup nna hpaw dat yu yang wa da mi shi si mayu na shi hpe e tam hkawm ai la wa rai taw nga ai da. Kaja wa nan dai shani gaw nang na si nhtoi dai ni rai sai majaw dai ni ngai nang hpe e mu hkra tam ai rai sai, Nang si shanu ngu na shi hpe e dai kaw si shangun kau ai da. Si na ahkan jaw kau ai da. Dai majaw i si mayu ai n si mayu ai ngu ai gaw anhte tinang hkrai daw dan la ai baw nre ngu na maumwi ndai hpe hpum dim ai hku re. . Language as given: Jinghpaw
Format:Digitised: no Media: Audio
Identifier:KK1-0616
Identifier (URI):http://catalog.paradisec.org.au/repository/KK1/0616
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0616/KK1-0616-A.mp3
http://catalog.paradisec.org.au/repository/KK1/0616/KK1-0616-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0616
DateStamp:  2018-03-18
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. King Nang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0616
Up-to-date as of: Fri Mar 20 15:22:24 EDT 2020