OLAC Record
oai:paradisec.org.au:KK1-0572

Metadata
Title:Hkawhkawm shayi sha la lata ai lam (The husband choosing ceremony)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Hkawn (speaker), 2017. Hkawhkawm shayi sha la lata ai lam (The husband choosing ceremony). MPEG/X-WAV. KK1-0572 at catalog.paradisec.org.au. https://dx.doi.org/10.4225/72/5989e12401281
Contributor (compiler):Keita Kurabe
Contributor (depositor):Keita Kurabe
Contributor (speaker):L. Hkawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya tsun na gaw hkawhkam shayi sha wa la grai lata ai lam re, Moi shawng ye da hkawhkam shayi sha dai wa gaw shi gaw grai hkyit hkam ai i dai kaw nga re ai shaloi she shi gaw ngu ga nga yang hpa hpa ra n rawng hkra nga na shi hpe i salu sala hkra re tawng da na shi grai pyaw hkra nga ai da. Dai shaloi she lani mi na shi gaw asak aprat kaba wa ai hte mare kawa gaw shi hpe la jaw sha na matu tsun ai da. Rai tim mung shi gaw la n ra ai hku nga la nra re gaw la nra ai hte mare shi shi wa gaw ndai hku myit ai mungdan masha ni yawng hpe le i yawng hpe shaga na she nang hpe la jaw sha na hpawt de gaw nang na la lata poi nga ai dai re ai majaw nang atsawm lata na dai kaw na kaning san ai marai langai hpe gaw nang lu hkra lata ra ai ngu dai hku ngu tsun dat ai shaloi shi mung grai myit n pyaw ai sha dai shana gaw dai hku sha yup sai da. Yup na hpang jahpawt du yang gaw kaja wa she ndai shi wa hkawhkam wa gaw i mungdan shara shagu na masha ni hpe shaga dat ai shaloi she, Ndai shara shagup na masha ni ma i ndai hku lata hkam na matu yawng sa wa ai da. Yawng sa wa na she dai kaw hpang shani re yang dai kaw yawng wa tsap ding re taw sai da. Wa tsap ding re taw ai shaloi she ndai hkawhkam wa gaw tsun ai hku nga ya hkawhkam shayi sha pru wa na i nanhte hpe lata la na rai sai ngu dai hku ngu tsun dat ai shaloi she hkawhkam shayi sha mung kaja wa sha le wa na she la ni hpe she wa yu ai da. Langai mi hpe yu oh baw kaw na ndung hkyeng oh lahting du hkra yu nna she ndai wa gaw kawa chyen zawn san ai grai lasi ai majaw le i shamying ai le n kam wa ai re majaw kawa chyen zawn san ai ndang re la hpe ngai nra ai ngu na she lai mat ai da. Lai mat nna langai mi kaw bai du yang gaw yu yu ndai baw kaw na lahting kaw na du hkra yu na she ndai wa rai yang gaw wa hte grai bung ai dai hku ngu shamying na she bai lai kau da na she langai mi hpe bai yu yang mung shamying kau da ai da. Langai hpe amyu mi amyu mi re na she shi gaw kam ai hku dai hku shamying kau da ya re na she shi gaw i dai shani gaw hkawhkam wa mung hkawhkam wa hkawhkam wa Kasha hpe yu taw nga ai da kadai hpe lata dat na kun yu taw rai tim shi gaw n lata langai hpang langai dai hku tsun ya ndai wa gaw grai ntsawm ai dang re hpe ngai nlu la ai ngu dai hku ngu tsun yang kawa gaw dai shana gaw grai pawt sai hku nga, Kasha hpe grai pawt na she ndai kasha ndai hpe gaw nang gaw shana du yang gaw i kawa kasha hpe kawa tsun ai da. Nang gaw kaning re masha rai dai ram sha na da nna ngai hpe nang hpe ngai gaya sha hkrum ai nga na she shi gaw hkawhkam wa gaw grai pawt nna shi hpe dai hku ngu tsun re gaw nang hpe gaw hpawt de na rai yang i ndai hkawhkam wang shawng kaw kaning re maw hpyi dingla mi wa nga kaning re dingla muk kut wa nga taw kaning re la sha rai yang i kaning re gwi mi wa nga taw tim mung jaw sha kau na ngu dai hku ngu tsun ai hku nga, Dai hku ngu tsun nna yup mat wa sai da. Yup mat wa na dai tsun ai shana she hkawhkam shadang sha gaw dai hkawhkam wang kaw she wa lagu madat taw ai hku nga, Wa lagu ma dat na shi gaw na gun la sai, Na gun la nna shi ndai hkawhkam shayi sha gaw Hpang jahpawt gaw kaja wa sha rawt wa yang gaw e hkawhkam wa gaw yu dat ai da. Shi na ndai hkawhkam wang na shinggan de yu dat ai shaloi she, La dai wa she mang gan kap ai da. Mang gan kap ai i lata hkan ni mung hka yawp tawn da lagaw mung daw re e dang re lata hkan ni mung hka yawp na she dang re hpyi sha taw ai hku nga hkawhkam wang shawng kaw jahpawt grai jau wa hpyi sha taw re ai shaloi she e hkawhkam wa gaw tsun sai, E ndai wa hpe gaw nye kasha hpe jaw sha kau sa na ngu na she kaja wa jaw sha kau dat ai da. Nang gaw hpa mi nga tim mung ndai la hte gyin dan ai rai sai ngu na nang hpe gara hku yaw ya tim mung i nang n lata ai re ai majaw nang ndai la kaning hku mi tam jaw jaw nang na matu rai sai ngu na she shi hpe dai la wa kaw bang dat ya ai, Bang dat ya ai shaloi she ndai la mung woi mat wa sai da. Hkawhkam shayi sha hpe woi mat wa re na she gyin sum nyawp nyawp re ai dai kaw she matsan mayen re na di hka wan ma nhkum ai i dang re ai kaw she shat sha mai ni gaw woi shadu sha, Rai tim hkawhkam shayi sha gaw shat sha mai ni mung nchye shadu ai majaw dai hku dung yu yu taw ai shaloi ndai hku mang gan gap ai wa gaw i shi gaw shat ni hpe mung dai hku ni re lata ntu ai dai re ai ni rau she shalau na she shat ni hpe mung shadu jaw shat si mai ni mung dai hku maza mala re ngu ga nga yang gaw san san seng seng n re ai le i shi hkawhkam wang kaw nga ai zawn re nrai sai dai re lu sha ni hpe mung shi sha ra re na she grai nkam tim shi gaw kawa dai hku tsun dat ai re ai majaw shi gaw dai la rau nga na shi dai hku sha re ai shaloi, Shi gaw gara hku ngu na madu wa hpe mung n mai kam wa ai le i madu wa nkun nkan re ai majaw shi gaw shi hpe gaw dai madu wa gaw yam bu dut shangun ai da. Yam bu ni ngu ga nga yang ga dibu kasha ni le i ngu ga nga yang ga dibu kasha oh kaji ai kaw na kaba du hkra oh ra nam pan Oo zawn re dang re ni yawng dut shangun ai ga dibu hte seng ai rai ma hkra gaw shi dut ai da. Dut taw re ai shaloi she lani mi na teng hta gaw shi dut taw nga shi mung grai hkawhkam shayi sha re ngu masha ni tsang nna nba ni rau hkayawp baw hkan ni hkayawp atsawm hkayawp la na she dut taw nga teng hta she ndai la dai wa gaw la dai wa gaw sa wa ai hku nga gumra jawng na she agyin lagat di na ndai dut taw ai rai ni, Ndai ga wan ni i ndai wan ni yam bu ni yawng hpe she yawng ndai gumra rau gabye nna yawng ga ayai kau ya ai da. Ga ayai kau ya ai shaloi shi gaw koi grai madu wa hpe mung grai hkrit na she shi gaw madu wa shi hpe pawt sa na ngu ai hpe ma shi hkrit na she i, Yi ngai hpe hpa majaw ndai hku galaw ai i ngai gaw i grai matsan ai grai matsan ai nye madu wa gaw mang gan gap ai ndi re ai rau ngai shi hpe tam jaw taw ai re, Hpabaw majaw nye na yam bu ni ndai hku ga kau ya ai rai ngu dai hku ngu tsun ai shaloi she ndai gumra shi gaw ndai kaw gum na tsun ai da. Shi mung grai gaya ai re majaw gum na tsun re she ndai gumra kaw jawng taw ai wa gaw i nang ngai hpe atsawm yu dat u ngu dai hku ngu tsun ai da. Dai hku ngu tsun ai shaloi she shi na ndai lu ai hpe ma kahpyen kau na she atsawm yu dat ai shaloi wa she madu wa rai taw ai da. Madu wa rai taw na she shi mung grai kabu mat na ataw nang gaw nang hpabaw re na ndi re gumra ni jawng na hpabaw re na i ni re masha kaja zawn zawn bai rai nga taw ai rai ngu dai hku ngu tsun dat ai shaloi she shi gaw nang grai la langai mi hpe mung amyu mi amyu mi shamying ai majaw ngai gaw nan wa ni gara hku re ai ngu hpe mung ngai wa madat la nna na wa gaw i kaning re ai maw hpyi rai tim mung jaw sha na nga na ngai gaw di san maw hpyi zawn zawn re na nta shawng kaw wa nga taw na i ndai hku nang rau nang hpe lu la hkra ngai gaw ndai hku galaw dat ai re ngu na shi hpe dai hku ngu tsun na she ndai num hpe ma atsawm shaga la she i shi ndai la kasha wa mung hkawhkam shadang sha langai re taw dai na she kawa hpe ma ndai maga de na kawa ni hpe ma atsawm tsun na she nre i oh ra shanhte na ndai la na hkawhkam wang de woi mat na she atsawm re na ngwi ngwi pyaw pyaw re na nga mat ai da. . Language as given: Jinghpaw
Format:Digitised: no Media: Audio
Identifier:KK1-0572
Identifier (URI):http://catalog.paradisec.org.au/repository/KK1/0572
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0572/KK1-0572-A.mp3
http://catalog.paradisec.org.au/repository/KK1/0572/KK1-0572-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0572
DateStamp:  2018-03-18
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Hkawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0572
Up-to-date as of: Thu Sep 3 17:38:45 EDT 2020