OLAC Record
oai:paradisec.org.au:KK1-0571

Metadata
Title:Matsan ai num kasha a lam (The poor girl)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Hkawn (speaker), 2017; Matsan ai num kasha a lam (The poor girl), X-WAV/MPEG, 2020-02-11. DOI: 10.4225/72/5989e11f9366c
Contributor (compiler):Keita Kurabe
Contributor (depositor):Keita Kurabe
Contributor (speaker):L. Hkawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya tsun na gaw jahkrai ma na lam, Moi kalang mi ndai kanu yan kawa nga ai. Dai she kanu gaw kanu si mat ai. Kanu si mat re gaw ndai num kasha ndai gaw jahkrai rai mat ai. La wa mung hang num bai la hpang num bai la re ndai hpang num kaw mung kasha langai bai lawm wa ai. Kasha langai bai lawm wa re gaw shan shan la ndai hpang kanu wa gaw grai nkaja ai grai nkaja re gaw i shi hpe gaw tsun ai. Nang shat ni ma i di kap ni sha jaw sha ai da. Di kap ni sha jaw sha na she shat ni ma ndai num kasha wa gaw shawng num na kasha num kasha wa hpe gaw bungli ni galaw shangun na she shanhte ni gaw shat ni agyin sha kau na she shat ni mung ngam da ya ai da. Shat ni mung ngam da ya re ai shaloi she ndai num ndai ma kasha gaw i shi gaw grai matsan shayen re na nga re ai majaw shi gaw shi nu gaw i grai myit ndik ai sha si mat ai le, Si mat ai re ai majaw shi gaw htaw mare mare na hkashi i dai kaw she shi gaw taukawk tai nna nga ai da. Tautawk tai nna nga re ai shaloi she shi gaw ndai num kasha gaw shi gaw sung sa ai da. Sung sa nna she dai hkashi kaw wa dung hkrap taw da. Wa dung hkrap taw shi i shi nu hpe grai myit dum na shi hpe nta kaw grai roi sha ai ni dai ni myit dum nna shi gaw dai kaw wa dung hkrap taw re ai shaloi she ndai taukawk wa gaw taukawt kanu gaw taukawt tai nna she sa wa na she, E ma e nang hpa baw na hkrap taw ai rai ngu ngai gaw nye nu si mat ai dai re ai majaw ngai hkrap taw nga ai re ngu dai hku ngu tsun ai da. Dai hku ngu tsun re she ma e ngai gaw na nu re ai na nu re ai ngai nang hpe grai matsan dum ai dai re ai majaw ngai i ndai taukawk tai nna nang hpe yu taw ai ngai ah nu re ai yaw ngai hpe shani shagu wa ja hkrum rit yaw ngu dai hku ngu tsun da ai da. Tsun da na she kanu ndai ma kasha ndai mung grai pyaw sai da. Kanu hte hkrum ai ngu na she shi gaw grai pyaw mat na she nta wa mat ai da. Nta wa mat na she oh hpang jahpawt re yang nta bungli galaw nta bungli ra mara ni yawng galaw na kanu hpe jaw sha na ngu na she shat ni makai shat makai sha gun re na she htingga sha lang re na she nam de sa mat mat re ai da. Nam de sa mat re ai shaloi she dai hkashi kaw du sai da. Dai hkashi kaw du re she shi gaw wa shaga taw sai da. Kanu hpe she ah nu ye ah nu nu sha du sai ngu na she wa shaga taw taw re ai da. Wa shaga taw re yang gaw ndai kanu gaw i le wa na she e ma e an nu nan kaw nga ai hpabaw rai ta ngu tsun ai shaloi she, Ah nu nan kaw nga ai ngu yang kanu hpe she maw ah nu ngai la sa ai shat re ngu na she kanu hpe she shat ni hka kaw she gat jaw ai da. Gat jaw re na she kanu gaw dai hpe sha na she shan nu lahkawng gaw dai kaw she e langai hte langai ga ni wa shaga hkat re na she dai hku wa nga nga re ai da. Wa nga nga re ai shaloi shani shagu num kasha dai gaw nta bungli ni ra ai bungli ni yawng galaw da nna, Shani shagu gat sa mat mat re ai da. Gat sa mat na she e nta bungli ni wa garum da da re ai da. Aw garum da na kanu hpe shat ni makai sa nna shat ni wa jaw sha wa jaw sha na dai hku re nga ai da. Dai hku re nga ai shaloi she lani mi na aten hta gaw i ndai hpang num na kasha wa she gara hku ngu na i shi hpe she yek mi wa ai le i, Shani shagu sa taw ai re majaw yekmi wa na she shi hpe she tsun ai da. Ndai wa ndai wa gaw hpabaw she galaw law re ai kun shani shagu nta bungli galaw da nna nam de sa mat mat re ai hpabaw galaw ai kun ngu she sa lagu yu sai da. Ndai num kasha wa nchye ai hku she sa hkan nan hkan nan re lagu hkan nan na she sa yu taw ai, Sa yu taw ai shaloi she dai num kasha wa gaw kanu hpe wa shaga Hkashyi kaw dung na she kanu hpe wa shaga ah nu ye ah nu ye ngai ah nu na kasha ah nu na kasha du taw sai maw ah nu ye shat wa sha yu u ngu na she shi la sa ai shat ni mung gat jaw re na she dai hku re ai hpe she ndai hpang num na kasha gaw wa mu kau ai da. Wa mu kau na she koi ndai hpang num na kasha gaw shi gaw lagat na she nta de wa tsun dang ai hku nga, Nta de ah nu ndai htaw ra ah shawng wa le i shi wa le i dai hkashi kaw le shi nu shi nu nga ai rai sa. Dai shi nu gaw taukawk rai taw nga ai. Dai taukawk shi shani shagu shi ga wa shaga na shat ni wa jaw sha sha re ai ngu dai hku ngu tsun dang ai tsun dan ai shaloi she ndai num kasha wa gaw num kasha wa na kanu taukawk re nga hpe ndai hpang num wa mung chye mat sai da. Hpang num wa mung chye mat re she hpang num wa mung chye mat re ai shaloi she hpang shani gaw ndai taukawk hkwi sha taukawk nga ai hpe chye mat ai re ai majaw mare masha ni yawng hpe shaga na she dai nawng kaw i tautawk nga ai, Dai taukawk hpe i anhte hkwi sha ga ngu na she tsun ai da. Hkwi sha ga ngu tsun ai shaloi she ndai shawng num na kasha gaw na kau na kau re na she shi gaw htaw shana nsin she ga gat na she kanu hpe wa tsun dang aw ndai wa hkwi sha na ni gaw i hpawt ni gaw anhte oh ra hka baw hka baw maga hku na wa hkwi ga yaw ngu tsun ai da. Wa hkwi ga yaw ngu tsun na she dai she hkwi na re ngu dai hku ngu na da na she kanu hpe wa tsun dang ai da. Ah nu hpawt ni le i. Ah nu hpe ah nu nang nan kaw nga ai hpe mare masha ni chye mat ai dai majaw ah nu nang hpe hkwi sha na nga nna mare baw de aw hka de hka baw hku na wa hkwi na re ai da dai re ai majaw ah nu nang oh ra hka nam maga de nga taw u yaw ngu dai hku ngu tsun ai da. Tsun dat na she kanu mung taukawk re nga gaw lam hkawm lanyan na she oh hka nam juk hkan ni nga taw ai shaloi, Kaja wa hpawt ni rai yang gaw oh ndai mare masha ni gaw sa wa na she hka htawk ai lang na she mare baw de sha hkwi she hkwi sai da. Hkwi she hkwi hkwi she hkwi nna hkwi tim mung ndai taukawk wa hkam nam de wa nga taw ai re ai majaw nmu nmu na she nmu na she dai shani mung hkwi rai tim nmu hpang shani bai hpang shani gaw hka nam de bai hkwi na ngu tsun sai da. Hka nam de bai hkwi na ngu na she ndai ma ndai wa gaw bai lagat na she ah nu nang nang hpe i hka nam de bai hkwi na re ai da ngu bai wa tsun dang ai da. Wa tsun dang ai shaloi ndai ma kasha mung dai hku bai wa tsun na ndai shi nu taukawk mung oh lam hkawm na she dai hka lapran kaw bai wa nga taw sai . Wa nga taw nga na she hpang shani rai ang kaja wa sha oh ra mare masha ni mung hka nam maga de bai hkwi hkrai hkwi lung wa sai da. Hkwi hkrai hkwi lung dai shani gaw hkwi hkwi hkwi tim mung bai nmu nmu re gaw hpang shani gaw ndai hka ga-ang ngu na ndai kaw sha hkwi na re ngu shanhte ni hka ni yawng hka ni yawng da gawt kau hka mung n nga mat sai da. Dai re ai majaw dai tautawk wa gaw dai hka ga-ang kaw na hka kaw sha nga re na nga taw ai shaloi kasha wa bai sa wa she ah nu nang hpe le hpawt ni gaw kaja wa wa hkwi sha kau sa na re ai da ngu na she shan nu lahkawng gaw dai kaw hkrap re na she nga taw ai da. Hkrap nna nga taw rai sai ma e ah nu oh re de hprawng dat ndai de hprawng dat re ah nu ma grai ba ai dai re ai majaw i ah nu hpe shanhte hkwi sha kau u ga rai tim mung i ah nu na shan hpe i ah nu na shan hpe nang hkum sha yaw ah nu na ndai nra ni hpe la ti na nta hpang kaw i hkai tawn da u yaw ngu dai hku ngu htek dat ai da. Htek dat re ai shaloi she ndai num kasha ndai mung e mai sai ah nu ngu na she hpang shani gaw shi gaw oh mare masha ni wa hkwi ai hpe she yu da. Wa yu re she kanu hpe she kaja wa sha ndai mare masha ni mung dai hka ga-ang kaw na hka hpe she htawk hkrai htawk na she hkwi la sai da. Hkwi la na she ndai taukawk hpe she lang hkwi la na she hkwi la nna wa mat sai, Wa mat na she shanhte dai mare masha ni gaw poi kaba galaw na she taukawk mung grai kaba re ai da. Grai kaba re she dai hpe she shanhte ni gaw gawn nna she taukawk hpe shadu sha sai da. Shadu sha re ai shaloi ndai shi kasha gaw ndai shi na na shan shadu taw ai hpe yu re na she hkrap hkrap taw ai da. Hkrap taw ai shaloi she ndai hpang num na kasha ni gaw i na nu hpe shadu sha kau sai htaw wan wa naw su ngu dai hku ngu tsun ai da. Dai hku ngu tsun kanu hpe shadu taw ai kaw she shi gaw wan wa nawn re she ndai kasha wa wan nmai sa nawn ai da. Wa nawn dat jang dai di kaw na she ahte ahte hte ngu na dai hku ngu marawn wa wa re ai da. Marawn wa re kasha gaw wan mung nmai wa nawn ai hku nga wan naw na she shi hpe she ndai taukawk hpe she shadu na she ndai mare masha ni yawng dai kaw she poi langai zawn re na she yawng sha sai da. Yawng sha re ai shaloi she saboi ndai shagu langai ngai re ai kaw sha sha sha re na she sha taw ai shaloi she shanhte ni gaw ndai taukawk nra hpe she jahkrat dat ai da. Jahkrat dat ai shaloi she ndai num kasha hpe gaw shi nu gaw htek da ai i ah nu na ndai ah nu na shan hpe nang hkum sha yaw ah nu na ara ni hpe gaw atsawm mahkawng la nna nang lu ai hteng mahkawng la na oh nta hpang kaw hkai da u nga hpe she gaw dai dum na she shi gaw masha ni sha da ai jahkrat ai kaw she gwi ni mung wa gashung sha shi mung gwi ni na wa kaw na wa gan na she wa shaw la na she nra ni hpe she bang mahkawng la mahkawng mahkawng mahkawng na she loi mi lu re dai taukawk nra dai shi nu na taukawk nra hpe she la nna she nta hpang kaw kaja wa nta hpang kaw she htu na she wa hkai tawn da sai. Wa hkai tawn da re ai shaloi she wa hkai tawn da re ai shaloi she dai kaw wa she hpun wa she lahkawng masum ya nga yang wa she hpun si si ai hpun tu wa ai da. Hpun tu wa re ai shaloi she dai kaw she hpun tu wa dai shaloi she dai kaw ndai hkawhkam hkawhkam wa ni gaw i hkawhkam shayi sha hpe lata na ngu na dai hku ngu tsun dat ai da. Tsun dat re ai shaloi she i ndai num kasha wa gaw i num kasha wa mung shi mung grai sa lawm mayu ai hku nga ndai hkawhkam wa shayi sha lata ai kaw grai sa lawm mayu re ai shaloi she ndai hkawhkam ndai hpang kanu gaw shi hpe she nta bungli ni sha galaw shangun da na she nta bungli sha galaw shangun da na she nang nmai sa ai ngu dai hku ngu tsun ai da. Nang nmai sa ai nang nta bungli ni sha galaw da galaw ra ai ngu na she nta bungli ni grai law hkra jaw kau da ai da. Grai law hkra jaw kau da re na she shi gaw shi gaw grai myitru na she shi gaw dai shi nu hpe hkai shi nu na nra lup tawn da ai dai kaw she shi gaw wa hkrap dung taw ai da. Wa hkrap dung taw re ai shaloi she dai dai kaw na wa she dinggai langai wa pru wa ai da. Dinggai langai wa pru wa na she kasha hpe she i nang hpa baw majaw hkrap taw ai ma ngu dai hku ngu tsun ai da. Ngai i hkawhkam hkawhkam dai hku poi de hkawhkam wa num lata poi de sa mayu ai rai tim ngai hpe nsa shangun ai ngai hpe nta bungli sha galaw shangun na nga shangun ai ngu tsun ai shaloi she ndai dinggai ndai gaw nang hpa ntsa ra ai yaw nang myi sha di tawn da u ngu na she shi hpe myi di na shangun na she Nta bungli ni ma yawng tsep kawp n galaw ra hkra ndai dinggai wa sha yawng galaw da ya na she shi hpe gaw i atsawm re buhpun palawng ni mung ndai hpun dai shi nu hpe lup da ai dai kaw gaw hpun grai tsaw ai hpun tu wa dai kaw she tu wa ai dai kaw shi gaw i ndai dinggai wa gaw hpun hpe ashun dat ya ai da. Ashun dat ya ai shaloi hpun lap di hkrat wa dai hpun lap ni wa she palawng grai tsawm ai tai mat ai hku nga, Palawng grai tsawm ai tai mat na she maw ndai nang hpun u ngu na she hpun shangun ai da. Hpun shangun re na she hpang kalang bai ashun dat yang gaw namsi ni bai hkrat wa ai da. Namsi ni hkat wa yang gaw dai kaw she gumra ni ai mat ai. Gumra ni tai mat na she dai gumra kaw jawng re na she hpun lakyin ni hkrat wa ai ni gaw dai hpun lakyin ni gaw i grai tsawm ai hkyep din ni tai mat na she Shi gaw dai kaw jawng la na she tsun dat ai da. Nang i sa mat su nang hpa nhkrit ra ai yaw kadai hpe ma hpa nhkrit ra ai nang sa mat su nang hpe kaja wa sha hkawhkam wa lata la na ra ai ngu na tsun dat ai da. Tsun dat ai shaloi shi mung nta bungli ni hpe gaw dinggai ndai gaw yawng galaw da ya ai da. Galaw da ya na she shi gaw hkawhkam wa ndai shayi sha lata poi de sa mat sai da. Sa mat wa re ai shaloi she kaja wa oh ra kaw du ai shaloi hkawhkam shadang sha wa mung shi hpe she grai yu ra na shi hpe dai kaw kaja wa lata la na dai kaw hkungran poi kaba wu wu di di galaw na shi gaw dai kaw grai ngwi pyaw hkra nga mat ai da.. Language as given: Jinghpaw
Format:Digitised: no Media: Audio
Identifier:KK1-0571
Identifier (URI):http://catalog.paradisec.org.au/repository/KK1/0571
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0571/KK1-0571-A.wav
http://catalog.paradisec.org.au/repository/KK1/0571/KK1-0571-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0571
DateStamp:  2018-03-18
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Hkawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0571
Up-to-date as of: Tue Feb 11 15:35:21 EST 2020