OLAC Record
oai:paradisec.org.au:KK1-0570

Metadata
Title:Manawn ai dinggai a lam (The jealous old woman)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Hkawn (speaker), 2017; Manawn ai dinggai a lam (The jealous old woman), MPEG/X-WAV, 2020-02-11. DOI: 10.4225/72/5989e11b5134b
Contributor (compiler):Keita Kurabe
Contributor (depositor):Keita Kurabe
Contributor (speaker):L. Hkawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya tsun na gaw grai myit hpe grai ra maring ai myit rawng ai dinggai a lam, Moi kalang mi da ndai dinggai yan dingla nga ai shan lahkawng gaw grai grai matsan ai, Grai matsan ai re ai majaw shan lahkawng ndai dingla wa nga sha tawn sha ai da.Nga sha tawn sha re na nga re she nga sha tawn sha re na nga she lana mi gaw shi dai shana gaw nga wa tawn re she dai shani gaw nga mung n lu ai da. Nga mung nlu re na she shi gaw grai nga mung nlu re she nga wa she langai mi sha lu ai da. Langai mi sha lu re she dai nga dai wa gaw ga shaga wa ai hku nga, E jidwi dingla wa e ngai hpe hkum sha yaw ngai hpe gaw sha ai hpan ma nre ai, Ngai ngai i jidwi dingla nang hpyi ai ra mara ngai yawng jaw na ngai hpe i hkum sha ngu na she ngai hpe bai dat ya rit ngu na she Nga dai wa tsun ai da. Nga ai wa tsun re ai shaloi she ndai dingla mung e mai ai ngu na she mai ai ngu na she shi hpe dat kau ya ai da. Dat kau ya re na she Nga mya dai sha lang re na she nta de wa sai da. Nta de wa re ai shaloi she dinggai jan gaw yu taw sai hku nga e dingla nang Nga n la wa ai ngu dai hku ngu san ai shaloi ngai dai ni Nga sa hkwi ai wa le i Nga langai mi mung nlu ai Nga langai mi mung n lu ai dai re ai majaw Nga wa langai mi sha lu ai yaw dai wa she dai nga dai wa ga shaga wa na she ngai shi ga shaga wa ai majaw nga mung grai kajawng ai majaw hka de bai bang kau sai ngu dai hku ngu tsun ai shaloi dai hku ngu tsun re ai shaloi she um rai tim mung ndai Nga ndai wa tsun ai, Jidwi dingla nang ngai hep sha hkum sha nang ra ai ma hkra ngai jaw na nga dai hku tsun ai rai sa ngu tsun ai shaloi she ke ndai dinggai jan gaw nabai e ya sha na pi n nga yang dai nga langai sha lu pi la wa u le jap htu htu sha na rai nga ai le ngu dai hku ngu tsun ai da. E rai sai dai dai Nga tsun ai hku rai yang gaw ndai Nga wa atsam grai nga na zawn nga nga ai re yang nang wa hpyi yu su ngu dai hku ngu tsun ai da. Wa hpyi yu su ngu dai hku ngu tsun ai shaloi she, Wa hpyi yu su ngu tsun ai shaloi she shi gaw ndai dingla wa gaw sa sai da. Dingla wa sa na she wa shaga sai da. Nga kasha e Nga kasha e ngu na she agyin wa shaga wa shaga ai shaloi Nga kasha wa mung sa wa ai shaloi she e hpabaw rai ta jidwi nang ngai hpe grai shaga nga ai le hpabaw majaw shaga ai rai ngu dai hku ngu tsun ai da. Dai hku ngu tsun ai shaloi she Nga kasha nang hpe le i nanhte le i nta mung nlu ai nta mung nyawp nyawp re ai kaw she rawng taw ai dai re ai majaw nta grai tsawm ai langai mi jaw rit ngu dai hku ngu wa tsun ai da. Wa tsun re ai she dai hku ngu wa tsun na she wa mat sai da. Wa mat ai shaloi she e ndai e jidwi e nang wa sanu nang wa yang kaja wa na nta grai tsawm ai byin taw na ra ai wa sanu yaw ngu tsun ai shaloi she, Wa mat ai shaloi she kaja wa sha shi wa ai shaloi she nta ni wa she gabrim ai da. Shi wa yang grai gabrim ai nta langai wa nga taw ai da. Dai shaloi she dinggai jan gaw grai pyaw sai hku nga grai pyaw re ai shaloi she e dingla wa nang le ndai nta langai sha hpyi wa ai ngu, Nan anhte bang sha taw ai hka-wan ni mung shaje shamya re nchye ai i ndai shaje shamya ni hpe mung nang nnan ni bai byin hkra bai wa hpyi su ngu da. Dai shaloi she dingla jan gaw grai nkam ai sha bai sa mat sai da. Bai sa mat na she Nga kasha e Nga kasha e ngu bai wa shaga taw sai da. Bai shaga taw ai shaloi Nga kasha gaw bai le wa nna jidwi hpa baw rai ta ngu tsun ai shaloi she e nye dinggai jan gaw tsun ai, E nta kaw lang ai di hka wan ni grai je amya taw sai dai re ai majaw nta kaw arung arai ni nnan sin sin bai jaw rit ngu bai wa hpyi ai da. Dai shaloi e mai ai ngu jidwi nang nta bai wa su ngu na bai wa shangun dat ai. Kaja wa sha nta kaw di hka wan ni mung n nan sin sin bai rai taw sai da. Nnan sin sin bai rai taw re ai shaloi shi gaw grai kabu sai hku nga, Ndai dinggai jan gaw grai kabu na she dingla nang ya gaw nta mung atsawm re lu sai di hka wan ni mung grai kaja ai lu sai dai re ai majaw nang i an lahkawng gaw ya jai sha na ja gumhpraw ni sha ra sai dai re ai majaw ja gumhpraw bai wa hpyi su ngu tsun ai da. Bai wa hpyi su ngu tsun ai shaloi she ndai dingla wa mung bai sa mat ai da. Grai nkam tim dinggai ndai gaw nta lu tim grai ra marit ai myit grai rawng ai ngu na she grai n kam tim mung sa mat sai da. Sa mat na nga kasha e nga kasha e ngu na bai wa shaga taw sai da. Nga kasha mung bai le wa nna jidwi hpa baw bai ra ai rai ngu ya nahte na nta kaw nta mung grai tsawm ai lu sai di hka wan ni mung grai nnan sin ni bai lu sai dai re ai majaw ya an lahkawng kaw jai sha na ja gumhpraw n nga ai dai re ai majaw nye dinggai wa ja gumhpraw bai hpyi shangun dat ai ngu tsun ai she e mai sai mai sai jidwi nang nta wa sa nu ngu bai tsun dat ai shaloi nta wa ai shaloi kaja wa shanhte na nga ai sadek sadek ni mahkra hkan ni she ja rai ni wa she hpring hkra nga taw ai da. Hpring hkra nga taw she ndai dinggai wa gaw gai mi na lu ai htang grai ra marit wa grai ra marit wa na she shi gaw dinggai re nga gaw hpyi mung nyip nyip rai taw sai i rai tim shi wa she, Hpa hpyi tim hpa lu ai re ai majaw shi gaw dingla nang e ya anhte ni gaw i nta mung grai hkrat ai nga sai di hka wan ni mung grai nsan sin re lu sai. Ya ja gumhpraw ni ma grai lu sai dai re ai majaw ya ngai gaw i ngai gaw moi na zawn zawn i mahkawn kasha bai byin mayu ai ngu bai wa tsun su ngu tsun, Wa tsun yang lu na re wa tsun su ngu tsun dingla wa gaw gaw mai na i dinggai nang e mai na re wa tsun su ngu na she bai wa tsun shangun sai hku nga, Bai wa tsun shangun re kaja wa kaja wa dingla wa gaw kaja wa grai nkam wa tsun tim mung bai wa tsun sai da. Nga kasha e nga kasha e ngu bai wa shaga taw jang nga kasha mung le wa na she hpa wa ta jidwi ngu yang e nye dinggai wa tsun ai nye dinggai tsun ai nye dinggai jan gaw ngai zawn zawn sha rai sai hpyi mung nyip nyip re grai ntsawm mat sai rai tim mung shi moi shi ma prat mahkawn n nan byin ai mahkawn zawn zawn bai byin mayu ai da dai hku ngu tsun shaloi she Ndai nga kasha wa gaw e mai ai mai ai jidwi nang nta bai wa su dai hku ngu tsun dat, Kaja wa nta du ai shalo shi dinggai jan wa she kaja wa mahkawn raw bai byin taw ai da. Moi na shi shi la yang na zawn zawn re na mahkawn bai byin taw re she Ndai dinggai jan gaw kwi grai gumrawng wa sai da. Shi gaw ja gumhpraw mung grai lu nta ni mung nnan sin lu na she shi gaw grai gumrawng shi hkum hkrang mung moi na mahkawn zawn zawn nat shayi zawn zawn re byin na she shi gaw grai pyaw grai pyaw dum sai da. Grai pyaw dum na she dingla wa e ya gaw ngai mung mahkawn tai sai dai re ai majaw ndai mare ndai mungkan kaw nga ai yawng hta na ngai gaw grau nna lusu mayu ai ngu na bai wa tsun su ngu tsun na hku nga bai wa tsun su ngu tsun ai shaloi she dingla wa gaw aga ya nang ja gumhpraw ni mung grai lu sai dai ram lu ti naw hpabaw naw ra mari taw ai ma ngu na dai hku ngu tsun tim mung dinggai jan gaw hpyi yang gaw lu na re sa hpyi su sha sa hpyi su ngu tsun ai da. Tsun dat ai she dingla wa mung kaja wa she grai nkam tim sa na she, Nga kasha e nga kasha e ngu bai wa shaga taw ai da. Bai wa shaga taw ai shaloi she ndai nga kasha wa mung le wa na she ya hpabaw ra ai ta jidwi ngu bai wa tsun ai shaloi she ngai na dinggai jan le i dai ram lu taw tim Shi le hpa ni hpyi taw ai kun nchye ai ndai mungkan ti hta grau lusu ai mungkan ti hta lusu ai byin mayu ai da ngu bai wa tsun ai da. Wa tsun ai shaloi she ndai Nga gaw i ga a dai ram jaw tim mung kaning re ra marit ai myit rawng ai ngu na she ndai nga kasha wa ndai jidwi hpe hpa mung ntsun ai sha madat mung nmadat ya sai sha oh n na masu su let sha yawn mat na hku nga, Yawn mat wa re na she i yawn mat wa na she shi gaw ndai dingla wa gaw ndai kalang gaw Nga kasha mung hpa mung n tsun dat ai hpa baw wa tsun shut sai kun ngu na she nta wa yu yang nta wa yu yang she myi yet shan lahkawng nga ai nta raw re na nta nyap nyap je je re dang re kaw sha nga di hka wan ni mung shabaw ja rai ni mung n nga dai re dinggai jan gaw myi yet gaw grai re na grai tsawm ai nat shayi zawn byin taw ai wa she myi yet na dinggai hpyi nyip nyip re dinggai bai byin taw na she dingla wa tsun sai, E rai sai rai nga ya gaw dai ram lu tim naw ra marin myit rawng ai gaw nang zawn zawn re ai gaw hkrup sha u nang zawn zawn re ai wa gaw hkrup sha u ngu na she dingla wa dinggai jan hpe she tsun jaw tawn da ai da. Dai majaw i anhte shinggyim masha ni mung i dang re kaji mi lu yang ra maring ai myit ngu gaw n mai rawng ai da.. Language as given: Jinghpaw
Format:Digitised: no Media: Audio
Identifier:KK1-0570
Identifier (URI):http://catalog.paradisec.org.au/repository/KK1/0570
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0570/KK1-0570-A.mp3
http://catalog.paradisec.org.au/repository/KK1/0570/KK1-0570-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0570
DateStamp:  2018-03-18
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Hkawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0570
Up-to-date as of: Tue Feb 11 15:35:21 EST 2020