OLAC Record
oai:paradisec.org.au:KK1-0567

Metadata
Title:Da da sha ai shayi sha a lam (The weaving girl)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Hkawn (speaker), 2017; Da da sha ai shayi sha a lam (The weaving girl), X-WAV/MPEG, 2020-04-28. DOI: 10.4225/72/5989e10e4c784
Contributor (compiler):Keita Kurabe
Contributor (depositor):Keita Kurabe
Contributor (speaker):L. Hkawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya tsun na gaw da da sha ai shayi sha a lam re, moi shawng ye ndai madu jan hte madu wa nga ai i shan lahkawng kaw gaw kasha langai mi nga ai i, dai gaw num kasha re num kasha nga re ai shaloi she kanu gaw machyi na si mat wa ai, si mat re gaw ndai kawa ngu na wa gaw i hpang num bai la ai, hpang num bai la re gaw ndai hpang num kaw mung kasha langai kasha kap wa ai dai kasha mung num kasha re, num kasha rai re gaw shan gaw i shan nau ngu na nga re gaw ndai hpang num ngu na wa gaw grai n hkru n kaja ai kaw n kaja re gaw ndai kasha hpe gaw i shani shagu e ndai shawng la wa na shawng la wa kaw lawm ai masha hpe gaw i shi gaw shani shagu da da shangun ai da, da da shangun re na she ndai shi kaw lawm wa ai num kasha hpe gaw shani shi gaw dai hku shakya la la re na hkawm mat hkawm mat re pyaw hkawm dai hku shangun na she nta bungli ma tsep kawp n shangun ai da, dai she shi gaw ndai num kasha la wa na num kasha ndai wa hpe gaw grai shangun sha ai hku nga, grai shangu sha re gaw shi gaw um da ni mung shani shagu da. Shangun re dai hku re na ndai da ndai langai n ngut yang nang hpe hpa baw di na shat n jaw sha ai hpa law nya law dai hku ngu shi hpe jahkrit shama na she shani shagu da da shangun shi na kasha hpe gaw i dai hku hkawm shangun ngun re ai da, nta ma n nga shangun dai hku re nga ai shaloi she nda num kasha wa gaw da da ai shi da da ai shara gaw i hka htung nga ai makau kaw re ai da, hka htung nga ai dai makau kaw re she lani mi na teng shi da da nga ai shaloi ndai da kaw lang ai i da lang i ndai da lang ai ndai wa hpe she shi nu gaw grai akyan n kaja na she ndai kasha hpe ma nta kaw n nga shangun mayu ai da, nta kaw n nga shangun mayu na she e ndai da lang i da ai kaw lang ai ndai da lang hpe she hka htung kata hte she kabai bang kau ya ai da, kabai bang kau ya re ai shaloi she num kasha ndai gaw da da na ngu she kanu gaw tsun wa ai da, nang ndai da i dai ni n da ngut jang gaw nang hpe shat n jaw sha ai nta kaw ma hkum nga hpa law nya law dai hku na tsun na she, tsun ai shaloi ya shi gaw da da lang tam ai da. Da lang tam re she n mu ai hku nga n mu re na she ndai da lang gaw kawa hpun pyen re nga gaw i lang ai na wa yang gaw hkraw mat ai le hkraw mat yang gaw mali hka hpun ni zawn waw wa ai le i, hka htung de kabai bang kau tim waw taw ai le re gaw shi gaw tam ai da, tam tam re she shi makau kaw hka htung nga taw ai dai kaw bai tam yu da tam yu she kaja wa hka htung kaw wa she da da lang wa nga taw ai da, dai na shi gaw ndai gara hku la na i ngu na she shi gaw chyan yu taw ai hku nga chyan yu taw ai shaloi she ndai hpang kanu ngu na wa gaw i dai kaw she ndai hka htung de wa hka htung dai ngu grai sung ai da, grai sung ai hte she ndai hku ganawn bang kau dat ai da, kanawn bang kau dat ai shaloi she num kasha dai gaw hka htung de hkrat shang mat ai da, hkrat shang mat ai shaloi she shi gaw grai kajawng hkrat mat ai hta kalang ta kajawng re ai majaw i shi gaw malap mat ai da, malap mat ai shaloi hka htung oh gata de dai hku shang mat wa ai shaloi she shi wa she tsin du pa le i tsin du pa dang re kaw she shi gaw wa u. Shi bai dum wa ai shaloi shi gaw hka htung de ganawn bang kau dat sai dai shaloi shi mung hka htung de shang mat na she shi bai dum wa ai shaloi gaw tsin du pa le i tsin du pa dai kaw she shi wa wa ma ra taw ai hku nga, wa ma ra taw na she shi gaw grai shi na hkum shi gaw gara hku ngu na i ngai gara kaw du mat sai shi kaji kajaw gaw dum ai le i ngai hpe ndai hku ganawn bang kau na ngai ni re du mat ai shi gaw dai ni dum na she lam hkawm sai da, ndai tsin du pa kaw na lam hkawm lam hkawm re she nta kaba langai mi mu ai hku nga, nta kaba langai mu re she dai nta kaba kaw shang wa ai da, shang wa ai shaloi she dai nta kaba kaw she dingla le i dingla langai mi dung taw ai da, dingla langai mi dung re she shi gaw dung taw ai da, ji dwi dingla e hpabaw ndai shara gaw hpa baw shara re ai rai ngu dai hku ngu san ai shaloi she ndai shara gaw i ndai shara gaw ndai nanhte nga ai mungkan ga hpe i gara hku di yang gara hku tsit la-li tsawm na ngu ai hpe galaw ya ai shara re ngu dai hku tsun ai shaloi she, Jidwi dingla hpe gaw shi gaw shi na mabyin ni atsawm ngu tsun dan ai da, ngai gaw i hpang na ah nu ai, dai hpang na ah nu gaw ngai hpe ndi re na hka htung de ganawn bang kaw na ngai ndi re shara kaw du taw ai ngu dai hku ngu tsun dang re ai shaloi she shi gaw e rai sai nang ndai nta kaw sha nga u yaw nang gaw jahpawt grai jau rawt yang nang gaw ndai i jidwi na ji dwi yup ai bum hkum hpe le i ndai hku garu u garu ya ai yaw ngu dai hku ngu tsun ai da, dai hku ngu tsun yan gaw shi mung e mai sa ngu na shi mung dai ji dwi dingla kaw nga na she oh dai ji dwi dingla na ra mara shat ni shadu jaw ra mara bungli ni tsun n ra hkra galaw ya ai da, galaw ya na she shi gaw jahpawt rai sai i nga yang mung shi gaw ndai ji dwi dingla tsun da ai hku le i bum hkum hpe she gara ya ya re ai da, garu re gaw shi ndai garu ya ai a marang e i ndai jahpawt jau jau rai yang anhte mungkan ga kaw she numri ni hkrat ai le dai kaw ndai shi garu ai a majaw i anhte mungkan ga kaw she ndai numri ni hkrat nna tsit la-li tsawm ai ngu na dai hku ngu bai tsun dan ai da, ndai ji dwi dingla gaw shi hpe tsun dan re na shi mung dai hku ji dwi dingla kaw sha nga re she sha ning masum ning na mat ai da, na mat ai shaloi she gaw a ji dwi dingla hpe shi jidwi dingla gaw i hpa hpe mung grai lu galaw ya ai le ngu ga nga yang gaw atsam rawng ai baw atsam rawng ai baw shi gaw shi jidwi dingla hpe masum ning hpring re ai shaloi she shi gaw jidwi dingla ngai nta nye nta de i ah wa ni hpe ma grai mu mayu ai ngai ngai nta de mai wa na i ngu dai hku ngu san yu ai da, san yu ai shaloi she shi mai wa law nang ndai kaw galaw ai magam bungli ni mung i grai hkrat ai ngu na she grai yu ra na she nang nang galaw ai magam bungli ni gaw grai hkrat ai dai re ai majaw nang hpe i shi hpe gaw ndai jidwi dingla gaw grai mi ma mi ma shi gaw grai tsawm ai re da, grai tsawm ai hpe she ndai jidwi dingla lata hpawk kalang dum dat ai hte shi hpe wa she mi na tsawm ai hta she grau tsawm na she buhpum sum raw ai lam ni hta mung yawng grai tsawm shi nta bai wa na re majaw ndai jidwi dingla wa gaw shi hpe sha kya dat ya ai hku rai nga i ja ni ma kalang bai lata hpawk bai dum dat ai shaloi she ja rai ni mung tsam ra mi shi hpe bai jaw ai da, shi hpe bai maw ndai gaw i nta kaw bai wa lang u yaw ngu na she jaw dat ai da, dai hpe rai tim mung shi gaw n yu ai e nang ndai jidwi jaw dat ai ndai hpe hkum yu yaw nta kaw du yang she yu yaw ngu dai hku ngu htet dat na jaw dat na hku nga jaw dat na she, nang ya nang myi di tawn da u myi di tawn da yang i nang i nta nta shawng kaw du taw na ya ai dai hku ngu tsun na she shi dai num kasha hpe she myi di da shangun ai da, kaja wa dai num kasha mung dai jidwi dingla jaw dat ai, rai hpe lang na she i tsap taw na myi di taw ai shaloi ndai dingla ndai gaw lata hpawk dum dat ai shaloi shi gaw grai rai sai myi hpaw sa nu ngu dai hku ngu tsun dat ai shaloi kaja wa myi hpaw dat yang kaja wa shi nta shawng kaw du na she shi gaw kabu gara nta de shang wa na she i dai shaloi she kanu wa gaw grai yu mau mat ai hku nga, kasha wa grai tsawm taw na she Ah gra shi na dai hpang kanu na myit hta gaw i ndai num kasha wa si sai ngu myit na she dai hku a kajawng du wa na shi gaw ndai hpang kanu wa gaw pyaw ai re na she ayi ah hkawn na gara kaw na du wa kaning re ai rai ngu na she bai san da bai san re na she ndai num kasha wa gaw i shi gaw mi na ma grai san seng ai myit grai san seng ai re ai majaw shi hpang kanu hpe mung atsawm ngu na ah nu i nang ngai hpe ndai hku jahkrat kau na dai kaw gaw dai dingla wa hte hkrum ai dai dingla wa gaw i dai hku dai hku re na ngai hpe galaw shangun ai hpa nya ni ma galaw shangun ai ra mara yawng galaw shangun na ngai ndai hku ngu hpyi yang shi ngai hpe nta de bai wa shangun ai ngu na dai hku ngu tsun dan ai da, tsun dan re ai shaloi she ndai kanu mung shi wa she shi kasha hpe ma dai hku grai tsawm shangun mayu ai hku nga grai tsawm shangun mayu na she shi gaw dai dai myit rau she kasha hpe she kasha hpe bai hpang kalang she shi gaw nhtang nhtang hku bai galaw kau she oh kasha hpe gaw nta kaw atsawm tawn da na Shi kasha hpe ke da ni bai da shangun ai da, da ni bai da shangun na da da rai hpe mung hka htung de kabai bang kau na she shi kasha hpe tam shangun na dai hku mi na shawng num na kasha zawn zawn sha dai hku bai ganawn bang kau na she shi mung dai hku shang mat sai mi na hku sha shi mung dai hku wa malap taw ai da wa malap taw na hprang wa yang gaw dai jidwi nta gaw bai du, du na she shi gaw mi yet na ma oh ra mungkan ga kaw nga taw ai shaloi mung grai lagawn ai re gaw grai lagawn re gaw ndai ndai oh ra jidwi dingla kaw du mat yang gaw shi gaw jidwi dingla wa tsun ai nang yup rawt yang ndai bum hkum hpe garu ya rit yaw ngu tsun tim mung um garu yang mung tang du hkra n garu ai da majoi mi ndai hku sha garu yang gaw hpa mungkan ga de mung i numri ni n hkrat na she tsit la-li mung n tsawm ai da, dang re na she shi gaw ndai jidwi dingla wa gaw ndai num kasha hpe grai pawt mayu sai da, grai pawt mayu ai ngu ndai wa gaw i ah ndai shi bum hkum hpe garu ai mung ta dung hkra n garu ai ngu na she Bungli ni mung n kyet ai le n kyet yang she ra ai bungli ni mung n kam galaw na she dai hku sha nga ai re majaw shi gaw dai num kasha mung masum ning du mat sai da, rai tim ndai kaji dwi wa gaw i hpa mi galaw tim kaja mi galaw tim n kaja ai mi galaw tim zim ngu na yu taw ai yu taw na gaw masun ning du ai shaloi she ndai ma wa jidwi ngai nta de wa myu ai ngu dai hku ngu ai shaloi she mai gaw ye wa lu na re ngu dai hku tsun ai shaloi she shi hpe she tsap da shangun ai tsap da shangun na she ta hpawk dum dat ai shaloi she nang myi sha di da yaw myi sha di na ngu myi hkum hpaw ngu dai hku ngu tsun ai hku nga tsun re ai shaloi shi gaw myi sha di tawn da ai shaloi she ndai jidwi gaw ta hpawk dum dat sai, ta hpawk dum dat ai shaloi she mungkan hta mungkan shanhte nga ai kaw mung mungkan ngu nga ai hku nga dai kaw na she oh ra gara hku ngu na i ye-nan-gyi i dai ni she mungkan ga kaw n ndai ntsa kaw na she shi na hkum ting wa she i ndai ye-nan-gyi zawn chyang mi na chyang taw nga she grau chyang mat hkra dai hku Hkrat bung wa ai da, rai tim shi gaw hpa nchye ai dai hku hkrat bung wa na she yawng hkum tim mung chyang mat sai da, chyang mat na she shi hpe gaw ngu ga nga yang gaw myi yet myi yet shawng num na kasha zawn zawn ja ma jaw ngu na le i dai mung jaw dat ai, rai tim dai ma jaw dat ai ndai hpe nang i nta du na nang nu hte she rau yu u yaw ngu dai hku ngu tsun dat ai da, tsun dat re ai shaloi she ndai num kasha mung myi di na lang da sai, lang da na she ya ndai kalang jidwi ta hpawk dum nang na nta shawng kaw du na re dai shaloi she jidwi nang nta shawng kaw du sai nga yang she nang myi hpaw u yaw ngu dai hku ngu tsun ai shaloi she shi hpe myi yet kaw na myi di da shangu ai i lata hpawk dum dat ai shaloi she shi gaw kaja wa nta shawng kaw du bai ya gaw nta de shang wa sa nu ngu dai hku ngu na tsun dat ai shaloi she shi gaw ah jidwi gaw dai hku tsun dat ai shaloi shi gaw shang wa ai shang wa ai shaloi kanu wa she n chye yu mat ai da, n chye yu mat na ayi ndai gaw gara kaw na kaning re sha chyang num wa kun ngu Atsawm yu yang she kasha gaw i shi hkum shi chyang taw ai ma n mu ai le re gaw ah nu ngai le ngai le ngu tsun na atsawm yu yang she kasha rai taw ai da, kasha rai taw na kanu gaw kajawng mat na she rai tim mung ndai lang taw ai hpe she kanu gaw ja rai naw shadu ai kanu gaw ja rai naw shadu oh ra oh ra yan wa hpe ma n madung ai shan nu hkrai dai chyinhka lam kaw she hpaw yu dat ai shaloi she lapu kaba rai taw na hku nga lapu kaba rai taw na she shan nu lahkawng yan hpe dai kaw achyet na shan nu gaw dai kaw si mat na she ndai oh ra hkan wa gaw i grai pyaw hkra nta kaw bai nga mat ai da. . Language as given: Jinghpaw
Format:Digitised: no Media: Audio
Identifier:KK1-0567
Identifier (URI):http://catalog.paradisec.org.au/repository/KK1/0567
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0567/KK1-0567-A.wav
http://catalog.paradisec.org.au/repository/KK1/0567/KK1-0567-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0567
DateStamp:  2017-09-27
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Hkawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0567
Up-to-date as of: Tue Apr 28 15:26:30 EDT 2020