OLAC Record
oai:paradisec.org.au:KK1-0550

Metadata
Title:Num sha masum a lam (The three girls)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Bawk Lu (speaker), 2017; Num sha masum a lam (The three girls), MPEG/X-WAV, 2020-06-06. DOI: 10.4225/72/5989e0c501658
Contributor (compiler):Keita Kurabe
Contributor (depositor):Keita Kurabe
Contributor (speaker):L. Bawk Lu
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya ngai hkai na mauwmi gabaw a lam gaw num kasha masum a lam re. E moi kalang mi da. Dinghku langai mi hta shan nau ni num kasha hkrai hkrai masum nga ai da. E masum nga re she lani mi na aten hta da. Shan nu wa ni gaw grai ma n lusu ai grai ma n matsan ai rai tim mung ram ai daram gaw nga pyaw ai hku dinghku re ai da. Re she lani mi na ten hta da kanu yan kawa gaw kasha ni masum hpe Ma Kaw, Ma Lu, Ma Roi masum hpe she shaga la nna she gai ma yan nau ni nu yan wa na makau kaw wa dung yu mi ngu tsun ai da. Dai hku tsun re she ma kaw wa hpe gaw ni hku ngu san ai da. Gai ah nu yan ah wa na kasha kaw gaw e an nu wa ni ndai hku pyaw pyaw lu nga ai gaw kade a majaw lu nga ai rai ngu san re she, Ma kaw gaw ah nu yan ah wa na majaw lu nga ai re ngu tsun ai da. Ndai zawn re lu nga ai re ngu tsun yang she, E ma lu hpe bai san ai da. Ma lu hpe bai san re she ah wa bungli grai galaw ai majaw ndai zawn re lu nga ai re ngu tsun ai da. Ma roi wa gaw shi gaw kaji dik re na she ma roi wa hpe bai san ai da. Ma roi ye an nu wa ni ndai zawn re pyaw pyaw lu nga ai gaw kade a majaw lu nga a ta ngu san yang she, Nye majaw ngu tsun ai da. Shi gaw nye majaw ngu dai hku tsun ai da. Shi kanu yan kawa gaw pawt ai da. Kana yan pa naw nu yan wa a majaw dai hku na nga pyaw ai wa a majaw nga pyaw ai ngu she tsun ai wa nang grau kaji ai wa mashe nye majaw nga pyaw ai nga gaw e nang gaw myit ja ai nang gaw akyang n kaja ai kasha re oh nang na majaw nga pyaw ai she nga yang gaw dai ni kaw na gaw nang gaw pru mat wa sa nu ngu na shi hpe gaw da pru mat wa shangun kau ai da. Pru mat wa shangun kau re she shi kanu yan kawa dai kaw na gumra langai mi la nna gumra dai hpe nhtang hku jawng nna sa wa shangun ai da. Sa wa hkawm mat wa shangun re she e sa mat wa sa nu ndai gumra wa hkring ai shara kaw nang nga na shara nang nga na mungdan re na re ngu tsun dat ai da. Dai shaloi she kasha ma roi hpe she dai gumra nhtang hku jawng nna sa mat wa shangun sai da. Hkawm mat wa gawt shapraw kau re she dai gumra hte dai ma roi wa gaw sa mat wa sa sai da. Sa mat wa re shaning shata kaba hku na mat wa re she shan nu wa ni gaw je hte je shi kasha ma roi gara kaw du ai hpe ngu kanu yan kawa ma nchye ai da. Kana ni mung nchye mat sai, Dai gumra wa hkring ai shara na shara re na mungdan na mare gahtawng mung re ngu tsun re ai shaloi shi mung shi mung gumra sha jawng re na sa mat wa re she dai gumra gaw da grai ndai grai pyaw ai hkawhkam hkaw langai kaw du ai hte gumra dai gaw hkring mat ai da. Hkring mat re she shi gaw dai kaw du tim gumra dai kaw du ai hte shi mung yu ai da. Yu tim mung shi chye na zawn re masha langai ma nnga ai jinghku ma langai ma n nga kadai ma n nga re na shi gaw dai kaw du ai hte nga taw nga ai da. Dai shaloi she e dai wa gaw dai kaw dai hku na nga taw nga yang she, Dai hkawhkam wan kaw e hkawhkam shadang sha langai mi gaw da. Shi grai tsawm ai grai tsawm ai num kasha langai hpe mu kau dat ai hte gaw shi gaw grai tsawra mat nna shi hpe e la kau ai da. Hkungran la kau grai hkyit hkam re na hkungra la kau. Lani mi na aten hta shi gaw shaning law law dai hkawhkam shadang sha wa hte dinghku de re nna she dinghku di nna she grai pyaw re na nga, Lani mi na ateng hta shi gaw grai lusu ai hkawhkam na kasha kanam rai re jang gaw hkawhkam kasha na madu jan rai yang shi gaw grai pyaw da. Grai lusut lusu nga mu nga mai mi na shi madu wa mung hkawhkam aya bai tang bai lu bai lu re na grai nga pyaw wa re she, Shi gaw da shi kanu kawa ni gara du ai re hpe sagawn ma n sagawn ai da. Chye ma nchye mayu ai da. Re na shi myit kata hta gaw shi kanu yan kawa hte hkan nau ni masum nga ai re hpe shi myit hta galoi mung bang da nna, Shi byin mat wa ai shi hpe dai hku na dai hku na sa kau dat ai re ai hpe shi myit kaw galoi mung bang da ai da. Bang da nna lani mi na aten hta da dai hkawhkam jan ngu na dai num kasha ma roi gaw da, Shi gaw grai nga pyaw yang she, E shi shi madu wa hpe bawng nna she shi kanu kawa ni nga ai mungdan na hte ndai shanhte nga ai hkawhkam wang ting hpe e shat lu sha jawm sha na matu shaga ga ngu na shi gaw dai hku ngu tsun ai da. Shaloi she hkawhkam wa kasha wa mung myit hkrum ai da. Myit hkrum na she shat sha poi kaba re langai galaw ai da. Yawng hpe shaga ai da. Matsan lusu yawng hpe shaga na she shat woi sha shat woi sha re na dai hku sha taw sai. Masha ni sa ai da lu sa la na wa mat wa mat re shat lu sha mung grai mu hkra lajang da ai da. Grai lajang da re she kanu ni kawa ni kana ni hpe mung shaga re na shat sha na matu shaga re she kanu yan kawa sa ai da. Sa re she kanu yan kawa sa wa ai ngu ai hpe shi mu ai da. Kanu yan kawa gaw kasha ndai mungdan kaw hkawhkam jan tai taw ai ngu ai hpe ma nchye ai da. Rai tim shat sha shaga ai majaw sa sha ai da. Kanu yan kawa na kanu yan kawa na shat sha sha ku saboi kaw she ndai shat mai gaw grai mu ai da. Rai tim mung ndai jum nbang ai shat mai lu sha hpe hkyen da jaw ai da. Hkyen da jaw re she sha sai da. Kanu yan kawa gaw sha sha sha re sa sha taw jum n lawm ai rai tim mung shan yan gaw hkyen da sai re nga gaw n mu ai tim mung tsun na lam shan yan gaw ngwi re she shanhte jaw sha ai hku sha sha sha sha re sha ngut wa re she kasha hkawhkam jan gaw sa wa ai da. Dai ni na lu sha gara hku nga nga a ta ngu sa san re she e sa san yang she e sa san yang she grai mu ai rai tim mung grai mu ai lu sha hpe e ndai zawn re nam chyim i kaji mi pi n rawng ai jum na nam chyim kaji pi n nga taw ai hpe e hkam sha lu ai ngu tsun ai da. Dai hku ngu tsun dat ai hte kasha gaw nu yan wa e ngai hpe chye nga ai i ngu tsun ai da. Shaloi she kanu yan kawa gaw grai myit malai lu nna shi kasha hpe ahpum na hkrap re she ngai kasha mung ah nu yan ah wa hpe grai tsawra ai, Grai tsawra ai shaning na na wa ndai hku na nga hkawm ai nu yan wa hpe tsawra ai ngu ai gaw ndai jum na ndai nam chyim jum bang dat yang nam chyim nga ai le i, Nbang yang gaw hpa nam chyim n nga ai, Kade mu ai shat mai mi rai rai nmu ai dai dai zawn sha re ai. Nu yan wa hpe tsawra ai ngai na tsawra myit e ndai ram re ai ngu na ah nu yan ah wa hpe hkrum mayu let ngai na tsawra myit kade ram kaba ai ngu ai hpe e madung mayu let ndai zawn re ai lu sha hpoi langai mi hpe shaga nna jaw sha ai re ngu na e tsun dang ai kaw shan nu wa ni kanu yan kawa mung kasha hpe dai hku re na nmyit mada ai hpe dai hku re na kasha na ga tsun ai ga hpe n kam madat ai majaw e dai hku galaw dat ai mara shada da raw hkat let grai pyaw nna nga mat ai da. . Language as given: Jinghpaw
Format:Digitised: no Media: Audio
Identifier:KK1-0550
Identifier (URI):http://catalog.paradisec.org.au/repository/KK1/0550
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0550/KK1-0550-A.mp3
http://catalog.paradisec.org.au/repository/KK1/0550/KK1-0550-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0550
DateStamp:  2018-03-18
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Bawk Lu (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0550
Up-to-date as of: Sat Jun 6 14:41:52 EDT 2020