OLAC Record
oai:paradisec.org.au:KK1-0548

Metadata
Title:Jahkrai ma ni hte la law ma ni a lam (The orphan and the bullies)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Bawk Lu (speaker), 2017; Jahkrai ma ni hte la law ma ni a lam (The orphan and the bullies), X-WAV/MPEG, 2020-02-11. DOI: 10.4225/72/5989e0bc2ff93
Contributor (compiler):Keita Kurabe
Contributor (depositor):Keita Kurabe
Contributor (speaker):L. Bawk Lu
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya ngai hkrai na maumwi gabaw gaw jahkai ma hte la law ma ni a lam re, Moi kalang mi da ndai jahkrai ma hkan dwi nga ai da. Jahkrai ma hkan dwi nga dai kahtawng kaw la law ma ni ngu ai la hkrai hkrai re ai nta ma langai nga ai da. Dai shan dwi gaw grai da grai matsan ai da. Grai matsan na she dai mare kaw nau matsan nna shan dwi hpe gaw masha kadai nsawn ai da. Masha nsawn na she grai matsan re nga oh mare na shinggan de nga nna she, Nta kasha nta kaji sha law sha galaw na shan dwi gaw dai kaw nga ai da. Dai kaw nga re she lani mi na aten hta da, Dai mare kaw na ni gaw dai la law ma ni gaw ni hku ngu ai da. Dai ma jahkrai ma hpe mung e hpawt ni gaw shawa bungli nga ai shawa bungli sa rit ngu na sa tsun re ai shaloi she, Dai jahkrai ma shan dwi gaw grai matsan nna she dai dai de sa nga yang mung shan dwi a galaw ra ai lam hpe n lu galaw na mung tsang re she, E gara hku tim mung hpawt ni na shawa bungli gaw ngai n lu sa shi ai dai majaw e dai majaw an dwi lahkawng lu ai kaw na nanhte bungli galaw ai ni sha na matu ngai nanhte hpe wa magyi langai bang dat ya na ngu tsun ai da. Shaloi she dai hku ngu tsun re na she tsun re yang she dai shani gaw shawa masha mare masha ni yawng hkra gaw dai bungli sa da, Dai lam galaw sa bungli sa galaw re yang she dai shawa bungli sa re shi langai sha n sa ai da. Rai tim mung shi dai shawa masha ni sha na matu wa magyi jaw dat ai hpe gaw da, Dai la law ma ni gaw e dai shan dai hpe nwoi shadu sha ai sha she dai wa magyi dai hpe she la nna, Htaw shanhte galaw ai bungli galaw ai lam lahta de bai kabai ni hku kabai da kabai da re nna, Dai shani tup bungli dai hku woi galaw ai da. Nwoi shadu sha ai sha, Galaw re she e shana de jan du wa re tim shan dai gaw nwoi shadu sha re she e shi gaw dai la law ma ni gaw gai shanhte ni shan nau ni la hkrai hkrai re ai majaw shan nau ni gaw n-gun ja dum nna, E masha ni hpe mung roi sha re na she dai hku re na nga dai jahkrai ma hpe nga yang grai roi sha shara mi pi naw shi hpe nroi sha ai n nga ai grai roi sha re na dai hku nga re she, Dai wa magyi dai gaw jan du wa tim n shadu jaw ti re shi gaw e shana de gaw dai bungli galaw sa ai ni gaw ndai wa magyi gara hku di na ngu yang she dai la law ma ni gaw la mat wa na she ja hkrai ma hkan dwi nga ai nta de sa jaw ai da. Bai sa jaw re she dai wa magyi dai gaw da shani tup htaw htawt kabai da htawt kabai da re she zai bwi ni ga ni gap re she sha mung nmai sha re she, Maw jahkrai ma hpe du jang she shanhte kaw du jang she nang jaw ai nang sa jaw ai wa magyi gaw e hpa bungli mung n lu galaw ai dai majaw maw nang bai la u ngu ti she hpa bungli mung nlu galaw ai re majaw nang bai la u ngu na she sa kabai ya da. Sa jaw yang she jahkrai ma shan dwi gaw la na zawn zawn n la na zawn zawn re na she dang re bai sa jaw ai majaw shanhte gaw grai gaya mat ai da. Grai gaya mat re na she, Grai gaya mat nna dai hku nga re she hpang shani bai shan dwi kaw bai sa wa sai da. Dai la law ma hkan nau ni gaw sa wa ti she e jahkrai ma hpawt ni u hkam hkam sa ga ngu na shi dai jahkrai ma hpe bai tsun rai yang she, jahkrai ma mung nsa yang mung shanhte hkanhte ni gaw amyu myu tsun galaw na re nga yang she, Sa ga nga na shi gaw myit hkrum sai da. Dai u hkam hkam sa na matu myit hkrum re she, Sa mat wa sai da. U hkam hkam ai de sa mat wa re she, E du ai hte hpun pawt langai kaw du ai da. Hpun pawt langai kaw du re ai hte she jahkrai ma hpe she maw nang gaw dai hpun pawt kaw hkam u yaw ngu tsun ai da. E anhte gaw hpun ndung kaw hkam na ngu na shan nau ni gaw hpun ndung de dai la law ma ni gaw hpun ndung de lung mat wa ai da. Shi hpe gaw hpun pawt kaw hkam u ngu na tsun ai da. Dai shaloi she hkam kau da sai da. Hkam kau da shanhte tsun ai hte maren la law ma ni gaw ntsa de hkam shi gaw hpun pawt kaw hkam re na she, Hkam na she wa wa sai da. Jan du wa re wa mat re she hpang jahpawt re yang she dai mahkam sa yu na matu e dai la law ma ni gaw dai jahkrai ma hpe mung nshaga la ai da. Shan nau ni hkrai sa mat wa re sa mat wa re she, Shanhte shawng sa mat wa ai da. Sa mat wa re she dai jahkrai ma gaw shi hkam da ai hpun pawt kaw gaw jahkyi lu ai da. Rai na she dai la law ma ni na e dai hpun ndung kaw gaw hkawng ran u langai mi lu taw ai da. Dai hpe she la law ma ni gaw shanhte shawng shan nau ni shawng sa re nga she gaw jahkrai ma wa kaw lu taw nga ai jahkyi hpe gaw la kau na she, Htaw shan nau ni na mahkam kaw lu ai hkawng ran hpe gaw ga um jahkrai ma na ndai mahkam kaw noi da ya ai da. Jahkrai ma kaw lu ai jahkyi hpe gaw hpun ndung de bai wa noi da re na she dai hku re nga nga taw yang she, Jahkrai ma mung shi mung kadai oh ra ni n saw ai sa mat wa sai re hpe chye nna shi bai hkan sa wa re yang she, Shi mahkam kaw hkawng ran u noi nna she hpun ndung kaw jahkyi noi taw ai hpe mu ai da. Re she e ndai jahkyi gaw e gara hku tim mung hpun de n lu lung ai, Dai majaw dai nanhte na mahkam kaw cha taw ai jahkyi gaw ngai na she rai na re ngai hpe bai jaw rit ngu hpyi ai da. Dai shaloi she dai la law ma ni gaw nmai ai njaw ai nang mu ai hte mare re ai dai majaw gaw ya mu taw nga ai hku sha e kadai mung kadai na mahkam kaw chya ai hpe e la na re ngu dai hku tsun ai da. Dai shaloi she e dai hku gaw n mai ai dai nanhte dai hku she rai yang gaw ndai ndai rap ra tara hpe daw dan na matu tara kasa langai shaga ga ngu na she jahkrai ma gaw dai hku tsun ai da. Dai shaloi she shanhte la law ma hkan nau ni mung myit hkrum sai da. Myit hkrum re na she shaga shangun re she shanhte dai hku shaga shangun ai hte dai la law ma ni gaw dai hku myit hkrum nna tsun ai shaloi she jahkrai ma wa gaw shi gayin wa yu yang brangtai langai mi lai wa ai hpe mu re na she, E e hkau brangtai e ndai anhte na hkam da ai ndai zawn zawn re byin ai hpe e nang tara kasa langai hku na ndai hpe daw dan ya rit ngu tsun re jang she, E brangtai mung hkraw ai da. Hkraw na she hpawt de aten masat nna hkying kade kaw i hkying jahku rai yang hkying jahku dai kaw sa wa yawng hkrum na hku ngu na shanhte gaw jawm tsun hkat ai da. Jawm tsun hkat nna wa mat re she, Shana yup la nna hpang jahpawt bai du re ai hte she e la law ma ni hte jahkrai ma gaw du taw dai da. Dai mahkam hkam ai shara kaw du taw re she, E shanhte du taw tim brangtai gaw ndu taw re na she brangtai hpe la she la taw nga ai da. La taw nga re she, La law ma ni mung sa wa sai da. Brangtai mung grai na ai hpang she sa wa re she, E la law ma hkan nau ni gaw e nang hpe e hpawt de dai ram kaw sa wa ngu she tsun da ai mi nang hpa baw re na ya du hkra hkra nsa wa ai hpang hkrat taw ai rai ngu tsun re yang shi gaw e nanhte tsun ai aten kaw du hkra ngu sa wa ai wa ngai lam kaw e i lama mi dai hku mu ai majaw ngai hpang hkrat ai re, Ngai sa wa ai lam kaw e zaibru jan kaw e zaibru jan kaw e wan hkru taw ai majaw ngai htingga hte hka ja jaw taw ai ngu tsun ai da. Shaloi she la law ma ni mung myit yu ai da. Jahkrai ma mung myit yu re she la law ma hkan nau ni gaw e dai n mai byin ai lam re e shanhte bai myit yu yang mung um zaibru jan kaw wan hkru taw ai htingga hte hka ja jaw ai gaw gara hku mung nmai byin ai ngu brangtai hpe tsun re she, E zaibru jan kaw wan hkru ai ngu ai ma shanhte gaw dai hku tsun yang she, E re ai nanhte tsun ai hte mare ndai zaibru jan kaw wan hkru ai htingga hte hka ja jaw taw ai ngu ai gaw gara hku mung nmai byin ai teng ai dai majaw zaibru jan gaw wan hkru ai ngu dai ma nmai byin ai dai majaw hpun lakun kaw jahkyi mahkam chya ai ngu ai ma nmai byin ai re ngu tsun ai da. Mahtai gaw dai jaw re na she htingga hte wan hkru taw ai hpe htingga hte hka ja jaw taw ai ngu ai dai mung nmai byin ai nanhte tsun ai teng ai dai gaw hkawng ran u gaw ga kaw e mahkam kaw lu taw ai ngu ma nmai byin ai ngu na brangtai gaw tara kasa langai hku na dai la law ma ni hte jahkrai ma na mahtai hpe shi atsawm sha lu hparan ya ai da.. Language as given: Jinghpaw
Format:Digitised: no Media: Audio
Identifier:KK1-0548
Identifier (URI):http://catalog.paradisec.org.au/repository/KK1/0548
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0548/KK1-0548-A.wav
http://catalog.paradisec.org.au/repository/KK1/0548/KK1-0548-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0548
DateStamp:  2018-03-18
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Bawk Lu (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0548
Up-to-date as of: Tue Feb 11 15:35:17 EST 2020