OLAC Record
oai:paradisec.org.au:KK1-0544

Metadata
Title:Tsi du tam ai lam (The man who looked for a doctor)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Bawk Hkawn (speaker), 2017. Tsi du tam ai lam (The man who looked for a doctor). MPEG/X-WAV/XML. KK1-0544 at catalog.paradisec.org.au. https://dx.doi.org/10.4225/72/5989e0aa6dacd
Contributor (compiler):Keita Kurabe
Contributor (depositor):Keita Kurabe
Contributor (speaker):L. Bawk Hkawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya tsun na lam gaw si du hpe tam ai la a lam hpe tsun dan na hku re. Kalang mi na da mare langai mi kaw grai matsan ai la langai mi nga ai da. Shi gaw hpa galaw na lu na sha na mung n lu ai, gumhpraw tam hkawm na mung arang nlu ai. Gumhpraw nlu ai majaw shi gaw hpa mung n chye tam re na dai kaw nga ai sha mi ma hkyit sha re na nga na shi gaw grai myitru da, ja gumhpraw tam hkawm na mung arang mung nlu, re gaw kaning di na tam hkawm na ngai gaw mungkan ga ntsa nga ai gaw hpa lachyum n pru ai re sai, dai majaw si mayu sai si mat ai she tsa mai sai ngu na shi gaw ya ngai si mayu ai, ngai hpe sat ya na si du she hkan tam sa na ngu na shi gaw si du hpe hkan tam mat wa ai da. Dai mare kaw na pru mat wa na si du hpe hkan tam wa hto shara shagu dai si du hkan tam mat wa ai, masha langai hpe mu yang langai, si du hpe tam ai ngu na hkan tsun na masha ni hpe san ai da. Si du hpe nmu ai i ngu, oh ra ni gaw nmu ai ngu shi gaw dai hku re na hto hkan tam mat wa hkan tam mat wa, re na hkawm hkrai hkawm mat wa re shaloi gaw shara mi kaw gaw kaja nan si du hpe e shi gaw katut ai da. Si du hte katut ai shaloi gaw dai wa gaw san ai da, ya nang hkau nang gaw hpa baw re hkawm ai law ngu, ngai mungkan ga ntsa nga ai nau matsan la ai hpa mung nlu su ai, masha ni zawn lu su mayu ai retim ngai arang ni nlu ai, dai majaw hpa hte gara hku na lusu hkra mung ngai n chye galaw ai dai majaw si mat mayu ai majaw ngai si du hpe hkan tam ai re ngu na tsun ai da. Dai shaloi gaw si du wa gaw ga shabrang wa e nang gaw si mayu ai nga, si mayu ai nga tim na na si ten ndu yang gaw nmai si ai gaw ya nang grai si mayu ai nga retim ndai ya ngai nang hpe nang mungkan ga ntsa naw wa nga su, ya ngai nang e mandan lakle tsun dat ya na, nang ra ai lam hpe nang wa tsun na ndai si du kaw na lawt na matu nang wa galaw yaw ngu na tsun ai da. Dai shaloi mai sa ngu shi gaw tsun na she shi gaw shi hpe dai mandan ga tsun dat ai da. Mandan ga tsun dat ai, nang ra ai 3 hpe sha tsun u yaw, ngu na dai hku tsun dat ai shaloi gaw shi gaw dai dinggai dai kaw na si du kaw na mandanga matsing la re na shi gaw dai bai wa mat ai da. Wa mat shi mare de bai wa mat na shi ra sharawng dik ai mungkan ga ntsa sahte mayu ai, lu su mayu ai lam ni shi gaw ngai grai lu su mayu ai, lusut lusu mayu ai ngu shi gaw mandanga tsun dat re shaloi gaw kaja nan lu su na ya nta kaja ni ma ra ai, ndai shangun ma ni ma ra ai ngu na dai tsun ai da. Dai shaloi kaja nan si du wa hpung shingkang gaw shi kaw i dai jaw dat ai hte shi gaw kaja nan dai kaw nta kaja ni rawng, dai kaw shangun ma ni lu re na shi gaw grai pyaw na sahte mat wa ai da. Sahte mat wa na shi grai pyaw na nga, grai pyaw na nga mat ai da. Dai shaloi gaw e aten gaw lani hte lani lai lai lai, re na shi gaw pyaw she pyaw re na si du wa tsun dat ai ga nang si ten du ai shani gaw nang nkam si tim si ra na re yaw ya nhtoi ma jaw dat ai i shi hpe nhtoi ma jaw dai shani gaw nang si ra na re yaw ngu tsun dat ai shaloi shi gaw grai nga pyaw shi gaw dai kaw sahte ja gumhpraw lu mat na nga pyaw kam ai sha, sa kam ai de sa re na dai kaw shangun ma ni hte a pyaw a law re na shi gaw grai pyaw na nga taw. Dai shaloi lani hte lani gaw si nhtoi du wa sai da. Dai shaloi gaw shi gaw ga ya ngai mungkan ga ntsa gumhpraw lu yang ndai ram ram pyaw na nga ai wa ya si ten wa du wa sai ngai kaning di na i, ngai n kam si sai, ya gaw ngai nkam si sai ngu tsun na she shi shangun ma ni hpe she gai ma ni e ya ngai si ten du wa sai, si du wa ngai hpe shaga na ten du wa sai re majaw ngai n kam si ai da. Dai majaw ndai si du ngai hpe sa tam ai shaloi ngai hpe nmu na matu ya ngai gaw nyan galaw ra sai ngu na she gai ya ngai hpe ndai sadek kaba re galaw ya mit, sadek kaba galaw na dai kaw lusha law law bang, ngai ndai si du nhtoi si du shaga ai nhtoi hpe shalai na matu ngai hpe lusha ni lajang ya na ndai ngai hpe hto panglai kata de jahkrat bang da mit ngu na tsun ai da. Shi shangun ma ni mung dai kaw shi hpe sadek kaba law dai kaw grai shim ai le i, shim lum ai sadek kaba galaw na she dai kaw lusha ni law law bang re na she shi hpe mung bang re na she hto panglai de woi sa mat wa re na si du hkan tam jang ngai n nga ai, nnga mat sai ngu na tsun u mu ngu da. Dai shaloi retim ngai si ai ngai na si ten nhtoi lai ai shaloi gaw ngai hpe bai shaw la mit yaw ndai sadek kaw sumri dun da mu, sumri du na hto de hka kau de hpun kaw nanhte dun da mu yaw, ngai na si ai aten lai ai shaloi dai ngai hpe bai gang shaw da mit ngu htet kau da ai da. Kaja wa shi shangun ma ni shi hpe panglai kaw sa bang kau na panglai sung dik ai shara kaw bang da na she dai kaw sumri hte dun da ai da. Sumri hte hto hka makau na hpun kaw dun da re da, dai shaloi gaw lani hte lani gaw dai si ten nhtoi du wa ai da. Du wa ai shani gaw si du gaw hkan tam hkawm sai da, ndai moi grai matsan na si mayu ai la ya dai ni ya si (ale) du sai, shi na aten du sai re, ya mung nsa wa ai ngu na shi gaw hkan tam hkawm ai da. Hkan tam hkawm e la dai hpe hkan tam hkawm ai da, shi woi la na matu hkan tam hkawm tim, gara kaw tam tim nmu da, gara kaw tam tim nmu na si du mung um la ndai gaw grai matsan na si mayu nga, ya lu su mat na nkam si mat sai hku re nga la ndai gaw ngu na pawt mayu ai hte re na shi gaw pawt gaw pawt mayu, myit mung ru ba mung ba, re na she hto panglai hkingau hku na shi hku dai hku garet wa re shaloi gaw ndum shami wa she dai la hpe dun da ai sadek sumri kaw wa she wa ahtu galau taw ai da. Wa ahtu galau taw na she aga ba gaw ba la re shaloi ndai kaw sumri sa gran da ai gaw kadai wa re kun, ngu na ndai sumri kaning san re sumri wa ta? ning re hka kau hkan ne ning re me dun da gaw ngu tsun na she shi gaw dai sumri dai hpe gang hkrai gang, kade gang tim n htum ai da loh. Nfai ram galu ai sumri gaw kaning re kun ngu gang hkrai gang, gang hkrai gang re yang gaw jahkring gaw panglai de na rai taw na gang hkrai gang grai ding gang wa shaloi she dai sadek wa pru wa ai da. Sadek pru wa shaloi gaw kei hpa baw sadek wa re kun dai ram ram sung ai bang da ai gaw ngu na da dai sadek dai hpe she shi gaw adup hpaw dat yu ai da. Adup hpaw dat yu ai shaloi gaw mi grai si mayu ai la wa re taw ai da. Si mayu ai la wa re taw shaloi she ga nang gaw ndai panglai kata de hpa baw re na sa sadek kaw ding re rawng taw ma ngu e si du e ngai mungkan ga ntsa nga ai, moi gaw grai si mayu ai retim ya ngai gumhpraw lu jang ngai nkam si sai. Ngai hpe hkum woi la kau rit, hkum woi la kau ngai asak naw hkrung mayu ai pyaw pyaw re na naw nga mayu ai ngu di na she si du hpe bai shi gaw hpyi nem ai da. Hpyi nem ai shaloi si du gaw e nmai ai nmai ai nang moi de grai si mayu ai nga re, ya na a si aten du sai dai re majaw nang gaw ndai kaw na nmai lawt sai, dai majaw si ra sai na si ai ahkying du sai dai majaw nang e gaw asak jahkrung da nmai sai si ra sai yaw ngu di na dai la hpe shi a wenyi dai hpe shi gaw woi mat wa ai da. Dai la mung dai kaw si mat ai da. Dai majaw anhte gaw kadai retim mung tinang a ahkying aten ndu shi yang grai si mayu sai loh, grai matsan ai loh grai yak hkak ai loh si mat she mayu sai loh nga na nmai tsun ai. Tinang a ahkying aten ndu yang tinang kade yak hkak jam jau ai retim karai kasang sha nwoi la yang gaw anhte gaw nsi mai ai re dai majaw tinang a ahkying aten du wa ai shaloi si ten du jang gaw nang kade nkam si tim kade pyaw mayu tim mung shi a ahkying a ten du ai shaloi gaw shi na shi si mat ai. Ndum shami dai hku mung si mat wa ai, yup galeng na si mat wa ai ni mung nga ai, dai mung shi aten du na si mat chye ai re dai majaw asak naw hkrung nga ai shaloi gaw atsawm re na nga ra ai i. Tinang mai kaja ai hku na hkawm sa nga ra ai, dai hku na tinang a sak hkrung lam hte e i ndum shami byin wa chye ai mang hkang ni hpe mung tinang gaw dai hku na hpa ran chye ra ai ngu. Dai si du tam ai la zawn zawn anhte gaw nrai ga ngu aten du jang gaw kadai mung si na re, dai majaw aten n du shi ai shaloi si mayu ai lam hpe gaw n hpyi ga aten du ai shaloi nsi tim si ra ai. Dai la zawn si ten du yang mung anhte hprawng na ma lawt na nre, dai majaw kadai mung dai la zawn nrai ga ngu na maumwi hpe hkai dan ai re. . Language as given: Jinghpaw
Format:Digitised: no Media: Audio
Identifier:KK1-0544
Identifier (URI):http://catalog.paradisec.org.au/repository/KK1/0544
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0544/KK1-0544-A.mp3
http://catalog.paradisec.org.au/repository/KK1/0544/KK1-0544-A.wav
http://catalog.paradisec.org.au/repository/KK1/0544/KK1-0544-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0544
DateStamp:  2018-03-31
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Bawk Hkawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0544
Up-to-date as of: Sat Nov 14 14:23:47 EST 2020