OLAC Record
oai:paradisec.org.au:KK1-0538

Metadata
Title:Magwi masha hpe tam ai lam (The elephant that looked for men)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Bawk Hkawn (speaker), 2017. Magwi masha hpe tam ai lam (The elephant that looked for men). X-WAV/MPEG. KK1-0538 at catalog.paradisec.org.au. https://dx.doi.org/10.4225/72/5989e09071f0d
Contributor (compiler):Keita Kurabe
Contributor (depositor):Keita Kurabe
Contributor (speaker):L. Bawk Hkawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya ngai tsun na gaw magwi shinggyim masha hpe tam ai lam rai na re, moi shawng de shinggyim masha ni gaw dusat dumyen ni shada da ga hkrum chye ai da, dusat dumyen ni hte shinggyim masha ni ga hkrum ai i shaga hkat ai ni re na nga pra wa ai da, dai shaloi ndai shinggyim masha ni gaw num jaw num ya re na nga pra wa ai i wunpawng sha ni a labau hta ndai jiwoi jiwa ni hkai galeng hkat wa ai anhte a labau laika buk ni hta i law law mu lu ai i, dang re shinggyim masha hte dusat ni ga hkrum ai lam hpe le, e ndai ni hpe anhte labau ni hta law law mu lu ai, e dai shaloi gara hku byin ai ni nga yang ndai kalang mi na hta ndai shinggyim masha ni hte ndai dusat ni gaw ndai zawn shada da ga chye na hkat ai hpe e jawm nga jawm hpaun de re na nga ai teng hta da ndai shinggyim masha ngu ai ni gaw ndai dusat amyu ni hpe magam bungli hta mayam shatai shangun sha chye ma ai ngu ai ga wa n dai dusat damyen ni a na kaw yawng kaw chyam bra mat wa ai da. Dai shaloi dusat ni a hkawhkam hkanhkyi wa gaw gai dusat ni hpe zuhpawng la na she, ndai shinggyim masha ni gaw anhte hpe mayam yam na shangun sha na nga na tsun ga ru nga ma ai, dai majaw anhte gaw shanhte kaw mayam n yam lu na matu anhte gaw shinggyim masha ni hte tsang ai shara de hprawng ga lo ngu ti na tsun ai da, dai shaloi nkau dusat dumyen ni gaw e rai nga anhte gaw shinggyim masha kaw ni gaw mayam n kam yam ai shanhte shangun ai bungli n kam galaw ai ngu ti na dai hkanhkyi shanhte hkawhkam wa tsun ai hku re na dai kaw nkau mi gaw dai kaw hprawng mat mat ai da, dai shaloi ndai magwi hkan la gaw e ngai gaw ndai shinggyim masha ngu ai masha gaw kaning re ai re kun mu yu na she shanhte hpe mu na she ngai gaw hprawng na dai majaw ngai gaw shinggyim masha hpe naw mu yu na matu shinggyim masha naw hkan tam na ngai gaw nanhte kaw nhprawng nan ai ngu ti na shi gaw dai hku tsun ti na dusat dumyen ni kaw i shanhte kaw shi n hprawng nan ai da. N hprawng nan ai shi gaw hkum hkrang mung kaba i n gun la-pyin ja ai re ai majaw shi gaw loi mi rai dum ai myit masin rawng ai ga rai nga, dai majaw shinggyim masha ni n gun ja ai dusat ni hpe shanhte shangu sha na nga ai hta shi gaw nau wa n kam ai le i shinggyim masha ni kaning san ai ni wa mi anhte ndai ram ram kaba ai ni hpe shangu sha na nga ai gaw ngu ai gaw shi gaw ai mi n kam ai myit masin hte shi gaw ndai shinggyim masha hpe hkam tam wa na hku rai nga dai shaloi masha ni yawng hprawng ma ai shaloi gaw shan madu jan hte ndai magwi la wa gaw shan gaw grai an lahkawng gaw shinggyim masha ni hpe hkan tam na matu rawt sa wa ga ngu ti na shan lahkawng gaw dai kaw na shanhte oh de hprawng shan la mung ndai kaw na shinggyim masha ni hpe tam na matu rawt mat wa ai da, e shan mung dai de hkawm sa wa re ai shaloi wa dai kaw magwi yi wa gaw ma hkum rai ai hku nga, ma gun taw re ai hku rai nga dai shaloi e hkawm hkrai hkawm re shinggyim masha ni zawn zawn re hpe mung n mu tam hkrai tam hkawm. Tam hkrai tam hkawm re ai shaloi oh shara mi kaw yi langai mi kaw du ai da, yi langai mi kaw du wa ai shaloi gaw dai kaw magwi jan dai magwi yi wa gaw ma shangai machyi wa na hku rai nga, gra a la nan ye ya ngai gaw kan ma shangai aten du wa sam sai kan ma machyi ai gau-ngwi she hkawm ga a ngai n lu hkawm wa sai gau-ngwi hkawm na she tam hkawm ga ngu yang, magwi la gaw e naw sharan u naw hkawm ga ngu tsun ai da, ma hkum shangai shi ma hkum shangai shi naw sharan u shinggyim masha n mu shi ai ngu na tsun ai, dai magwi yi wa gaw e n lu sharan sai lo grai machyi sai lo e ngu ti na she dai kaw naw hkring la ga ngu tsun ai shaloi gaw, dai kaw hkring re ai shaloi gaw magwi la gaw grai grai nang kan machyi ai nga yang mung dai kaw jan hkring nga nna nang gau-ngwi hkan nan rit yaw ngai shawng, shawng de hkawm magan nan ngu ti na shi gaw hkawm magan mat wa ai da magwi yi hpe gaw dai yi makau kaw tawn kau da re na shi gaw hkawm mat wa ai da, hkawm mat wa re ai shaloi gaw e dai magwi yi wa gaw machyi na she, Ma shangai na zawn zawn um machyi na she ndai yi de yu dat yang she shinggyim masha num langai mi dai kaw yi magan taw ai hpe mu dat ai da, yi magan taw ai kaw mu dat ai shaloi gaw shi gaw dai num hpe she e ning shinggyim masha ni mahkum ma gun ai gaw kade ning gun ma a ta ngu tsun ai shaloi gaw dai num gaw shata jahku gun na shata shi kaw shangai ai lo ngu tsun ai da, dai shaloi gaw loi tsang ai re nga gaw na shut kau sam ai da, dai magwi gaw shata shi ngu ai hpe she, shi ning ngu ai na kau dat ai da, shi ning da aw ning ngu tsun ai da, num oh ra jan mung nau bai n na na she shi tsun dan dat ai ga hpe she, bai nhtang san ai shadu na she e lo ngu bai re ai lo ngu bai marawng tsun dat ai da, dai shaloi she magwi yi gaw ke shi ning shi ning re nga mi gaw ma nan ye hkum shangai shi hkum shangai shi ya shinggyim masha n mu shi ai naw tam hkawm na re hkum shangai shi ya shi ning nga ai gaw aw ngu na she dai machyi ai hpe she sharan na she e shi ning gun ai she nga re gaw nang kan kata kaw naw rawng u. Hkum shangai shi ngu na gaw shi gaw dai kaw na bai madu wa a hpang de hkan nan re na shinggyim masha tam hkawm mat wa ai da, tam hkawm mat wa re ai shaloi gaw htaw shara mi kaw du ai shaloi gaw nau ba mat nna dai jahkring mi ngu na dai kaw galeng galeng taw ai da, magwi yi wa gaw ma hkum hte kan kaba jan gaw dai shaloi gaw yup malap mat wa ai da, yup malap mat na shi gaw bai hprang wa ai shaloi gaw dai dai kan machyi kan machyi gaw machyi taw ai le i rai tim shi gaw dai hku yi ma hkrai hkyen sam sai lo aw bai ngu na she e rai tim sharan na she shi ning she nga mi gaw hkum shangai shi hkum shangai shi ngu na dai hku bai tsun na shi gaw yup rawt na bai madu wa hpang de bai hkan nan da hkan nan ai shaloi gaw, um magwi la wa mung madu jan hpe pi tawn da kau hkra re na gaw shinggyim masha hpe e n mu yang mu hkra tam hkawm mat wa na ngu na oh hkaran yi langai mi kaw du pru wa ai da, dai shaloi yi kaw bungli galaw taw ai la langai mi hpe sa mu hkrup ai da, sa mu hkrup ai shaloi shi gaw san ai. E hkau nan shinggyim masha hpe nang nchye i ngu san ai shaloi gaw la dai wa gaw chye ai le ngu ai shaloi gaw e shinggyim masha ni gaw nyan grai kaja ai re lu bawnu grai kaja ai ngu na she dai magwi hpe tsun dan ai da, dai shaloi e dang nga yang gaw hkau e ngai hpe dai shinggyim masha ni nga ai shara de woi sa rit ngu na tsun ai da, dai shaloi gaw ah.. hkau e shinggyim masha ni nga ai shara gaw grai tsang ai gaw grai tsang ai re majaw lam hkawm yang grai ba ai dai majaw ngai nang hpe n lu sa ai lo ngu tsun yang, ha hkau nang hpe hkum tsang u nang nan nye shing ma kaw jawng na hkan nan u ngu na tsun ai da, dai shaloi kaja wa i ngu ai shaloi gaw e kaja wa le ngu ai shaloi gaw magwi wa gaw hpa shinggyim masha wa gaw i dai kaw e kaja wa nang nang ngai tsun ai ga madat na i ngu madat na law ngu tsun ai da, dai shaloi gaw shinggyim masha wa mung kaja nan dai kaw shi lu sha ni shata mi shata lahkawng ram sha ba pa ni htu gun re na she htu gun na she dai magwi ntsa kaw jawng na dai shi shinggyim masha ni kaw Woi sa mat wa ai da, woi sa wa ai shaloi gaw shi gaw dai magwi ntsa kaw jawng let she kaja wa nga yang gaw shi shinggyim masha re dai magwi hpe shanhte yam sha na ngu ai kaw shanhte chye chya lu rai sai le i dai majaw ngai shinggyim masha re ngu n tsun ai le shi gaw um shinggyim masha ni nga ai de shi hpe woi sa wa re na ntsa magwi jawng let she shi gaw sumri rit ai da, sumri rit na she htaw shara mi kaw sa wa re ai shaloi shara mi kaw du ai shaloi gaw ndai magwi ntsa kaw shi gaw jawng nna e hkau e ndai kaw hkring sa la ga grai ba sai jahkring mi naw hkring la ga ngu na she um dai kaw jahkring mi hkring ai da, hkring ai shaloi gaw ndai masha wa gaw i, shinggyim masha a shinggyim masha ni nga ai shara grai tsan re ai majaw an lahkawng ndai shinggyim masha ni hpe hkrum jan gyit la na matu ndai sumri rit ngai sumri naw rit u ga ngu na shi gaw dai sumri kaba hpe rit rit na dai kaw magwi hpe she shan lahkawng hkring ai shaloi she ndai magwi hpe she hpun ,hpun langai mi kaw she shawng lagaw hpang lagaw dai hku hpun Lapran kaw tawn nna she ndai magwi hpe gyit ai da, gyit ai shaloi she grai ndai hkrin dik di yu u le ngu tsun ai da, hkrin dik di yu ai shaloi gaw kaja nan magwi dai dan hprawn dat yang gaw sumri dai di mat ai da, sumri dai di mat ai shaloi gaw aw sumri di mat sai n ngan shi ai ngu tsun ai da, dang ngu she aw n ngan ai i ngu na she kaja wa dan dai la wa grau kaba ai sumri hpe bai rit sai da, grau kaba ai sumri hpe bai rit na she magwi mung re ai ya sha ngai hkrin dik yang di mat ai da hkau e grau kaba ai sumri she rit u ndai shinggyim masha ni hpe gyit la na matu sumri kaba she naw rit u ngu na she kaja wa la dai mung sumri kaba bai rit re na she, grai ngan ai sumri bai rit na she ndai magwi hpe bai ya bai chyam yu u ga ngu na she ya bai chyam yu ga ngu na she shi hpe kalang bai dai hpun kaw she lagaw mali hpe she dai shi rit ai sumri hte bai gyit da re ai da, ngan ngan ti gyit da na gai hkau magwi ya bai ndai da hprang yu sumri ndai ngan sai kun ngu na she shi hpe bai da hprang sumri hpe bai Gan shangu ai le gan shangun ai shaloi gaw dai sumri gaw ndi ai da grai ngan mat na she shi hpe gyit da ai sumri wa grai ngan taw sai hku nga dai she koi ndai chyawm mi grai ngan sai lo hkau ya shinggyim masha ni hpe gyit la na gaw ndai hkat re sai um na tsun re ai shaloi gaw ndai ya ngai hpe raw ya sanit shinggyim masha sa gyit la sa ga ngu tsun ai shaloi gaw gai hkau magwi nang ya nang hpe ngai n lu raw ya sai yaw nang grai mu mayu ai shinggyim masha ngu ai la wa gaw ngai nan rai nga ai le ngu tsun ai shaloi gaw magwi gaw grai yawn ai hte shi gaw grai myit n pyaw mat na dai kaw myi prwi she ra re na shi hpe dai hpun kaw gyit majaw da re jang she, gar hkau e ngai nang tsun ai ga madat sa na nanhte shinggyim masha ni ngu ai hku she madat sa na nanhte shangun ai bungli galaw sa na ngai hpe sha gaw ndai hpun kaw na naw raw ya rit ngu tsun na dai shinggyim masha mung dai magwi hpe dai sumri ba raw dat ya e na ga sadi hte mare ya nang gaw ngai shangun ai hku galaw ra ai ngai tsun ai hku galaw ra ai yaw. Anhte shinggyim masha ni hpe magam bungli galaw ya ra ai re lu hkat na ga sadi gying lu yaw ngu na dai hku tsun na she ndai magwi hpe dai hpun kaw gyit da ai kaw na raw kau dat ya ai da, dai majaw ndai magwi gaw dai ni du hkra anhte shinggyim masha ni kaw mayam ngu ga le i mayam tai mat ai da, anhte shangun sha ai magwi tai mat ai anhte hpe ra ai lam kaw anhte n dan n la re ai kaw anhte ndan n la re ai hpun ni hpe shanhte gaw dung ya ra mat ai, dai shani kaw na dai shi gaw kaja wa nga yang shi htaw shi a hkawhkam rai nag ai hkanhkyi ni hprawng ga ngu ai shaloi shi hprawng yang gaw shi shinggyim masha ni kaw shi mayam n yam ra na re rai tim shi gaw shinggyim masha hpe sha hkan tam mayu ai nga na shi shinggyim masha hpe tam ai n hkan e dai ni na ahking aten du hkra magwi gaw shinggyim masha hpe mayam yam ra mat ai ngu ai lam hpe tsun dan ai hku re.. Language as given: Jinghpaw
Format:Digitised: no Media: Audio
Identifier:KK1-0538
Identifier (URI):http://catalog.paradisec.org.au/repository/KK1/0538
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0538/KK1-0538-A.wav
http://catalog.paradisec.org.au/repository/KK1/0538/KK1-0538-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0538
DateStamp:  2017-09-09
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Bawk Hkawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0538
Up-to-date as of: Sat Nov 14 14:23:46 EST 2020