OLAC Record
oai:paradisec.org.au:KK1-0517

Metadata
Title:Nji gram hte ji nu a lam (The spider and the fly)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), G. Bawm Maw (speaker), 2017. Nji gram hte ji nu a lam (The spider and the fly). X-WAV/MPEG/XML. KK1-0517 at catalog.paradisec.org.au. https://dx.doi.org/10.4225/72/598896e9ef5d0
Contributor (compiler):Keita Kurabe
Contributor (depositor):Keita Kurabe
Contributor (speaker):G. Bawm Maw
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-09
Date Created (W3CDTF):2017-02-09
Description:Ya ngai tsun na gaw nji gram hte jinu na lam rai nga ai. Moi shawng de da jinu hte nji gram gaw manang re da. Shan 2 gaw da nji gram gaw da shi gaw dai hku shi na nta ni galaw shi gaw nji gram gaw gang she gang shi na tsip galaw, tsip galaw gang ai da. Gang di na lakang zawn zawn grai tsawm hkra galaw tawn da ai da. Jinu gaw pyen tam sha hkawm pyen chyu pyen hkawm retim jinu gaw grai zen ai da. Pyen hkawm re she nji gram gaw e hkau jinu e nang shani shagu pyen hkawm ai grai ba ai, ngai na shara kaw nang wa hkring yu rit ngai na lakang grai tsawm ai kaw nang lung wa rit le ngu na nji gram gaw dai jinu hpe shaga ai da. Dai shaloi shi gaw nrau ai ngu na galoi nsa ai da, hpang e grai shaga ngai na shara gaw pasi nba hte galaw da ai shara re grai pyaw ai sa rit ngu tsun ai da, retim shi nsa ai da. Kalang lai wa tim ahkau jinu e nang shani shagu pyen hkawm taw nga ai grai ba ai le, ngai na shara kaw wa hkring la rit le ngu yang mung dai shaloi gaw nsa ai da. Pyen chyu hpyen hkawm lai wa she, hpang kalang hpang jahtum she e hkau jinu e ngai kaw sa chyai rit le sa rit le nye na lakang grai tsawm ai kaw na nang lung wa rit le ngu na shaga ai da. Dai shaloi shi tsun ai da, nang kaw sa ai nye manang ni kadai raitim mung nang kaw sa yang wa na lam nmu mat ai nga tsun ai, yawng si hkrum ai ni hkrai re nga na tsun ai. Dai majaw ngai gaw n gwi sa ai nang kaw hkrit ai ngu na tsun ai da. Dai shaloi she dai kaw na gaw nji gram gaw bawnu galaw di na shi gaw hto shara mi jinu lai wa na lam maga mi de tsip langai mi shi sa galaw da sai da. Sa galaw di dai kaw makoi taw ai da, dai shaloi she jinu bai pyen wa ai da, pyen wa re shaloi she e hkau jinu e dai shaloi gaw ndai nji gram gaw grai shagrit shanem di na she shi hpe grai nan shakawn di na she tsun ai da. Hkau jinu e nang shani shagu pyen hkawm ai grai ba ai ngu mung ntsun sai, shawng e gaw dai hku tsun di na hpang e gaw dai hku n tsun sai, e hkau jinu e nang gaw grai tsawm ai le. Na singkaw ni mung grai tsawm ai na na myi ni mung grai tsawm ai, na ginshang mung grai tsawm nga le, na myi ni mung lung seng myi hte bung nga ai atsit re di na lungseng hte bung nga ai ngu na tsun ai da. Lungseng hte bung nga ai ngu na tsun ai da, dai shaloi gaw jinu gaw shi hkrai shi aw ngai grai tsawm ai she rai nga, ya nye hkum na ginshang mung ke re na ngai grai tsawm ai she rai nga ai ngu na shi myit kaw dai hku re mat wa ai da. Shawng e pa shi gaw nji gram hpe grai hkrit ai wa she dai shaloi gaw shi gaw loi mi raidum mayu gawng mayu ai wa ya ngai nye myi ni mung lungseng myi nye na baw ni mung jaubyen zawn re na tsawm ai ngu da. Na baw ni mung jaubyen zawn tsawm ai, na na singkaw ni mung grai tsawm ai ngu tsun yang she shi gaw loi mi bai gawng dum wa ai, shi hpe tsawm ai nga na shi gaw bai gawng dum wa re na she shi gaw ndum shani shi gaw dai kaw dai nji gram nga ai kaw jinu wa she ndum ai shi hkum hpe yu let pyen dat ai wa dai nji gram na ta kaw wa dai tsip de wa nyawp da, dai nji gram wa shi hpe wa shi na dai mun hte shi hkum kaw na pru ai tsip galaw ai dai hte wa makai kayawp di na she hto woi mat wa ai da. Yawng hte gyit hkang di na shi hpe dai shi na tsip hte she gyit hkang di na shi na shara de shawng e shi hpe shaga ai lakang grai nga ai ngu dai maga de wa shi hpe woi mat wa di na shi hpe she shi na tsip kaw wa tawn da di na she shi hpe wa sat sha kau ai da. Dai shaloi she shi hpe yawng dai kaw wa sat sha kau, shawng e shi gaw grai rai dum shi hkrai shi gawng di na she tsawm dum di na she, masha ni majoi shi hpe majoi shapyaw dat ai hpe shi hkrai shi, shi hkum hpe shi rai dum di na gawng dum di na she dai kaw gat sa di na she shi si hkrum mat ai da. . Language as given: Jinghpaw
Format:Digitised: no Media: Audio
Identifier:KK1-0517
Identifier (URI):http://catalog.paradisec.org.au/repository/KK1/0517
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0517/KK1-0517-A.wav
http://catalog.paradisec.org.au/repository/KK1/0517/KK1-0517-A.mp3
http://catalog.paradisec.org.au/repository/KK1/0517/KK1-0517-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0517
DateStamp:  2017-11-04
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); G. Bawm Maw (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0517
Up-to-date as of: Sat Nov 14 14:23:43 EST 2020