OLAC Record
oai:paradisec.org.au:KK1-0499

Metadata
Title:Bumsin nat hte jaugawng a lam (The hunter and the ghost girl)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), N. Htoi Hkam (speaker), 2017; Bumsin nat hte jaugawng a lam (The hunter and the ghost girl), X-WAV/MPEG, 2020-02-11. DOI: 10.4225/72/5988969bc2b76
Contributor (compiler):Keita Kurabe
Contributor (depositor):Keita Kurabe
Contributor (speaker):N. Htoi Hkam
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-08
Date Created (W3CDTF):2017-02-08
Description:Ya ngai tsun na lam gaw bumsin nat hte jaugawng a lam re. Moi shawng de mare langai mi kaw masha 2 kaw kasha langai mi nga ai. Dai kasha gaw kaji ai kaw na jaugawng gawng ai hpang myit lawm ai, jaugawng gawng ai gaw shi na matu dusat langai mi hpang lusat yang shi na matu myit pyaw lu ai. Dai gaw shi na matu myit pyaw lam hpang lu ai re. Lani mi na aten hta shi u gap hkawm ai shaloi u lu gap magang shi kabu magang re, hpa majaw i nga yang shi gaw jaugawng gawng na matu myit rawng ai, dai ma gaw lani hte lani galu kaba wa nna, kaba wa ai shaloi gaw u gap ai hta n ga na wa du ni shan nga ni dai hpan ni gap ai, madang de du wa ai. Shi nu yen shi wa hpang gaw shi gaw myit pyaw pyaw tawn ai. Shanhte jaw jau ai, jaw jau ai nat a mying gaw lahtaw nat shanhte ni bai wa gap ai bum gaw bumseng bum ngu bum langai mi kaw re. Dai bum kaw gaw shan nga ni, wa du ni, majoi she law hkra nga ai, dai bum kaw lani mi na aten hta shi wa gap na matu hkyen ai shaloi shi gaw dai bum kaw kade ram law hkra nga ai ngu shi yawng yu da ngut sai. Dai majaw shi dut sha ai gaw kaning hku gap dut sha ai i nga yang, mare kata shang joi kade daram re shan nga ra ai, joi kade daram re wa du ra ai, dai hku matut la na gaw hkrak hkrak re hpang gap la nna, hka kaw hpya la na shi gun wa ai. Gun wa na bai jaw ai, hpang sha ni re yang gaw dumsa langai mi dumsa sa sa na matu wa du hpraw ra na shi hpang wa du hpraw joi 20 daram re wa du hpraw ra ai ngu na tsun ai. Dai shaloi shi gaw dai bum de bai lung sai, lung re shaloi wa du grai law hkra wa hka nawng langai mi kaw apraw san re dingla langai mi wa shat gat jaw ai hpang sha taw ai shi mu ai. Ndai gaw hpa mi nga tim nat re, nat re chye ai shi, chye na she nat e gat jaw ngut na bai mat mat ai shaloi shi wa du joi 20 ram re hpang yu re na maram na gap sai. Ndan e kaning hku ngu na i, ndan dai kaw gaw balen chya da ai. Shu kaw na balen chya da ai, lapu kaw na belen chya da ai dai hpan shi na ndan kaw dai hpan balen ni chya da na shi gap ai re. Dai majaw wa du kaw gaw kalang mi hkra ai hte shi naw hkan ra ai, kalang ta nsi ai, kalang mi hkra re hte shi na balen ni bawnu de salum de chyam bra wa jang she wa du gaw si na. Dai majaw shi dai wa du hpang naw hkan shachyut re shaloi wa du u hpung wa bra mat re jang she, na re shaloi bum langai mi lai mat ai. Lai mat re jang dai kaw wa du gaw si sai. Dai kaw na shi garawt la rai na hka langai mi kaw hpya la, gun wa na dumsa wa e wa jaw ai. Nang ndai zawn zawn nang dumsa wa gaw kalang ta chye kau ya ai, nang ndai zawn zawn nat ni na wa du lagu ai nang e nat ni je yang na nang n hkrit ai i ngu na san dat ai, dai shaloi dai jaugawng gawng ai wa gaw nhkrit ai, ngai gaw karai mung nkam ai, nat mung nkam ai, ngai kam ai nat gaw lahtaw nat sha re, lahtaw nat hta lai na kadai hpang ma nkam ai ngu na dai hku tsun ai da. Dumsa wa gaw ya nang wa lagu gap ai bum kaw na bumsin nat gaw nang dau jau taw nga ai lahtaw nat hta ja ai. Dai majaw nang hpang hkra na matu lahtaw nat hpang dai bumsin nat gaw ahkang hpyi da sai. Dai ni nang gap ai wa du gaw shi na wang kata kaw nre sha wang shinggan de du mat ai majaw dai ni na lam kaw gaw shi nang hpang hkra na matu nang kaw mara nnga mat ai. Dai majaw nang lama dai de hpang shani hkum sa gap sa yaw ngu na tsun ai shaloi dai jaugawng gawng ai wa gaw nkam ai. Nkam di shi naw shanang taw nga ai. Shani nga hte mare de shang na nta langai mi kaw shang na shan nga ra ai kun ngu na san ai shaloi ra ai nga kalang ta tsun pru wa. Kade sen sen re ra ai rai nga san shaloi gaw joi, lu yang gaw joi 30 ram re shan nga langai mi gap ya rit nga na tsun ai. Dai shaloi shi hkam la sai, hkam la re na dai myi na bumseng bum de bai shang re na mi na hka nawng kaw bai shi wa la taw nga sai. Dai shaloi dusat hkum sum hpa nam kaw nga ai sharaw ni yawng wa dai nat wa shat gat jaw ai bai sha taw nga sai. Dai shani shi chya wa ai gaw puhtun balen re majaw kalang ta manit hku re hte kalang ta si sai. Dai majaw shi gap dat ai shan nga wa manit 2 dang nga hte hkan shachyut dat jang si mat sai re majaw dai bumseng bum na laga de ndu mat ai. Dai bumseng bum kata kaw sha rai mat ai majaw dai bumseng bum sin ai nat wa kalang ta punoi kaba hpang dat dat ai. Punoi kaba hpang dat dat ai wa shi dai mu la re na shi kajawng mat re na ga mung n mai shaga mat, lagaw laga ti yawng kyaw mat re na dai kaw na shanhte ni masing jahkrat kau ai gaw bumsin ai nat nga ai, bum hkan na a shan gaw nmai gap a hka ngu na shanhte dai hku myit la kau ai, ndai hteng hte sha ngai hpung dim dat nngai law. . Language as given: Jinghpaw
Format:Digitised: no Media: Audio
Identifier:KK1-0499
Identifier (URI):http://catalog.paradisec.org.au/repository/KK1/0499
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0499/KK1-0499-A.wav
http://catalog.paradisec.org.au/repository/KK1/0499/KK1-0499-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0499
DateStamp:  2017-11-03
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); N. Htoi Hkam (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0499
Up-to-date as of: Tue Feb 11 15:35:08 EST 2020