OLAC Record
oai:paradisec.org.au:KK1-0443

Metadata
Title:The marriage of the Kachin people
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Tu Awng (speaker), 2017; The marriage of the Kachin people, MPEG/X-WAV, 2020-02-11. DOI: 10.4225/72/598895adcc206
Contributor (compiler):Keita Kurabe
Contributor (depositor):Keita Kurabe
Contributor (speaker):L. Tu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-04
Date Created (W3CDTF):2017-02-04
Description:Tsun sa ga i ya jinghpaw wunpawng amyu sha ni num wawn num la num jaw num ya rai yang lang nga ai htunghkring ningli hpe ka lajang da ai lam hpe hti dang na. Ya ndai num wawn num la num jaw num ya ai lam hti dang ai salang wa gaw salang langai tu awng ngu ai wa re. Myitkyina sitapru chyurum lawt kaw shanu nga ai wa rai nngai. Anhte jinghpaw wunpawng amyu sha ni gaw moi chyaloi nhkoi gingru ginsa n nan yu hkat wa ai prat kaw na mayu dauma kahpu kanau nga nna nga pra sa wa ai jinghpaw wunpawng amyu sha ni rai nga ai oi. Dai hte maren dai ni na prat aten ladaw du hkra mayu dauma kahpu kanau amyu ni nga nna langai hte langai rusai makyit hkying dung let shachyen shaga hku hkau ganawn mazum nga nna kadai wa kadai jan mung grai wa jasam masha ni n lawm nga ga ai. Masha yawng gaw jinghku jingyu daw hkat ai ni hkrai rai ma ai. Hpa majaw nga yang langai hte langai shachyen shaga sa wa yang mayu kajum kaji dauma kashu kahkri shing nrai kahpu kanau daw ang nga ga ai nga nna chyu sha shachyen shaga kanawn mazum nga chye ai jinghpaw wunpawng amyu sha ni chyu sha rai nga ga ai law. Ndai zawn amyu baw hpa masum hte sha nga pra sa wa nga ga ai amyu ni sha rai nga ga ai majaw kadai wa kadai jan mung jasam masha gaw nlawm nga ga ai nga ai gaw dai majaw rai nga ga ai. Ndai zawn mayu dauma kahpu kanau ngai nna amyu baw hpan masum hku nga pra shachyen shaga sa wa yang mayu dauma nga ai amyu lahkawng nga ai yan gaw mayu ngu ai ni kaw na gaw dauma ang ai ni hpe shi jaw shi ya nna dauma ngu na ni gaw mayu du ni hpe hpu jaw hpu ya rai nna num wawn ai lam htung hkying ning li hte nga pra sa wa ai wunpawng amyu sha ni rai nga ga ai. Dai hte maren anhte jinghpaw amyu sha ni gaw mayu dau ma nga nna num jaw num ya hpu jaw hpuya nna num wawn num la mayat maya gumja gumhpra law htam nna nga pra sa wa ai htunghkying ning li ni hte lang nna nga pra sa wa ai jinghpaw wunpawng amyu ni rai nga ga ai. Dai majaw anhte jinghpaw wunpawng amyu sha ni gaw mungkan hta tinang a htunghkying nga pra sa wa ai amyu kaba langai mi mung rai nga ga ai law. Dauma du ni gaw tinang a shadang la kasha shadang la kasha a matu num wawn num la na rai yang htunghkying ningli nga ai hte maren mayu du ni a dum nta de dauma myitsu kanu kawa langai mi gaw dauma kasa langai mi woi nna num san kasa lahkawng hte hpawn mali shata nhtoi kaja ai aten hta shawng nnan num hpyi num san hpang ai hku sa du ra ai mung nga ma ai. Ndai zawn num hpyi num san hpaga lahkawng hte mayu du ni a dum nta de sa du nna dauma kanu kawa salang wa hte dauma kasa salang ni hte mayu du salang ni hte num hpyi num san sa ai lam hpe tsun bawng ban jahta sa wa ai shaloi mayu du ni mung dauma salang yan tsun jahta sa wa ai mungga ni hpe kabu gara hkap tau la sai rai yang gaw shan lahkawng gun sa ai num hpyi num san hpaga lahkawng hpe num hpyi num san mahtan hpaga hku na mayu du ni hpe ap jaw da ra ai nga ma ai. Ndai zawn num hpyi num san mahtan hpaga lahkawng hpe hkap la sai majaw mayu du ni mung dauma kasha hte dauma kasa yan hpe num jaw num ya sa ga ai ngu nna masat ai nhtu langai mi hpe jaw dat ya ra ai nga ma ai. Ndai zawn shi jaw shi ya na ngu nhtu langai mi jaw dat sai majaw dauma salang yan mung shayi hpyi lu sa ga ai nga nna kabu gara hte mayu du ni hpe galoi aten hta mayu du ni hpang de ba sa du na lam ni hpe nhtoi masat la nna dauma salang yan gaw dauma ga de kabu gara mani shaga let bai htang wa ai nga ma ai. Numdaw lahkawng hta numdaw lahkawng lang ngu na hta gaw shawng de mayu du ni hte tsun jahta da sai hte maren dauma du ni gaw mayu du ni a dum nta de dauma kanu kawa tai ai wa hte dauma kasa wa gaw mayu dingsa ni num la ahkan jaw ai ngu ai jaw dat ai hpaga gun nna mali shata nhtoi kaja ai aten hta num hpyi shat lit lahkawng hte nri nhtu la ja hpaga gun nna mayu du ni a nta de num hpyi sa du ra ai. Duma kanu kawa tai ai wa hte dauma kasa yan gaw mayu du ni a nta de du sai majaw mayu du ni mung kabu gara hte hkap tau la nna mare myitsu hte mare masha ni yawng hpe shaga shahput nna dauma ni gun sa ai shayi hpyi magun shat lit ni hpe apyaw alaw sha akyu ara hpyi nna gam lu gam sha ai lam hpe mung galaw nga ga ai. Dauma ni gun sa ai shayi hpyi shat lit hpe gam garan sha ngut ai hpang gaw dauma salang wa hte dauma kasa yan gaw shan gun sa ai ri nhtu hpaga ni hpe mayu du ni hte tsun jahta hpan wa na rai yang num nnan hte la nnan yan num la num wa na yan a myit hkrum ga sadi lit lai shawng galai hkat ai hpang she mayu dauma tsun jahta ra ai lam ni hpe tsun jahkrum ma ai nga ai. Num wa num la na yan myit hkrum ga sadi lit lai ni galai ngut sai re ai majaw dauma salang yan gaw shan gun sa ai mayu dingsa ja hte shawng de gara nhku yu ai mayu nnan re yang gaw bwimu bwitsang gayen hpaga hte yu sa ja hte hpawn ap ya ra ai nga ma ai. Ndai zawn mayu dingsa ja hte bwimu bwitsang yan hpaga lahkawng hpe ap ya hkap la sai hpang mayu kasa dauma kasa lahkawng hpe lata san la nna ri nhtu hpaga hpe mayu du ni hpe ap jaw ap ya ra ai nga ai. Ri nhtu hpaga matsat ti nre shi hpe ap ya hkap la ngut sai hpang gaw mayu du ni gaw dauma du ni hpe jaw ya sai nri nhtu hpe shamang mang gala ya lam nga ai. Shi jaw shi ya ai nri hpe mayu du langai ngai shamang nna dauma kanu kawa tai ai wa mung kabu gara hkap tau la sai nga ai. Nri nhtu shamang ya ai lam, Mayu du wa kaw na dauma du ni hpe ri nhtu shamang ya ai lam, Ya ngai yudu sumnu hpumsan hkahku wa gaw dai na mali kaja nhtoi kaja ai shana aten hta anhte a tsawra ai shayi tsin hkawn hpe ndai madai hkau hka hte yep raidu riba hte byet di nna dauma du ni hpe ap ya dat nngai. Anhte na kanau kasha hkawn tsin hkawn hpa e dauma ni a kanu dinghku hta kashu kasha mun mun sen sen shangai chyinghkai nna nga u mayat maya law htam nna sama mara lang hpra u madaw tsun kun lang mada bum shagu wan du hka raw nhkap shagu jan pru ga mu ga ngai nga mu nga mu nga mai mayat maya galu kaba nna nga nga u yaw ngu shamang dat nngai law mayu du ni shamang dat ai mungga hpe dauma kanu kawa tai ai wa mung au lo yu dung sumnu hpumsan hka hku ni shamang mang gala dat ai anhte dauma ni mung kabu gara hte hkap tau la sa ga ai. Mayu du ni shamang dat ai hte maren anhte dauma du ni mung dai ni dai na kaw nna gaw ngwi pyaw hkam kaja mayat maya gumja gumhpra hpang nna nga nga na sa ga ai lo ngu nna hkap tau la sa ga ai nga ma ai rai. Hpu ja hpaga bang ai lam, Nsin ja hpaga bang ai. No langai shawng na mayu dingsa nrai yang bwimu bwitsang hpaga langai bang ra ai. Lahkawng mayu dingsa ni kaw hpyi la ai mayu dingsa ja hpaga bang ra ai. Masum num san bau bang ra ai. Mali hkaw jaw panyep bang ra ai, Malut nhka kingyan bang ra ai. Kumhpa Nga bang dat ra ai. Ya gaw nsin ja bang ngut sai re ai majaw ri nhtu hpaga bang ai lam, No langai hpu Nga kanu bang ra ai. Lahkawng hpu bau shi hkam bang ra ai. Masum lahkrit bang ra ai. Mali yam hpau lawng bang ra ai. Manga hpu sanat bang ra ai. Kru magwi kawn bang na, Sanit nba jung bang na, Matsat gumhpraw soi hkansha bang na, Jahku nbat raw nba bang na, Shi kumhtu bau nhtu bang na hpaga shi tup hte ri nhtu la na, Ngam ai hpaga ni, Shawa nan kachyi latsa, Shamang malai Nga, Bau lahkawng, Gumhpraw ru joi, Num shang ja, Sanat hpai grup lahta na hpaga ni hta sharawt hpaga lahkawng san na, Langai shamang malai nga lahkawng bau lahkawng ndai yan gun nna hpang de num nnan hpe sharawt sa ra ai lam rai nga ai. Mun ja hpaga hpe hkungran poi shani hkauya garai ndaw yang num jaw num ya na aw munjaw munya na ya bai lang jat ai kanu mayam hpe mung jaw ya ra ai. Shawa nan kachyi a lam gaw bai jahkrup hkat sa na re. Matsing ndai shawa nan kachyi latsa a lam hpe ya gaw nau wa n lu bang ai lam hpe mung mu lu ai. Shawa nan kachyi n lang mat sai gaw nmu lu ai lusu ai ni gaw naw lang nga ai hpe mung mu lu ai. Rai tim ya aten law malaw gaw shawa nan kachyi hpe nlu lang ai yawng gaw kanu mayan ja kachyi lap mi, Lap lahkawng dan hpe bai lang ai hpe sha mu lu ai. Lu lawm ai ni chyawm gaw shawa nan kachyi hte kanu mayan ja lang ai hpe mung nga nga ga ai law. Matut na anhte jinghpaw wunpawng amyu ni num wawn num la yan lang nga ai hpaga ni, No langai Nga wu-loi masum bang lang nga ga ai. Hpu sanat lahkawng bang lang nga ga ai. Nba lat hkyit yam hpau palawng, Magwi kawng, Nba jung, Gumhpraw hkansan Joi, Gumhpraw yu joi, Num shang ja hkra, Nbat raw nba, Htungkau nhtu, Shawa nan kachyi, Kaji kawoi mun ja, Sun ting hpanau hpaga, Moi prat hkawan lam hta ja hkan mi, Ya prat hta bai lang ai kanu mayan ja ndai zawn lahta na ja hpaga ni hpe lang nna numwawn numjaw num ya rai nna nga nga ai jinghpaw wunpawng amyu sha ni rai nga ga ai law, Matut nna Nga wu-loi masum bang ai lam, Nga langai mi gaw hpu Nga, Nga langai mi gaw shamang malai Nga, Nga langai mi gaw num sharawt ya ai shani ju sha ai kumhpa nga ngu nna masat lang nga ga ai. Bau lahkawng lang ai lam, Bau shihkam hpe hpu bau, Bau kaba langai mi hpe bau lahkawng ngu nna masat lang nga ga ai. Sanat lahkawng bang ai lam, Sanat ninggawng hpe hpu sanat, Sanat no lahkawng ngu na hpe sanat hpai grup ngu shamying ga ai. Matsing Nga kanu bang ai lam gaw ma prat hta kanu yan kawa bau kaba ai majaw kanu yan kawa hpe hkauna htu jaw nna kanu yan kawa hpe bai htang bau ai rai nga u ga nga ma ai. Hpu zet bang ai lam mung ma ten hta kawa ni shan hkwi jaw nna bau Kaba da sai majaw kanu yan kawa shan bai gap sha na matu bang ai nga ma ai. Nba jung lathkyit palawng ni bang ai lam mung ma aten hta buhpun nba hpe buhpun sai majaw kanu yan kawa hpe bai htang jaw ai nga ma ai. Nbat raw nba bang ai mung ma prat hta nbat hte ba nna kun kaba ai re ai majaw ma nbat bai htang jaw ai nga ma ai. Mangai hpu bau kaba bang ai lam mung ma ten kanu wa chyu lu nna kaba wa sai majaw kanu a chyu malai lang ai nga ma ai. Kru kumhtu graw nhtu bang ai mung shangai dai daw yang shadai kadoi shingkyin kawt nhtu hpe bai htang jaw ai nga ma ai. Sanit num nnan san sa yang hpaga lahkawng hpe mung nri nhtu hpaga hta bai sawng bang ra ai nga ma ai. Matut nna num sharawt shat lit bawn ai lam, Mayu du ni hpang gun sa ai shat lit no langai shat nbaw bang ai shatlit langai, Lahkawng shanoi lahkawng ngu na hta bang ai u kaba lahkawng hpe uhkrawn mayawn lahkawng, Udi hte shapre makai mayawn lahkawng, Makai mi hta shapre hte udi mali mali makai mayawn lahkawng rai ra ai. Nga chyu bu lahkawng coffee bu Kaji lahkawng jum dwi htuk lahkawng, Jum kumhpa shamam hte Nga jahkraw lit di kumhpa langai shawng de san da ai sharawt la hpaga lahkawng gun nna num sharawt la na, Dauma du ni num sharawt la hpaga lahkawng hte sharawt la shat lit gun na num sharawt la sa du sai majaw mayu du ni mung tinang a gajang hpe mayu kundawn hte hpawn rai sharawt ya ra ai lam nga ai. Mayu du ni kaw na tinang a kajan hpe kundawn dawn dat ai lam, No langai mayu pawt ni a kundawn lit kaba hta num labu lahkawng num palawng lahkawng bawban lahkawng ningwat lahkawng, Ndi kasha lahkawng, Shat bang lahkawng, Lakun lahkawng, Nba tawng lahkawng, Lahkawn jaw tang shagyi chyinhkrang nai raw nai mam hkai nmai tum ni hkum hkra hte nhtu lahkawng bang nna pawn ra ai. Laga shingnoi langai mi hta gup bang nra ai. Langai ngai sha gun nna bang ra ai. Shingnoi pawn ai nrai ai mayu kundawn ni ndi kaba lahkawng, Hkra kaba lahkawng, Nhtu nri nhpye hte n-gan, Pahkap nba langai, Ndai hta nlawm ai laga kundawn ni mung hkum hkra pawn nna dauma du ni hpe Num sharawt ya ai lam mung htunghkring ningli kaba langai mi rai nga mi ai law, Ndai zawn mayu du ni kaw nna mayu a shalung kungdawn rai ni hpe jahkum shazup nna num sa salang mayu salang mayu kasa salang ni hte rau dauma maga de num hkungran na matu du yang dauma du ni gaw mayu du ni hpe hkying sa shanu nga na matu dauma nta hte nau wa ntsang ai shara hta nta kaja hta shanu hkying sa shangun nna mayu du ni hpe ra nrawng hkra gawn lajang ra ma ai nga ma ai. Dai hta dauma du ni gaw mayu du ni hpe malu masha sha chyai hpa lang nna shachyeng shaga sa ra ai. Bai la nnan wa mung la manang ni hte lu chyai sha chyai hpa hte hpawn re nna num nnan ni hpe shachyeng shaga sa ra ai nga ma ai. La nnan wa gaw mayu du ni hpe mung hkungga la ra shachyeng shaga ra ai nga ma ai. Moi nat jaw prat hta gaw hkungran poi hta gaw la nnan wa a npan ndaw hta num shalai kungpan ni law law shadung da nna kungpan ning hpang makau hta jahtoi kaba nyep da ai hta num n nan ni dung na matu lahkum ni hpe mung lajang da ma ai nga ma ai. Num nnan jan gaw dai lahkum hpe kagu karat daw ang ai wa langai mi gaw lahkum ni hpe gahtap nna dung nga ai nga ai. Dai lahkum ni hta num nnan ni dung na rai yang kumhpa kaji kajaw jaw chyai yang she num nnan ni dung na matu atsawm sha lajang da ya ai hta she bai num nnan ni dung nga ai nga ma ai. Num nnan ni yawng jahtoi hta gara ndung yang jahtoi kaba nyep da ai hpe shanhte lang ai nri nchyawn hte lahkawng masum lang galung waw ai hpang she lajang da ai lahkum hta dung ma ai nga ai. Kunpa nhtu hta wa htau na matu langa jung da ai hta wa htaw yang nhtu laga ga hte she wa htau ra ai nga ma ai. Dai yang wa htau lang ai nhtu ni hpe dauma ang ai ni kashun gashe rai nna hta la ra ai ngu nga ma ai. Num nnan ni kumbang lai na matu kumbang jung da ai kumbang hpraw ga-ang hta kawa tawng kaba langai mi kumbang ga-ang ga nna bang da ya ai hta grau lai shangun ma ai. Kumbang lai ngut ai hte num nnan jan a baw ntsa hta u hpum u kanu hpe shadung ya yang grai na na rai u ndung yang mung kaja ai bai nna dauma ni a nta de Pyen shang wa yang mung grai kaja ai ngu sawn la ma ai. Shingrai num nnan jan kumbang lai ngut jang gaw nta nhku de shang wa na rai yang myitsu kamoi langai ngai hku nna kachyi gali hte du gup di nna nta nhku de dung shang wa nna du nu dap hpe mali lang grup di nna woi dung shinggrup woi nna she shagawn panyep hta hkring sa nga shangun ra ai mung nga ma ai. Num nnan jan gaw wan dap hta wan wut nna ndi kaba dung nna num nnan jan di kaba hta hka dat bang ai shaloi ndai kaba na hka lahkra hku gayung yang gaw shadang la kasha shawng lu ai nga nna lapai hku gayung yang gaw num kasha shawng lu na re ngu ai hpe mung tsun la chye ma ai. Num nan hpun ni nga na matu dup nu dung nbang maga shagawn panyep kaba nyep da ya ai hta nga nna ra ai lam ni hpe galaw nga ma ai nga ai. Ya gaw num nnan hkungran ai lam hpe ngut sai majaw mayu du ni hpe jaw ya ai hkaujaw hkauya hpe shayung kundawn hta hkan nna hkau jaw hkau ya jaw nna kaji mun ja hpe mung jaw ra sai.Ndai zawn hkaujaw hkauya ni hte kajum kaji mun ja hpaga ni hpe mung Jaw shangut kau sai nga ma ai. Hkaujaw hkauya hte kaji mun ja jaw ngut sai hpang mayu dauma lapran hta tsun hparan lam ni yawng ngut sai majaw mayu kasa dauma kasa yan hpe wa sinpi ka hpe wa sinpi kanawn ja hpaga hte hpawn mayu du ni hpe wa sinpi ka lahkawng hpe ap da ai shangun sai nga ma ai. Wa sinpi ka ap ya ai hkap la sai hpang gaw mayu du ni gaw dauma ni a dum nta de rap daw de na matu mayu salang lahkawng gaw nhtu langai hpra lang nna rap daw de sa mayu salang langai mi gaw tinang a kajan hpe sharing shaga da ai mungga tsun nna salang langai mi gaw dauma du ni hpe galu kaba mayat maya wa na matu shamang da ai mungga tsund da ai hku rai nga ai. Wa sumting ka lahkawng bawn ai lam, No langai mi hta gaw wa lagyi hte wa lagyi hpra na nhtu bai hkring nam ngu ai nba yan langai bang ai ka re. No lahkawng wa sinting ka hta gaw shat nbaw makai lahkawng Nga chyu bu lahkawng coffee htuk lahkawng jum dwi htuk lahkawng bang nna sumting kanawn hpaga ja htaw udang malai gumhpraw mun manga shing nrai sen mi hta Wa Sinting sa ap ya ai lam htunghkying ningli nan nga nga mi ai. Num nnan jan num nnan hpa jaw ai lam, Hkungran ngut sai re majaw gaw ya gaw num nnan na moi na nat jaw htunghkying nat gun ni jaw nna kunbang shalai hkungran ai hpang num nnan jan gaw num nnan hpa di kaba shadu nna num nnan hpa jaw hkawm ra ai. Num nnan hpa jaw na rai yang kamoi myitsu langai ngai woi nna shachyen shaga ya let num nnan hpa jaw sa hkawm ra ai. Hpa jaw yang kagu yan kamoi hpe shawng jaw hkawm ra ai. No langai kagu kaba hpe hpa jaw da na matu nba tawn hte jaw ra ai. Kamoi kaba hpe hpa jaw yang num hpakan shing nrai ningwawt kaja hte jaw ra ai. Masum laga kagu karat ni hpe jaw yang hpa dinghkan hta gumhpraw lap chyap hte hpa jaw ra ai. Mali kaning kasha ni hpe hpa jaw yang num arai palawng shing nrai hpa jat zawn hpa jaw hkat ra ai. Manga kashu kahkri ni hpe hpa jaw yang gumhpraw lap chyap hte hpa jaw yang mai ai. Kru la nnan wa hpe hpa jaw yang da da ai nba tawn hte hpa jaw ra ai. Bai kagu kaba hpe gaw num nnan jan hpye wa ai Bahkap nba hte jaw ai mung nga ma ai. Num nnan hpa jaw ai lam hta kamoi myitsu jan woi na shachyen shaga hkawm let num nnan hpa sha lu hkawm ai re nga ma ai. Matut nna num nnan hpe lanyin nyin ai lam, Num nnan jan hpe lanyin nyin la ai lam gaw num nnan jan hpe ra nrawng hkra sharing shaga la ai lam hte num nnan hte la nnan yan hpe shada da tsawra jahku jahkau hkat ai lam mung rai nga ai. Dai majaw num nnan lanyin yang lawu na ga ni hpe tsun nna lanyin nyin ma ai nga ai. No langai e e e law moi gaw law nam sin yawn nam pan mung rau rau nga e e moi gaw law e manang yan tsun pra mung nga ai. E e bum yung rau mung law law ga e nga, E e hkai nu yang hka shi um e hkau ma e nga, E e shanu mung shana mung e rau rau nga e nga, E e kagu yan kamoi mung naw hkawm ma e nga, E e ndai zawn rai nna dinghta wa yang ga mung yawng hpring sai nga le nga, E e mungkan na ga mung ndai hku na she yawng hpring wa sai le nga ma e nga, E e ya chyawm gaw law gaw e nhtuk ai lam ni ang ai ni yawng gaw nyaw sha myin mang nbau sha Yaw yin sha hkingdu e rau e man e nga, E e e la nnan wa gaw le sha htu sha singbang e tawn di ai ngu e nga, E e ya gaw law e num nnan jan mung lu e shat raw sha dang bang e ngu ding na oi hkap la nu e nga, E e ya gaw lu e ndai zawn re shakawn sha panyep daw e law chyin nga sai nga ma e nga num lanyin la ngut ai hpang shani gaw shakawn shat jawm sha ai lamang sha rai sai. Ya gaw num lanyin mung ngut nna yup na hpang shani gaw num sa ai mayu ni num sa sai ai num sa manang ni yawng wa mat na jahpawt manap hta e hpang jahtum num hkungran ai lam hta ndai shagawn shat sha ai lamang gaw hpang jahtum langai mi rai n na gaw ndai shagawn shat sha ai lam gaw moi ji jaw nat jaw ai aten hta num wawn num la lamang hta na gaw jahtum na shagawn shat sha nna shalu shala hkat chyai ai lamang kaba langai mi rai sai. Ndai shagawn shat n nyen hpe udi hkai tsun u shan ni hte grai mu hkra ngawp kaba hta gajam gayau kajam tawn da ai shagawn shat n nyen ni rai nga ai. Ndai shagawn shat hpe kagu karat kanam ni daw ang ai num sa Manang ni hte dauma shabrang ni shada da shala hkat ai let sha ai shagawn shat rai ai. Shagawn shat sha yang shada da shalu shala hkat chyai ai aten hta kadai jan kadai wa mung grai wa pawt singdawng hkat ai lam mung nmai ai hku chyai hkat ra ai nga ma ai. Shat n nyen hpe kum yawn lang nna langai hte langai ngup de bawt jaw let apyaw sha mani sum sai hte lu chyai sha chyai ra ai htunghkring nan mung rai nga ai nga ma ai. Ndai hkungran lamang hta gaw kagu karat kanam ngu na ni shagawn shat sha nna shalu shala hkat pyaw chyai ai lam gaw num hkungran galaw ai lamang hta gaw hpang jahtum galaw ai lamang shingdim langai mi rai sai law. Ya na matsing na matu anhte jinghpaw wunpawng myu sha ni mayu dauma kahpu kanau ni shada da shat lit gun jawng yang shat lit bawng yang gaw shara hte shara hkan nna loi li shai ai lam gaw nga yang mung nga na re. Lahkawng mayu kaju kaji ni hpe shat lit gun jaw yang gaw shat lit bawng yang yawng hkrum hkra bang nna shat lit bawng ra ai nga ma ai. Rai tim mayu du ni kaw na dauma kashu kahkri ni hpe shat lit bawng gun jaw yang gaw udi hte shanam gaw nmai gun jaw ai nga ma ai. Mali mali walawng kashu ma lang yang hka wang lam nga nna ja hkan bang ra ai nga ai. Manga jan shang hkra ni kashu ma la yang gaw moi shawng de nanhte hpe she ja hpaga gun jaw yang dai ni gaw kashu ma la yang shingkran hpa hpaga ngu ai hpaga lahkawng hpe shawng bang ra ai nga ma ai. Kru moi shawng de shawa nan kachyi latsa bang yang gaw kadawn manga shi hpe gaw kundawn ngu bai htang jaw ra ai nga ma ai. Sanit hkau jaw hkau ya jaw hkat ai lam gaw sharung kundawn dawn ai hta hkan nna hkau jaw hkau ya htu jaw hkat ra ai lam kaja ai. Matsat sharung kundawn ni ndawn lu tim mayu kaba hpe gaw mun ja hpaga langai mi jaw ra ai lam htunghkring nga ai. Jahku shawng na mayu du ni a dauma ni kaw laga masha langai mi shayi shadung yang gaw shawng na mayu wa hpe kundawn ndawn tim anhte a dauma rum sai ngu kun rung hpaga langai garang jaw ra ai lam mung nga ai. Num wawn num la hpuja hpaga lam hta la ai lam ka lajang da ai lam gaw ndai hta ngut mat sai re ai law grai chyeju kaba sai. . Language as given: Jinghpaw
Format:Digitised: no Media: Audio
Identifier:KK1-0443
Identifier (URI):http://catalog.paradisec.org.au/repository/KK1/0443
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0443/KK1-0443-B.mp3
http://catalog.paradisec.org.au/repository/KK1/0443/KK1-0443-B.wav
http://catalog.paradisec.org.au/repository/KK1/0443/KK1-0443-A.mp3
http://catalog.paradisec.org.au/repository/KK1/0443/KK1-0443-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0443
DateStamp:  2018-10-01
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Tu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0443
Up-to-date as of: Tue Feb 11 15:34:58 EST 2020