OLAC Record
oai:paradisec.org.au:KK1-0422

Metadata
Title:Mahtum mahta kaw nna ginru ginsa yu hkrat sa wa ai lam (The Kachin migration)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Tu Awng (speaker), 2017; Mahtum mahta kaw nna ginru ginsa yu hkrat sa wa ai lam (The Kachin migration), X-WAV/MPEG, 2020-02-11. DOI: 10.4225/72/59889556cd123
Contributor (compiler):Keita Kurabe
Contributor (depositor):Keita Kurabe
Contributor (speaker):L. Tu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-03
Date Created (W3CDTF):2017-02-03
Description:Shawng na lang gaw no langai na shinggyim masha ni mungkan ga de nga pra shangun ai lam re. Ya na lang gaw no lahkawng ngu na mahtum mahta kaw nna ginru ginsa yu hkrat sa wa ai lam hpe ngai chye chyan dep hkap ai made salang ni tsun ai hpe madat hta la nna ka tawn ai hpe hti shana na re. Mahtum mahta du ni kaw na shawng nnan mungkan ga de mayet maya law htam sa wa na matu daru ningyawn hte makam ning tawng amyu ni jahkrat nna nga pra shangun yang tara nlang nhkru n kaja ai ni chyu rai wa sai majaw majoi sha-u sha-ing nna wun dat sat kau sai nga ma ai. Dai hpang mahtum mahta du ni gaw mungkan ga de bai lang mi magam chyinghkyi hte maru chyin-ni amyu ni hpe ginru ginsa bai ahkrat yang sha kawn Nga shakawn Gwi shakawn u ni hte hpawn di nna jahkrat dat sai nga ma ai. Shingrai ginru ginsa yu hkrat wa yang mahtum mahta lung htawng hkying dawn kaw nmai lai yu wa yang magyi gumhpraw lagan hta yu wa na kun tsa ding tsa pa king sa lakang hta yu wa na kun ngu san yang kingsa lakang hta yu wa na nga nna tsun ma ai. Dai majaw mahtum mahta du ni gaw tsading tsapa kingsa lakang htan ya ai hta lai yu wa masai nga ma ai. Gingru gingsa yu hkrat wa ai rai yang mahtum mahta du ni num htek dai ai gaw matsi majoi gaw nat majoi rai u ga, Bai chyaihku majoi hte hkanhku majoi gaw shinggyim masha majoi rai u ga ngu num htek dat sai nga ma ai. Shingrai gingru gingsa bai matut nna yu hkrat wa yang nmai lai ai shara du yang mahtum mahta du ni hpe bai htang tsun yang ga ngwi ga pyaw shaga nna lai yu wa mu ngu tsun dat ai majaw ga ngwi ga pyaw tsun nna lai yu wa sai nga ma ai. Dai hpang mung bai matut na lai yu wa yang tsin du yang du ai shaloi tsin du dan majan hpe malut lap hte ahtu gama gamang nna lai yu wa mung ngu matsun dat sai. Dai tsindu yang du yang shakawn U le pru wa nna mahtum mahta du ni hpe bai lung tsun yang ya gaw rim gaw nlu na sai gap sat mung ngu tsun ai majaw gingru gingsa woi ai lamu la hpang san wa kaw nna shi lang ai ndan hte gap sat ya sai. Uhpyin chyau ya ngu ai wa dai U hpe hpying yang lawu na hte mareng byin Pru wa ai nga ma ai. No langai maraw daw yang hkan gawt U tai sai. Nhka byet yang hpyet bai U tai ai. Masum grup ra grupsi shaw yang U hkrang naw dingyan tai ai. Mali lawut shaw yang marit num nawng hkra tai sai. Manga mi shaw yang taukawn U tai ai. Kru baw daw yang hkudu pawng lawng tai ai. Sanit du daw yang takhkan u tai wa sai. Matsat mai htawng daw yang htinggaw tai ai. Jahku lapai sinkawn daw yang bwidi tai ai. Shi lahkra sinkawn daw yang sumbwi tai ai. Shi langai sai shaw yang pat tai ai. Shi masum shinglet shaw yang mang ting shabyit byit u tai sai. Shi mali U mung baw yang basi tai sai. Shi mali lahkra lagaw daw ai hpe gingru gingsa la ni gun sa wa sai. Shi manga lapai lagaw daw ai yang yi sawm lahpyi tai ai. Shi kru punu shaw yang num nu dingri tai sai. Shi sanit pu shi shaw yang num shiri tai ai. Shi matsat salum shaw yang awang nai hpwi tai ai. Shi jahku nra shaw yang labri lara tai sai. Hkun pusing shaw yang lungseng tai ai. Hkun langai shagyin shaw yang lachyut shing lung tai sai. Hku lahkawng ma-u shaw yang pawk jut U tai ai. Hkun masum kan shaw yang gumgai kai pawt tai sai. Hkun mali hkri shaw yang chyaw kyit chyaw ya tai ai. Hku manga shan shaw yang lamu ga sau tai wa ai. Hkun kru chyinhku nra shaw yang nga dingpi dingpa tai wa ai. Sut U hpyin yang du hkra ladaw amyu myu byin tai wa ai hpe lahta na lam ni byin tai wa sai. Dai hpang mung bai matut nna gingru gingsa yu hkrat wa yang mare yang du ai shaloi mare nhtu ni hpe dup lang chye wa sai nga ma ai. Bai matut na lai yu wa yang wa mung yang du yang shaloi mung wa kau ka ngan ni hpe galaw lang chye wa sai nga matut nna bai lai yu wa yang sharaw yang du ai shaloi lam pat yang jinghku galaw nna lai yu wa lu sai. Bai matut nna lai yu wa yang hkamawng ma yang du yang ai shaloi mare nhtu hte dan yang jahkring sha bai chyang wa ai majaw shinggyim nan hkan ai hpyen ni nga ai rai tim grai na sai nga nna hpyen lasut ni bai nhtang wa ai nga ma ai. Dai hpang mung bai matut na yu hkrat wa yang du ai shaloi lamai hkraw wa lai langa yang du yang Langa yang kaw du yang mung langa matsun prut pru loi ai hpe mu yang hpyen ni yawng gaw nlep wa sai nga nna bai htang wa ai nga ma ai. Dai hpang bai matut nna yu hkrat wa yang gali yang du ai shaloi shaba lap labu bu chye wa sai nga ai. Bai matut nna yu hkrat wa yang mung shandaw yang du ai shaloi shanbaw jahkrat hte shat shadu sha ngut jang shanhte gun ai Sut U lagaw hte wan mang hpe ahpye da yang nam na u ni pi ahpye sha hkan sai nga nna hpyen lasut hkan nan ai ni mung yawng bai nhtang wa ai nga ma ai. Dai hpang mung bai lai matut nna gingru gingsan yu hkrat wa yang ni-un ni-noi nai tu ai shara hta du yang ni-un ni-noi nai ni hpe htu sha chye nna nai htu lu yang shing kraw kraw da hku shadu sha ai ni gaw shawng lai lu nna kraw ding hku shadu sha ai ni gaw hpang hkrat nna she lai lu ai nga ma ai. Bai matut nna lai yu wa yang ngasat yang du kingret kingrat kingret hkan du mali hpumraw du mali hpun nawng mali hpum nawng du yang nlung mahtan hta rap wa ai. Dawn pyet hka du da woi ga du pan hkai ga mangje bum Eding dan kumdi dang, Munglang dang, Munglang hka rap hkawmyi hkyet du hkautawk dumlawng na-um ga mungyat dang, lungsha yang, Nyup hka mazup baw lapat hka, Hkau shadang du, Nyaw hka hpakan yang, Mali hka htawng yang ndai shara hta nlung nahtai hte nlung hte kum da ai sharaw mahtum hpe ya du hkra mu lu ai nga ma ai. Mali hka hte ndan matep daru hta rap yang nlung kabai bang nna rap wa ai nga ma ai. Ndai daru hta ya du hkra nlung bum ni dingreng sha nga nga ai nga ma ai. Ndai daru lawu shan hka mazup kaw nai hkana pawt htu kau ai daw lawng dingka ya du hkra nga ai nga ma ai. Ndai shara hta nlung wa kang taw ai sai hka daru tsap di hkyet tsap grai ju ai majaw masawn jung nna tsap ningju hpe lu kau sai nga ma ai. Chyinglai hkyet du yang chyinglai sharaw ju ai hpe nlung mahtum gun nna lu kau sai nga ma ai. Hkying lung madeng hta mung ma kaji ni hpe hta sha ai ma sha galang kaba nga ai majaw ning-wun ning hkyen bum na nai hkala pawt hpe htu kau nna gingru gingsa lam woi ai wa ma sha galang kaba hpe gap dat yang Dan mang yang ngu ai shara de hkrat wa sai nga ai. Dai shara ni hta dai shaloi yu hkrat ang ai gingru gingsa la ni mu nna dai ma sha galang mang hpe hta ju sha kau sai nga ai. Ma sha galang hpe gap ai wa hpum gummawn gaw shi gap dat ai galang shan tam sa du yang ju sha kau sai wan mang hka hpe sha mu lu nna ga-un ai myit hte shamang hkyingdik da nna bai htang wa sai nga ai. Ndai shara hta jahku hkam kaba ai ati pawt di lang bai jahku hkam pa ai di lap lap ai gala mati kaba langai mi lu ai mung nga ma ai. Dai galang mati kaba hpe gingru gingsa la ni gaw shawng lai ang ai ni di lap di sha nna di lap di sha ai hpang lai ang ai ni gaw di pawt sha rai yang di lap sha ai ni gaw di lap pi grai mu ai rai yang di pawt mung grai mu na rai sai nga tsun ai. Di pawt sha ai ni mung di pawt pi n dai daram mu ai gaw di lap mung grau mu na sai nga nna tsun hkat ma ai da. Gala mati kaba hti sha kau htum ai hpang de lai ang ai ni gaw yu sharu hte yu sharu htu sha yang yu sharu ni hprawn tawn ai ma sha galang nra hpe mu yang Hkanhpa rai ang sai ngu gun hkawm ai ni gaw sumgu ya htu ngu ai nat lu ai ni tai ma sai nga ma ai. Ma sha galang mati sha ai ni mati zawt re nat lu ai ni tai wa sai mung nga ma ai. Ma sha galang kaba tai ai yang gaw janga la hte janyin jan yan rai ma ai. Gingru gingsa la ni bai matut nna yu hkrat wa yang sut hka, Bau hka, Nlung chyinghka, Shan hka daru gingru gingsa la ni gaw shabaw ngun ja shingjawng nna shan hka mazup hta nlung kabai bang nna rap wa ai nga ai. Magawn matu ga ninghkram hka ngateng dingsa, Laja kawng htingga gabrim, Ningwawn daru, Da hka daru, Gumse yang, Dawn ga, U-lu hka, U-lu hka sawng lawoi hkyet, Lawoi yang, Dum shawn ga, Kadawn kawng, Pan Sau, Lamung dinghput, Wa kyit yang, Singu wa yawn, Zinglum laida, Majoi dingkyet, Majoi shingra lungpu, Chyaihku majoi ga du sai nga ma ai. Gingru gingsa woi ai lamu la hpang san gaw gingru gingsa la ni hpe matsun da ai lam gaw htaw chyaihku majoi doi wa san salang ngoi, Wasan salang a ga madat hpwi san salang sat nga nga nga mu ngu Matsun da sai nga ai. Dai hpang shi gaw myi mang nsam ni lai nna wasa salang tai nna chyaihku majoi de lung wa nga sai nga ai. Wasa salang wa jung da ai shakawn shingdoi mung hpunsa shiloi nhpai tai nna tu wa sai. Shakawn gwi hpe mung hpunsa nshoi nhpang kaw dung da sai nga ma ai. Gingru gingsa salang ni gaw wasa salang hpe bai tam yu yang shi hpe sha bai mu lu ai nga ai. Gingru gingsa yu hkrat wa yang hpunlum htu shan mung lawm ai nga ma ai. Hpalum htu shan gaw kanba tsip, Ndi daw tsip ni hpe yu nna lahkwi laleng hpyit shit nna labu palawng ni hpe da da chye wa sai nga ma ai. Dai zawn da da chye wa sai majaw ngahkra lap labu, Shaba lap labu ni gaw nbu sai nga ma ai. Ndai aten hta gaw gingru gingsa la ni gaw namsi namsaw hte dam nram ma hpun-ngu hpun ngai mam ni hpe sha galaw lu galaw sha nga ai aten rai nga ai. Dai hpang chyaihku bum de lung yu yang grai sung ai grai kaba ai sut u u-lu langai mi hpe mu lu ma ai. Dai sut u-lu hka nawng makau hta gaw hpri makru da ai hpe mu ai. Dai hpri makru hpe wut wa aw wut hpang wa magam gaw hpri sha kama ngu tsun ai. Hpri ju na matu nra wan n-ga hpe gara nchye galaw yang nam na jahkyi shat nga hkri ni hpe yu nna chye galaw sai nga ma ai. Nra wa n-ga hpe chyeju sai nga ai. Hpri bang na pada bum hkrawng hpe nchye galaw yang sung naw tsi hpe yu nna chye galaw sai nga ma ai. Beng hpang wa magam hte kap lang kai yan gaw adup abyen gaw an chye ai nga ai bai nna htep wa lahti gaw adup mung ngai chye ai ahkut mung ngai chye ai. Dai hpang lahkawn wa laka gaw sinli u hpe yu nna sumhting dum gawn ai chye ai nga ai. Suhting lase hpe galaw nchye yang npawt la a rung yu nna galaw chye wa sai da. Sunghting ning naw hpe galaw chye yang shi hpunlum htu shan a manai chyu dung yu nna galaw chye sai nga ma ai. Dai aten kaw na gaw ndi hkra nhtu ning wa ni hpe mung lani hte lani galaw lang chye wa sai nga ma ai. Dai hpang gingru gingsa woi ai wahpun gummoi gaw dam nra ma hte hpa-ngu hpa-ngai ma hte chyu sha gaw gingru gingsa lang gaw njing lu sai. Dai majaw mahtum mahta ga de mam hpyi sa mung ngu tsun yang u-hkru du gaw mu naw shabrai jaw yang gaw ngai sa na nga ai majaw ja ginrit jaw nna mahtu mahta mung de mang hpyi sa shangun dat sai. Mahtum mahta ga du yang mahtum mahta salang ni gaw hpa rai lung ai rai ngu san yang ngai gaw ba hpe marit nna lung ai nga tsun ai ya nang kanan kaw manam yup na ngu san yang nta kaw gaw lanyau hkrit ai mam dum de yup na ngu tsun ai majaw mam dum de yu shangun yang shi kan hkru hkra hpye sha la nna mungkan ga de bai yu hprawng wa sai nga ai. U-hkru du hte sha la ai mam hpe gaw lamu nmat hpe matsing da nna jahkyi shat nga hkan hta akyet ahtu jat nna lup makoi da sai n ga ma ai. U-hkru du gaw dai mam hpe bai tam shaw sha na ngu shi matsing da ai lamu nmat wa hkoi wa sai majaw shi lup makoi da ai mam hpe nlu shaw sha nna ya du hkra nam mali kata de u-hkru du mu ai naw nga nga ai nga nna mung tsun hkai ma ai. Ya du hkra u-hkru du a du kaw pat re hkan ai gaw moi mahtum mahta ga de Mam hpyi sa na nga nna jaw ai ja ginrit gali ai hkan rai ai nga ma ai. Chyaihku majoi kaw nga yang u-hkru du hpe dat nna mam la sa shangun ai mung hpa nbyin mat wa sai majaw gingru gingsa woi ai wa gaw bai kalang mi mahtum mahta ga de mam la sa na matu Nga gumra ni hte mam la sa na matsun ai hte mareng mam gun la na matu sa du yang mahtum mahta du ni gaw mam amyu hkum hkra hte mam a shingnaw shingnan ni rai nga ai. Shinggyim masha ni hkai sha ai baw hpan hkum sum hpa hpe jaw dat sai nga ai. Dai shaloi mahtum mahta du ni numhtek dat ai gaw hkai lajang yang mam ni gaw aloi hpun pa daram jung gumra maitsan daram bun ai nai mam rai ai lahkawng ning mung ni ran ai, Masum ning mung ni hkang ai shalu nga ma ai ngu nna mahtum mahta du ni num htek dat ai. Shingrai nai mam gun nna bai nhtang yu wa yang si-nyen mare hta lai wa ai shaloi Nga wu-loi gaw sin-nyen lu mayu ai nga nna sin-nyen mare de sharen lu shang yang Nga wu-loi lagaw buk bat gumra lagaw hkrut hkrat ai hpe sin-nyen la wa na yang Kadai ni rai hpa baw mi gun ai ni rai ngu san ai shaloi mahtum mahta ga na mam gun ai ni rai ga ai ngu tsun yang mahtum mahta du ni gaw gara hku hku di na num htek num ra dat ai lam san wa yang hkai sha ai shaloi shata shi hta ngai Nga wu-loi hpunpa daram jung gumra maitsan daram buk lahkawng masum ning mung ni ra shanu nga ma ai ngu num htek dat ai hpe tsun dang yang sin-nyen la gaw dai kaw mazet makan mam lawm ai ngai a maitsan daram bung wa lagaw daram jung ai mam gaw sha tim mung grai mu ai dut yang mung grai hpu ai manu lu ai. Dai bai shaloi mam gaw shata masum hta ngai nnan jahti mam ni gaw shata mali manga hta ngai ai rai ra ai ngu nna sin-nyen la wa matsun dat sai nga ma ai. Dai mam ni hpe hkanhku majoi ga de du wa nna hkai lajang yu yang sin-nye la wa matsun ai hte mareng sha byin pru wa ai majaw ya du hkra shinggyim masha ni gaw sin-nyen hpe mu ai shaloi shi a maitsan hpe tawk di kau ya ya re nga ma ai. Dai hpang wa san salang wa gaw gingru gingsa la ni hpe sut u garan ai duhkra ladaw hpe madat nna Shingra hpan yi ngu ai hkyen nna ngu nna matsun da sai. Yi hkyen ngut nna yi hkrang lam yi hkrang hkraw yang nat, Nat ngut nna yi sawm yi wa gap mam ting tsin magan rai nna galaw lu galaw sha nna nga sa wa na matu gingru gingsa woi ai la gaw gingru gingsa la ni hpe matsun da sai nga ma ai. Dai hpang shingra wa hpan yi hta wa hkum ru law law ru ai wa, Wahkum si gaw langai sha noi ai hpe wasa salang wa hpe tsun dang yang dai wahkum si kaba gaw sut wahkum ngu ai re. Dai sut wahkum hpe ga yang shawng la wa da ai nai mam hkai nmai ni gaw law she law wa je ai ngu na tsun dang sai. Kaja wa she dai sut wahkum hpe ga dat yang ga dat ai shaloi shawng de la taw da lu sai nai mam hkai nmai ni gaw law she law wa sai nga ma ai. Dai shingra hpan yi de hpalum htu shan gaw yi bung bai htu nna nai wahkum ni hpe hkum hkra hkai lajang da ai. Shingrai hkai lajang sumri nga yang pu pu si si nna nai ni mung tu kaba wa nga ai. Ndai zawn nai wahkum ni hpe nam na du dumsi ni disha htu sha kau ya ai hpe hpalum htu shan gaw du dumsi ni Disha htu sha ya ai hpe nchye nna nai nhpan makau hta hkyet kaw shaga nga ai hpe nang ngai a nai wahkum sha ya ai ngu rim nna gyit shareng da sai nga ma ai. Dai shaloi hkyet kaw gaw hpalum htu shan hpe na a nai wahkum ngai nsha ya ai na a nai wahkum ni hpe sha ya ai chye na matu yi hpyawt shing nawm dan nna yu u ngu yang kaja wa shingnawm dang ai shaloi Du dumsi lam mahkrung hpe mu ai shaloi shi kyet da ai shingkyet raw nna du dumsi lam kaw hkam da ai shaloi hpang jahpawt sa yu yang du kaba langai mi noi nga ai hpe raw la nna sat sha na rai sai du gaw ngai sat sha kau na ngu tsun ai shaloi, Du gaw hpalum htu shan e nang gaw ngai hpe sat sha yang gaw shat ma langai lahkawng sha mu na nanhte hpe ngai prat tup jaw lup akyu nga ai lam hpe ngai tsun dang na ngu yang tsun dang rit ngu nga ai shaloi du kaba gaw ya ngai nam mali de hkawm sa yang lap hprut di taw ai hpe da nna pawt kawt di kawa da ai nam lap ni hpe jahkraw la nna n-gu shadung htu nna gayau da ai hpe mali manga ya ding yang nhkye n-gu shadu nna Dai matsi shadung mun nna manga kru ya ding yang sha chyam yu u mu ma dwi da nga ai tsa chyaru kaja byin tai wa na re ngu nna du gaw hpalum htu shan hpe matsun da sai. Hpalum htu shan mung du matsun ai hte mareng lap hprut di nna tawn da ai nam lap hpe tawn da nna pawt tawk re kawa da ai hpun kaw na lap ni hpe di la lahkawn nna jahkraw da n htum n-gu shadung htu nna gayau da nhtawm matsi shadung hpe nhkyen n-gu shadu nna shadung hte gayau da ai hpang mali manga ya din yang lu sha chyam yu ai shaloi ahkri nga lu nmai sha nmai ai majaw hpalum htu shan gaw masin pawt nna du kaba ni rawng nga ai ga ning hkrun ntsa e sa tsap nna du na du hkying ni e pru yu marit law npru na nga yang gaw hku mahka kaw wan hkut hte wan awat bang nna sat kau na lo ngu tsun jahtaw marawng dat yang du nan sa pru wa yang nang tsun ai dwi da mu a nga ai tsa chyaru byin ai nga nna tsun ai nang tsun ai hte mare ngai galaw yu sai nmai ai lu nmai ai sha nmai ai ahkri san ai nga ai ngu tsun yang shaloi du gaw kaning re ai ni hta la nna galaw Ai rai kun ngu hpalum htu shan hpe bai san yu yang hpalum htu shan gaw nang tsun ai hte mareng lap hprut re ai di da ai namlap hpe la nna pawt kaut re kawa da ai namlap hpe tawn da nna ngu nna galaw yang lu nmai ai sha nkai ai ngu bai tsun ai. Shaloi tu gaw e hpalum htu shan e nang gaw shinggyim la re nna le ai re dai hku nre lap hprut re ai hpe tawn da nna pawt kawt re kawa da ai hpe di la nna she galaw u ngu ai ngu nna tu gaw bai galau tsun ai hte mareng hpalum htu shan mung tu bai tsun ai hte galaw yu yang kaja wa sha dwita mu ma nga nna tsa chyaru byin wa sai nga ma ai. Dai majaw tsa chyaru byin wa ai lam gaw chyaihku majoi kaw nga ai ten hta she tsa chyaru ngu ai wa tu ni matsun nna byin lu sai nga ma ai. Tsa chyaru ngu ai hpe nang na tu ni matsun ai majaw chyaihku majoi ga kaw nga yang galaw lu galaw sha chye ai nga ma ai. Bai dai hta n ga da chyaihku majoi ga e nga yang htingra hpang nta hpe mung gap rawng nga hpang sai nga ma ai. Dum nta nnan hpe gap ngut sai hpang dum nta nnan hpe mawn laja la na Matu mahtum mahta du ni ra ai hku mahtum mahta du ni na ra na hku dumsa chye ai masha hpe lata la na hku langai hte langai hpe dumsa shangun yu nga ma ai. No langai shingra wahkan naw hpe dumsa shangun yang shingran wahkan naw gaw dumsa ai gaw ji myit mung ngai chyoi nat myit hpe mung ngai hpyoi shawng na mung ngai chyoi a hpang de na ni mung ngai hpyoi a nga nna dumsa ai majaw nang gaw dumsa gaw nre ning wat wat u ngu nna ning wat tai wa sai. No lahkawng hpalum htu shan hpe bai dumsa shangun yang ngai hpulum htu shan dum sa ai gaw ngai hpalum htu shan shayi laprang ga-ang hteng mung ngai la shan rawng ai hteng mung ngai sha nga nna dumsa ai majaw nang mung ru lum tai nna ga-ang garep pa lahkawng sha u. Shan rawng ai dang pau dangkan shan hpe mung num sha shan rai u ga ngu nna masat da ya sai. No masum kaw magying gam dubu ngu ai wa dumsa ai ndai magyin gam dubu gaw dumsu ai kaw du wat du bu a bu labawt shan ngai la dabau shan mung ngai sha na nga nna dumsa ai majaw nang mung Dumsa gaw nbyin ai hkying jawng tai nna labawt shan sha u ngu matsun da sai nga ma ai. No mali hta ginru wa warang wa dumsa ai gaw jahkyi shan gaw ngai la n-gun shan hte gaw ngai sha nga nna dumsa ai majaw nang mung shan ju shan hkyen la tai nna sha u ngu matsun da sai. Manga marung dumsu naw dumsa ai gaw hpaw nga ai mahku ga ndai gaw gainaw hpun tsin hte nsha mawt bum chyinghka hpun naw hpun lap ni hte mung n ga tsawt mahtum wa wang mahta ga hkrang u ga lo ngai gaw jahkai gaida nlata lusu nga mai ai ni hpe mung n-gin hka mung n gare shapye mung n ga she nga nna dumsa ai majaw marung dumsu naw hpe gaw nga jahkraw hpe jahkung shatai nna lap lap shangun dumsa kaba madung shatai da sai nga ma Hkranhku majoi ga-ang nga ai ni yawng gaw marung naru naw a dumsa ai hkringhtawng hpe lang nna dumsa ai nga ma ai. Dumsa ning gyin ai shabrai gwi rung wa rung hkan hpa u rung hkan hpa amyu ni hpe jaw ai nga ma ai. Shingrai chyaihku majoi hta nga yang lam shagu hta chye chyan jing ring nga sai jaw majaw Gingru gingsa woi ai la wa gaw ya gaw nanhte shinggyim masha ni gaw chye chyan myi hpaw wa sai majaw jinghpaw amyu ni nga nna nga nga mu ngu nna gingru gingsa woi ai wa matsun da sai nga ma ai. Shing amying da ning da a mying la ai lam gingru gingsa woi ai lam matsun da ai hte mareng hkrang hku hpum noi de sa nna num din num raw lagan gau lai yang num ding num raw lagan manyen gashawt yang langai hte langai tsun shaga sa wa ai laga ga nga nna tsun shaga sa wa ai nga ma ai. No langai numdin num raw manyen lagaw gashawt yang wa li nga ai wa gaw marip amyu a kaji tai sai. No lahkawng bai langai mi lai gashawt yang tsun ai wa gaw wat goi pan nga nna tsun ai wa gaw maran wa yup bang tai wa sai. Masum dai hpang bai langai mi lai gashawt yang tsun ai gaw wat goi hkum nga tsun ai wa gaw nhkum amyu ni a kaji tai sai. Mali dai hpang bai langai mi lai gashawt yang tsun ai gaw wat goi kan nga ai wa mung lahtaw amyu ni a kaji tai wa sai nga ma ai. Dai hpang bai langai mi lai gashawt yang wat goi hpai nga ai wa gaw magawn Amyu ni tai wa sai nga ma ai. Hpang jahtum hta na na machyi na hpai lai ai la wa gaw lahpai dai na la ngu shamying nna lahpai amyu ni a kaji tai wa sai nga ma ai. Ndai hku langai hte langai gaw amying ni la hkat nna nga pra sa wa masai nga ma ai. . Language as given: Jinghpaw
Format:Digitised: no Media: Audio
Identifier:KK1-0422
Identifier (URI):http://catalog.paradisec.org.au/repository/KK1/0422
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0422/KK1-0422-A.wav
http://catalog.paradisec.org.au/repository/KK1/0422/KK1-0422-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0422
DateStamp:  2018-04-27
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Tu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0422
Up-to-date as of: Tue Feb 11 15:34:54 EST 2020