OLAC Record
oai:paradisec.org.au:KK1-0421

Metadata
Title:Lamu ga nnan lat ai ni a lam (The Kachin genesis)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Tu Awng (speaker), 2017. Lamu ga nnan lat ai ni a lam (The Kachin genesis). MPEG/X-WAV. KK1-0421 at catalog.paradisec.org.au. https://dx.doi.org/10.4225/72/598895524ff9f
Contributor (compiler):Keita Kurabe
Contributor (depositor):Keita Kurabe
Contributor (speaker):L. Tu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-03
Date Created (W3CDTF):2017-02-03
Description:Ya ngai tsun na lam gaw moi shawng nnan prat hta shinggyim lap masha prat lamu ga nnan lat ai ni hpe ngai chye chyan ai made lai wa sai myitsu salang ni kaw na tsun shaga ai ni hpe madat hting hkring la nna ngai ka tawn da ai ginru ginsa labau hpe hti dang na nngai. Moi sha loi nhkoi prat hta sumsing lamu ngu ai gara nlat ginding aga ngu ai mung gara nprat yang hkoi nga shingwa dam nga lada nhtoi shinghka gamam li la nawn nawn wam wam shun shun rai nga yang katung kanu zawn rai nga ma yang ginshang kasha zawn re ai magrang samwi zawn re ai mamam miwa summwi zawn re ai mawam manut zawn re ai mayut shingkrang zawn re ai mahtik rai yang e sawa htum htawng la ngu ai hte miwan majan num ngu ai shi hte shadang lahkawng lat prat wa nga ma ai. Ndai yan lahkawng mayaw htinggaw de sa wa yang kade mi n na ai shaloi kraw kata de gara akan kata de nsa mung shaga shangai nhtoi mung garai ngu dai daw nhtoi mung garai ndu yang gumhpraw ni-hkyi hte yep ja ni-hkyi hte byet rai shangai sa wa ai. Shangai ai hte rau mani shaga Chyau shaga nga ai ni shangai pru wa ai majaw kanu yan kawa gaw mau nna ya nang gaw kadai mi rai ta ngu san yang nu yan wa e ngai gaw hpang wa ningsan je wa ningsan ngu ai wa rai nngai nga nna shi a mying mung shi sha mying nna kanu yan kawa a mying hpe mung chying hkai nu a mying gaw ninggaw jan chya nung chyinghkai wa a mying gaw hpum gam wa woi shung ngu nna chyinghkai kanu yan chyinghkai kawa mying hpe mung sha mying ya sai nga ma ai. Hpang wa ningsan je wa ningsan gaw kanu kawa hpe tsun madung nna ja ni-hkyi shawn bai gumhpraw ni-hkyi hprawn di nna pu ganoi shadai gadoi la sai nga ma ai. Ndai lahta na lam ni gaw hpang wa ningsan jewa ningsan lat prat wa ai lam ni re nga nna tsun hkai da ai hpe ngai mung dai hku matut hkai ai hku rai sai re law. Sumsin lamu hte ginding aga lat prat sa wa ai lam. Ninggaw jan chyanung hte hpumgam wa woi shun yan gaw mayaw htinggaw bai de sa wa yang shangai chyinghkai nhtoi bai gu dai daw nhtoi du yang shabu hkunrung shadai hkingdung ai shayi sha langai mi hte shadang la Langai mi hpe bai shangai shaprat yang hpangwa ningsan jewa ningsan gaw gumhpraw ni-hkyi shawn ja ni-hkyi hkrawng di nna kagu kamoi shadai gadoi ya dat ai shaloi shayi kasha ma gaw galeng chyu galeng mat wa nna kanu yan kawa gaw mau nna aga aga aga ngu tsun dat ai. Shayi num kasha mahtang gaw aga tai wa sai nga ma ai. Bai shadang la kasha mahtang gaw kagu kamoi shadai gadoi hpang ye gaw poi aprat shalung ai hpun ga nbung hte ntsa de poi shalung la ya ai hpe yu madat dat yang mu pi nmu mat sai. Wahkra rai sai ngu tsun ai shadang la kasha mahtang gaw sumsin lamu tai wa sai nga ma ai. Matsing hpa ndai sumsin lamu hte ginding aga lat ai lam hpe tsun ai gaw hpan lahkawng nga nna tsun ai lam nga ai. Ndai lam hpe tsun yang ninggaw jan chyanung hte hpumgam wa woi shung yan gaw awn htung hka awn zawn re ai mi ai hte myeji sha myen zawn re ai ma yan hpe shangai shaprat dat ai shaloi awn htung hka awn zawn rai ai wa hpe gaw poi tsang ai nbung hte ntsa de shapoi lung wa yang sumsin lamu tai nna ap bai myen tsi shamyen Zawn re ai shayi num kasha ma gaw ginding aga tai nna gap rai wa nna gindaing aga hte sumsin lamu ngu ai byin tai wa ai nga nna mung tsun jahta ma ai. Ndai zawn sumsin lamu hte ginding aga hpe shalat shaprat sai hpang gaw ginding aga ntsa hta nga ra ai hpun kawa nam si nam pan ni hkum hkra hte hka shi hka nu ni yawng hpe mung shangai shaprat shalat da sai nga ma ai. Ya shinggyim masha hpe shalat ai lam hpe salang ni tsun ai lam hpe ngai matsing da ai lam hpe bai ka tawn ai hpe hti dang na. Ninggaw jan chyanung hte hpumgam wa woi shung gaw bai matut nna dinghku de sa wa yang shayi shadang lahkawng hpe shangai shaprat ma ai. Kanu yan kawa gaw nchye nna hpang wa ningsan jewa ning chyang hpe san yu yang e chyinghkai nu yang chyinghkai wa e dai yan a mying gaw shanu nyem jan ning wawn hte shawa nan wa ning htawn ngu ai yan rai sai nga nna tsun sha mying sai. Ndai shanu nyem jan ning wawn hte shawa nan wa ning htawn yan hpe mung hpang wa ningsan jewa ning chyang gaw ja ni-hkyi hkrawn gumhpraw ni-hkyi dawn di nna Kagu kamoi shadai gadoi na shalat shaprat da sai nga ma ai. Ndai shanu nyem jan ning wawn hte shawa nan wa ning htawn yan mayaw htinggaw de sa wa yang shangai nhtoi du dai daw nhtoi gu yang lum alum hkum ahkum rai ai ni hpe shangai ai ma sai nga ma ai. Dai hpe hpang wa ningsan jewa ning chyang gaw shinggyim lat masha prat wa na hpe chye da sai. Rai tim hpang ningsan je ningchyang kaw na hpang de e hta madat ting tsat ngu ai lam nga ra ai ngu nna jinu myi htoi kaba hte jigawn myi htoi kaba yan hpe hpabaw rai ai lam hpe chyam yu shangun yang jinu myi htoi kaba hte jigawn myihtoi kaba yan gaw shinggyim lat masha prat wa sai re ngu nna hpangwa ningsan jewa ning chyang hpe tsun tawn sai nga ma ai. Dai shaloi hpangwa ningsan jewa ning chyang gaw jigawng myihtoi kaba hpe gaw yat shinggyim ring masha jing yang nang gaw shinggyim pang nwat masha pu nbaw ai hku shinggyim sai lu di pra masha sai chyu masha sai chyu nna nga ngu nna matsun mahtek da sai nga ai. Bai jinu myihtoi kaba hpe gaw jinu myihtoi kaba e yat Shinggyim rim masha jing ram e shinggyim lu ngam sha ngam shanut shanawng ni hta kap nga ai hte nrut nra ni hpe machying mata sha nna asak hkrung wa u ngu hpangwa ningsan jewa ning chyang gaw matsun madung da sai nga ma ai. Dai hpang hpangwa ningsan jewa ning chyang gaw masha wa hkum ga na ngu gumhpraw ni-hkyi shawn ja ni-hkyi hkyawn re yang e masha wa hkum kata hta shinggyim masha ni gaw ngai hpe hkra kau na lu ngai hpe hkra kau na lu nga nna tsun pru ai hpe na nna gara shara hta ga shaw yang mai na kun ngu nna myit sumru nga yang shara langai mi hta an lahkawng nga ai shara ni hta ga shaw mi nga nna tsun ai shara hta e hpangwa ningsan chyewa ning san gaw gumhpraw ni-hkyi shawn ja ni-hkyi shawn di nna ga yang hpu nga nna pru ai nbung hpe gaw nang gaw mahku nbung nga nna nga mahka nbung nga nna pra htaw lahkru ndung kaw pa laja ningdung ang nga u yat shinggyim masha jingyan e shinggyim pu nang shamai masha ba nang shatsai u shinggyim u hkru hkru yang mung du masha layit hkunran yang mung du Yat shinggyim nat jaw poi galaw yang mahku nbung ngu naw mahka nbung ngu jaw jau wa ai hpe jaw sha na nga u ngu na matsun da sai nga ma ai. Masha wa hkum ga yang rawng ai masha ni a mying no langai, Daru ning yawn hte magam ningtawng, Lahkawng no lahkawng hta daru chyingli hte makam chinggyin lahkawng, Masum hta ja nga la hte ja nyin jan lahkawng kanau kana nat tai sai yan yawng rai yang masat rawng ai masha wa hkum ga yang hkra kau ai kanau kana yan hpe gaw hpangwa ningsan jewa ning chyang kaw na gaw kanau kana nat nga nna nga na kana nat nga nna pra madai dat kaw nga shanu dap hkun kaw pra yat shinggyim rim masha jingyang shinggyim lu sha na rai yang ndung let nchyang hpret di nna jaw jau ai hpe lu sha na nga u. Nat jaw nat ya poi kaba ni hta kam wa ja hka ngu nna jaw ai nta npa nhpun nchyan kaw hkaraw jung nna u hkrawng shat n nyeng hkai tsu tsa hku bang nna jaw jau ai hpe lu sha nna nga u ngu matsun da sai nga ma ai. Ndai lahta na masha ni gaw grai lang masha wa hkum hka rawng ai masha ni rai nna shawng Lang no langai lang prat ai shinggyim masha ni rai sai hpangwa ningsan jewa ning chyang hte mahtawm mahta du ni gaw langai lang ngu na masha wa hkum hta na daru ningyawm hte magam ning tawng yan hpe mungkan ga hta lawm htam jahpring sa zup mayet maya nga pra na matu mungkan ga de jahkrat nna lawm htam mayat maya nga da shangun sai. Rai tim ndai masha ni gaw mayat maya lawm htam chye chyan wa ai shaloi tara nlang nhkru nkaja ai masha ni hkrai rai wa ai majaw myit malai lu bai kaja wa na matu ja nga la hte ja nyin jan yan hpe dat dat nna shadum jahprang sa shangun yang anhte a ntsa hta anhte hpe sharing shaga na kadai nnga ai anhte gaw hkalat tang lang lu ai bran ai ga lahka hku na yan ai rai nu ai nga nna shadum jahprang tim myit malai nlu hkraw ai majaw dai masha ni hpe gaw hpangwa ningsan hte jewa ning chyan mahtum mahta du ni kaw na nhtoi mali shi ya nsin mali shi na lamu maran jahkrat nna majoi shagu hpyi nna wan nat sat kau sai nga ma ai. Dai hpang mahtum mahta du ni gaw mungkan ga hta majoi sha-u hta Hkyet nhkyet du sa shangun dat yang mungkan ga de du yu ai hte mareng ja nga la hte ja nyin jan yan hpe majoi chyu hta wun dap lup si mat wa ai moi mang ni hpe hta sha hkawm nga ai hpri hpai sha lawa jahtung nat kaba hte katut hkrum nna nan hpe mung ya ngai sha kau sa na ngu tsun yang janga la hte janyin jan yan gaw an lahkawng gaw hka grai lu mayu ga ai hka shawng ja jaw mi ngu tsun nna hka nhtung htum pa kaw na hka ja sa shangun dat yang hka nhtung htum pang waw nna hka ja sa shangun dat yang hka nhtung htumpa waw nna shangun dat yang hka nhtung htumpa waw ya dat ai majaw hka hpring nhkraw nna nga nga yang hka hku maga pru nna hka nam de hka masen langai mi pyen yu wa ai majaw hka nhtung htum pa waw kau ya ai rai sai ngu nna jahtung nat gaw matsing ga-un ai hte hka u sen hpe shachyut hkawm mat wa sai. Dai hpang janga la hte janyin jan yan gaw hprawng wa nna mahtum mahta du wa nga ai shara de hprawng du nna ji e an hpe sha lawa jahtung nat kaba gaw sha kau na ngu ai kaw na hprawng du wa ai rai ga ai. An lahkawng hpe makoi da mi ya hkan du na hpe grai hkrit ga ai nga ai majaw mahtum mahta du wa gaw janyin yan janga hpe shi a garep rap ding ntsa de makoi kau da sai. Ndai zawn makoi da ngut ai hte jahkring mi sha rai yang jahtung nat kaba du pru nna ji e nye a lu shan sha shan hkang ndai kaw rim sai ndai shara hta du sai kanang rai sa ta ngu san yang ngai nmu ai ngu tsun tim nta nhku de shang tam ai majaw janga la hte janyin jan yan gaw hkrit gari nna jit tak shalat gahte rai ai hpe mu nna jahtung nat gaw mata sha yu yang ndai rai nga ai ngai na lu shan sha shan nga nna tsun pru wa ai hpe mahtung mahta du wa gaw dai gaw ngai a tsa sau tsap tsa dwi tsap tsa jap she rai nga ai ngu tsun ai rai tim ngai sha na law ngu tsun wa ai hpe mahtum mahta du wa gaw ya ndai hpe gara sha nmai ai masum mali ya ding yang she lu mai sha mai ai ngu tsun yang dai shaloi lu sha na nga nna jahtum nat gaw bai hkawm mat wa sai. Dai zawn nga nna tsun da ai majaw mahtum mahta du wa gaw ndai jahtum nat kaba gaw sa mung sa du na re Nga nna hpri tawng hpe hpum jum wan nat nna ju tawn nna lat nga yang kaja wa she masum mali ya nga ai shaloi jahtum nat kaba sa du nna ji e moi ya na tsa dwi tsap tsa sau tsa dap hpe ya lu na nga nna bai pru sa ai jahtung nat hpe e mai sa lu u shing chyang hka lam kaw ngup mahka nna tsap nga u ngu nhtawm mahtum mahta du wa gaw ju tawn da ai hpri tawng hpe makap hte matep nna ngup hka di u ngu nna jahtung nat kaba ngup de kabai bang da ya ai shaloi jahtung nat kaba gaw hpri tawng nau kahtek nna shaga pi nchye mat na mye mye mye ji e kanan de rai wa sa na kun nga nna jahtau tsun ai hpe mahtum mahta du wa gaw le rum bu na dawn su nga ai shara de rai wa nga u yat shinggyim ring masha jing yang ning chyung shaw masha shaw bwi mung ngaw mangaw yawng jaw jau na jaw jau ai shaloi pung ding myit ai nang hku shinglawng laju na hku moi majoi hta mung nang nlawm sha-u hta mung nang ngawm sut su du manang manang rai lu tu magam nang tai le rum rai nga ai shara hta ngap lung sha hpre nga ai shara kaw ningdat ngu nna Jaw jau na ngu jahtung nat kaba hpe matsun dat sai nga ma ai. Dai hpang mahtum mahta du wa gaw janga la hte janyin jan yan hpe grai masa la ai dawnpu lap hte Nga htuk sa na lam matsun sai. Shan lahkawn gaw shani tup grai masa la ai dawnpu lap hte htu nna Nga htuk lat shalai yang dawnpu lap masa nna gaya mahkyit arut hkat wa yang shan buhpun ai Nga li nga hkra lap ni je mat wa nna shan shada da shut hkat mat sai re nna ma langai mi hpe shangai shaprat da ma ai da. Dai ma kasha hpe shalat du wa rem da nna shan lahkawng hpe gaw yi bungli galaw sa shangun da ai nga ma ai. Shing rai mahtum mahta du wa rem nga ai ma kasha gaw shani shagu hkrap chyu hkrap hkrap chyu hkrap ai majaw mahtum mahta du wa gaw masing ga-un nna ma nang hpe ngai chyawm sat kau na lu ngu tsun yang gaw nhkrap ai sha mani sum rai rai rai nga ai nga ma ai. Dai hapng mung matut nna hkrap chyu hkrap hkrap chyu hkrap ai majaw mahtum mahta du wa gaw ga-un nna shi lang nga ai sha tawng shala nhtu hte ma nang la ngu shawn di dat yang ma du hprut re Si wa mat sai hpe krawn shan ni shaw nna kanu yan kawa hpe hpa shadu da jaw sai nga ma ai. Bai sumbai hte lamyin latsa ni hpe gaw rep daw kadu hka pawt makau kaw lup da sai. Ah shan ni hpe gaw yawng azat aza ahkat nna jahku ning braw de gat ga mang ga ma da sai nga ma ai. Shana jan du yang kanu yan kawa bai du wa ai shaloi kanu gaw ma chyu lu mayu sai chyu jaw na ngu yang mahtum mahta du wa gaw bumhkum hpe mayup nga ai nba jahpung da nna ma yup grai pyaw nga ai dai majaw nan a matu shadu da ya ai hpa shawng lu mu ngu tsun ai hte hpa lu ngut ai hte ma chyu jaw na ngu masawp yu yang ma mung nrai bumhkum sha rai ai hpe kanu gaw ma kanan rai sai nga nna hkrap ai hte nan a kasha gaw nan she hpa lu kau sai nan a kasha hpe mu mayu yang gaw jahku ning braw de sa yu manu nan a chyu she n law na ngu tsun ai hte mareng kanu yan kawa gaw jahku ning braw de sa yu yang gaw ma kasha ni wa shari shagam nat rawng nna chyu lu mayu nga ai hpe mu lu nna kanu gaw shi a chyu ashup nna gama gamang jaw da sai nga ma ai. Dai hpang janyi yan janga gaw mahtum mahta du wa hpe an lahkawng gaw ginru gintsa la ni hpang de hkan nan na ngu tsun yang mahtum mahta du wa gaw nan lahkawng gaw nan a kasha hpe hpa lu sai re ai majaw nat rai sai ngu hpri wa lawng hta bang da sai nga ma ai. Kadu hta npawt nhpang kaw lup da ai sumpai gaw npawt la tai wa nna laming latsa lup dai ai ni gaw nhkru ai galang kaba latsa tai wa ai sai nga ai. Lani mi hta dai lapawp la gaw lam kaba hpe hkang nna ngai gaw pawp lap ning tsang jum gun ntsang tawk tek tawk tek nga nna lam hkawm nga yang ning ba sharaw hte katut yang hey kadai law ngu nna san yang ngai gaw pawp lap ning san jum gun la san rai nngai bai lai ngai jum gun ngun mata yu rit ngu tsun yang ningba sharaw gaw ga-un nna sha kau na ngu na ngu yang sha lu nmai lapawp la manyeng nna gabrang kaw kap rai nga ai hpe sharaw gaw lai sa nna hkaraw langai mi kaw du yang hka ma-um nna hpa ngu pyet dat yang lapawp la gaw lut re nna sharaw bai hta sha na hpe hkrit nna nlung laprang de lawang wang lup re Makoi nga nna ningba sharaw gaw lapawp la hpe nhta sha lu na bai lai hkawm mat wa sai nga ma ai. Dai hpang lapawp la gaw sharaw lai sai hpang bai pru nna lam de hkawm sa let ngai gaw pawp la lasan jum gun shabrang tawk tek tawk tek nga nna lam hkawm nga ai hpe janga la hte janyi jan yan nna nang gaw pawp la lasan an gaw ti pawt ning hpang jinghku chyawm rai nga ga ai an hpe hpaw la mi ngu saw shaga yang lapawp la lasan mung sa nna janga la hte janyin jan yan hpe hpri hkingdan dingkyen hkan lapawp pinyen hte chya ya nna ya hkingdik hpaw mung ngu tsun yang janga la hte janyin jan yan mung ngun dat hkyingdik yang hpri wa lawng malang nna hpri lawng hta bang da ai kaw na janga la hte janyin jan mung le pru wa nga sai nga ma ai. Janga la hte janyin jan yan gaw hpri wa lawng kaw na le pru sai rai tim shan shangai tawn ai kasha a shan hpe hpa shadu lu sai majaw grai mase ai mang sha galang tai wa nna gingru gingsa la ni hpang de hkan nan wa sai nga ma ai. . Language as given: Jinghpaw
Format:Digitised: no Media: Audio
Identifier:KK1-0421
Identifier (URI):http://catalog.paradisec.org.au/repository/KK1/0421
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0421/KK1-0421-A.mp3
http://catalog.paradisec.org.au/repository/KK1/0421/KK1-0421-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0421
DateStamp:  2018-04-27
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Tu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0421
Up-to-date as of: Thu Sep 3 17:38:20 EDT 2020