OLAC Record
oai:paradisec.org.au:KK1-0399

Metadata
Title:The married man who does not listen to his wife
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Tu Awng (speaker), 2017; The married man who does not listen to his wife, X-WAV/MPEG, 2020-02-11. DOI: 10.4225/72/598894f2e53ba
Contributor (compiler):Keita Kurabe
Contributor (depositor):Keita Kurabe
Contributor (speaker):L. Tu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-02
Date Created (W3CDTF):2017-02-02
Description:Ya bai maumwi langai mi hkrai na. Ndai gaw e moi da, hto lamu mungdan kaw na u la sagya mung ngu kaw na u la sagya wa yu nna, mungkan ga de yu sa nna, zuphpawng kaba galaw ai da. Munkan ga de mungka ga de zuphpawng kaba galaw shani gaw kadai ni hpe shaga ai i nga jang, nanhte num la sai ni num nla sai ni lahkawng rai nga ai mungkan ningtsa hta. Anhte mahtum mahta mungdan ni chye ai. Dai majaw gaw dai ni na zuphpawng gaw num la ngut sai ni hpe chyu sha shaga ai. Num karai nla ni gaw zuphpawng nmai sa ai. Num la sai ni yawng hte hpe zuphpawng shaga ai nga di num la ngut sai dinghku la ni yawng zuphpawng lawm sa ai da. Zuphpawng lawm sa yang gaw zuphpawng masha ni mana maka law wa sai. Law wa shaloi u la sagya wa sa nna, nanhte ni yawng num lu sai re i ngu, lu sai, num lu sai ni lata sharawt mu ngu, yawng ta sharawt ai da. Num galai nla ni ta sharawt mu ngu, num nla ni kadai mung n lawm ai da. Re shaloi gaw u la sagya wa gara hku tsun a ta nga, nanhte ni yawng num la sa re majaw gaw, nanhte ni yawng gaw, num a ga madat ai ni hkrai re kun. Nanhte ni yawng gaw num a ga madat ai ni re nga ni ta sharawt mu ngu da. Yawng ta sharawt ai, yawng gaw e num a ga madat ai nga ta sharawt ai hkrai re. La langai mi gaw um, ta n sharawt ai da. Zim rai nga ai da. Reng gaw nang gaw num a ga n madat ai re i, um n madat ai ngai gaw ngu da. Aw deng gaw ngu rawt nna, bai na sawa rit ngu na, num a ga nmadat ai wa hpe ganing di i ngu jang she, num ga n madat ai wa hpe she, gumra lahkawng nga ai yaw ngu da. Gumra rang chyang oh ra hpyeng ma ra hpraw ma nga ai yaw nang kaning re wa ra ai ngu da. Gumra hpraw ra ai ngu da. Mai sa, gumra hpraw ya na ngu da reng she. Ga ngan rai shatsawm dat ai da. Lagup e up. gumhpraw ningga e htan htung hkying nhpye myet, labu longpan lawut, bai ndai gumra jawn di hto nta de wa nu. Nang e oh num nang ni nanhte yawng num a ga madat ai majaw nanhte hpa nlu ai. Ndai gaw num a ga nmadat ai shi chyu re majaw ngai shi hpe kumhpa jaw dat ai ngu da. U la sagya wa e reng she shang tu nan she lagup e up, htawng hku re hkai, gumhpraw ningga hpye, coat palawg hte hpa hte longpan hte rai di wa reng, kasha kanu ni kaw oh nta du wa npan jan poi jan ngu nga ai pinra koi, dai kaw da da jang htem htem re nga ai da. E gumgai jan ngai pa tsawm ngu da. Shang ngu praw ngu yu yang, e tsawm gaw grai tsawm ai gumra wa hpraw ai gaw, gumra ra rang hkyeng nga gaw law dingga wa e gumra hkyeng yang gaw grai tsawm a ngu da. Ah ga deng gaw galai la su oi, gumra hkyeng galai oi ngu da, mai ai. Galai la su gumra hpraw gaw nau ntsawm ai gumra ra hkyeng she tsawm ai ngu di, gumra hkyeng galai la ai da. Bai hprawt, hpa rai bai ai ma, ngu da. Nye dinggai jan wa gumra jahpraw jawn wa majaw gaw, nau n htuk ai rang hkyeng ai she tsawm ai nga majaw, gumra hkyeng bai galai la sa ai nga ai da. Deng u la sagya wa gaw, nang wa num a ga nmadat ai nga, ya gumra jahpaw jawn ai wa hkyeng ai tsamw ai lol nga galai sa, nang num a ga madat ndai. Nanhte shinggyim masha yawng gaw num a ga madat ai re sai. Dai majaw gaw lagup ni gumhpraw ningga ni nhpye ni yawng bai raw la di wa wa nu. Dai majaw nanhte gaw e num a ga she madat ai shinggyim ma sha ni re majaw gaw nanhte mungkan ga masha ni gaw, ndai aw hkai sha yaw ngu di shapre tum sanit ya dat ai da. Shapre tum sanit ya dat yang gaw, shapre dai hkai yu yang, ya rai timmung shapre gaw lahkra hku nlung ai lapai hku she lung ai da. Shapre ru dai gaw re majaw gaw num a ga madat ai mungkan masha ni ngu kau ai da. Dai re majaw gaw shawng na ni gaw yawng num ga madat sai. Shi langai wa n madat a lol nga na jaw dat jang gaw gumra hpraw ntsamw ai lo hkyeng galai sa sai lo ngu jang shi mung nmadat yang gaw yawng gaw n madat ai sai gaw. Yawng gaw n madat ai num a ga madat ai hkra rai sai da. Rai di shi gaw hpa sha lu ai i nga jang shapre tum sanit hkai dat yang lapai hku ru ru ai dai sha lu la ai. Maumwi ndai kaw htum sa re. Grai chyeju kaba sai law. . Language as given: Jinghpaw
Format:Digitised: no Media: Audio
Identifier:KK1-0399
Identifier (URI):http://catalog.paradisec.org.au/repository/KK1/0399
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0399/KK1-0399-A.wav
http://catalog.paradisec.org.au/repository/KK1/0399/KK1-0399-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0399
DateStamp:  2017-08-07
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Tu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0399
Up-to-date as of: Tue Feb 11 15:34:50 EST 2020