OLAC Record
oai:paradisec.org.au:KK1-0398

Metadata
Title:Jahkai kasha hte la law kasha ni hka de nga tingraw ja sha ai lam (The bullies and the river)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Tu Awng (speaker), 2017; Jahkai kasha hte la law kasha ni hka de nga tingraw ja sha ai lam (The bullies and the river), MPEG/X-WAV, 2020-02-11. DOI: 10.4225/72/598894ee9e97d
Contributor (compiler):Keita Kurabe
Contributor (depositor):Keita Kurabe
Contributor (speaker):L. Tu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-02
Date Created (W3CDTF):2017-02-02
Description:Ya ngai bai hkai matut na maumwi gaw jahkai kasha hte la law kasha ni hka de nga tingraw ja sha ai lam maumwi hpe hkai na. Moi shawng de kahtawng langai mi hta la law kasha ni hte jahkai kasha ni rau rau sha kahtawng langai mi kaw nga nga ma ai da. Dai shaloi jahkai kasha hpe la law kasha ni kawn na e hkau jahkai kasha e hka de Nga htingraw ja sa saga ngu na saw la ai nga ma ai. Dai shaloi jahkai kasha mung mai ai le hka de htingraw ja sa na nga ti shanhte jahkai kasha hte e la law kasha ni gaw shanhte myit hkrum mang rum hte hka de htingraw ja sa ma ai da. Hka de du nna Nga htingraw ja na ten hta gaw la law ma ni gaw Nga htingraw ja htuk ai shara shagu hta ndai kaw mung nga ja nan kaw mung ngai ja oh ra kaw mung ngai ja nga ti la law kasha ni hkrai hka de Nga htingraw ja htuk ai shara ni hta yawng jahkrai kasha ni chyu ja na hkrai rai jang gaw aw la law kasha ni chyu ja na chyu rai jang gaw jahkai kasha gaw gara kaw nja nna shi a htingraw hpe hka ran ntsang de lamu de mahka shawn nna jung da sai da. Jung da nna shanhte gaw rau rau sha htingraw ja da nna wa sai. Wa hpang jahpawt du yang gaw jahkai kasha e mani anhte ja ai htingraw hpe sa yu sa ga ngu yang e jahkai kasha gaw e ngai gaw htingraw ja ai shara nmu nna hka kau hkaran de she lamu maga de mahka shawn nna jung da sai re ai majaw gaw Nga nshang na re ai nga gaw nsa na nga yang e la law ma ni gaw jahkai kasha hpe e e na a jung da ai de Nga nshang tim anhte ja ai de Nga shang jang nang hpe mung jaw sha na nga ai majaw sa nan sai da. Sa nan yang gaw kaja wa shi i ru da ai htingraw hpe ru yu ai shaloi gaw nlung lung din aten san ai sha langai mi rawng nga ai da. Jahkai kasha lamu de mahka shawn nna jung da ai hkaraw hta gaw lung din kasha langai rawng nga ai. Dai hpe jahkai kasha gaw nlung lung din kaning re rawng nga ang ai i ngu na hka la-ing grai sung ai de bai kabai bang da sai da. Re gaw Nga gaw kaja wa hka de htingraw ja ai la law kasha ni a htingraw de shang ai Nga hpe gaw jahkai kasha e mung i Nga jaw sha sai da. Hpang jahpawt mung Saw law jahkai kasha e sa yu ga nga bai saw ai rai tim mung jahkai kasha gaw e nsa nanhte chyu sa mu ngu tsun ai. Dai shaloi gaw la law ma ni gaw nre mani hpawt na zawn zawn anhte Nga shang jang nang hpe mung jaw na re sa ga nga nna bai sa sai. Sa du ai hte maren jahkai kasha mung shi a htingraw hpe baw nna ru yu ai shaloi mi na lung din kasha bai rawng nga ai da. Dai zawn re ti masum hpawt mali hpawt nga ai jahpawt manap gaw jahkai kasha gaw nye a htingraw hpe lamu de shayawn ti jung da ai wa mi hpa majaw lung din kasha nang chyu chyu rawng nga ai rai kun hpa byin ai lung din re kun ngu ti mau nna nchye ai majaw shi gaw la wa na htaw nta de shan kadwi a ginshang sumpa de zut di makoi kau da ai da. Dai rai makoi da ai hpang yi gaw shan kadwi gaw htaw nam de yi hkyen sa ai yi hkyen sa nna wa nna du yu gaw shat shingkan kadwi a shat shingkan ma kashu a shat shingkan ma shat shingkan lahkawng hkawng hkawng noi da ai hpa lahkawng hpawt masum hpawt masum ya daram nga ai da. Dai shaloi kadwi gaw la law ni a nta de sa nna e la law ni e anhte an shu a manam nshang ai i dai ni gaw ngu san ai shaloi she e nan kashu nta e manam hkum shang u le anhte nta pi n shang yang ngu tsun ai da. Dai shaloi gaw jahkai kasha hte kadwi gaw shani shagu shat shadu da jaw jaw re masha nga ai majaw gaw grai mau nna lani mi hta gaw kadai rai kun ngu chye na matu chyinghka jut kaw yi sa wa masu nna chyinghka jut kaw makoi nna la nga ai shaloi shani ka-ang ja shang maga de she shi bang tawn da ai ginshan nba kaw bang tawn da ai lungdin dai wa magap hpuk di le di she grai nga tsawm ai mahkawn tsawm tai ti she wan wut dung ye mang myit ta kashin n-gu ni hte re shat shadu di nga bang ai shaloi she jahkai kasha gaw agra nang she rai an dwi a nta kaw shat shadu ti nga nga re gamu kap re gaw dai num kasha gaw kaning nga tsun ai i nga jang e jahkai kasha e ngai hpe gaw nu ni wa ni htaw mahtum mahta mung kaw na jahkai kasha hte kadwi grai jam jau ai grai matsan ai dai kaw wa bau nga nu jahkai kasha kaw wa nu Ngu ti matsun dat ai majaw nang kaw wa na matu na hka raw jung da ai kaw nlung tai yi shang shang re nang kabai kau ai rai tim ngai bai wa rawng rawng re ai ya ngai gaw htaw mahtum mahta mung kaw na nu ni wa ni nang kaw wa na matu matsun dat nna yu wa ai re nngai ngu ai shani gaw aw de gaw rai sa ngu yang e num dai gaw ma na maka tsawm ai num re ai majaw gaw jahkai kasha gaw grai tsawra sai da. Num dai hte mu nna tsawra sai re ai majaw gaw kadwi yi hyen sa tim mung nsa nan sai num mahkawn dai hte chyu chyu rau sha ni nga ai dai shaloi gaw num mahkawn gaw jahkai kasha hpe gaw jahkai kasha e ngai hte chyu nga yang gaw anhte gaw hpa lu hpa sha na rai i htaw na kadwi jam jau ai yi hkyen sa nan su ngu tsun sai da. Dai shaloi gaw jahkai kasha gaw e ngai dwi hpang de yi hkyen sa yang gaw nang hprawng wa na hpe ngai grai hkrit ai ngu ai da. Dai shaloi gaw dai mahkawn dai gaw kaning di i nga jang e hkan hkawp langai mi kaw she shi a myi mang graw re sumla soi nna maw ndai lang sa nna htaw nang yi hkyen na makau kaw Noi tawn u nang yi hkyen shagu praw praw di yang e ndai nlut wa dingsan ndai nmat yang ngai hpa nhprawng na re ndai mat jang gaw lagat wa rit ngai hpe masha ni hprawng la ai rai na re ngu tsun ai da. Rai na yi hkyen hkyen re gaw dai noi tawn da ai sumla nmat ai majaw shani shagu yi hkyen jan du jang she wa wa re lani mi hta gaw htaw jan wa gara ndu shi praw di yu yang she dai shi a madu jan e soi ya dat ai hkan hkawp na sumla wa mye tawm rai jang aga ya sumla mat wa sai ga wa rit she nga nna lagat wa yu yang gaw kasha kanu wa n nga mat sa gumra hkan hkan hkrai rai mat wa re gaw gara hku byin ai i ngu yang she dai kasha kanu dai gaw htaw lamu mungdan kaw na jahkrat ra ai num mahkawn re ai majaw grai tsawm ai yawng e ra ai mu ma mu ra ai re ai majaw gaw oh maigan mungdan kaw na hkawhkam kaba langai mi gaw mungdan gawang hkawm ai aten hta dai mahkawn hpe mu hkrup ai majaw gaw kalang ta shanhte a gumra hta rim htaw woi la mat sai da. Rim htaw woi la mat jang gaw shi gaw gara maga de sa hkan tam na nchye sai Nchye re ai majaw she e mau ti nga yang gaw moi shawng de e shi u hkam hkam sha hkai re yang e shi a u jahpu ni di sha ya ai jinu hte e u hka gaw jahkai kasha wa hkrap chyu hkrap hkawm wa ai hpe mu mada ai da. Mu mada jang e jahkai kasha hpa di hkrap taw nga ai ta ngu yang she e nye madu jan grai tsawm ai num langai mi lu ai wa dai ni gaw masha ni hprawn la ya sai gara maga hprawn la ai ngai nchye ai le gumra hkan chyu sha mu sai ngu she e hpa hkum tsang u anhte hkan sagawn ya na nga ti u hka hte jinu gaw jahkai kasha hpe nang moi na nang hkam tawn da ai u jahpu ni anhte ni raw sha ti sha sai majaw nang hpe chyeju dum ai chyeju bai htang na nga ti tsun nna u hka gaw mai sa nga ti she shara shagu de pyen hkawm jang ye mung ga shara shagu hpoi jang she htaw hkawhkam wa gaw jahkai kasha kanu hprawn la nna lu wa ai gainu dai hpe she manau dum nna hkunran poi galaw na nga ti wan wut ti poi galaw nga ai hpe u hka mu da sai da. U hka ye mu da ai majaw gaw bai wa nna e ngai mu da sai sa sa ga nga u hka ni jinu ni Jahkai kasha ni gaw rau rau sha sa wa ai uhka gaw pyen mat wa ah ah ah nga ti yawn nan yawn nan re gaw dai hta du sa. Du yang gaw num dai gaw ngai gaw nu ni wa ni jaw ai gaw jahkai kasha kaw rai ya nan ye hprawn la nna manang jan tai ai gaw nbyin ai nga myit hte ga hkum mi mung nshaga ti ni majoi mi mau chyu mau nga shaga u law ngu tim ni shaga nhkraw sha ga le ngu tim sha lu ma nhkraw ti majoi mi mau nga re ai ten ye jahkai kasha hprawt re she shanhte ni poi galaw na ngu ti manau nau ra galaw da na re jahkai kasha du yang she grai nga re ka let grai nga re kyi ti nga wa ai jahkai kasha ye du ai nga jang she num dai wa le yu jang she grai mani ti hkawt hkawt ti grai ah ai da. Dai shaloi ga nang gaw anhte ni shaga ga ngu tim nshaga hpa mi ma ga hkum mi ma ntsun ya jahkai kasha du yang gaw nang gaw di re ah mani she gyi nga ga hpa majaw byin dai zawn re i ngu ti san yu yang e jahkai kasha gaw nan gaw nye num re ngai hpe gaw shi tsun ai htaw lamu mungdan kaw na mahtum mahta du ni kaw na an dwi grai matsan ai. Majaw gaw an dwi hpe bau na matu jahkrat ya ai ngai a gainu re ngu tsun ai re i ngu re ai deng gaw na a gainu rai jang gaw nang hpe anhte ni san jep ai lam ni nga na ndai san jep ai lam hta nang awng dan jang gaw nang a gainu lu la na re ngu nna hkawhkam wa a ndai mu mat ngu ga le hkawhkam wa a hpaji chye ai salang ni dai hku ngu ya ai da. Dai hku ngu yang jang gaw de mai sa ngu she shat bang mali hkawhkam wa e sha ai bang mi hkawhkam shawng na hkawhkam num sha ai mi hkawhkam wa e sha ai mi hkawhkam wa a kasha shadang sha ai shat bang mali tawn da ai da. Shat bang mali tawn da yang she grai na a gainu jan ye sha ai shat bang ndai re ai ngu i nang chye jang gaw na a gainu lu la na ngu ai da. Yu yang gaw yawng shat bang wa mareng san ai majaw gaw jahkai kasha gaw nchye ai la nchye rai jang she tsawm mari yu chyu yu ti nga yang she jinu wa pa re dang ai da. Nai re ngu jang she jan rai de awng sa dai kaw na bai kalang bai gara hku di i ngu jang she num kasha dai moi na shi a num kasha hte mareng reng sha re Tsawm ai num mahkawn mali shi hte rau re mali hpe she shakup hku grai chyin ai kaw htaw ra hku hku ai kaw she ni di hkyet taw shawn shawn di tawn ai gai nang gai nu jan a layun ndai re ngu gra di lu jang gaw nang hpe gaw na gainu ya na ngu ai da. Rai tim layun wa maren ren re tsawm ai rai jang she shi nchye ai da. Nchye jang she mi shi hpe chyeju bai htang na ngu tsun ai jinu wa pa rai dang ai da. Ndai re ngu gra kaja wa gainu jan re ai majaw ndai shara lahkawng hta san jep yang awng ai re ai majaw shi gaw shi a gainu hpe mung bai la lu rai na hkawhkam wa ye mung e nang hpe ngai matsang dum ai dinghku sharawt na ngu na gumra mali hte ja gumhpraw sutgan hte e reng ai baw aru arai ni htaw wa shangun ai dai num lamu na hkrat ai num kasha hte jahkai kasha gaw dai shani kaw na gaw grai lusu ti nga mu nga mai nna nga wa ai nga maumwi re ndai maumwi gaw tinang hpe akyu jaw yu ai ni hpe gaw akyu bai htang ai akyu chye dum ai maumwi re. Maumwi ndai kaw htum sai re law grai chyeju kaba sai. . Language as given: Jinghpaw
Format:Digitised: no Media: Audio
Identifier:KK1-0398
Identifier (URI):http://catalog.paradisec.org.au/repository/KK1/0398
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0398/KK1-0398-A.mp3
http://catalog.paradisec.org.au/repository/KK1/0398/KK1-0398-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0398
DateStamp:  2018-04-27
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Tu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0398
Up-to-date as of: Tue Feb 11 15:34:50 EST 2020