OLAC Record
oai:paradisec.org.au:KK1-0389

Metadata
Title:Tak ndum lu ai maumwi (The energetic wife)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Tu Awng (speaker), 2017; Tak ndum lu ai maumwi (The energetic wife), X-WAV/MPEG, 2020-02-11. DOI: 10.4225/72/598894c811da3
Contributor (compiler):Keita Kurabe
Contributor (depositor):Keita Kurabe
Contributor (speaker):L. Tu Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-02
Date Created (W3CDTF):2017-02-02
Description:Hkai na maumwi gaw tak ndum lu ai maumwi re da, Moi shawng de kahtawng langai mi hta e htinggaw law law nga ai kahtawng buga langai mi nga ai da, Dai kaw gaw gainu gaiwa lahkawng ye mung e kun dinghku de nna kahtawng masha tai nna nga nga ai re dai kaw na nta madu jan gaw grai zet grai ret ai num langai mi re ai da, Shi gaw masha nta de sa dam sa pru mung jahta hkawm hpa rai yu hkawm yan gaw lana mi hta gaw shi sa dam ai nta kaw na nta madu wa gaw hpaga ga de na ja gumhpraw grai lu ai hpe mu da sai da, Mu da yang gaw shi gaw nta de bai wa du nta de bai wa du yang gaw madu hpe she e dingla wa e le masha ni gaw htaw hpaga ga sa ai de hpaga awng ti ja gumhpraw grai lu ti wa ai lar nang mung hpaga ga sa ra ai gaw hpa rai nta kaw chyu nga na e dingla wa ngu na tsun ai da re gaw dingla wa gaw kaning re tsun ai i nga yang e mai a le hpawt na gaw ngai hpaga ga sa na oi ngai hpe n-gu ni jum ni majap ni buhpun nba ni hpa ni yawng bawn ya u nga da mai a jahpawt manap du yang gaw shat ni sha ma ti she kasha kawa hpaga ga sa na matu sawn hpai ka kaba hta she n-gu ni jum majap malu masha hkum tsum hpa hte buhpun palawng ni bang ti bai de ya sa su law gun dik ga ngu aw di ti shagun dat ai da, Shagun yang gaw la dai gaw loi na bai re nga she shi gaw hpa n chye re nga she ya ngai gara maga yawn na kun i ngu she shi a madu jan hpe bai san ai da, Madu jan hpe san yang gaw madu jan gaw dai na nhtu nhku dawn re maga yawn wa u le ngu ai da, Mai sa nga ti lit gun ti nta kaw na le wa ai shaloi shanan n gau du re nhtu nhku praw di yu yang shanhte hka ja ja lu ai hka lu lam kaw nhtu nhku dawn dai maga yawn wa hkai lu du nga lam mung n nga sa bai kaning n rai re jang she le hka lu hka nam de majoi mi agrawp yu wa re jang she shani ga-an du yang gaw kansi wa majaw gaw shara langai mi du yang she nam hkyen ti she dai kaw lit yu di ti she shat shadu sha shat shadu sha ti nga nga re she shana jan du jang bai yup hkrit sai da la dai wa yup hkrit jang she nta de bai wa yang she masha n mu ai hku lagu wa ti she gainu jan ni kasha ni nga ai nta shing rep ngu ai tawn da ai moi nta kaba kaw gaw nta kata n re ai da shing rep shing lam galaw da ai nga ai le dai de wa yup ti makoi nga ai da, Dai de makoi nga re she htaw yup tung u goi mahka yi she shi na nta kaw she nam na hkan htim ti she shanhte gainu gaiwa ni a u kanu langai mi hprawn la kau sai da, Dai hpe she kasha kanu hte kasha gaw wan nhtaw lang ti sha chyut yi she kabai bun yang she dai u kanu hpe dat da ya sai dat da yang gaw hta wa hta wa yang she kash hpe ju shangun re shi gaw shing rep kaw nga ti madat sai gaw madat yang gaw Nwa ngu ai u magyi langai mi hpe jum chya ti bawn da u law brang wa e ya nwa hpaga ga wa yang e sha u ga ngu ai da, Shan bawn da sa rai re nhtoi htoi jang gaw shi gaw bai le ti shi gaw mi na shara de hprawng ti nga re le de na hpa baw n galaw ai re majaw gaw maling hpun, Hpun htaw hpun ngu ai ma tu ai dai hpe she shi a nhtu grai garan da ai hte galep chyai ti aten di she kahtang ndum langai mi ye daw ti she dai hpe shani tup tup dai galep chyai Jan du sai nga yang dai nta shing ret de wa yup hpang jahpawt htoi n htoi ai de yawn let le shi nga shara de nga re n-gu jit ma naw sai du hkra ma hkra hka lu hka nam de e wa makoi nga yang she maling hpun daw hpe sep ta ring re she saga si zawn re she yan galaw she kahtang dum daw hte garit chyai garit chyai ti na nga ai da, Rai na gaw hpan shat shadu sha na matu n-gu htum jang she hpa hpaga mung n ga sa sa n-gu htum jang she bai lit gun ti bai wa re gaw e nwa wa du ai rai sa dingla wa wa du hpaga ga ti wa ai re ngu ti tsa ni pi jaw ai da shat shadu jaw re gaw dinggai dai gaw ndai shi a matu ngu ti u magyi tawn da ai wa malap kau ai da dai n jaw ai da dai hpe she shi n hpye na tsut di karit karit ti garu yu na kaw di ti anhte law nye matu ngu ti u magyi langai mi jahkraw da ai wa nga n rai i ngu ayi nga ai lo dingla wa e grai chyawm tat chye ai ngu ti i grai kabu gara hte u shan dai u magyi hpe shaw ya ai da shi tsa mai kau rai jang e num dai gaw grai garet ai re majaw htingbu htingpyen de sa ti she Nye dingla wa hpaga ga sa ai wa kyi tak ndum grai chye ai law tak grai chye ni law hkan yi sha ai u lagyi noi da ai wa ngai gaw malap kau ai shi darit yu ti tak ti hkrat di ai law nga ti shakawn hkawm ai da, Shakawn hkawm re gaw di nga ti wam hkawm re e dingla dai wa gaw tak ndum chye ai da tak ndum chye ai da ngu ti shara shagu ye na wa yang gaw htaw hkawhkam wa a ja ing ma gumhpraw ing ma masha ni lagu la ti mat wa sai da, Re gaw e bai deng gaw ndai tak ndum chye ai hpe shaga la manu nye ja ing ma gumhpraw ing ma mat mat wa ai ndai mu yang gaw shi hpe e ja ing ga-an hkup gumhpraw ing ga-an hkup shi hpe ngai kumhpa jaw na ngu ai da, Re gaw shaga la sa ai ni du sa re gaw shi gaw tak ma n chye a oh ra gaw mi shi na da chya lu re i re gaw shi kwi myit grai n pyaw sai da myit n pyaw tim mung e hpa n ra ai sa yu ga ngu sa ai da, Sa re she hkawhkam wa a nta du yang she dai ja ing gumhpraw ing wa a hkawhkam nta du yang she dawdap nbang nga re yup ra grai nga re galaw ti she e tang di hkra re. Dai kaw yup shangun sha shangun re hpawtna gaw tak na re lo ngai na ja ing kadai ye la ai kun gumhpraw ing kadai ye la sai kun ja ing ndai mung gumhpraw ing ndai mu gaw nang hpe ga-an hkup hkup jaw na ngu shi gaw tak mung nchyoi la wa rai yup n mai sai da grai nga re gahtek ti nga re nbang hkaraw de le wa ai da, Nbang de le wa yang gaw praw di yu yang she le hkaraw de lachyan le wa yang gaw lagat hpun kaba re langai mi nga ai da lung grai htut ai dai shaloi lung ma hkyit dat dai lagat hpun ntsa kaw tem nga re nbung shalawt tim yup n mai ti nga mi she le ga de mi she dinggai yan dingla lahkawng she dai hkawhkam wa a ja ing she gumhpraw ing lagu ai yan wa she dingla dinggai ja ing gara yi lup na da ye dai lagat pawt hka nam maga lup u gumhpraw ing gaw lagat pawt hkahku maga lup u nga ti dinggai yan dingla wa ding re ti wa kahte na da sai da dai yan ntsa ye zim da myit pyaw sai gaw zim re nga gaw dai dinggai yan dingla lahkawng ja ing hte gumhpraw ing hpe dai shi lung ai ga de dai lup ngut ngut hpang ye gaw rai sa ya chyum myit pyaw sa yu wa let bai yup sawt kwi myit pyaw ti yup mat sai yup sawt re nga yang gaw e tak ndum lu ai wa ye rawt u law shat sha ga ya gaw tak na teng ahkring aten mung du sai rawt yu u ngu ai da, Kam n kam ti um um um nga ti rawt shat sha shat sha ma yang she saw ya gaw tak sa ga nga nbang de jahtoi htoi yaw hpyan re she dai hkawhkam mung kaw nga ai myitsu du salang ni yawng hpe shaga la tawn sai da shaga la tawn ti tak ai shi gaw chye mung n chye tim shana mu da sai le i shana ye mu da sai re ai majaw ru ru ru ru di ru ru ru ru di ru ru ru ru di ti agar yat ai law n mu na zawn re ai law nchye na zawn re ai law shi myit pyaw sai lar di tau su gaw aw mu sa sa ndai nta nbang de lagat hpun langai mi nga ai da lagat hpun pawt e hkanam ye htu yu mu dai kaw ja ing lagat hpun pawt dai kaw hkahku maga htu yu mu gumhpraw ing nga ai ngu sa htu yu yang she kaja ja ing hte gumhpraw ing rawng nga ai hpe mu lu ai majaw gaw shi hpe gaw hkawhkam wa ni gaw mi na ga sadi nga ai hte mareng Ja ing ga-an hkup gumhpaw ing ga-an hkup shi hpe kumhpa jaw dat nna dai gun ti wa nna dai dinghku masha gaw shawng ye grai matsan ai dinghku rai tim mung e dai ni kaw na gaw grai lusu ti na nga ai da ndai maumwi gaw gainu jan a ga hpe gaiwa wa madat gaiwa wa a ga hpe gainu madat kasha kanu chyau hkawm nna kasha kanu masha ni kaw ga ye lu ma ai law hpaga ga sa u law ngu sa wa ai lata lu ai re majaw gaw shada da dinghku hta gaw ga madat hkat ra ai lam langai mi re maumwi ndai kaw htum sai re law grai chyeju kaba sai. . Language as given: Jinghpaw
Format:Digitised: no Media: Audio
Identifier:KK1-0389
Identifier (URI):http://catalog.paradisec.org.au/repository/KK1/0389
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0389/KK1-0389-A.wav
http://catalog.paradisec.org.au/repository/KK1/0389/KK1-0389-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0389
DateStamp:  2018-01-21
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Tu Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0389
Up-to-date as of: Tue Feb 11 15:34:48 EST 2020