OLAC Record
oai:paradisec.org.au:KK1-0347

Metadata
Title:The animal king
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Tu Ja (speaker), 2017; The animal king, MPEG/X-WAV, 2020-02-11. DOI: 10.4225/72/5988941359d1e
Contributor (compiler):Keita Kurabe
Contributor (depositor):Keita Kurabe
Contributor (speaker):M. Tu Ja
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-02-01
Date Created (W3CDTF):2017-02-01
Description:Ndai mau mwi a gabaw gaw dusat Hkawhkam aya tak kau ai mau mwi re. Moi shawng de e, dusat dumye ni wa, hkawhkawm shanhte dusat dumye ni kaw na gara mahtang hpe e hkawhkawm tang na nga nna zuphpawn galaw ma ai da. E Hkanhkyi hpe kun, Ningrau hpe kun nren, Jahkri hpe kun, Sharaw hpe kun nga nna e, zuphpawng hpawng ma ai da. Shaloi grai marawn ja ai Hkanhkyi hpe shawng shi hpe tang ga Hkawhkam gaw ngu nna tsun ma ai da myit hkum ma ai da. Kaja wa Hkanhkyi gaw dusat a Hkawhkam tai sai da. Shanhte Hkawhkam tang ai shani hpabaw myit hkrum ai lam lawm ai i nga yang gaw, dusat hpan mi gaw shani shagu dai hkawhkam Hkanhkyi hkawhkam dusat hkawhkam tai ai Hkanhkyi hpe shat lu sha jaw na matu e, langai hpang langai lit la na, lani mi gaw Hkawngran, lani mi gaw Wadu, lani mi gaw Dumsi ngu nna dai hku nhtoi garan ma ai da. Yan lani mi na gaw kade a e lit ang wa i ngu jang gaw, Shu a lit ang wa ai da. Shu a lit ang wa jang gaw Shu gaw e ngai gaw hkaran kaw n chye hkawm ai hka kaw gaw grai chye hkawm ai hpunrawt nna mung chye hkawm ai. E, dai majaw ngai shu e jaw ai shat lu sha, sha mayu yang gaw, nye a hka nawng de sa u ga ngai rawn ai hkumpuk hkanawng de sa u ga Hkanhkyi hkawhkam wa e ngu htek ai da. Rai yang gaw dai Hkanhkyi wa mung aw ngai gaw she sa le ndai shu tek wa mi ngai hpe dan nga yang e, oh shu ni rawng ai hkumpuk nawng de sa ai da. Sa re she dai kaw du rai she e shu e bai tsun ai gaw e madu hkawhkam e nang gaw anhte hkawhkam re, nang shaga ai ngoi ai nsen hpe ngai hkaran kaw pru ai shu ngai sha na ai. Le hka nawng hkumpuk nawng kaw rawn ai shu ni mung na u ga, she marawng yu u ngu nna bai tsun ai da, nang marawn ai hte ngut ai hte gaw e, nau n na jang anhte shu ni nang hpe shat lu sha jaw na ngu yang she, hkanhkyi wa mung grai marawng sai da. Wah nga ti shi marawng jang she ngup mahka ti marawng jang she, Shu gaw dai Hkanhkyi a ngup hta hkumpuk kabai bang ya ai da. Dai shu hkumpuk kabai bang ya ai majaw e. . Hkanhkyi gaw n lu marwng nna zim nga kalang ta ngamrap re grai pawt sai da. Grai pawt nna, grai pawt nna she shi hpe e sha na, amya sha na nga jang e hkum sha, hkum sha mayu, naw shingjawn yu ga ngu da. Dai shinjawng ai kaw nang, nang sum yang gaw ngai hpe dak ngai sum yang nang ngai hpe sha ngu nna ga sadi tawng nna, shingjawng ma ai da. Dai yang Hkanhkyi gaw nang nte sha law ai mi ngai daram ram n gun ja ai wa hte shingjawng ai nga gaw shingjawng ga le bai ngu ai da. Hkanhkyi gaw grai kaba ai majaw Shu gaw kaji sha re majaw shingjawng ga ngu da. Dai re gaw ngai rawng ai hkanawng hpe shin kawt ga, e shin kawt ga, Oh-ra hkrang de shin kawt ga, grau shin kawt lu ai hte Oh-ra grau tsan ai de du ai wa gaw dan ai yaw. E shing kawt lu tim grau tsan ai shara de n du yang gaw n dan ai yaw, dai myit hkrum ai i ngu Shu e. . . san ai da. Myi she myit hkrum le dai Hkanhkyi gaw Shu hpe shing kawt n jing na re ngu nna dai hku yu kaji ai hte she shingjawng ga ngu nna shingjawng ai da. Dai hkanawng kaw shingjawng shingkawt shingjawng na hkyen jan she, Hkanhkyi wa ngun dat nna lahkam na matu shing kawt na matu ngun dat nga yang, Shu gaw Hkanhkyi a maitsan maga, mai tsan oh wun wun re kaw dai kaw e gawa kap di nna ngoi nga sai da. N dum shami re nna e, ndum shami e shi gaw kalang ta Hkankyi hka nawng hpe shinkawt shingjawng ai hte e dai hkanhkyi ai maitsan kaw kap re nna, kap re ai hte hkakyi ngun dat nna shingjawng ai hte, dusat gaw e shingkawt shingjawng yang maitsang ntsan de lang i, maitsan hpe ntsan de ma lang re ga-awn ai re nga dai kaw Shu kap re nna, Oh Shu oh-ra hkan de kap, e, shingkawt ai hte hpuk nga shi kaw hkanhkyi kaw na Pe 7-8, dawn 7-8 tsang ai de hpuk re nit ai ya ngai dan sai n re i, ngu yang, ngai nang kaw dai kaw she du ai ngai gaw na shawng kaw dawn 7-8 tsang ai kaw du ai, ngai grau chye ai n re i bai ngu sa da. Dai majaw sha na hkyen yan she nang ngai hpe masu ai sha na ngai hpe rim sha na e, hkanhkyi, nang myit yu u i, nan nye n gup hpe yu u ngu da, hpa baw mu ai rai ngu yang hkanhkyi mun mu ai ngu da. Hkrat wa dai Shu a ngup kaw Hkanhkyi mun kap ai kaw, dai hkanhkyi na mai tsan kaw na mun re, dai hpe she, Shu gaw Hkanhkyi hpe ningngu nna bai tsun ai da. Ndai gaw moi na n-wa na mun re gaw, nang na mun wa sha du i, ya moi n-wa sha kau yang na mun ya dai ni du hkra kap ai, nang n chye ai i ngu yang gaw, ya nang hpe ngai sha kau na le na n-wa na mun pi ngai shan pi sha kau ai, nan kaw na n-wa na mun nga, dai kaw hkrit nna hkanhkyi gaw hprawn mat ai da. Hprawng mat ai dai shani Hkanhkyi gaw Hkawhkam aya tak kau ai da i, Hkawhkam aya n tai sai. E dai hpe e, moi na salang ni gaw Hkanhkyi hkawhkan, dusat hkawhkam aya tak kau ai hpa, tai na lu sadi mu lu nga nna tsun ma ai. Dai Hkanhkyi gaw Hkawhkam dusat hkawhkam aya tak kau ai majaw, kalang bai hkawhkam lata ai da. Hkawhkam lata re jang she e hkawhkam lata jang she ndai e, bai lata re gaw kadai hpe lata i nga jang gaw, grai nga ngoi ai jahkyi hpe lata ai da. Jahkyi hpe lata, mi na hte maren Jahkyi hpe mung langai hpag langai sha hpa, jahkyi ra hpa sa jaw jaw na matu, lit garan ai da. Lani mi gaw lit garan re gaw dai Jahkyi hpe shat sa jaw kadai ang i nga yang, Taukawt ang ai da. Taukawt rai yang she e ndai Jahkyi gaw maihpang si grai ra sha ai mi re da. Re ra sha yang she, Jahkyi gaw Taukawt hpe ga kaw si ai maihpang si ma ai hpang, Hpun kaw noi ai hpung ntsa kaw noi ai maihpang si hpe bai di jaw rit ngu da. Taukawt hpe rai yang, Taukawt gaw hpung lung n chye tim e dai Jahkyi e dai hku ngu ai majaw, hpung lung n ngut tim, hpung pawt kaw na ntsa de langai lahkawng lahkam dat yang galau, galau, dai hpe gaw, dan re nna byin ai da. Maihpang si di mu n lu re gaw, ndai Jahkyi gaw i hpung lung nchye wa ai hpe, hpung ntsa na shi ra sha ai, maihpang si di shangu ai gaw, ndai Jahkyi mung, mungut n chye ai ndai gaw i kaga hpe Woi hpe i, kadu hkra la hpe shangu yang gaw hkrat na wa, shi gaw shi shara kaw shi shara hpe shangu sha n chye ai n dai Jahkyi mung e mungut n chye ai majaw Hkawhkam aya kaw na i hkawhkam aya dawm la ga nga ma ai da, Dai na Jahkyi dai mung hkawhkam aya dawm la sai da dusat ni gaw e hpan majaw ngu, shi, Taukawt hpe wa mi, maihpang hpung de lung nna maihpang si di shangu ai dai majaw shi hpe dawm la kau sai da. E Hkawhkam aya kaw dawm kau ai majaw mi gaw grai nga ngoi ai i Jahkyi wa she, kaya ai majaw e masha ni a mang e myi man n hpaw gwi ai, myi man n hpaw gwi ai majaw myi wa ni myi bri bri byin mat ai da. Dai jang, Dai kaw Jauni ngu byin mat ai da tsawm gaw tsawm tim Jauni, Jahkyi jauni ngu gaw myi bri bri re byin ma ai da. Dai hpe ning nga ma ai, a grai kaya ren, grai kaya masha a myi mang, masha a myi mang kaw myi mang n hpaw gwi yang, dai ni gaw kaya kaya sai wa i, myi mang pi gara kaw n chye makoi sai. A, kaya kaya sai wa nye a myi mang gaw, Jauni myi mang hpang she re nga, ga ni pru wa ai. Dai majaw Hkawhkam aya, Hkanhkyi hkawhkam aya tak kau ai, Jahkyi mung shi a hkawhkam aya tak kau ai e ning re gamung ga ntai na matu sadi saga nga nna mau mwi hkai ma ai. . Language as given: Jinghpaw
Format:Digitised: no Media: Audio
Identifier:KK1-0347
Identifier (URI):http://catalog.paradisec.org.au/repository/KK1/0347
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0347/KK1-0347-A.mp3
http://catalog.paradisec.org.au/repository/KK1/0347/KK1-0347-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0347
DateStamp:  2017-08-07
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Tu Ja (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0347
Up-to-date as of: Tue Feb 11 15:34:41 EST 2020