OLAC Record
oai:paradisec.org.au:KK1-0254

Metadata
Title:Yu shayi sha hte Yu shadang sha hkung ran ai lam (Marriage of the Rat)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), M. Hkawn Hpang (speaker), 2017. Yu shayi sha hte Yu shadang sha hkung ran ai lam (Marriage of the Rat). X-WAV/MPEG/XML. KK1-0254 at catalog.paradisec.org.au. https://dx.doi.org/10.4225/72/598892848d775
Contributor (compiler):Keita Kurabe
Contributor (depositor):Keita Kurabe
Contributor (speaker):M. Hkawn Hpang
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-01-28
Date Created (W3CDTF):2017-01-28
Description:Grai chyeju kaba ai hku re dai ni na ah hkying aten ladaw mi hta karai kasang a chyeju hte ning re na sumtsaw sumtsan japan mung kaw na sa wa ai anhte kahkri kasha hte anhte shaga let anhte wunpawng myu sha ni a htunghkying labau hku na ginlen sa wa ai maumwi ni hpe htawn shalai garan kachyan lu na ah hkaw ah hkang jaw ya ai majaw shawng nnan karai kasang a chyeju hpe mung shakawn ai law. Chyeju mung dum ai rai na ning re na anhte hpe sa san na sa tsun na ah hkaw ah hkang jaw ya ai kanau kasha hpe mung grai chyeju dum ai ngu na shawng hkungga lara let chyeju dum ga hpe tsun ai hku re. Ya ndai maumwi hpe langai hpe shawng hkaidan na hku na hkyen lajang da ai lam nga ai re. Shawng nnan anhte wunpawng myu sha ni a dai ni du hkra numla numwawn ai kaw lang taw nga ai yu nga mayawn a byin pru wa ai lachyum hpe kadun daw hku na tsun dan na hku re ngu na maumwi gabaw a mying gaw yu nga mayawn ngu ai re. Moi anhte wunpawng myu sha ni a labau ban prat hta ndai yu nga mayawn ngu ai lam re nnga shi ai ah hkying aten hta ndai yu a mungdan mi jut shara kaw yu shayi sha grai tsawm ai langai mi shangai wa ai da. Yu kasha dai gaw yu mahkawn jan gaw grai tsawm ai majaw ndai yu amyu ni gaw da grai ah rawng la ai da. Dan re na she shanhte a yu shayi sha dai hpe gaw da kaji ai kaw na ya numwa ai ah hkying aten hta mungkan ntsa hta n gun ja hpungrawng dik ai masha hpe she shanhte ni jaw sha na re ngu na masat masa galaw let yu kasha dai hpe woi pawn ba lakawn wa ma ai da. Dan re na lakawn wa ai ah hkying aten na wa ai hte maren shayi sha dai gaw grai re na tsawm na mying kajai gumhkawng wa sai da. Ra mayu ai ni mungdan shagu shara shagu na ni yu shayi sha hpe grai rai na sa hpyi lajin ai raitim shanhte ni gaw masat dawdan da sai hte maren mungkan ntsa hta na shanhte a hpungrawng n-gun ja dik htum ngu ai kaw she jaw sha na ngu na shanhte gaw ndau shabra dat ai da, raitim kaja nan dai ah tsam hte hpring ai wa langai mi mung pru wa ai lam nnga ai majaw kasha gaw asak aprat lai mat wa na myit htum mat wa ai da. Dai shaloi shi kawa hpe tsun ai da, wa e ah wa ni ndau shabra nna galaw dat ai lam gaw langai mung awng dang ai lam nnga ai majaw ngai kasha nan she rawt sa nna ndai magam hpe ngai she shachyen mat wa sa na re. Dai majaw wa a kasha hpe ah hkaw ah hkang jaw ya rit ngu na kawa hkawhkam wa kaw ah hkang hpyi ai shaloi kawa gaw e wa mung kaning n di ya lu sai re nga jang ma myit ra ai hku she rai sanu ga ngu na kasha hpe ah hkang jaw dat ai da. Dai shaloi ndai kasha wa gaw shawng nna shi gaw mungkan ntsa hta n-gun ja dik htum re na re ngu ai jan kaw shawng shi sa mat wa ai da. Shanhte gaw jan ja grai kang jang mung nga n pyaw re hpe chye ai majaw jan gaw n-gun ja dik htum rai na re ngu na jan shadang sha kaw shawng shi sa mat wa ai shaloi jan shadang sha gaw e kaning ngu na du sa wa ta e yu nga shayi sha, yu shayi sha e ngu san ai shaloi yu shayi sha gaw e tsawm la ai jan shadang sha e nang gaw mungkan ntsa hta n-gun ja dik htum re na re ngu na ngai kam ai majaw nye a tsawm la ai shingni hte nang kaw wa na matu ngai hkyen lajang na sa wa nngai law ngu na jan shadang sha hpe tsun dat ai da. Dai shaloi jan shadang sha wa gaw e yu nga shayi sha e nang tsun ai mung n kau chyen mi gaw jaw ai, nkau chyen mi gaw n jaw ai. Kau chyen mi jaw ai ngu gaw jan ja ai ngu ai nye ah tsam gaw mungkan ntsa hpe kahtet saup na nga nmai shangun hkra ah tsam ngai lu jaw ai retim mung ngai hta n-gun grau ja ai naw nga ai ngu shaloi yu nga shayi sha gaw kajawng ai hte kadai wa rai ta, ngai gaw nang hpe she n-gun ja dik htum ngu na shadu da ai wa nang hta n-gun grau ja ai wa kadai naw rai nga ta ngu na san ai shaloi, dai ya yu dat yu hto kaw summwi gumdin tawng sa wa ai nre i ngu da. Dai summwi gumdin tawng wa ngai grai ja sai ngu na grai kang kahtet sai ngu na nga taw ai ten shi sa magap kau dat ai hte nye a kang la ai jan shingkang ni langai mi mung nnga mat ai ngu na tsun ai da. Dai shaloi ndai yu nga shayi sha gaw har rai jang gaw nang hpe dang ai gaw naw nga nga i ngu da, re da. Dai majaw nang shi kaw she naw sa wa su shi hte she nang hte ram na re ngu na bai tsun dat ai da. Dai shaloi ndai yu shayi sha gaw kalang ta dai summwi tawng kaw bai sa mat wa ai da. Summwi shadang sha hpe bai mu jang san ai da, e summwi shadang sha e ngai na ai hte maren jan hta nang gaw grau na ah tsam nga ai hpe na lu ai dai majaw nye a asak aprat hpe nang kaw ap ya na matu nang kaw sa wa nngai lol ngu na bai tsun ai da. Dai shaloi ndai jan summwi shadang sha wa gaw e nang tsun ai mung jaw ai, ngai gaw jan hpe dang lu ai wa re. Retim mung nye a ah tsam kade mi jan hpe magap da na nga tim na na n-grin ai. Ngai hta n-gun grau ja ai langai naw nga ai ngu da. Dai shaloi e kadai wa ta ngu na san ai da. Shaloi she ndai summwi tawng wa gaw ya yu dat yu u, ngai jan hpe magap taw ai re timmung nbung gumdin tawng wa ah wut ah hput dat ai hte ngai wa hto grai tsan ai galaw ga pyi du mat wa ai ngu na bai tsun ai da, dai shaloi har re ngu, re jang gaw nbung she nang hta na pyi n-gun grau ja taw nga gaw i ngu da. Re ndai n bung gaw ngai hta n-gun grau ja ai shi kaw she sa wa su ngu da. Dan ngu tsun ai shaloi ndai yu shayi sha gaw e dai hku nga jang gaw n bung she bai sa sa na re nga na nbung kaw bai sa mat ai da. E nbung e nang gaw ndai jan hpe dang ai summwi hpe mung dang lu nga gaw mungkan ntsa hta n-gun ja dik htum nang rai na sai i ngu da. Dan ngu tsun shaloi she e nre lol nang tsun ai mung jaw ai retim mung ngai gaw da n-gun grai ja dum na sumwi ni hpe ah wut, hpun ni hpe she mawng krin gale galau re hkra galaw ai retim mung ngai kade mi ah wut dan tim nan nan re na dung nga ai langai mi naw nga ai ngu da. Nye n gun htum hkra mi shakri timmung kachyi pi naw n shamu ya ai langai naw nga ai, ga re yang kaning re n-gun ja ai wa re nga ta ngu na yu shayi sha gaw san ai shaloi she hto kaw yu dat yu u, hto hto ra bum ni wa re sa ngai i mana maka pawt sindawng ai myit masin hte sa ah wut dat ai raitim mung shi wa hpa zawn n nawn ai zawn re na dai kaw sha nan nan re na dung nga ai. Dai ni gaw ngai hta n-gun grau ja ai wa re ngu da. Dan ngu tsun ai, dai shaloi she nang dai bum kaw she sa yu su bum dai gaw nang na matu she rai na sai ngu na tsun ai da. dai shaloi ndai yu shayi sha gaw kalang ta bai sa mat wa sai da, kalang sa dai bum kaw bai sa san sai da, bum shadang sha hpe san e bum shadang sha e nang gaw grai n-gun ja la ai nga na nang hpe ngai grai kam kaba let sa wa ai, ngai gaw yu mungdan na shayi sha tsawm dik ai wa re. Nye a hkumhkrang tsam htap ai shingni hte ma mahkra hpe mungkan ntsa hta n-gun ja na ah tsam rawng dik htum ai hpe ngai jaw na ngu na ngai sa wa ai re wa ya ngai masha dai hku na hkan tam hkawm jang jan kaw mung du sai, jan mung nre da, nbung kaw mung du sai, nbung mung nre da, summwi mung nre nga, nang she n-gun ja dik htum nga majaw ngai nang kaw du wa ai ngu na tsun ai shaloi bum gaw ah ga a nang shadu ai shayi sha nang shadu ai mung kau chyen mi gaw jaw ai retim kau chyen mi gaw n jaw ai ngu da. Ah taw hpa rai na rai ngu na bai san ai da. Dai shaloi ngai da ntsa lam hku yu jang she grai tsawm ai da, retim mung da nang she shang dat yu u da, nye a hkumhkrang kata de da hku dumlawng dumpoi re hkra na htu ah waw sha nga ai amyu hpan mi naw nga ai dai ni gaw ngai n-gun grai ja sai ngu tim pyi shanhte gaw nye shan hpe pyi lu hpya sha ai ni rai ma ai shanhte she n-gun grau ja ai ngu na tsun ai da. Dai shaloi she ndai yu shayi sha gaw kadai wa re na ta ngu na bai sa yu wa ai shaloi shanhte yu amyu ni wa she n hkun kata kaw htu she htu, htu sha na mu taw ai da, dai shaloi shi ga a ngai gaw she shadu ai wa yu ni she n-gun grai ja ai she rai nga, i ngu na ngai gaw tak shut sai ngu na shi tsun ai da. Dai shaloi she wa e ngai gaw ndai kam shut kau sai, ya na ndai laga n-gun ja ai masha tam ai wa anhte yu amyu ni she n-gun ja nga hka i ngu na dan ngu tsun ai da. Dai shaloi kawa gaw ma e nre shi ai nang myit ai sawn ai gaw naw kachyi mi naw shut taw nga ai ngu da. Wa hpa rai na ma ngu dai shaloi ndai kawa gaw tsun ai da, ah wa ni gaw ndai shara kaw shim lum lam lu hkra re na ndai bum ni hpe krawk waw di na ndai kata kaw makoi nga ai gaw anhte hta grau n-gun ja ai ni naw nga ai ngu na tsun ai da. Dai shaloi kawa gaw dan ngu na mabyin masa lam ni hpe tsun dan dat ai hte kasha gaw mau mat sai da. Wa anhte gaw ndai kaw gaw anhte nga shara ngu na nga taw ai nre i, nre da anhte hpe zingri ai kasat gala ai ni anhte hpe nra ai ni hpe anhte gaw hkrit na ndai kaw makoi hprawng yen taw ai ni she re ngu da. Wa re jang gaw dai ni gaw kadai rai na rai ngu da, dai shaloi da ndai gaw da le wa yu u da, lagaw 2 hte tsap na man myi man anhte hte nsam nbung ai da, dan san re shinggyim masha ngu ni nga ai da. Dai ni gaw da n-gun grai ja ai da, hpa mung dang di lu ai ni rai mawt ai da. Shanhte gaw da anhte kam da sai ngu ndai bum ni hpe pyi shahte gale galau di na shanhte htu shale kau wa ni gaw da kade ning ngu na she pyi naw htu chyai taw hpe shanhte gaw jahkring sha htu shapyen kau ya ai da. Anhte wa ni ndai hpun ni pyi naw grai galu kaba wa na hpe shanhte jahkring sha jahkai ai jahkring sha na mawt shapyen kau lu ai, dai ni gaw nyan ah tsam marai hpaji ni hte grai hpring ai shinggyim masha ngu ni rai ma ai ngu shaloi ndai yu shayi sha gaw grai mau mat sai da. Ah ga shinggyim masha ngu wa kaning re wa ta, ngai naw she sa yu na re ndai ram ram ah tsam rawng ai gaw ngu na shi sa wa yu ai da. Dai shaloi kaja nan sha ndai magup sumhpa lam hta yawng hte hkrum tsup hkra re na shachyaw na galaw nga taw ai shinggyim masha hpe yu shayi sha gaw sa mu dat ai shaloi shi gaw grai mau mat ai da. Ah ga anhte gaw aw dan re mung n mu yu nchye galaw wa, ndai shinggyim masha ngu ni wa mauhpa kumla ni hte wa galaw shachyaw taw nga ai gaw ar ngai na matu myit mada da ai gaw ndai ni she rai na sai ngu na shi gaw grai myit dik myit pyaw let sha dai kaw na shi shawng mu hkrum ai shinggyim masha lasha kaw sa na sa shaga ai da. E shinggyim masha e ngai gaw yu hkawhkam a kasha yu shayi sha re. Ngai gaw anhte yu a mungdan kaw na sha gaw anhte yu ni kaw na sha gaw tsawm dik htum shayi sha re, nye a tsawm shingni hte ngai gaw ndai mungkan ntsa hta ningtawn dik magrau grang dik kaja dik ngu ai kaw she ngai wa na ngu na myit daw dan da na ngai dai ni du hkra tam hkawm taw ai wa hpang jahtum gaw nanhte shinggyim masha ngu ai kaw she ngai wa jahtum mu la ai hpe ngai dai ni chye na la mat sai. Dai majaw nang myit hkawn hkrang ai re jang gaw nye a asak aprat nye a tsawm htap ai shingni hpe nang wunpawng shadang sha nang shadang sha lata kaw ap da mayu ai mai ai kun ngu na tsun ai da. Dai shaloi ndai la kasha wa gaw mau mat sai da. Ah ga e nang tsun ai hte maren ngai hkap la ai. Hpa majaw i nga jang gaw nang chye ai made hta na ngai gaw grau jan na ah tsam grau nga ai grau lu galaw ai wa re. Hpa majaw i nga jang gaw ngai gaw nanhte ni hpe mung ngai lu kasat shamyit ai, nanhte nmu mada hku nanhte n chye ai hku na zai ladat mahkra hte ngai gaw lu galaw dan ai wa re. Dai majaw nang kam ai gaw nshut na re, nang she myit dik ai re jang gaw ngai hku na gaw i hkum pat na lam nnga ai, ningdang na lam nnga ai ngu na tsun ai shaloi, yu shayi sha gaw ar re jang gaw re sai, dai majaw grai chyeju kaba sai hkap la ya ai majaw ya nang hte ngai dai ni kaw na mayaw htinggaw de na matu gaw ndai anhte wa ni kaw wa na sa hpyi ai hku di na htunghkying hte maren sa galaw ya rit. Nanhte gaw gara hku galaw ai rai ngu na bai san anhte gaw num hpyi jang gaw num la numwawn ai ngu na numhpyi ai ngu ni nga ai ngu na dai hku na tsun hkat ai majaw shi gaw yu kasha hpe n dai htunghkying hte maren sa hpyi la di na woi la na she shan 2 gaw grai pyaw ai mayaw htinggaw de mat wa ai da. Dai shani kaw na anhte ndai wunpawng myu sha ni kaw ma labau shang hku na ndai yu nga mayawn ngu ai lachyum hpe dai hku nna lang mat wa ai manu shadan ai kumla langai mi hku na lang mat wa ai re ngu na ndai hte mi tsun dan mayu ai hku re grai chyeju kaba sai. . Language as given: Jinghpaw
Format:Digitised: no Media: Audio
Identifier:KK1-0254
Identifier (URI):http://catalog.paradisec.org.au/repository/KK1/0254
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0254/KK1-0254-A.wav
http://catalog.paradisec.org.au/repository/KK1/0254/KK1-0254-A.mp3
http://catalog.paradisec.org.au/repository/KK1/0254/KK1-0254-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0254
DateStamp:  2020-10-23
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); M. Hkawn Hpang (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0254
Up-to-date as of: Sat Nov 14 14:23:05 EST 2020