OLAC Record
oai:paradisec.org.au:KK1-0252

Metadata
Title:Jum a lam (The salt)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Hkawn (speaker), 2017. Jum a lam (The salt). X-WAV/MPEG. KK1-0252 at catalog.paradisec.org.au. https://dx.doi.org/10.4225/72/5988927bc2c45
Contributor (compiler):Keita Kurabe
Contributor (depositor):Keita Kurabe
Contributor (speaker):L. Hkawn
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-01-28
Date Created (W3CDTF):2017-01-28
Description:Transcription (Lu Hkawng) Moi shawng e da, ndai Ma kaw ma Ma lu ma Ma Roi ma shan nau ni marai masum nga ai da. Dai kaw she kanu yan kawa mung loi mi lauban ai nga pyaw ai dinghku re ai hku nga nga pyaw dinghku rai re she lani mi na aten hta gaw kanu yan kawa gaw kasha ni hpe chyam ai da. Kasha ndai ni kanu yan kawa hpe kade ram wa chye tsawra ma ai kun ngu na chyam re ai shaloi she, kanu yan kawa gaw kasha ni hpe she shi kasha ma kaw ma lu ma roi ni hpe shaga shadun da na she san ai da. ''Ma kaw nang an kanu yan kawa hpe kade ram tsawra ai rai'' ngu san ai shaloi she ma kaw wa gaw i ''Ngai gaw ah nu yan ah wa hpe i ja daram tsawra ai'' ngu dai hku ngu tsun yang kanu yan kawa gaw grai na kabu ai hku nga grai na kabu na she shinggyim masha ni yawng gaw ja hpe manu shadan ai le i manu shadan ai hpe chye tsun ai majaw kanu yan kawa gaw grai kabu na she ''E grai hkrak sai nang ma kaw nang tsun ai grai hkrak sai ah nu yan ah wa grai kabu sai'' ngu na she ma lu hpe bai san ai da. ''Ma lu nang an kanu yan kawa hpe kade ram tsawra ai rai'' ngu she ''Ngai gaw ah nu yan ah wa hpe ja gumhpraw daram tsawra ai.'' ''E nang tsun ai mung grai hkrak sai'' ngu na dai hku na grai pyaw na hkap la ai hku nga kanu yan kawa hkap la re she ma roi hpe gaw ''Gai ah roi nang ah nu yan ah wa hpe kade ram tsawra ai rai'' ngu she ma roi bai rai yang gaw ''Ngai gaw ah shawng tsun ai hku ma nre ah bawk tsun ai hku ma nre ngai gaw ah nu yan ah wa hpe i jum daram tsawra ai'' dai hku ngu tsun dat ai hku nga tsun dat re ai shaloi (kanu yan kawa gaw nchye myit ai majaw mung she n rai na) shan kanu yan kawa gaw grai yawn mat ai hku nga grai yawn tim kasha hpe myi man nsam n madun dan ai da. N madun dan na she yawn gaw myit kraw kata hta gaw yawn mat ai le i yawn mat jum daram wa mi ''Jum daram nga mi chye tsun ai ma roi ndai gaw'' ngu na she loi mi mung pawt mayu na shan kanu yan kawa gaw hpang de yin re na she Gumra langai ma dai kaw ja gumhpraw ni ma bang re na she jaw dat ai da. Shi hpe she tsun ma tsun dat ai da, ''Roi roi e ndai Gumra kaw i nang jawn na sa mat u sa mat ai shaloi i ndai Gumra wa gara de mi sa sa nang n mai hkan ai i nang n mai hkan ai shi na shi kam ai de sa u ga yaw rai tim mung ndai Gumra wa hkring ai shara kaw gaw nang na nga shara rai na re nang dai kaw matsan tim jam jau tim nang dai kaw nga ra na re'' ngu dai hku ngu tsun dat ya ai da. Tsun dat ya ai shaloi kasha ma roi mung ''E'' ngu na hkap la na she Gumra ntsa jawn nna she shi hpe jaw dat ai ja gumhpraw ni ma lang re na she sa mat wa sai da. Gumra dai mung bum langai lung langai yu, langai lung langai yu re na dai ma roi hte she sa mat sai da. Gumra dai mung sa mat ai shaloi kadai mung nnga ai shara ginsum ngu byap byap san ai dai kaw she Gumra dai wa she masum ya hkawm ai da. Shan lahkawng na lam le i hkawm ai shaloi masum ya ngu na shana maga rai yang she dai ginsum byap byap re kadai mung n nga shingran mi akatsi nga dan re shara kaw she Gumra dai wa nta de dai ginsum nta de she shang wa hkra re nna she dai kaw wa wa hkring mat ai da. Hkring mat re ma roi mung Gumra hpe kade hkan yu tim n mai hkan mat sai da. Dai kaw nan hkring hpum mat ai re nga shi mung dai kaw yu na she shi mung i oh ra de yu ndai de yu yang mung masha mung n nga na she shi mung grai ba re na shi mung, grai ba na shi mung dai kaw she yup galen la taw ai shaloi yup pyaw yup pyaw mat ai hku nga yup pyaw mat ai shaloi she ndai dai nta kaw gaw la dai gaw grai matsan ai i dai la wa gaw nai sha gawt sha nna asak bau ai. Dai la jahkrai shi hkrai sha nga ai hku nga dai wa shana maga du re na she nta wa re na she wa yu yang she Gumra mung hpum taw makau yu dat yang num kasha mung yup taw re na she jasu jasu ai. ''E nang nang kaw hpa rai na sa yup taw i ngai rau hkum sa nga ngai gaw grai matsan ai ngai nang hpe hpa ma n lu jaw sha ai'' ngu dai hku ngu tsun yang she ndai num kasha wa gaw i ''Dai hku n re ai ngai gaw nta kaw na dai hku dai hku na re na pru wa ai'' shi na hpang na lam le i mabyin ni hpe kanu yan kawa gaw dai hku re na dai hku re wa ai ya ngai gaw ndai kaw hpa mi nga tim ndai kaw nga ra ai dai hku ngu atsawm tsun dan yang she ndai la mung chye na na she i ''E le nang kam ai nga yang gaw mai nga ai'' ngu na she nga sai da. Nga re yang gaw dai shaloi she la wa gaw mi yet na ma tsun ai i ''Ngai hpa n lu ai grai matsan ai re hpa ma n lu jaw sha ai'' ngu ai majaw ndai num jan kaw lawm wa ai ja sutgan ni rau i shan lahkawng gaw sha lani mi gaw dai rau oh ra langai rau n-gu sha galai sha ndai kaji kajaw i dai hku re na shat mai ni mari sha re na she ndai ma roi kaw lawm wa ai ja gumhpraw ni mung ma mat ai da. Ma mat rai yang gaw lana mi gaw ndai la kasha wa gaw shi gaw baw grai kaya ai hku nga baw grai kaya na she dai num kasha hpe yu shangun ''Ngai na baw le grai kaya ai naw yu ya yu rit'' ngu na she dai hku hpyen nna yu ya ai shaloi she dai shaloi she Zaibru re zawn re na she i atu tu san na she majoi she kap taw ai da, kap taw na she ndai ma roi wa tsun dat ai da,''Ayi nang na baw kaw gaw ja ni grai kap taw nga ai ja hkyep ni grai kap taw nga ai le gara kaw na kaning re na kap wa ai rai'' ngu ''Ndai ja hkyep re ai i'' ngu tsun ai da, oh ra la kasha mung grai matsan re nga gara gaw ja gara gaw hpa re mung nchye le i re gaw ja hkyep re ai i ''Yi ngai nai htu ai shara kaw le nre Zaibru zawn re na taw ai rai sa'' ngu dai hku ngu tsun dan ai hku nga tsun dan re yang gaw ''Yi re i rai yang gaw hpawt ni ngai ma hkan nang na yaw'' ngu na she ndai ma roi gaw tsun na she shan lahkawng gaw sa mat sai hku nga shan lahkawng gaw hpang shani rai yang gaw sa mat wa na kaja wa dai la kasha nai gawt sha ai ngu dai sun kaw du nna wa yu ai shaloi she kaja wa ja hkyep ni wa she Zaibru jang zawn re na she bum jawng taw ai da, bum jawng taw she shan lahkawng gaw shan lahkawng gaw dai kaw masha ni nai nsa gawt na hku le i wang ni kum la na she dai ja hkyep ni hpe hte dut sha hte dut sha na she shan lahkawng gaw nta kaba grai nga re na grai nga re shangun ma ni rau re na she shan lahkawng gaw dai hku nga mat ai da. Nga mat ai shaloi she ndai num kasha wa gaw kanu yan kawa hpe mung myit dum re na she shi gaw nta ding shawn poi kaba galaw ai le galaw na she kanu yan kawa hpe ma shaga ai da. Kanu yan kawa ni hpe ma shaga re na poi kaba galaw re ai shaloi she shan lahkawng gaw shangun ma ni rau ma hkrak re mat sai nga gaw ndai ma ni hpe tsun da ai da i ''Ndai dai ni na poi hta i ngam ai laga yawng sha na shat shat mai hpe gaw jum majap mu mu ti na shadu ya u nye nu hte nye wa sha na shat shat mai hpe i jum kaji mi n bang ai sha shadu ya u yaw'' ngu tsun tawn da ai da. Tsun tawn da na kaja wa sha akyu hpyi poi atsawm galaw na kanu yan kawa mung sa ai hku nga atsawm akyu hpyi poi galaw la na she yat hkying gaw daw sha bang wa sai da. Daw sha bang wa ai shaloi she laga ni gaw grai mu ai grai mu ai nga na she sha la na wa jawng ai da. Kanu ya kawa hpe gaw laksan hkyen ya ai hku nga laksan hkyen ya she dai kaw dung nna wa sha re she kasha gaw kanu yan kawa hpe bai chyam ai ga le i chyam na she yu wa na she ''Ah nu yan ah wa dai ni na poi gaw shat mai gara hku ta'' ngu tsun ai shaloi she num kasha wa gaw ma roi wa gaw kanu yan kawa hpe dai hku ngu san dat ai shaloi kanu yan kawa gaw tsun ai ''Roi roi e dai ni gaw i shat shat mai ni wa yu yang gaw grai mu na zawn re ai wa rai tim mung jum wa langai pi n rawng ai ngu jum gaw grai n mu ai'' ngu dai hku ngu tsun ai shaloi she ''Moi ah nu yan ah wa hpe i ngai gaw ndai shat shat mai shadu ai hpe mahta nna i grai tsawra jum daram tsawra ai ngu ai hpe ah nu yan ah wa gaw n chye na ai majaw i ning re na ngai hpe grai tsan ai de nding re gawt kau ai'' ngu na kanu yan kawa hpe dai hku ngu tsun dan ai shaloi kanu yan kawa gaw grai yawn myit hta grai n pyaw na she dai kaw wa she shan lahkawng wa myit grai npyaw na dai kaw wa dai kaw jang kadang si mat na she dai hku i oh shi na kahpu kanau ni hpe ma bai shaga la na she dai nta kaw gaw shan nau ni i grai pyaw hkra re na bai nga mat ai da. . Language as given: Jinghpaw
Format:Digitised: no Media: Audio
Identifier:KK1-0252
Identifier (URI):http://catalog.paradisec.org.au/repository/KK1/0252
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0252/KK1-0252-A.wav
http://catalog.paradisec.org.au/repository/KK1/0252/KK1-0252-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0252
DateStamp:  2020-12-09
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Hkawn (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0252
Up-to-date as of: Thu Apr 8 17:20:05 EDT 2021