OLAC Record
oai:paradisec.org.au:KK1-0231

Metadata
Title:Lagawng ai kawa (The lazy father)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), W.La Tawng (speaker), 2017; Lagawng ai kawa (The lazy father), X-WAV/MPEG, 2020-02-11. DOI: 10.4225/72/598892212bbd6
Contributor (compiler):Keita Kurabe
Contributor (depositor):Keita Kurabe
Contributor (speaker):W.La Tawng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2017-01-27
Date Created (W3CDTF):2017-01-27
Description:Grai lagawn ai kawa langai nga ai da, grai lagawn dai mung grai lagawn ai kawa langai nga re she, gumhpraw mung n tam ai kasha gaw grai nga sai nta kaw dai majaw htingbu htingbu nta kaw na ni gaw gumhpraw tam sa, htaw jum gun sa, anhte jinghpaw ni gaw moi jum gun, kanoi hpaga ga sa, n sa ai hku nga la ndai gaw dai majaw kawa dai hpe ma yan nu ni hte madu jan ni gaw nang mung gumhpraw tam sa su gumhpraw hpaga ga rawt su kawa ye ngu da, le she rawt su nga ai da, rawt su deng gaw rawt na re ngu dai shani gaw rawt na sa, moi gaw hpaga ga law tim n gu mari sha na n gu seng n nga ai dai majaw nta na yawng htu dat ya ra ai yit-hka htu n gu gun rai sai hku nga, n gu tang mi gun na sa mat re she, la dai grai lagawn ai majaw gara de n kam sa, anhte jinghpaw mare nam hk\rai re ai le i, mare kaw na lai jang nam hkrai, oh ra mare lai re kaw na kawa pawt kaba law re ai kaw makoi nga ai hku nga shi gaw dai kaw makoi nga re ti shani gaw shi gaw dai kaw kawa langai krang la ti ndum langai ndai ram re ai ndum. Dai sha nhtu hte hkut sa tsawm grai pri hkra hkut hkut rai shani ta dai n gu sha shadu sha yup shana de nta de wa masem na she nsin sin yang she nta masha ni shana gara hku jahta ai nga sha madat na hku nga shi gaw wa wa wa nta kaw u kasha ni kraw sai, u kasha kade kraw sai nta na ni u sat sha ai nta na ni gaw htingbu ni gara hku sa tsun ai nta na ni u sat sha ai shi matu u magyi langai htaw garap kaw jahkraw da ya ai yawng shi madat nga ai hku nga, shata mi ram na n gu ma ma shi ma gara de n kam hkawm na wa re loi wa sai da, dingla wa e nang gumhpraw hpa baw la wa ai ngu na hku nga, kadai hpe hkum tsun lu kadai hpe n mai tsun ai ngu ngai gumhpraw grai lu ai re gumhpraw tim ngai grai ahkrat ai rai langai mari kau sai ngu na tim nang kadai hpe hkum tsun re lu yaw ngu ai hku nga, deng yang she, shi gaw hpa baw ma mari kau ai ma dingla wa ndum ndai mari kau ai ngu masu na hku nga shi gaw ndum ndai gaw yawng chyoi ai mungkan ga e nga ai yawng chyoi ai ndai yawng tak ndum re ai ndai tak ndum re. Ndai tak ndum re yawng chyoi ai ngu hku nga, dai hku masu sai hku rai nga shi gaw htaw madu jan gaw htaw san sai htingbu nta kaw na ni, e ning na dingla gumhpraw tam wa ai hpabaw la wa a ta ngu da, yi kadai hpe hkum tsun nga ai lu nga lo nga da, e she tsun dan u le anhte mung kadai hpe ntsun hkawm ya ai gaw hkum tsun nga kadai hpe hkum tsun nga e hpa wa rai ta i nga gumhpraw gaw grai lu ai wa ning e ndai hku da lo gumhpraw grai lu ai wa tak ndum ngu ai wa mari kau ai da lo nga, de kaning re ai tak ndum ma, kiii grai ahkyat ai dai ye tak yang yawng chyoi ai rai ai da lo tak ndum mari kau ai da lo, dai hkum tsun yaw ngai tim langai bai tsun num ni gaw bai langai bai tsun grai law mare ting chye na hku nga la dai wa tak ndum la wa ai ngu mare ting chye re she htaw ra hkawhkam du wa nta kaw na ja di bu mat mat ai da, ja di bu mat mat re she, hkawhkam wa gaw mare du wa gaw, ndai tak ndum lu ai wa nga ai da mare kaw ndai wa hpe tak shangun na rai na she ndai lagut ndai ni hpe rim na gyit na re ngu na hku nga. Dai mare ting tak ndum lu ai ngu yawng na mat ai, hkrat nga yang gaw tak ndum gaw nre rai tim mare na mare nga ai ni yawng tak ndum ajet shadu na hku nga lagut yan lahkawng sa ai hku nga lagut yan hkawng sa ti, yi jinghku e tak ndum lu ai wa e langu pawt kaw lup da ai ja di bu sha madun u lo, an na mying hkum tsun shalawm lo an na mying tsun shalawm yan mare du wa hkawhkam wa an hpe sat kau na ra ai lo nga na hku nga, mai ai mai ai ngu shi mung tak ndum n re ai majaw shan lahkawng lagu da ai ja di bu langa pawt kaw lup da ai ma shi n chye ai oh ra lahkawng tsun sai majaw shi chye sai dai majaw ntsun ai ntsun ai nang na mying ntsun ngu shi gaw grai myit su ai zawn sha masu ai dai lang bya wa gaw, hkawhkam wa shaga sai bai ndai ja di bu mat mat ai ndai nta kaw na nang tak yu, shi tak ndum hpa pi n re ai garu masu na hku nga atsawm nchye shi nga ai lo bai ngu da, hkrawt bai di, ke ya atsawm nchyoi nga law hkrawt di masu na she, aw oh langu pawt kaw htu yu mu lagut yan lahkawng hkrit ti shi hpe tsun kau sai le. Langu pawt kaw htu yu u ngu ja di bu rai na hku nga, ke dai kaw na mying kaba sai da, shi gumhpraw mung grai lu sai hku nga lang bya wa dai kaw na gaw mying kaba mat grai gum hkawng mat ai dai kaw na shi re she hpang yi she htaw ra mare tsang ai langai de bai hka n lu mat ai marang nhtu na hka n lu mat ai, dai majaw she hka ndai kaning di lu na tak ra sai lo da, tak ra sai rai she, oh ra tak ndum lu ai hpe shaga su ngu na hku nga, hkawhkam wa sa shaga oh ra wa gaw dai shaloi gaw nchye tak ai re nga masu na she machyi masu su e ngai machyi ai lo ngai dai de hkawm dai ni nga hkawm n jing sai lo gara hku nbyin sai lo ngu masu sai da, lang bya wa gaw nhkawm ngai n hkawm jing ai lo ngu da, hkawhkam wa na ame maji tim woi wa nanhte hpai ngu sa shaga ai ni mung koi rap galaw leng galaw ti hpai sai hku nga hpai shi gaw masha mang yi kaya hkrum na daw gaw ngai na ngai hkrai sha si mat na ngu myit ai hku nga shi gaw dai majaw oh ra ni gaw mare kaw du sai na yup sa ga e dai kaw n yup ai dai kaw n yup ai nga ai da. Gara kaw tim dai kaw n yup ai nga hpang jahtum shana nan de mung ngam nan de mung ngam re ai kaw she, dai ngam ntsa kaw du yang she nan kaw yup ga law ngu na hku nga, dai tak ndum lu ai lang bya wa gaw oh ra ni gaw hkawhkam wa ye shangun ai re nga gaw shi ngu ai kaw yup ra sa, shi myit ai gaw ya ngai hkawhkam wang kaw she tak n chyoi ti si mat na kaya mat na daw gaw ndai de mahtang shana ngai taleng si mat na ngu myit ai hku nga dai majaw she ndai kaw yup sai hku nga nhkap dai kaw she, shana shi kaya na she dai nhkap de hkawn si mat ai hku nga shi gaw hkawn taleng mat yang she, hpun du langai kaw wa si gaw n si na she hpun du langai kaw dau mat ai da shi nsin yi rai na she hpun du nga n nga mung nchye majoi taleng hpun du langai kaw dau shi npu kaw she shu yi yan shu la sum tsaw nga ai hku nga shan nga ai da, shu yi wa gaw san sai da, e oh ra shinggyim masha gaw kaning re ai rai ta, dingla wa ngu na hku nga hkum tsun lo ya dai hkum tsun ya hpawt de re tsun dan na lo ngu ai hku nga. E kaning re ya oh ra mare de hka nlu mat ai dai majaw hka dai gara hku lu yang tak na gara hku lu mai ai hpe ndai tak ndum lu ai hpe shaga ai re da ngu, shu yi gaw kaning re hka dai nang lu wa na ngu san ai hku nga, shu la wa nhtoi htoi yan she tsun na lo ngu da, bai san tik tik da shuyi gaw nhtoi htoi yang she tsun na lo hkum tsun u lo hkum san u lo ngu da, bai tik tik da shuyi gaw nhtoi htoi yan she tsun na lo shuyi gaw tsun sai hku nga, deng dingla wa nang ngai hpe n tsawra ai i nang dai sha pi nkam tsun dang ai i shuyi gaw tsun sai madu wa hpe dai majaw madu wa gaw hpang jahtum shuyi di nau ngu ai majaw she oi dai gaw an na hpyi langai ngai gawng nna ga chyim dum dat yang she hka lu na re ngu tsun ai hku nga, aw dai hku rai sai i nga tak ndum wa she kalang ta mi gaw machyi ai ngai gumhtawng tsat re ti shula gaw hprawng swi shuyi hpe gra di lu ai hku nga, rai sai shuyi hpe sat na shuyi hpyi sha gaw la ti wa sai shi gaw oh ra ni hpe bai shi nhtang bai masu ai. Nanhte ngai hpe hpai wa na ngai pi n kam sai ai ngu sa na ya ngai pi taleng machyi la lak na ngai hkawn wa ai pi nanhte n mu ai i nanhte hkawhkam wa hpe tsun dan na, hkum tsun lu hkum tsun manu mana tawng ban ai hku nga, hkawhkam wang kaw du ai hte ya kaning re lu na, shi garu masu na she e ndai shu hpyi hte ga chying dum ra ai re ngu ti she shu hpyi hpe htaw ga kaw tawn ti ga dum dum dai dum ai hte marang raw marang htu kaja wa hka lu mat ai, dai majaw jinghpaw ni gaw oh ra mam ting nsi nai-si hkai maw yang marang nhtu hkraw yang dai ni du hkra shu hpyi ga chying dum ai hku nga, dai kaw re ai gaw dai hku dum sai dai kaw mying kaba mat sai shi grai lu sai, rai tim shi hpe hpang langai mi naw nga ai hkawhkam langai mi hkawhkam langai mi gaw chyam mayu ai shi hpe ndai wa re ai i n re ai i ngu chyam mayu ai majaw hkawhkam wa gaw hpa ma n mat ai hpa ma n ra ai mang hkang hpa n nga ai hkawhkam wa shaga sai. Bai nang hpe tak shangu na sa wa yu hpa n mat ai hpa mang hkang n nga ai re ai majaw shi hpe tsun dan na ma kadai n nga sai gara hku byin wa na lam ma n nga sai, hkawhkam wa dang nga she, ta kaw ning di la ai hku nga ta kaw ning re bai ndai hpa baw re ngu, koi dai kaw na gaw tak kade garu tim n lu na she shi gaw kaya na she kahtang kaw grai sa ja na she hpat hpat ti shi kahtang kaw gahpyep la na hku nga shi kawa tawng hte dai she nau machyi ti myi she ga brim ai, myi ga brim ai she oh ra nhti htang, nhti htang i nhti htang zawn prim prim re mat dai she shi gaw nau machyi wa nan nau gabrim mat ai she shi tsun shut mat ai ngup gaw nhti htang ngu nau machyi ti she nhti htang ngu dat ai hkawhkam wa jaw sai ngu ai hku rai nga, ta kaw bang da ai nhti htang re ai majaw shi na myi nau machyi ti ndang ti nhti htang ngu dat ai wa jaw mat ai da, dai majaw shi lang bya wa grai lu mat ai da. . Language as given: Jinghpaw
Format:Digitised: no Media: Audio
Identifier:KK1-0231
Identifier (URI):http://catalog.paradisec.org.au/repository/KK1/0231
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0231/KK1-0231-A.wav
http://catalog.paradisec.org.au/repository/KK1/0231/KK1-0231-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0231
DateStamp:  2017-08-21
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); W.La Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0231
Up-to-date as of: Tue Feb 11 15:34:20 EST 2020