OLAC Record
oai:paradisec.org.au:KK1-0184

Metadata
Title:Nang Yut a lam (The youngest daughter named Nang Yut)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), W. Awng (speaker), 2016; Nang Yut a lam (The youngest daughter named Nang Yut), X-WAV/MPEG, 2020-03-20. DOI: 10.4225/72/59889159e5e27
Contributor (compiler):Keita Kurabe
Contributor (depositor):Keita Kurabe
Contributor (speaker):W. Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2016-12-23
Date Created (W3CDTF):2016-12-23
Description:Ya gabaw langai mi gaw nangyut hte ninghpre jan ngu ai. Ninghpre jan ngu ai gaw grai matse ai grai nhkru ai ngu ga re. Nang yut ngu gaw numsha maga na hpang jahtum shangai ai numsha le i e dai hpe tsun ai. Moi shawng de ndai mare langai mi kaw sahte langai mi nga ai. Sahte langai mi nga yang gaw shi gaw e sahte mung rai na le i, dai mung dai kaw na du mung rai na le dai zawn zawn re la langai mi nga ai. Rai jang gaw shi gaw nang yut ngu ai numsha hpe shi gaw hkungran la ai. hkungran la na grai pyaw nna nga. Grai pyaw nna nga reng gaw moi prat hta gaw num mung 2, 3 mung mai la ai gaw nre i. Rai jang she ndai kaga kaw na mare du langai mi gaw dai sahte wa hpe mungdu wa hpe kasha bai jaw sha ai le. Jaw sha yang gaw nla ya mung nmai le i, reng gaw numsha dai gaw kadan gaw du du rai, kadan du du re ngu gaw bawng bawng re le i, myi man mung machyawk marawk rai grai ntsawm ai le. Ntsawm tim mung la ya ra sai gaw i, masha ni jaw sai re majaw gaw dai hku nga yang gaw numsha dai gaw myit grai n kaja ai. Oh ra nangyut gaw myit grai malang ai. Raitim shi gaw nangyut gaw nambat 1 num le i, shi gaw 2 num le. Reng gaw hpa lam hta rai yang mung e nangyut gaw nta madu le i. E dai hku nna nga raitim shi gaw grai dai nangyut a shara hpe la mayu ai numsha dai gaw re jang gaw ndai numsha gaw nangyut hpe gara hku sat kau na i nga sha shi gaw myit ai. Myit nna she lani mi gaw nangyut gaw hkashin rai nna she pasi masit. Pasi masit re nga reng gaw anhte bumga na nta gaw kawa hte nep ai chyunghkyen re hku ma loi hku ai raijang she shi gaw pasi masit nna nhku kaw dung nga yang she dai ninghpre jan gaw shi na kana ang sai le. Nangyut gaw dai ninghpre jan a kana ang sai gaw na e pasi ngai masit ya na shi gaw ja pasi hte masit ai, pasi ngai dai masit ya na nang yut gaw nra ai, ngai na ngai sha masit la na, hpa nra ai ngu, retim ngai she masit ya na law nga re jang gaw hpang jahtum gaw reng gaw masit ya u ngu masit shangun yang gaw shi gaw dai pasi hpe tat masu ai le, tat jahkrat masu nan she oh npu de jahkrat kau ai le. Jahkrat kau di nna she e na e na na ja pasi hkrat mat sai, dai sa hta na rai sai dai wa ngai mung npu gaw loi nem ai gaw i npu gaw loi nem ai gaw i, npu nga yang gaw ngai mung gum n ngut ai mashi machyi ai majaw e nang sa hta u ngu da nang yut hpe. E ngai kaga pasi mung lu ai, ngai n hta na ngu timmung shi gaw hta u sha ah nga taw nga shagoi chyu shagoi nangyut mung madat nna npu de shang nna dai pasi sa hta ai shaloi shi gaw mi kaw na hka hpumlum grai kahtet ai shadu da sai, dai hte jaw bun nna she dai nangyut gaw si mat sai. Si mat sa lup kau, lup kau re jang gaw shi gaw uhkru du tai ai. U hkru du tai nna shi gaw dai shi na madu wa nta re gaw i kasha ma lu ai shi gaw nangyut gaw kasha 1 lu ai num sha re jang gaw u hkru du tai nna shanhte na nta makau na hpun ni hkan dung nna shaga ga rai. Rai jang gaw dai mi yet na ninghpre jan gaw ndai nangyut da ai da ngam hpe shi da taw nga ai. Dai shaloi gaw e nanhte japan kaw uhkru du shaga ai shaloi kaning ngu ai rai, paw paw anhte gaw dut du du da, hehhe rai yang gaw u hkru du gara hku tsun ai i nga jang gaw dut du du du, dai ngai na da sha wa i nang da ai ngu tsun ai, maka ka yang mung dut du du dai ngai sharin ya ai maka sha nang ka ai ngu i dai hku nna nga jang gaw shi mung na sai le. Ndai gaw aw nangyut rai sai ndai re majaw gaw shi gaw machyi masu su sai. Shat mung nsha machyi galeng taw nga gaw madu wa gaw hpabaw byin ai ma ngu yang gaw shi gaw mi kaw na nyan sai le i, nyan nna she shat jaw tim nsha, hka jaw tim nlu re yang gaw hpabaw sha mayu ai i ngu jang ngai uhkru du shan sha mayu ai ngu da. U hkru shan sha mayu ai re yang gaw dai madu wa mung dai kaw na ndan gap chye ai i kadai ni mukkyu ni hpe shaga nna dai uhkru hpe lu hkra gap kau. Gap nna shi na kasha gaw chye sai shi na kanu re hpe chye na reng gaw shadu jaw mi ngu she shadu jaw. Shadu jaw yang gaw shan ni gaw yawng shi sha kau na she nangyut hpe gaw ntsin le i dai kaw na si mai ntsin sha jaw nang yut gaw shi na kanu na shan re majaw shi chye ai. Dai majaw shi gaw chyinghkyen hku de ru kau ru kau e dai hku di nna nga rai yang she dai uhkru du gaw bai ndai gaw loi mi makam masham moi na prat na makam masha le i. Uhkru kaw nna shi gaw taubyen le taubyen ngu chye ai i, tortoise le dai tai nna she hka nawng kaw nga ai da. Mare hka nawng kaw dai nga taw nga jang gaw yup mang hku nna kasha hpe dai taubyen gaw nu gaw taubyen tai nna hka laing kaw rawng taw nga nngai, dai majaw nang sa gawan nu ngu jang kasha gaw nta kaw na lagu sa nna shana maga rai jang lagu sa nna she ndai shat ni kabai jaw ai le, taubyen hpe le, taubyen sha ai baw kabai jaw kabai jaw rai na shana shagu grai myit pyaw hte wa wa re da. Mi gaw grai yawn di hkrap chyu hkrap di nga ai wa grai pyaw nna nga jang gaw dai ninghpre jan gaw chye sa um ma ndai gaw lak lai ai. Hpa majaw kun ngu na she shi na ma ni hpe lagu yu shangun ai le, lagu yu shangun yang gaw taubyen hpe she nu e nu e ngu na she shat kabai jaw, mu sai gaw mu jang she bai dai hpe kaning di sat na ngu bai gyam wa sai shi gaw. Gyam wa jang she gai machyi bai masu su sai. Shat ma nsha sai, hka ma nlu sai dai hku, re jang gaw madu wa gaw moi ya sha nye a madu jan nangyut si mat ai wa ya ndai ninghpre jan bai si yang mung ngai madu jan nlu na re i, re majaw gaw gara hku re timmung ndai hpe gaw shamai ra sai ngu nna she taubyen hpe hkoi shangun ai. Rai jang gaw gai daubyen sha yang she mai na ngu da law shi mung taubyen gaw gara kaw nga ngu yang gaw hto nawng kaw nga ai gaw mi chye sai nmu i, rai jang she gai nawng de taubyen sa hkoi masu ngu sai, rai jang gaw taubyen gaw gara maga nga ai ngu gaw shanhte gaw kasha shat jaw ai hpe matsing da nna i ndai maga de dai ni gaw dingda maga de na jut kaw nga ai nga jang gaw dai de sa hkoi mu ngu jang she kasha gaw jau jau sa nna kanu hpe nu e nang hpe dai kaw hkoi na ra ai, hto ra de hprang su ngu. Hpang shani mung dai hte maren galoi ma hkoi nlu ai, kasha wa mahtang i ah she jaw kau ai le sadi jaw kau kau re jang taubyen gaw galoi mung shanhte nlu hkoi ai. Re jang gaw hpang gaw taubyen kanu mung ba wa sai oh de htawt le de htawt rai jang gaw gara hku tsun ai i nga jang e sha e ngai nnu gaw taubyen prat i taubyen tai ai hpe gaw ngai gaw ya jin wa sai re majaw gaw hpa nra ai hkoi la manu ga dai ni gaw nu shanhte hkoi ai maga de nga na i, kanang de ma nhprang sai ngu jang gaw shanhte gaw kaja wa sa hkoi jang gaw lu sai le. Lu jang gaw shadu sha sai le shanhte ni shadu sha nna she mi yet na zawn zawn nangyut hpe gaw shan gaw n jaw sha di, ntsin jaw ai le i, shi gaw yang ru kau ru kau e dai hku di nna shi gaw grai myit npyaw nna hkrap nna nga. Oh ra wa gaw grai kabu sai le i, nta ting lu madu sai le e dai hku nga re she dai kahtawng hte nau ntsan ai kaw gaw gaida jan hte kasha nga ai. Kasha nga ai, gaida jan hte kadwi re kun nga ai le i, la kasha langai hte num kadwi hte kashu rai sam ai, shing nrai yang kanu hte kasha rai na, dai yen nga shaloi she shan gaw nta kaw gaw nsin sai le nta kaw nsin ai sha yi sa sa re, yi sa sa re shaloi gaw shan dwi wa shaloi gaw oh nta kaw wan ni wut da, shat ni shadu da, dun ni ye da, hka ni ja da, rai na ah san re tam yu yang gaw jinghku du ai kun ngu jinghku du ai kun ngu nna tam yu yang gaw hpa makin jinghku mung nnga. Shani shagu dai hku byin. Yi sa nta wa yu yang gaw wan ni wut da i, dun ni ye da, shat ni shadu da sha ah rai taw nga. Re jang gaw lani mi gaw la kasha dai gaw yi sa masu sai gaw yi sa masu nna she bai nhtang wa nan jut kaw makoi taw nga re jang she oh ra shan a chyinghka jut kaw ndai hku shanat da ai wa hkum le, wahkum chye ai i, pumkin le water pumkin, i re ang ai law, dai kahkum si le nang de kahkum si gaw anhte gaw wahkum si ngu ai, wahkum si ngu ai dai wa she pak nga kapaw wa na she numsha langai mi pru wa ai dai kaw na. Pru wa nna she grai tsawm ai jan she pru wa nna she shat shadu da da re rai nga. Rai jang she la kasha dai gaw num kasha hpe gaw hpa ndi sa, hkre hkre rai nna gat gat sa nna she hkahkum si hpe nhtu hte yawng ga daw kabai kau, ah zat kau jang she numsha dai gaw dai de shang nlu sai le. Nlu jang gaw shi gaw dai shinggyim masha tai mat re jang gaw ah ga nang gaw an nu ah dwi a nta kaw sa nna dai hku shadu da, jasan jaseng da re gaw nang gaw kadai ngu yang gaw e ngai gaw dai nanhte kahtawng hte nau ntsan ai dai kaw nna du wa na sahte wa na madu jan re, nye na mying gaw nangyut re ngu tsun ai da. Ngu yang she shan gaw e dai wa hpe sa shaga nna ndai na madu jang re i ngu, re moi ya dai hku na si mat wa ai wa ya ndai kaw hkrung nna nga majaw gaw grai mau ai ngu rai yang gaw hpa nra ai, ngu na shi gaw woi shaga la sai. Nta de woi wa mat jang gaw hto ra ninghpre jang gaw kajawng sai le i, re jang gaw dai sahte wa gaw gai nan 2 hta na langai ngai gaw ngai 2 moi nan 2 gaw ga-law rai re yang gaw nan 2 hta na langai ngai gaw nmai nga ai. Re majaw gaw nan2 gasat hkat mu i, hkrung ai wa hpe ngai hkrung ai wa hpe ngai madu jan shatai na ngu hku nga. Re jang gaw dai ninghpre jang gaw sat mayu sai le e gasat hkat na kahtam hkat na dai hku chyu tsun nangyut gaw nre an 2 an na rau sha i nye kanau hte ngai rau sha nang kaw nta kaw rau nga na ngu tim nhkraw oh ra wa gaw gasat hkat na chyu nga re jang she nta madu wa mung kaning nchye di sa, madu wa mung re jang gaw ndai nangyut hpe gaw hpri nhtu dup ya. Oh grai dai hkra rai na she ohra jang hpe gaw machyu le i machyu ngu chye ai nrai oi vit kun nga le i dai machyu nhtu dup ya ai hku nga bak grai li ai, re jang she nangyut gaw kahtam hkat ma nkam ai le i, re timmung dai hku na nhtu garan ya kaw nna gaw oh ra jan gaw hkrit mat, kajawng mat sai le. Kajawng mat nna she ndai shock byin nna i kadai pyi nsat ra sai le shi dai hku nna si mat wa ai da. Rai nna ndai nangyut hte ndai sahte wa gaw grai ngwi pyaw ai hte shan shi na kasha numsha ma le i nga pra ma ai nga maumwi e dai gaw maumwi langai mi rai sai, e dai nang yut maumwi gaw grai law ai raitim ndai kaw jahtum da saka. . Language as given: Jinghpaw
Format:Digitised: no Media: Audio
Identifier:KK1-0184
Identifier (URI):http://catalog.paradisec.org.au/repository/KK1/0184
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0184/KK1-0184-A.wav
http://catalog.paradisec.org.au/repository/KK1/0184/KK1-0184-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0184
DateStamp:  2017-08-14
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); W. Awng (speaker). 2016. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0184
Up-to-date as of: Fri Mar 20 15:20:57 EDT 2020