OLAC Record
oai:paradisec.org.au:KK1-0157

Metadata
Title:Hkrai Gam hte Hkrai Naw (Hkrai Gam and Hkrai Naw)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), W. Awng (speaker), 2016; Hkrai Gam hte Hkrai Naw (Hkrai Gam and Hkrai Naw), MPEG/X-WAV, 2020-02-11. DOI: 10.4225/72/5988912e63aba
Contributor (compiler):Keita Kurabe
Contributor (depositor):Keita Kurabe
Contributor (speaker):W. Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2016-12-22
Date Created (W3CDTF):2016-12-22
Description:Ya gaw anhte Jinghpaw Wunpawng sha ni, yawng mung na ra sai. Mying gaw na ai hkrai gam hkrai naw nga. Raitim mung, maumwi hpe hkrak atsawm sha, ee chye masha gaw nau n law ai. E ndai hte seng na gaw, ngai laika buk, laika buk galaw ai kaw shalawm mai. Laika buk ndai gaw mali lang dip ai rai sai. E rai jang gaw ya ndai hte seng na eee nang hpe hkai dan na re. Rai yang gaw, ndai hkai naw yen hkai gam e maumwi hpe ya nang hpe bai hka dan na re. Moi shawng de, ndai htawng yang mare ngu ai kaw, htawng yang yaw. Htawng yang mare ngu ai kaw, hkai da jan langai nga. Ndai shi gaw, ndai mareng dai gaw mali hka kau kaw rai sam mai. Mali hka makau de shi yi hkyen nai. E yi hkyen rai yang gaw, shi gaw, hting bu yi manang n lu ai. Shi hkrai hkrai san rai na hkyen. Rai jang gaw ndai mare, baren gaw, mali hka la-ing kaw nga sam mai gaw. Re jang gaw ndai kahkum kumgin e pu ai shaloi gaw, ndai baren gaw sa nna kahkum kumkin pu ni chu chu re ai da. chu ai ngu gaw chup ai le i. Dai dai sa manam ai rai yang rai na le. E dai hku na nga taw rai jang gaw, hkai da jan mung shi hkai yi sa rai jang gaw, shan wa hkau wa hku rai nga. E hkau wa re na she, ee baren ngu gaw shinggyim masha mung mai tai ngau sai le i. Nang shu law law re majaw gaw. Dai gaida jan hte hkau mat wa na she shi gaw, gaida jan gaw mahkum rai mat wa hku rai nga. Mahkum rai mat wa na she, ma shangai dat dai. Shangai yang gaw la kasha lahkawng shangai ai. Lasha lahkawng dai gaw, e abawng alang rai nna, kaba na she, e mare na manaw manang ni hte ganawn mazum mai shaloi gaw, na kawa gaw kadai mi ngu gaw kawa bai n chye sa e. Reng gaw, kawa kata kasha, nan lahkawng gaw hkrai naw hkrai gam, hkrai gam hkrai naw ngu dai hku na e shamying ya majaw, shan gaw hpang gaw gaya ma gaya wa le i. Kaba magang gaya magang ren kanu hpe san nai eee nu e, masha ni gaw, an hpe kawa kata kasha nga ma ai. An kawa hpe madun mi ngu da. Rai shaloi gaw, kanu gaw hpa baw tsun nai iiii nga jang she, kahkum kumkin pu ai aten na woo moi na nu a yi de sa yu mu ngu da. E sa yu mu ngau yang she, shan gaw kaja wa sha sa yu. Gade sa yu tim mung e shinggyim masha n mu. Lapu langai mi she, lapu kaba baren wa chyu she dai kahku kumkin pu ten hta sa sa re mu. Re jang she, kanu hpe bai wa tsun nai, nu yeee, an gaw wa hpe ma n mu a. Raitim mung e, ndai baren langai mi gaw sa nna kahkum kumkin chu chu re sha mu aiii. ngu jang she, a Dai ee dai baren gaw nan a kawa rai sai ngu da. Rai jang gaw shan kahkawng gaw gaw aw, an a kawa gaw hka la-ing de she nga ai nga rai jang gaw git na re ngu da. Git na re ngu na she shan gaw dai hka makau gaw aaa hka makau kaw she hpri saru ngu ai hpri ndai le hpri sumri le. Hpri sumri chye n rai i. Ndai Sairu ngu gaw ndai jik hte re le. Ndai hku n re sha, ndai hku le. Ndai hku. E dai hpri sairu galaw na ndai baren hpe git na re ngu she shan gaw ningdup dup ai da. Ningdup du ai ngu chye i. a sumdu hte wan kaw hpri ni hpe ju nna nhtu ni dup bai le. Ee amyu myu galaw le. Ningdup le. Ham le hammer. Dai hte ningdup dup na she, nga yang she, lapu gaw baw gara wa sai da. Loi ga kaw na nga, lapu. Reng gaw dai hka kata nga ai lam hpe chahkan hpe she, e ngai baw ga ra ai. Nang wo de da tsun su. Dai ma lahkawng hpe nang ngai na baw gara ai. Dai kaw ningdup hkum dup ngu tsun re jang he. Wo ra yen gaw hpawt dai le i. Chahkan nang ngu na she, ndai matep na i, ndai lakap hte, lakap chye i?Lakap hte matep na wan de ju dat dai. Dai shaloi shi hkyeng mat wa ai gaw dai ni du hkra re da. Rai na she, hpang nge she bai, kalang mi bai chahkan naw ngai hpe gaw dai hku matep na wan de ju jahkat ma ai ngu. Rai jang gaw, kasu hpe bai nang bai sa su, nang baw gara ai. Ngai na baw gara ai. Ningdup hkum dup na da ngu tsun su ngu jang she, rai jang nge, kasu bai sa. Kasu sa yang gaw, kasu hpe mung dai hte maren matep na wan de ju dat. Re majaw ya kasu mung shadu jang gaw hkyeng wa wa re gai dai shani kaw na re nga le i maumwi le. Reng gaw, hpang jahtum gaw gadai hpe dat tim mung nge, aa n lu jang gaw shi nan sa hku ren mu i. Lapu dai wa he. Lapu dai wa shi hkrai sa na she, shan gaw git sai gaw. Shan ne dup ai sumri hte. Git na he, aaaa dai lapu ma tsun nai da. ma ywen ne, nan, nan na nwa gaw ngai gaw re i. Reng gaw, ya kaw nna gaw, nan na mying hpe e dunau gam hte dunau naw. Hkrai naw hkrai gam n rai sai. Dunau gam hte dunau naw ngu na ngai shamying ya ai. eee ngai hpe git mayu yang gaw, hka kungji ngu ai hka kaw na, hka kungji hpun ngu nga ai le i. Hka makau kaw sha tu ai. Dai kaw git da mu ngu da. Git da rai na he, shi mung e dai kaw na gaw, shi na shanhte na hpa baw mi nga kun n chye le i. Dai kaw gyit dun yang gaw n lawt dai hku rai nga. A dai kaw git dun da shan mung. Reng gaw shan na mying gaw dunu naw hte dunau gam hte dunau naw rai wa sai. Re yang gaw, eee ma yen ne, ngai hpe dat dat mi. Ngai nan hpe kumhpa masum jaw na. ngu da. Re jang he, hpa baw jaw iiii nga jang she, ndan le i, ndan kaba le ndai le. Dai kang seng nda ngau ai bum hkrang ndan mung kinlak kung li ma ngu bum hkrang kung li ma ngu ai. Kang seng ndan ma ngu ai, dai langai jawt dat dai. Ndai ningtawng nhtu ngu ai, hpa baw hpe Kahtam kahtam tim hprut hprut re ai dai hpe ma jaw dat dai. Rai ti na, Ja shingngoi i Shingngoi ngu chye ai i?Shingngoi kaji le, kachi sha re ja hte galaw le, e dai langai ma jaw dat. Rai na she, jaw dat ai hte gaw shi hpe gaw dat dat sai. Lapu hpe gaw. E lapu hpe gaw dai dat dat na she, shan mung e dai hpe la, rai na shan gaw dai kahtawng kaw nga gaw n pyaw sai le i. Mying ma lu sai le. Dunau gam dunau naw nga na he. Shan gaw langa hpun hte won langai mi htu ai. Ndai won won ngu chye i?Raft, hkali n re le. Won le, paung paung i. Hka dai won hpe e, langa tawng hte galaw ai shang lahkawng. Langa tawng hpe shajoi la nna galaw na she, dai kaw na hka nam de yu hkrat wa ai hku rai nga. Hkanam kaw yu hkrat wa yang gaw lapu gaw shan na shiii a kasha re wa i, sa nna shakram mai she nre i. Rai na he, lung na he, dai shan na langa won kaw ra, re da. Re jang she dai, mi yet dai kaw na kahpu wa gaw loi mi kajawng na she, dai lapu hpe shi na nhtu hte, kahtam kau hku rai nga. Grat rai jang gaw, dai won ma lahkawng brang rai mat sai. Rai na she, langai mi gaw le de yu mat wa sai. Langai mi gaw nang de yu mat wa sai. Ndai won brang rai mat sai le i. Rai jang gaw, kahpu kaw gaw shingnoi hte nhtu lawm mat wa. Ndai kanu kaw gaw, ndai kang seng ndan bum hkrang kungli ngu ai lawm mat wa. Reng gaw kaga ga rai mat sai. Kanau gaw nang mali hka sinpraw maga de e ndai dinghta wayang ngu ai shara kaw. Rai na she, kahpu wa gaw leeee hkanam de yu mat wa yang gaw, ya dai mali zup makau du hkra yu mat wa sai. Yawng yu wa sai. Re yang gaw, dai dinghta wa yang kaw gaw, ma makasha ni hpe rim sha sha re galang kaba langai mi nga. Htawwww mana maka tsaw ai a she le i, hpun kaw tsip tsip bai shi gaw. Raitim mung e, dai sumwung nau htat dai majaw le, n mu mada ai. Galang tsip hpe n mu lu ai. Dai kaw tsip tsip ai gaw chye ai. Jang gaw shi gaw ma ma kasha ni hpe hkan hta sha re jang gaw. Ndai dai kaw na mare masha ni gaw dunau naw hpe she ee myit su wa e ya nang gaw ndan ndai bum hkrang kungli ngu ai lu gaw, ndai galang hpe gap sat kau ya mi ngu hku rai nga. Shi mung gap jahkrat na gaw mau sai. Raitim mung e, ndai nai dum ru ngu ai, hpun ru kaba le i, gade ndai lahkam jahku nga nga gaw tsawm ra gaw kaba na rai nga le. Dai ram ndai hta gaw kaba na rai nga le. Pawt taw dai ram nga gaw, dai hpun hpun ru dai wa, lung manai na she htaw de tsip mana maka htat jang gaw, gara kaw galang tsip re n chye mat dai. N mu mat dai. Rai yang gaw, lam langai mi nga ai gaw, ndai nai dum ru hpe, lamun ru hpe nai dum ru hpe, dan kau na. Dan kau jang, hkraw jang gaw dawng na i. E dai hku ngu na he, dai kaw she dai kahtawng de gaw nhtu bai nnga da e. Dai hpe dai hpe di hkra gahtam lu ai nhtu nnga. Hpa majaw gai she nja dawng. Kaba ma gria kaba gaw i nang. Hpun ru le, noi hpun ru sha re le i shi gaw. E hkri hpa amyu sha gaw re le. Raitim mung e, gria kaba majaw dai hpe, kran dan lu ai a she, nhtu n nga. Rai jang gaw, shi gaw dai dunau naw gaw myit dum sa. Aww nye kahpu gaw nthu kaba lu wa ngu na shi shi gaw Kahpu yawng yu wa maga de hka hte bai yawng yu wa hku rai nga. Yawng yu wa rai jang gaw, mali hka kaw du re jang she, wo ra mali hka wo ra hkran de woi mum langai mi gaw jahkan jahkan hta na nga da. Ja shingngoi sha hpye rai na nga tawng nga reng gaw, um ja shingngoi ngu gaw ngye kahpu ndai kaw nga na nhten ngu na she, e Woi num hpe wo ra kaw na wo rahkran kaw na marawn nai. Hka gaw grai sung ngai i, tang ngai i ngu. Woi num mung, sung sung tang tang sha ngu da. Gade lang san ting sung sung tang tang sha a nga da. Aaa sung ngai mung nrai, sung ngai ngu gaw sung ngai le i. Tang ngai ngu gaw gawt dai le. Dai majaw shi mung, rai pawt mayu wa na she, ndan hte gap sat kau sai, wo ra hkran kaw na. Ndai de, ndai de e, ummm ndai de e, bai rap sai. Ndai hkran de rap reng gaw, dan na shi kahpu nga ai shara hpe hkan tammm reng gaw, dai shingngoi hpe gaw shi hta hpye la sai. Re jang gaw, kahpu gaw chye sai. ndai umm woi kanu hpe gap sat kau sai ngu chye gaw chye sai. Raitim, kanau hpe tsun nai le i ee nau e nang, ngai na madu jan hpe n mu i ngu da. Re shaloi gaw, na na madu jan hpe gaw n mu ai. Raitim, woi num langai mi mu ai. Ndai ja shingngoi hpye ai ndai na hpu na rai na re ngu wa, ngai hka sung ngai i tang ngai i ngu yang sung sung tang tang sung sung tang tang chyu nga majaw ngai pawt mayu na gap sat hku sai ngu da. Re shaloi gaw ee dai gaw dai woi woi num dai gaw a hpu na madu jan reeee ngu. Raitim kanau re le i. Hpa Wo ra gaw woi mung re le. Re jang he, e dai kaw na gaw shan lahkawng gaw ee hpu e ngai hpe nai dum ru kaba nga ai mareng de, masha galang langai mi nga ai. Dai masha galang dai hpe e, gap sat kau na matu gaw, wooo grai tsaw ai bum kaw tsip tsip bai.Dai nai dum sumwung a majaw n mu mada ai. Dai majaw nang na ntawng nhtu hte nai dum ru hpe e kran kau ya rittt ngu he kahpu hte rau lung wa sai shan lahkawng. Rau lung wa na ndai nai ning rai na dumbat dai nai rum nai dum ru hpe i gahtam di sai le. Gahtam di jang gaw hkraw sai le. Hkraw jang she, ndai mu ma da sai le galang hpe gaw. Galang hpe mu mada jang gaw dai shi na ndai a she kungli hte kungli ndan bumhkrang ndan hte gap sat kau aiiii da. E re jang gaw ndai ndai dai kahtawng gaw dinghta wa yang ngu rai. Rai jang she gap dat sai. Gap dat timung gaw, mapi naw hta sha ai galang, grai kaba le i. Grai kabajang gaw, kalang ta n si ai le. Kalang ta n si nna, pyen mat wa. Rai na htaw kaga bu ga langai mi kaw hkrat si taw. Dai gaw, dinghta wa yang, aw nhkrat wa yang ngu ai. Nhkrat wa yang buga e dai kaw hkrat na galang dai gaw dai kaw si mat wa aiii da. Re shaloi she ndai kaw maumwi langai mi matut gaw nga yang gaw, dai kaw si mat wa ai shaloi she ndai galang hkrat si ai shara kaw mati kabaaa langai mi tu wa. Ndai mati kaba. Ndai mati ngu gaw ndai mati. Jinghpaw ni gaw kamu hte mati ngu ai ginghka ai. Myen ni gaw, English ni gaw fungies nga kun ngu hte mushroom nga ginghka ai hpa i, anthe ma ndai gaw mushroom rai ga rai nga. Mati rai ga rai nga. Mati ndai gaw grai kaba ai da. Rai jang she, ndai kaw, lai wa lai sa ni she ndai mati kaba hpe mu sai gaw. Mati kaba hpe muuu rai na she, ndai mati kaba hpe she, ndai shawng lai ni ai gaw ndai hpe ndai magap i, ntsa na le, e ti lap ngu le, mati tilap ngu ai. Ti lap hpe sha baw na shadu sha. Aw dai hpe la na shadu sha reng gaw grai mu da. Grai mu reng gaw, shanhte gaw gari kaba majaw ndai hte ram sai le. Ndai pawt hpe ngam da. Hpang de na lai ni he ndai mati ndai pawt hpe bai shadu sha. Re jang she, grai mu da. Rai jang gaw, ndai shawng lai ni mu ndai gara hku tsun nai i nga jang she, gaaa anthe na mati ti lap pi naw dai ram ram mu ai wa, anhte ngam kau da ai. Ndai ti pawt i, hpun ngu ga le, mati hpun ti pawt, pawt maga gaw rai mu na re ngu na shanhte mung dai hkuuu na i myit la. Wo ra shanhte hpang e ndai shadu sha ni mung, gaaaa ndai pawt pi dai ram ram mu gaw, ndai magap gaw grai mu na saiiii ngu na she, dai wa myit la. Re dai myit dai ai majaw wa she, ndai shada da le i, ti ai ngu le. Shada da, hpa baw ngu na i, ndai hpyi le i, hpyi dai kaw na ti ai le, shada da. Masha ngu ai gaw, nau masha langai hpe nau myit jang gaw, htawra wa kaw i hkra ai le. Wo ra wa kaw hkra ai. E dai zawn zawn rai na dai shani kaw na gaw ndai hpyi, hpyi nat byin wa ai re nga na grai tsun ma ai maumwi. Dai gaw hkrai naw hte hkrai gam a ee maumwi hte matut dai rai sai. E e dai langai. Rai na she, nsu nat byin wa ai lammmm ngu langai yaw. Dai langai bai hkai dan na. Reng jahkring naw. . Language as given: Jinghpaw
Format:Digitised: no Media: Audio
Identifier:KK1-0157
Identifier (URI):http://catalog.paradisec.org.au/repository/KK1/0157
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0157/KK1-0157-A.mp3
http://catalog.paradisec.org.au/repository/KK1/0157/KK1-0157-A.wav
http://catalog.paradisec.org.au/repository/KK1/0157/KK1-0157-B.mp3
http://catalog.paradisec.org.au/repository/KK1/0157/KK1-0157-B.wav
http://catalog.paradisec.org.au/repository/KK1/0157/KK1-0157-B2.mp3
http://catalog.paradisec.org.au/repository/KK1/0157/KK1-0157-B2.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0157
DateStamp:  2017-08-07
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); W. Awng (speaker). 2016. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0157
Up-to-date as of: Tue Feb 11 15:34:10 EST 2020