OLAC Record
oai:paradisec.org.au:KK1-0142

Metadata
Title:Lalaw ma (The orphan and the bullies)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), W. Awng (speaker), 2016. Lalaw ma (The orphan and the bullies). X-WAV/MPEG/XML. KK1-0142 at catalog.paradisec.org.au. https://dx.doi.org/10.4225/72/598891031b6fa
Contributor (compiler):Keita Kurabe
Contributor (depositor):Keita Kurabe
Contributor (speaker):W. Awng
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2016-12-21
Date Created (W3CDTF):2016-12-21
Description:Ya jinghpaw ni a maumwi hta gaw jahkrai ma hte lalaw ma ngu gaw law law nga ai. Jahkrai ma hpe gara hku nna dang sha ai lalaw ma ni. Retim hpang jahtum gaw jahkrai ma she bai dang dang re maumwi grai nga ai. Dai kaw na langai mi hpe tsun ga nga yang gaw jahkrai ma hte lalaw ma ni, langai gaw tara agyi u hkru tu ngu ai, ndai tara agyi u hkru tu ngu gaw anhte jinghpaw ni sha hkai gaw nre sam ai. Kaga ni mung hkai ai kun gaw n chye ai le i. Re yang gaw dai hte seng na gaw ndai hku da. Jahkrai ma, lalaw ma ni gaw jahkrai ma hpe e hkau jahkrai ma e hto ra kukgu hpun ngu gaw bannyawn hpun kaba re, si ndai ram ram kaba ai ngu, sha yang mung mu ai, lagat hpun amyu re nga, lagat hpun ngu dai de u sa hkam ga ngu. Re jang gaw mai ai le ngu jang u sa hkam ai shaloi gaw jahkrai ma gaw kaji ma kaji ai hpun ma n lung jin ai. Nlung jin re yang gaw shi gaw ga kaw hkam ai. Oh ra ni gaw hpun ningtsa de hkam ai. Lung nna hkam re jang gaw lalaw ma ni gaw jahkrai ma hpe n saw ai sha jahpawt jau jau mahkam sa yu ai. Deng gaw lalaw, jahkrai ma ni a hkam, ga kaw hkam ai kaw jahkyi langai lu ai da. Oh shanhte na ni gaw hkawngrang ngu ai i, hkawngrang langai lu ai. Hkawngrang gaw ndai u kaba le, hkawngrang ngu gaw, jinghpaw ni a manau nau ai shaloi baw kaw shachyawp ai hkawngrang u le. Awngrawng len ngu (aukchin) hta grau kaba ai, myen ni gaw ndai english hku ma nga ai ngai malap ai, dai langai mi lu yang shanhte gaw galai kau da ai le. Galai kau da, jahkyi hpe hpun ningtsa de shalun kau da. Hkawngrang ngu hpe gaw le jahkrai ma a mahkam kaw gyit dun da re na she wa na jahkrai ma hpe e u hkam sa yu ga law ngu da. Re jang gaw jahkrai ma ga kaw wa she hkawngrang u wa ga de nga ai hpan nre gaw hto ntsa de nga ai baw, dai wa lu taw. Jahkyi wa gaw hpun ningtsa de lu taw jang gaw jahkrai ma gaw chye sai. Jahkrai ma gaw chye sai, um ndai ni ngai hpe maw sha ai re retim ndang ai le i. Gamu yang mung ndang, hpa raitim shi ndang, gai anhte gaw tara agyi saw ga, tam ga ngu jang gaw lalaw ma ni gaw law ai hte maren jinghku jingyu law ai le. Dai kaw mare kaw nga ai tara agyi salang hkrik hkrik nga ni yawng saw di jahkrai ma kadai hpe n lu saw sai. Nlu saw ai hpang jahtum gaw u hku, moi gaw ga gaw she n chye hkat ma dawng, u hku langai sha nga taw nga she, u hku gaw e hkau u hku e ngai gaw ya dai hku dai hku re, mahkam hpe gaw hkawngrang wa she noi taw ai law, lalaw ma ni na gaw hpun ntsa de wa jahkyi noi taw ai dai ngai hpe dara ya u law. Shanhte n kaja ai ngai gaw chye ai retim kaning nchye sa. Hpa nra ai aten ladaw i, date galaw da u, shanhte gaw gara shara ngu ai de ngai sa wa na ngu, kaja wa she dai shaloi gaw rung dung sai le i, zuphpawng dung sai le, tara daw dan sa na, tara rung kaw le. Re jang gaw lalaw ma ni saw ai tara agyi ni gaw yawng sa nna she jahkyi gaw lalaw ma ni lu ai ngu na she yawng dai hku na daw dan na hkyen hkyen sai. Uhku du wa gaw hpang hkrat yang gaw e ndai gaw nsa sai re, shi gaya nna ngu, yahkring gaw kuk kuk ngu hprawt. Taw uhku du nang gaw hpa na hpang hkrat taw nga ngu, shi gaw e zaibru sharaw hkawng ai, sharaw hkawng ai gaw wan hkat ai hpe tsun ai. Ndai ya anhte TV hkan grai mu ai, america hkan australia hkan grai hkru ai le. Dai zawn re na sharaw hkru taw ai hpe wa ngai wa sumbwi tsan ngu gaw sumbwi pali hte wa ai ka ran ngu gaw jinghpaw ka ran ngu nang hpa baw gun ai mu ai nre i. E dai ka ran kaw hka ja nna hka jaw taw nga nngai law ngu da. Re jang e u hku mana e nang gaw dai karan kaw gaw hka gaw nmai ja ai gaw. Bai nna zaibru ngu mung i wan n hkru ai gaw. Wan n hkawng ai gaw nang anhte hpa mana shadu ai i, mana shachyoi i ngu jang she, E re sa re sa, jahkyi ngu gaw hpun ningtsa de lung ai htung nnga ai. Hkawngrang ngu gaw ga kaw yu di rai tam sha ai ngu nnga ai. Salang nanhte atsawm sha myit yu mu, nanhte ma n tara ai hku hkum tsun mu, sumbwi tsan karan hte mung hka n mai ja ai teng ai. Zaibru mung n hkru ai teng ai. Ya nanhte ma dai jahkyi wa ningtsa de me noi taw nga ai gaw htung nnga ai nre i. Nanhte tara agyi ni teng ai hku she tsun mu ngu na shi gaw dai hku ngu yang gaya sai le i. Rai sa, dai uhku du tsun ai teng sai. Dai majaw jahkyi gaw jahkrai ma la u ga, hkawngrang gaw lalaw ma e jaw ga ngu daw dan ya ai da. U hku du hpaji tara agyi uhku du ngu dai re sai. Moi prat hta anhte bumga de gaw kahtawng hte kahtawng hte i ya moi ya tawng pyi re sai, hkrun hkraw ta re yang nam hkyen ai le. Kahtawng hte kahtawng, kahtawng jahkrik nanhte kahtawng ndai hkyen. Kahtawng dai kaw tut di na moi na anhte bumga de na lam ni gaw yawng grai grai tsawm ai. Yawng shawt akrin krin rai, yanam ta re yang gaw nmai hkawm mat ai le i. Hpa majaw nga yang gaw tsing alawan rai hkum puk hkumpa manyen ai, ginhtawng ta kaw gaw lam hkyen re jang gaw jahkrai ma hpe gaw lalaw ma ni gaw e jahkrai ma e anhte ni lam sa hkyen ga ngu le i. Mai ai nga shi gaw hkan nang, re yang gaw kei jahkrai ma hpe gaw matsan mayan mana maka ju tu sai i tu sa, yak sai i, yak sa, nam htat sai i, htat sa nga kaw nang ndai kaw hkyen u ngu. Shanhte gaw a krin re kaw i, law gaw law tim, akrin re kaw hkyen re hku re nga. Akrin re kaw hkyen re jang she hkyen hkyen re yang me, mana maka htoi ai lungseng langai mi mu ai da e. Mu jang gaw shi bawnu zen ai jahkrai ma dai mung, um ndai ngai hta di madun yang gaw gara hku retim mung e ngai hpe gaw shanhte gashun la na re. Ngu na she shagum-up hka kaw re jang mung shi gaw n htoi sai le. Re na she ndai kaw na lam re jang, shagum-up re na she dai senglawt hpe kan kaw di na she e ngai gaw kan grai machyi na n lu wa ai. Dwi hpe nye na kadwi hpe sa shana ya u. Hka namtau hta ma hka ma bang ngai hka hpang gara ai dai majaw namtau kaw ma hka ma bang na ngai hpe sa woi la da ngu tsun u ngu. Shanhte gaw tsawra myit ma nrawng ai le i, hkrak nga gaw e nang kan machyi ai, anhte ba la dik ga, n ngu di she shakram kau da sai. Re yang gaw kadwi gaw kashu dai hku machyi nga jang gaw kajawng sai le i, reitm shi htet ai maren hkintau kaw hka ma bang di na sa wa re yang gaw, dai kadwi kashu gaw kadwi hpe tsun sai le, ngai senglawt langai lu ai dwi e. Re yang chyaw gaw ya ngai shanhte gashun la na hkrit ai dai majaw adwi hpe dai hku tsun ai re. Ngu na she senglawt gaw ndai ram she n kaba i, dai hpe hkintau kaw bang matsut htep di na matsut kau ai le i. Matsut kau re na she dai hku na nta de wa mat re da, re jang gaw lani mi re jang bai lalaw ma ni gaw jahkrai ma hpe e anhte hkawhkam hkaw de hpaga ga rawt ga. Ngu yang gaw jahkrai ma gaw ngai ma hkan nang na ngu da. Nang zawn re jahkrai ma wa hpa mung n lu lu re gaw, kaning re na nang hpa baw wa sa dut na i. A ga hkan nang mayu ai i ngu jang retim hkan nang na law ngai hkan na ahkang sha jaw rit law ngu shi gaw, oh ra ni gaw e shanhte lu malu gaw oh ra de dut na re gaw i, dut na arai ni gaw wu wu di di re nna she, dai dut na matu rai ni gun sa, jahkrai ma gaw dai shi na pintau kaw lungseng le i dai bang na hkan nang re yang gaw hto ra hkawhkam wa dung ai myo mare le, tokyo le. E dai zawn re kaw du yang gaw dai lalaw ma ni gaw shanhte gun sa ai le i. U, wa ni nga ni she nrai na i, hpa mung hpa shanhte lu ai yawng gaw dut. Re na mari la na ni mari la wa, jahkrai ma gaw hpa dut na mung n nga jang she dai shi na ashe wa she hpaw dat ai hku nre i. Hpaw dat jang she shi manam ai nta wa she kei wan hkru ai zawn zawn re na nta ting htoi kabrim wa jang she hkawhkam wa na a she ni gaw hkawhkam wa na ma ni gaw nta hkru sai law nga na sa htim. Hka ja ai gaw ja le i hka jaw pung lang ai gaw lang re sa, shi kalang ta bai du na magap htep di dat jang gaw hpang e gaw san san re jang hka taw mi yet ning kaw wan grai hkru ai hpa baw ta? Hpa nre ai ngu, ndai nga na lungseng re ngu jang hpawhkam wa hpe madun ya mit ngu jang kaja wa hkawhkam wa hpe madun yang gaw hkawhkam wa gaw grai manu dan ai chye sai lu. Chye jang she jahkrai ma hpe she nang kade daram hte dut na i? ngu yang gaw shi gaw hpa ntsun ai sha kara chyu ma hkyit da. Mahkyit chyu mahkyit tsun u ngu tim ntsun hkraw, kara chyu mahkyit na dung re jang she hkawhkam wa gaw um jahkrai ma ndai gaw shi na kara daram gumhpraw ra sai ngu na she hti yu mu ngu, hti mung ndang sai le i. Hti mung ndang sai. Re na she shi mung e gai nang ra ai magwi ni, hpa ni oh yawng mari chyu mari la . Rai nna she ya dai mi na lalaw ma ni re jang gaw shi na rai gun (dabe) she bai tai mat sai lu. Oh shi gaw magwi jawn nna she shanhte ga de wa ai le i. Re jang she yawng sa tau ai le, lalaw ma ni na kanu kawa ni mung sa tau, mare masha ni mung sa tau re yang gaw Kadwi gaw ning di yu yang hto magwi jawn ai gaw nye na kashu zawn zawn san ai law ngu da. Dai na na kashu kan tit hkai chyit gaw hpa baw magwi mi jawn na. Dai anhte na lalaw ma ni anhte na ma ni re na re nga ngu jang dai ma she na na kasha re teng yang gaw na nta kaw ngai prat tup wa shat shadu nga na ngu dagam kau ai da. Prat tup nanhte nta kaw ngai wa shat shadu mayam yam di nga na ngu, kaja wa hprawt re shaloi gaw jahkrai ma bai re mat sai gaw. Dai magwi jawn na sa wa ai re jang gaw gumgai dai gaw shi na ga hte shi dau sai i. Dai na shi dai jahkrai ma ni gaw dai kaw sahte re sai le i. Dai kaw dai lalaw ma na kanu gaw dai kaw wa shat shadu ningchyang tai na nga mat ai nga maumwi dai re. Moi shawng de ndai mi na hte maren le, lalaw ma jahkrai ma maumwi gaw 20, 30 nga ai. Ya nang kaw ngai 3 ram sha galaw ai le i. Re yang gaw lani mi gaw shanhte ni jahkrai ma hte lalaw ma ni gaw wa du sa gap ai le. Wa ndu sa gap re yang gaw wa du lu ai, jahkrai ma gaw lalaw ma ni gaw shan gaw yawng shanhte la kau ai, la na nta de gun mat wa. Jahkrai ma hpe pu sha jaw ai, nang dai pu shup la u, pu shup ai ngu chye ai i. Pu hpe gashin shatsawm ai hpe pu shup ai ngu ai. E nang dai pu gaw nang shup la na, na ndwi hte shadu sha u, dai na pu re sai. Anhte gaw shan la wa na ngu, jahkrai ma gaw hkrap na she pu shup taw na hku nga. Kei wa hkyi gaw n gale nna she ja hkyi chyu chyu gale wa ai da e. Dai rai nna shi mung e sahte byin mat ai nga dai maumwi gaw kadun sa re le i. Retim n kaja ai oh ra ni i shanhte gaw wa hkum langai mi hte ngut sai le, shi gaw ja joi hku na lu mat ai le, dai mauwmi. . Language as given: Jinghpaw
Format:Digitised: no Media: Audio
Identifier:KK1-0142
Identifier (URI):http://catalog.paradisec.org.au/repository/KK1/0142
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0142/KK1-0142-B.wav
http://catalog.paradisec.org.au/repository/KK1/0142/KK1-0142-B.mp3
http://catalog.paradisec.org.au/repository/KK1/0142/KK1-0142-A.wav
http://catalog.paradisec.org.au/repository/KK1/0142/KK1-0142-A.mp3
http://catalog.paradisec.org.au/repository/KK1/0142/KK1-0142-B2.wav
http://catalog.paradisec.org.au/repository/KK1/0142/KK1-0142-B2.mp3
http://catalog.paradisec.org.au/repository/KK1/0142/KK1-0142-B.eaf
http://catalog.paradisec.org.au/repository/KK1/0142/KK1-0142-C.eaf
http://catalog.paradisec.org.au/repository/KK1/0142/KK1-0142-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0142
DateStamp:  2018-12-21
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); W. Awng (speaker). 2016. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0142
Up-to-date as of: Sat Nov 14 14:22:54 EST 2020