OLAC Record
oai:paradisec.org.au:KK1-0131

Metadata
Title:Lep a lam (The woman who was chased by the mythical wild-man)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), S. Tu (speaker), 2016. Lep a lam (The woman who was chased by the mythical wild-man). X-WAV/MPEG/XML. KK1-0131 at catalog.paradisec.org.au. https://dx.doi.org/10.4225/72/598890d3a0aa2
Contributor (compiler):Keita Kurabe
Contributor (depositor):Keita Kurabe
Contributor (speaker):S. Tu
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2016-12-20
Date Created (W3CDTF):2016-12-20
Description:Langai mi gaw ning da kawa ma hkan nau ni dai yi wa kaw mahkan nau ni marai 3 kaji dik ai wa chyu naw chyu reng she kanau lasha gaw hpa mung grai chye na sai. Chye gat gat hkawm myitsu sai hku nga kana ba gaw shat ni chye shadu sai da. Dai she kawa gaw hpaga hkawm mat wa rai shan nu ni hkrai yi kaw yi yup yup nyup jang nta de wa rai ma ai da. Dai she lana de mi na gaw aw kanu hkaja sa ngu wa kanu wa she nwa hkraw nwa hkraw she kana kaba gaw kanu e marawn ai e nu, e nu, ngu marawn jang she shaga marawn jang she le hkaraw kaw she dai hpaulum htu hpaulum htu dai wa she masha chyawoi ndai masha sha ai baw i ninglawng hpaulum htu ngu dai wa she htan ai da, oh oh ngu htan ai. E nu, e nu, ngu htan yang she oh oh, masha zawn nga nchye htan nga kanu rai yang aw oi ma ni ah nu wa sai loh nga na rai nga, shi shingmung nchye nga, oh oh chyu nga. Dan she dai shana gaw aw kana kaba gaw myitsu sai shat pyi chye shadu sha sai rai. Yu yu she kanu nrai nga law myi man hkan ne mun gaw galu lu law ah chyu mung kahpa kaw she ning rai hpai tawn da ai, rai jang she palawng mung nhpun ya ah nu palawng gaw ngu re nga dai la sha gaw hpa nchye rai, le hka madi mat nna raw lam kau da sai hpawt de sa la na re ngu masu ai da. Re yang gaw aw oh kana kaba gaw masha nre ai kanu nre ai chye taw sai hku nga. Dai na gaw lama mi she re sai ngu, e nu e nta de she wa ga yiwa kaw hpajawng mung nnga hpa mung nnga re nta de she wa ga nta de wa reng she wa ma sai da. Shat wa shadu sha rai yup ten rai jang gaw ma gaw chyu naw chyu re jang she chyu garut jang gaw ma gaw chyu chyu oh ra sanam num ai chyu chyu re nga chyu chyu re na she ma gaw nchye jang chyu reng she kana kaba gaw nyup ai da, nyup ai dai hku maja maja taw nga yang she yup tung yup gaw rai jang she oh kanau chyu naw chyu ai i ma nga naw re gaw dai e she shi gaw lagu ba hprawng na sha na hku rai nga, le ra de dai masha sha ai baw sha lawa sa mahta ngu ni nga ai. Dai kaw shi e wa galai sha na hku maw taw re yang she kana kaba gaw chye sai e shat shadu na kun hpa galaw na kun, an nu ni an nu gaw hpumlum shawng shadu re nna she shat shadu du re n gu kashin ai rai nga bumga de hpumlum hte shat n gu ah gre kau di na she myi man shawng myit kau di she shat shadu jaw jaw re. Numsha dai hpumlum shawng shadu na re hpumlum shawng shadu masu nna she shi gaw dai shalawa dinggai dai gaw dai shana gaw ma nga hpe sha kau na hku maw ai hku rai nga. Shi lama nsha tim le ra de shi a manang ni i nga taw ai re jang wa jaw na hku maw sam ai da. Shaloi she shana yup tung e she ah ma she ah gying ah gyek hkrap gyek hkrap ai ngu gaw shi oh ra ma e she du kaw manat tawn na kajuk ai hku rai nga. Kajuk sat ai hku rai nga, kajuk sat na hku maw ai da, ndai sha lawa hpaulum htu ngu dai baw gaw laknat gaw hpa n lang ai retim kajuk sat ai. Shanhte shaloi she kana kaba gaw dai na gaw nrai sai ngu yup ga yup ga ngu yup masu she kana kaba mung yup masu su ladi she hkrawk drosy galaw ai le i hkrawk hkrawk ngu da, le hpum lum di gaw hprawk hprawk nga prut taw rai kanau kaji hpe she shawng hta ba kanau kaji hpe shawng hta ba re na she hpum lum di htawn la nna she wat hpaulum htu dinggai mung i yup masu taw nga ai da ma dai sha mayu majaw mani yawng yup jang she shi e kajuk sat na hku rai nga kajuk sat na gya e numsha dai zen taw nga re jang she yup tung hpwar re jang she hkan nau ni nta kaw le mare jahpung kaw rai re nga ai shaga yang htingbu ni mung ah loi nna e dai kaw rai jang she wat kalang ta hpumlum di htawn la nna she dai shalawa hpaulum htu myiman kaw she rut wa ru bang dat re sai gaw, hpaulum htu ngu dai mung masha ga mung nchye rai kahtet nna she marawn hprawng mat wa she mangnye mangshang mangnye mangshang ngu na oh ah nyun hprawng mat wa ai da. Dai majaw ndai ma woi bau rai yang da ma hpe yi wa hkan ne i shi hkrai nmai dat tawn da ai. Rai nna masha manam shang yang mung manam e mung ah tsawm sha daw jau nna manang kaja rai yang gaw i ah tsawm sha daw jau manam kaja re kun nre kun dai wa shachyen ai shaloi i wa yu ra ai hku rai re nga ai jinghpaw ni tsun ai. Manam kaja rai yang gaw ah hkau ah pyaw sha i ohra ma hkan nau a manam gaw sha lawa hpaulum htu she rai taw nga rai jang shi e ah tsawm sha chye sai gaw yup tung e she ma gyek hkrap 2, 3 lang dai hku gyek hkrap shi gaw du manat nna she kajuk ai hku rai hto ma gaw marawn hkrap sai gaw hpa baw re hpa baw re yi kajawng nna hkrap ai rai nga ah nyun e masha ga chye gaw chye re nga ndai kaw rai yang, kanu nrai nga nat she rai, numsha dai zen ai majaw hkan nau ni 3 hte sha kau ai n katut ohra sha lawa num mung kahtet ai law ah hte law ngu ga re da, mangnye mashang mangnye mashang ngu na dai hku marawn ai da. Hpaulum htu dai, dai hku marawn nna she le zim zim nga mare shinggan le numshan she lai hkra marawn mat wa re jang she hkannau ni gaw nta kaw nyup sa, kaba ai wa dai kanau e mung dun kaji gaw shi ba re na hto mare baw de mare salang wa a nta de dai de she hkan nau ni lung mat wa re wa tsun dan ai da. Wa tsun dan jang e nang grai ram nga ai, grai ram ai ya na na nu gaw ngu i du wa e nu nre ai nu re ai, sha lawa an nau ni a nta kaw shang nna ngai hpumlum ru bun ai majaw hprawng mat wa sai, bai du ndu gaw nchye sai ngu jang salang wa she kalang ta ri ri nawng htu nawng magra nna she hkannau ni nta de gat hkrat wa ai shana tup sa sin ai da. Shana tup sa sin npru wa re yang she hpang jahpawt nhtoi htoi re yang she kanu e gaw kajuk jahtan tawn nna kanu gaw loi loi gaw dum sam ai da, retim nlu rawt rai nlu rawt kajuk jahtan tawn ai re nga ohra shi mung num dinggai nang masha num num dinggai rai nga hpawmi rai jang she hpang jahpawt she kahtawng kaw masha lahkawn la hkra di nna ma hkan nau a yi de oh hkaraw de yi ah she hka sa ja ai hkaraw de sa yu yang she ma hkannau a kanu wa she nau nlu mani mat nna dai hku si gaw nsi nsa gaw naw rawng htan taw nga ai. Hpang jahpawt du hkra nlu rawt htan taw nga mare kaw na ni kalang ta sa pawn garu bumga na ni gaw chye ai gaw i htan wa jang kaning di yang mai ai nga mahkra sa lajang, lajang hkrai lajang di nna she yawng prawn wa sai da, prawn wa re she hpang shani rai jang gaw madu nta madu wa hpaga ga sa ai gat sa ai dai bai du wa ai da. Du wa re jang she madu jan shing shing shing re ma ni hkap tsun dan jang a dai kaw na gaw madu wa gaw wat grai pawt sai da law. Grai pawt sai rai nna she shi gaw shi mung yi wa kaw she ah num zawn zawn di nna ma ni e gaw nta kaw tawn da, nta kaw gaw gwi hte hpa hte mare de gaw nlu shang nga ai, reng she dinggai zawn dinggai zawn masu nna she ah rai dai ma yen e hpumlum ru bun dat na hprawng gaw hprawng nsi, nsi ai da, oh ra mung le yi wa shingnawm lagyeng sumup kaw she sa mu sai da. Sa mu she hpyi dinggai e dinggai masu su na she e ning tsi ru mayut ga i, mai ai le, tsi din hkat ga i ngai kaw ah baw grai gaya ai ngu, ohra jan mung baw gaya ai dai hku ngu masu na she masha chyu ai nat hku re nga she masha ga mung chye ai i re na she dai hku tsi din hkat masu na she ndai gaw la wa she re nga gaw ohra wa a kara ning gang la nna she e manang jan e tsi ru grai htat ai re grai grai htat ai re ningdi gang mayut la she oh kawa ninghkri kaw she kyet kyet bawting yawng dai hku kara kara baw ting na kara hpe yawng gyit ngut ngut jang she ohra jan mung baw masawp ra jang sha lawa gaw yup mung yup mayu wa sai, yet sha la wa gaw kalang ta dai hku e ngai naw wa sai loh ah nawn dat jang she ohra sha lawa dinggai mung shaloi she shi mung rawt wa rawt kahkan yu she kara wa le kawa ninghkri hkan she yawng gyit sumbyau kau sai re nga nlu rawt sai gaw. Shaloi she dai kaw ah gying gamai hkrai gamai di na gamai sat kau ai da. Dai kaw na gaw aw ma hkannau shanhte yi yup galoi n yup sai da. Shani sa galaw shana wa nyup ai, masha ngu gaw da dai hpaulumhtu re ai masha kaja ngu re hpe chye lata ra ai hku rai nga. Dai majaw dai hkannau ni gaw nsi ai kanu e kajuk jahtan tawn da ai mung bai sha prawn la kawa mung bai du wa kawa bai du wa jang ah num tai masu na oh ra wa tsi din masu na wa hpang kaw yawng kara gyit sumbyau kau na nlu hprawng jang she gamai sat kau ai hku rai nga. . Language as given: Jinghpaw
Format:Digitised: no Media: Audio
Identifier:KK1-0131
Identifier (URI):http://catalog.paradisec.org.au/repository/KK1/0131
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0131/KK1-0131-A.wav
http://catalog.paradisec.org.au/repository/KK1/0131/KK1-0131-A.mp3
http://catalog.paradisec.org.au/repository/KK1/0131/KK1-0131-A.eaf
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0131
DateStamp:  2017-08-10
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); S. Tu (speaker). 2016. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0131
Up-to-date as of: Sat Nov 14 14:22:53 EST 2020