OLAC Record
oai:paradisec.org.au:KK1-0064

Metadata
Title:Nu kaji myit n kaja ai lam (The bad mother)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Chang Myaw (speaker), 2016; Nu kaji myit n kaja ai lam (The bad mother), MPEG/X-WAV, 2020-02-11. DOI: 10.4225/72/59888fc230c97
Contributor (compiler):Keita Kurabe
Contributor (depositor):Keita Kurabe
Contributor (speaker):L. Chang Myaw
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2016-12-13
Date Created (W3CDTF):2016-12-13
Description:Shawng de Nu kaji myit n kaja ai ga baw, Kahtawng langai mi hta e la langai mi gaw num lahkawng la ai da, kalang ta num kaji num kaba lahkawng yan la nna tawn da. Shaloi gaw num kaba na kasha num kasha shangai ai bai hpang num na kasha mung num kasha shangai ai. Shaloi gaw ndai hpang num gaw grai n hkru ai, ndai kana ngu na hpe num kaba hpe grai zin ri zin ret ai, si shat shadu tim mung si mai shadu yang jum n bang ya bai shat ni mung bai n-gu n re ai sha kaga ndai wa hkum lap ni, oh ra nai kaga ni hte pau nna jaw sha sha re. Si mai ni mung maru maran re jum n bang na jaw sha ndai zawn num kaba hpe gaw roi chye roi sha bungli bungli gaw mam htu shangu ai htaw bungli de sa yang mung grau laja ai, ndai yi hkren tim mung sin ni hpa ni ndai ju ni grau nga ai, grau nga ai kaw gaw ndai num kaba hpe sa shangu Bai yak hkat ai bungli ma hkra gaw num kaba hpe sa shangu, shaloi num kaba gaw grai pu ai grai ba ai, ba nna wa ti mung shi gaw si mai shat mai mu mu sha, yup yang mung lum lum yup, ndai num kaba jan gaw matsan mayen re nna, si mai shat mai mung mu mu nlu sha bungli gaw grai galaw ai majaw Ndai num kaba gaw lani na aten hta gaw machyi nna si mat wa, si mat wa ai shaloi kasha num sha hpe tsun da ai da. Ma e nang mung num hpe zawn re nna, na n nu dim nang hpe zin ri zin ret na re shaloi Nu hpe lup ai shara kaw e, sa yu yu re yaw nu gaw ya hkum grai n pyaw sai, dai majaw si mat wa na sha rai sai dai majaw e nu gaw si mat na rai sai ngu nna tsun da ai da. Shaloi she, kaja lani mi hta gaw shi machyi ti na si mat wa. Shaloi gaw ndai num kaji gaw, agar kabu mung kabu sa re nna she ndai num kaba na kasha hpe gaw, E shangu sai da. Dai num kaba hpe shangu ai zawn re jahpawt mi mi mam htu shangu hka ja shangu si ni shat ni gaw hkru hkru n jaw sha da loi loi sha jaw sha n dai zawn re nga, grai lasi lamun re da ndai num sha gaw Shaloi she, ndai hkawhkam ni e num sha loi mi tsawm tsawm re nga ni gaw yawng e anhte hkawhkam ni kanam tam na re dai majaw e, num sha ni hpe yawng hpe dat ya marit ngu nna ndai bau dum nna Chyaw-nya ai da. Grai jahtau jan she, e kasha ndai num kaji gaw shi na kasha sha hpe gaw grai sha kya ya dan re da. Bu hpung palawng grai tsawm ai soi palawng ni mat maka labu ni bu, kara ni mung atsawm tsawm sha masit nna, atsawm sha e majaw ni jaw ya dat na dai hku dat dat ai da. Ndai num sha gaw sa na nu e ngai mung sa na ngu she, e nang gaw hpa sa tim nang gaw n lu ai gaw, ya hkawhkam ni nang hpe masat na ra ai hkum sa ngu da. Nang sa tim nang gaw a laga sha rai na re hkum hkan nu ngu tsun ai da. Rai tim shi gaw ngai sa na ngu da. Ngai sa na ngai lu ai bu hpung palawng hte bu hpung nna ngai sa na nu e ngu tsun ai da shi gaw, de she nang lu yang chyawm gaw nang n kaya yang gaw hkan na u le na myit sha re, Shaloi shi gaw, Oh kanu na lup de sa yu shaloi gaw, kanu na lup kaw gaw grai i.. grai tsawm ai bu hpung palawng ni ndai nam pu nam pan ni hte labu ni palawng ni dai zawn re nna nga tawn ai da noi taw da. Dai hpe sa bu hpung nna she nam pan, kanu na lup kaw pu ai nam pan dai mung kai lang nna shi hkan nan mat wa ai da. Hkan nan mat wa yang she, htaw kaw shanhte gaw wa tan zi nga ai da. Grai tan zi nga, rai tim shi gaw loi kaya kaya re shi gaw grai lasi mung grai lasi ai majaw e shi gaw tang zi mung ngwi na, oh shingjut langai mi kaw dai hku loi mi mau mau re nna kaya kaya re nna wa sap nga ai da. Shaloi she, dai hkawhkam na ali ama ni gaw yawng shara magup dai hku hkawm, ya rai sai i ya hkawhkam na e kasha hpe num n nan la ya na gaw kadai gara hku rai na kun ngu dai shanhte gaw hpa ren ren nna hkan tam shara magup yu hkawm, Re yang num kasha dai gaw htaw loi mi jut de sap nna mau nga ai da. Nang, oh ra de sa sap u le ngu she, chye ngai n sap gwi ai ngu tsun ai da. Ngai gaw n sap gwi ai nga, n re she sa sap u, nang mung htaw de sa lawm u, nan kaw sa sai gaw yawng lawm ra ngu nna sa lawm ai da. Sa lawm ai shaloi gaw hkawhkam wa hte dai shanhte mumat ni gaw langai hpang langai num kasha ni hpe yaw mat wa ai da. Yu mat wa yu mat wa ai shaloi gaw, kaga nkau mi gaw grai hkrit ai myi man man ai da. Nkau mi gaw kajaw ai myi mam mam ai da, nkau mi gaw ma ni sai re myi mam mam ai da. Shaloi ndai num kasha gaw, e mani sai mung n rai da, npyaw hkra mung n rai, sim mani re myi mam hpe hkawhkam wa gaw mu ai da, mumat ni gaw mu ai majaw E ndai gaw anhte mungdan na, anhte kanam tai gring ai ngu nna shanhte gaw dai hku myit ai da. Dai re gaw, oh ra num kaji na kasha ni gaw tsun ai da, E ndai gaw jahkai ma re matsat shabat re re, hpa ndai hkawhkam jan tai na zawn n re ngu nna shanhte gaw htuje dai hku sa tsun ra da. Rai tim mung hkawhkam wa ni gaw ndai gaw anhte kanam tai gring sai ngu nna, shi hpe gaw bu hpung palawng ndai baw hkan ni, tsi ni hpa ni kap ai hpe mung atsawm sha baw ni masit la nna she hpang shani gaw shanhte hpe e hkunran poi kaba galaw nna shi gaw dai kaw hkawhkam jan tai nna nga hkawhkam na kanam nga ai. Shaloi she, lani na grai na hpang gaw shi gaw E nta de wa hpe wa jahkrum na wa yan nu hpe wa jahkrum na nga nna lani mi wa ai da. Wa mat ai shaloi gaw shi gaw ja rai ni mung grai kap ai da, dai re she num kaji gaw tsun da ngai hpe baw kaw tsi yu ya u ma e ngu mai ai ngu Tsi yu ya tsi yu ya na she lahkawn ndai grai tsawm i ndai kachyi ni gaw grai tsawm ai ngu nna, raw la nna she le npu de shayu dat ai da. Npu de jahkrat kau jahkrat kau di nna she, ya tsi yu ngut jang gaw ma e nan na ndai ja rai ni gaw le npu de rai sai dai majaw nang dai kaw sa hta la u ngu na dai kaw sa hta shangu ai da. Sa hta shangun yang gaw, E shi gaw ndai hpum lum grai kahtek ai shadu da ai hpum lum hte jaw bung nna she num kasha n dai gaw hka jaw nna she e matsang mayen re nna, dai shi na ja rai ni mung n lu hta la sa Dai hpum lum jaw nna kahtek ai hte re nna shi gaw hkawhkam wang de lung mat wa ai da, aw hkawhkam wang de du mat wa ai n rai sa shi gaw dai hku grai jam jau let she si mat ai da. Ndai hpum lum jaw nna si mat wa ai shaloi gaw ndai num kaji jan gaw rai sa, ya ndai hkawhkam na kanam tai ai ndai num kaba na num kasha ndai gaw si mat sai dai majaw gaw ya nye kasha hpe gaw ma hka shi na sasaw nna shi hpe e hkawhkam na kanam sha tai dat na rai sai ngu nna Oh hkawhkam na kanam na shawng num a kasha na la hkawn ni kachyi ni mahkra, mahkra dagraw ya nna kasha hpe gaw bu hpung palawng mung mi na hte ta ndai hkawhkam na kanam si mat ai na bu hpung palawng bu hpung nna she sa sa sai da shanhte gaw sa sa ye she, Ndai, e hkawhkam na kanam rai sai ngu sa sa da. Sa sa ai shaloi gaw shanhte hkap yu ai da hkap yu ai shaloi gaw, Ah ndai gaw hkawhkam kanam n re, anhte lata la ai num n re, ndai num gaw ndai num sha gaw hkrap myi mam mam ai wa she re anhte na kanam n re ngu nna she shi hpe gaw ndai um ndai shi kanu hpe ma shi hpe ma nan gara kaw na e hkawhkam na kanam mai tai na Dai hkawhkam na kanma madun kanan de ta kani re ngu nna shanhte hpye la ni jep ai shaloi gaw dai hku dai hku re nna si mat sai ngu da. Dai majaw shan nu lahkawng yan hpe, e htawng de rim bang nna shan nu lahkawng yan mung dai htawng de si mat ai da. Mau mwi gaw dai kaw htum sai. . Language as given: Jinghpaw
Format:Digitised: no Media: Audio
Identifier:KK1-0064
Identifier (URI):http://catalog.paradisec.org.au/repository/KK1/0064
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0064/KK1-0064-A.mp3
http://catalog.paradisec.org.au/repository/KK1/0064/KK1-0064-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0064
DateStamp:  2017-08-07
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Chang Myaw (speaker). 2016. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0064
Up-to-date as of: Tue Feb 11 15:33:50 EST 2020