OLAC Record
oai:paradisec.org.au:KK1-0049

Metadata
Title:Chyeju n lu ai lam (The rich family who became poor)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Chang Myaw (speaker), 2016; Chyeju n lu ai lam (The rich family who became poor), X-WAV/MPEG, 2020-03-20. DOI: 10.4225/72/59888f7f5b728
Contributor (compiler):Keita Kurabe
Contributor (depositor):Keita Kurabe
Contributor (speaker):L. Chang Myaw
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2016-12-12
Date Created (W3CDTF):2016-12-12
Description:Chyeju n lu ai lam, ga baw gaw dai rai nga ai. Ya ngai hkai na mau mwi gaw moi shawng de, grai zahte gun i htinggaw mi nga ai, dai htinggaw mi hta gaw Kawa shawng nna shi mat wa ai shaloi gaw shan nu ni grai matsan mayen byin mat ai. Grai matsan mat wa ai shaloi gaw kanu gaw e ndai num kasha lahkawng lu da ai, dai num sha hpe e lana mi hta shan nu ni a nta wan hkat wa ai shaloi gaw shi gaw aw hpa mung n dum sa kasha langai mi hpe lu pawn dat, Bai hpang e langai mi bai tam yu yang n nga jang langai mi hpe ndai wan grai nta hkat nga kaw na langai mi bai wa woi la shaloi gaw shi gaw myi man kaw yawng hkat chyang mat nna, Myi ni mung maga mi gaw n mu mat, maga mi gaw kaji mi sha mu mat re na shan nu ni gaw dai hku jam jau let nta mung n lu nna, gyin sum langai mi e gap nna dai kaw ngai ai. Dai shaloi gaw ndai num sha yang gaw grai sari ma grai rawng ai, tsawm ma grai tsawm ai majaw, ndai Sinpraw hkawhkam wa hte sinna hkawhkam wa, ndai sinna hkawhkam wa gaw e, ndai Ma Kaw hpe hpyi nna, hkawhkam jan shatai da. Dai Sinpraw hkawhkam wa gaw ndai Ma Lu hpe hpyi nna dinghku de hkawhkam jan tai nna nga, shaloi gaw shaning na na kashu kasha mung lu ai, dinghku mung grai gring ahkring aten hta ndai Kanu gaw, Aw ya Kawa mung n nga sai ndai Kasha lahkawng sha lu ai yan mung lahkawng yan ngai hte grai tsan ai, e anhte ni gaw matsan ai majaw , Le grai tsan ai shing nawm de hkawhkam ni hte ndan ni ai maren shing nawm hkan she ngai re gaw, Nye kasha yan gaw shan hpe kalang mi sha pi sa jahkrum da nna ngai gaw si na re. Ya ngai si na mung nau n na sai re majaw gaw ma ni hpe naw sa jahkrum da na re ngu nna shi gaw, daw hkrawng langai mi hpai re nna bu hpung palawng loi um nau n tsawm ai ashep alam re nna, bu hpung re nna shi gaw sa mat wa. Shaloi ndai Sinna de kana ba kaw shawng sa Ma Kaw kaw sa ai shaloi, Ma Kaw gaw hkawhkam wang lam kaw chyinghka lam kaw du ai shaloi, e nang kadai hte hkrum mayu i ngu nna, dai chyinhka sin ai ni gaw tsun ai da. Shaloi she ngai gaw ndai kaw na hkawhkam jan hte hkrum mayu ai ngu nna sa re ngu da. Shaloi gaw anhte tsun ra na ngu nna shi gaw hkawhkam jan hpe wa tsun ai, Hkawhkam wa hte hkawhkam jan hpe tsun ai, E e ya wa tsun dan ai Hkawhkam jan e nanhte hkrum mayu ai da hkawhkam wa hte mung hkrum mayu ai da. Dinggai langai mi sa ai ngu tsun ai da, shaloi gaw shi gaw Htaw grai tsaw ai nta kaw na shi yu dat ai, shaloi she, shi kanu gaw myin mang ni mung chyang ai dai myi mung maga mi kaji mi sha hku ai dai hte bai dawhkrawng mung lang ai, bu hpung palawng mung ashep alang re hpung lang ai, Dai hpe hkawhkam jan gaw htaw ntsang kaw na mu dat nna she, dai chyinghka sin ai ali ama ni hpe E dai gaw anhte hte ngrin dan ai, E gara kaw na maw hpyi ni sa ai she dai majaw gaw dai hpe e gau dat mu ngu da. E wa u da, hkawhkam wa hte hkawhkam jan tsun ai nang ndai kaw n shang lu ai da. Ah! n re hkrum mayu ai hkring sha pi ngai shang mayu ai ngu da. Rai shaloi hkawhkam jan hpe bai tsun na, hkawhkam jan hpe bai wa tsun ai da, shaloi gaw hkawhkam jan gaw shachyut tim n hprawng ai gaw adup mung, adup a byen dat mu ngu da. Shaloi gaw dai dinggai hpe hkawhkam jan na Kanu hpe gaw dai chyinghka sin ai ali ama ni gaw aw adup ai hte abyen ai hte garawt ai hte rai nna shi hpe e shachyut kau dai ai da. Shaloi gaw shi gaw grai mashi machyi ai hte lagaw gaw daw ai hte um lata gaw daw mat ai hte re nna, tsawm ri sha, e ndai sinpraw hte sinna ngu ai dai shanhte e jarit tawng da ai, dai jarit kaw wa ai shaloi gaw ndai Ma Lu na maga de na ni ali ama ni hpyen ma ni gaw dai hku e nga ai da. Dai hku hku byin nna, E langai mi dinggai langai mi hpe shachyut ai ngu na ai da. Rai jang she dai ni gaw e dai re matsan mayen re ni hpe dai hku di yang gaw n mai na re, hka anhte na kanu ni she rai nga kun, nanhte na kanu ni she rai nga kun anhte sa yu yu ga ngu sa yu nna shanhte woi wa ai da. Woi wa ai shaloi shi hpe san ai da, den ya nang nan hkang jinghku jinyu n nga ai i nang gaw gara kaw na sa wa ai, ngai gaw grai tsan ai kaw na sa wa ai ngu, ya nang nan kaw jinghku jingyu nnga i ngu san yang she, ngai n dai kaw na Hkawhkam jan hte gaw loi mi chye hkrat ai ngu sha tsun ai da. Nye kasha ngu yang gaw mi na Ma Kaw jan zawn hkap kayet ai hte shachyut na hkrit nna loi gaw chye hkat ai sha ngu ai da, Shaloi she ndai ali ama ni gaw wa tsun dan ai da. Hkawhkam jan e nang hpe loi chye ai dinggai langai mi lata mung maga mi daw ai lagaw mung maga mi daw ai, myi mung pai ai, myi mang mung chyang ai, bu hpung palawng mung loi mung shep shep lam lam re hpung nna, Le hkawhkam wang shinggan de anhte woi da ai ngu tsun ai da. Shaloi she hkawhkam jan gaw shi gaw yu dat ai da, shanhte htaw tsaw ai kaw na yu dat ai, atsawm n mu nna, bai ga de kagat yu nna sa yu ai da, Sa yu ai shaloi gaw shi kanu rai taw da. Aw ndai gaw maw hpyi ma n re ngu da, E masha kaga ma n re ndai gaw nye nu re dai majaw, nanhte ndai nye nu hpe ba nna pawn nna nye hkawhkam wang de woi sa wa marit ngu nna, shi hte rau re nna, pawn la nna, hka ni shing ya, tsi ni tsi ya amyu myu galaw da Nga Chyu ni hpa ni amyu myu shi hpe gaw grai bau sai da. E grai hkap galaw ndai lagaw lata daw ni, mi gaw htaw ra ni hkap gayet daw ai dai hpe ma atsawm sha tsi hpa gaw tsin hkum nga da. Shaloi she shi gaw tsun ai da, E ma e Nu gaw asak grai kaba sai dai majaw nan nau hte hkrum da nna Nu gaw si na ngu myit ai dai majaw ya si na aten mung du sai re dai majaw Nu hpe gaw nanhte wang a shingdu de, E ndai mile mim daram tsan ai shara kaw e ngai hpe lup da ya mu ngu tsun ai da. Shaloi gaw shi hpe gaw dai hku sa lup da sai atsawm sha di nna sa lup da. Shaloi gaw Mungdan n dai, sinpraw mung dan hte sinna mungdan hkru wa kaba grai hkru ai da, shat hpa n sha ai, du sat du myen nga ma nga sat sha tim n law ai da, hpa galaw tim n law, hpa galaw tim n law ai da. Rai tim mung ndai sinpraw na hkawhkam ni a dai ya dinggai jan sa lup da ai kaw namsi hpung grai kaba ai da manu mana lagat hpung hta grau kaba Wum.. manu mana kaba wang lahkawng masum daram kaba ai namsi hpung langai mi Magaw si dai hku na tu wa ai da. Dai nam si hpung kaw namsi grai si ai da, dai majaw ndai sinpraw na mungdan de na ni gaw, hkru wa kaba wa tim dai di nna sha dai di nna sha, hpyen la ni htaw mung masha ni mung sa di sha tim n ma da. Dai jan ndai Kana, sinna mung na Kana mung shi bai na da, bai na aw nye kanau ni gaw namsi ni lu ai da, anhte gaw hkru hkru hpan gara re hkawhkam ni mung hpa n sha mung masha hpa n sha dai majaw ndai hpyen la ni hte gumran Shi dat dat nna, hpyen la ni hpe ndai namsi sa hpyi na matu ngu nna shi gaw laika ma kaji mi ka nna jaw dat ai da. Shaloi gaw dai kanau ndai sinpraw de na hkawhkam jan gaw nanhte ra ai mi hti gun mung di la mung dai gumran tawn hpring hkra hkra di la mung ngu nanhte shani ka-an sha na matu tak tak ndai nhpye hkan mung bang gun mung dai na gaw shani hkan sha na matu mung dai hku di mung ngu nna she, daw ni manu mana dai daw shi tim hpai mat ma ai da. Gumran hte dai hku daw mat htaw shanhte na sinpraw hte sinna ngu ai ndai ga jahkrit du ai shaloi gaw hkawm wa magan yawm magan, hkawm wa magam yawm magan, Ga! htaw hkawhkam wang du yang namsi langai pi n rau ai da. Yawng namsi yawng hkyet mat da, De nanhte namsi sa hpyi shangu ai ya namsi mung n rawng i ngu she, rawng ai law hkawhkam wa yan hkawmhkam jan e hpring hkra hkra gun ai law, ya ndai jarit kaw na du ai kaw na anhte nan de hkawm wa ai shaloi ndai namsi ni gaw yawng mat mat wa law ngu tusn a da. Shaloi gaw hkawmhkam jan gaw E dai re gaw hpa n ra ai ngai hte hpyen la n kau mi hta sa ga gumran n kau mi nanhte dai ni ya hte sa ai ni n re ai, kaga alat ni hte anhte ai sa ga ngu nna bai sa mat wa ai da. Bai sa nna, kanau hpe sa tsun da hkawhkam jan hpe nye kanau e ngai kana gaw grai matsan mat ai hkawhkam nga tim sha hpa n lu mat nna, E ndai lamu ga maran n htu ya numri mung nhkrat ai, dai majaw si saw hkai n mai mung hkai sha n mai ai, nam law nam lap mung hkrai sha n mai ai yawng hkrawt e du dat du myen mung yawng anhte sa htum sai n nga sai dai majaw, Nang gaw, E namsi magaw namsi lu ai nga ai majaw mani hpyen la ni hpe kalang dat dat ai ngu tsun ai da. E dat dat ai majaw ngai shanhte hpe lu gun ai daram gun mung ngu na shangu dat sai ngu, E rai tim mung anhte n lu sha ai dai majaw ya bai sa wa ai re ngu sa da. Sa ai shaloi gaw, shi bai sa ai shaloi gaw di gun u nanhte hpyen la ni hte kade gun la yang gun la u, nam si n dai grai si ai, grai si ai kadai di sha tim ndan ai, anhte mungdan tim di sha tim n ma ai namsi re dai majaw di la u, Shanhte mung di nna bai wa sai da. Bai wa yang gaw shani e, shanhte sha na matu ndai, sinpraw maga na jarit grai, sinna mada na jarit grai n du yang gaw shanhte sha mung sha da, daw ni mung gumran ni mung grai li nyak ngu she hpai dai shanhte na jarit htaw lai rai jang gaw dai namsi ni mung n rawng mat wa da. Rai jang hkawhkam mungdan de shi gaw ndu wa ai sha, shi gaw ndai hpyen la n kau mi hte bai, ndai kanau hpe bai sa nna Nau e nang gaw gara hku gara hku di ai, ya dai ni ngai gaw n dai ram jam jau jam hkau si ai, nang kanau gaw ndai ram lu sut lu su nga mu nga mai, nang mungdan masha ni yawng nga mu nga mai kabu gara nang gara hku re i tsun ai da. Ngai gaw ngu da, kanau gaw nye nu matsang mayen masha ni kayet dat ai da, lagaw daw lata daw, myin man hkan ni mung ahpye alam , hkum hkan mung di re ai hpe e ngai gaw atsawm sha hkap tsi ai, atsawm sha malu masha hkap jaw lu hkap sha na dai nu hpe e sa lup ai hpun kaw na tu nna n dai hku byin ai re ngu nna tsun ai da. Shaloi gaw, Ke ! myit n pyaw sai da, grai myit n pyaw nna namsi dai ni mung shi sha ai hte gaw sha nna, loi li gun nna hkawhkam mungdan de, shi grai myit malai nna hkawhkam mungdan de du mat wa ai da. Rai tim, shi na matu gaw sha mang chyeju n lu na sum mat ai da. Mau mwi gaw dai kaw htum sai. . Language as given: Jinghpaw
Format:Digitised: no Media: Audio
Identifier:KK1-0049
Identifier (URI):http://catalog.paradisec.org.au/repository/KK1/0049
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):language_documentation
text_and_corpus_linguistics
Table Of Contents (URI):http://catalog.paradisec.org.au/repository/KK1/0049/KK1-0049-A.wav
http://catalog.paradisec.org.au/repository/KK1/0049/KK1-0049-A.mp3
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0049
DateStamp:  2017-08-07
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Chang Myaw (speaker). 2016. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0049
Up-to-date as of: Fri Mar 20 15:20:42 EDT 2020