OLAC Record
oai:paradisec.org.au:KK1-0047

Metadata
Title:Lapu La a lam (The snake man)
Access Rights:Open (subject to agreeing to PDSC access conditions)
Bibliographic Citation:Keita Kurabe (collector), Keita Kurabe (depositor), L. Chang Myaw (speaker), 2016; Lapu La a lam (The snake man), MPEG/X-WAV, 2020-02-11. DOI: 10.4225/72/59888f767d4c6
Contributor (compiler):Keita Kurabe
Contributor (depositor):Keita Kurabe
Contributor (speaker):L. Chang Myaw
Coverage (Box):northlimit=27.331; southlimit=23.137; westlimit=95.335; eastlimit=98.498
Coverage (ISO3166):MM
Date (W3CDTF):2016-12-12
Date Created (W3CDTF):2016-12-12
Description: Ya lapu na mau mwi hpe hkrai mayu ai, Lapu La ai lam, ga baw gaw dai rai sa. Moi shawng de kahtawng langai mi hta gaida jan gaw Kasha num kasha mali lu ai da. Dai num sha gaw mali ni gaw magam bungli bungsi gaw grai kam galaw ai. Rai tim mung ndai Kanu machyi nga ai shaloi e kanu gaw namsi grai si ai da shanhte e a nta makau kaw namsi grai si ai rai tim mung namsi n di ya lu ai da, dai ni ma ni namsi n lu di ai da, dai grai tsaw ai majaw, Nlu di ya ai shaloi gaw ndai kanu gaw tsun ai da ngai grai machyi ai grai n pyaw ai, namsi grai sha mayu ai, dai majaw ndai namsi di ya ai hpe gaw Nye kasha hpe ngai jaw sha na, Nye kasha ma kaw ra yang ma kaw, ma lu ra yang ma lu, ma roi ra yang ma roi, ma htu ra yang ma htu jaw sha na dai majaw ngai hpe namsi di ya na, E gahkri ra ai ngu nna shi gaw dai hku chyu machyi let dai hku marawng nga ai da. Nam si di ya marit ngu nna marawng, shaloi gaw lani mi na aten hta wa she dai wa na hkrup ai da, dai re nna she lapu dai gaw Hpung dai de lung wa nna, shi a maitsang de, Oh namsi dai hpe majoi mi maitsang de E kayet nna she, namsi ni yawng e aru jahkrat ra ai da. Shaloi gaw shang nau ni gaw dai hta nna Kanu hpe dai hta jaw ai da. Ndai lapu wa gaw dai shaloi gaw htaw dawdap de anhte jinghpaw ni gaw ndai dawdap ngu ai langai mi manam dap de, dai de she shi gaw dai wa hkawan nna ngai gaw gahkri rai na sa ngu nna wa tawng nga ai da, wa hkawan nga taw nga ai. Shaloi gaw yan nu ni gaw tsun dai da. E ya gahkri tai na wa, shinggyin masha gaw kadai mung namsi n sa di ya ndai hkri lapu wa she, sadi ya sai re majaw gaw hkri lapu hpe, E nye kasha ni gaw langai n rai langai gaw jaw sha ra sai ngu nna shang nu ni bawng ban sai da. E ma yan nau ni e, nanhte myit su ra sa dai majaw gaw, E Ma kaw mahtang wa yaw ngu tsun ai da, Ah Nu hpe ndai ram ram namsi di ra ai gaw Ah Nu na myit hta grai myit pyaw sai dai majaw Ma Kaw wa yaw, Yi!! Ah Nu e hkrit ai law di re lapu kaw gara hku wa na n wa ngai gaw n wa ai, si tim n wa ai ngu bai ning dan, E dai rai yang gara hku ndi sai, Ah Lu wa wa yaw Ah Lu nang dai hkri lapu kaw wa yaw, i nu e yu pi n yu gwi ai,Dai zawn re lapu kaw mi gaw kaning re nna hkan nan hkawm na i, wa na i ngai gaw n myit lu ai lo nu e si nga si mat u ga dai lapu kaw gaw n wa ai law, E shaloi gaw Kanu gaw Ma Roi hpe bai tsun da. Roi e nang she myit su na sai, dai majaw gaw ndai hkri lapu kaw e hkan nan na hku di u yaw anhte nan kaw gaw hkri lapu hpe woi nga gaw bai nbyin re majaw nang hkan na u, Nu e yu hkrit ai hte mu pi n mu ga ai Lapu kaw wa ai ngu gaw nang gaw ngai hpe sat ai she rai sai Nu e nang pi grai nsi yang ngai she si ra sai ngu nna nhkraw ai da. Re gaw Kanu gaw myit htum na Ma Htu hpe bai tsun, Htu e nang sha myit n su yang gaw kaning ndi sa ya Ah nu gaw ga madat kau sa, ga sadi dat kau sai re majaw ndai ga sadi gaw dung ra sai dai majaw, E Ah Htu nang wa yawng Hpung dim wa nang ndai ahkri lapu kaw hkan nan yaw ngu she, mai ai le Nu ngai hkan nan yu na, ndai lapu ni gara hku nga ai kun, ngai hkan nan na ngu shi gaw e kana ni zawn astawm sha myit htau lu htau la grai n raw ai majaw nau kaji ai majaw mai ai kaja ai shi gaw hkan na, Htaw ! Lapu mungdan de n dai shi gaw maitsan kaw jum nna she, htaw woi mat wa ai da. Mai tsang Wa woi nna she, htaw hka ni lai bum ni lai re gaw, Le.. lungpu lunghkrung kata de she wa woi nga ai da, Oh shanhte na shara kaw, Yawk ! arai hkrai da, ja hkrai hkrai ndai e panyep ni nyep da, yup ku ni galaw da mahkra gaw Ja hkrai da. Ja hkrai ja hkrai manu mana lu da, rai jang she ndai Lapu gaw e shani shana, shani re gaw lapu tai nna shana re gaw dai hku nna, e shinggyin masha tai nna shi hpe atsawm sha Ma Htu hpe woi woi nga ai da. Woi nga nna nga taw ai shaloi Ma Htu gaw lani mi hta tsun ai e. ngai gaw nye nu hpe grai hkrum mayu ai law, nu hte wa woi hkrum rit le ngu mai ai mai ai shaloi gaw nang ndai shingnoi kasha mung ja shingnoi re, ndai lahkawng ni laraw ni mahkra ja kachyi ni ma hkra nang chyi u yaw, Chyi nna she nye hpang bai hkan u ngu nna she hkan nna she, Htaw! Kanu hpang bai woi mat wa ai da. Shaloi gaw kana ni gaw shana daw de du jang gaw shana de du jang gaw ndai lapu gaw shana rai jang gaw masha tai, shani rai jang gaw lapu tai nna, shana rai yang gaw, Koi grai tsawm ai hkan hkan nya nya manu manat tsawm rai jang she shang nau ni gaw manau sai da. Ah gar! Ma Htu wa ai ndai ning she re hka wa anhte shut sai lu, chye ngai wa shut kau sai lu, langai mung ngai mung shut sai lu ngai wa na she re wa, langai wa mung ngai she wa na wa, Ga ya grai shut sai dai hku myit nna shang nau ni gaw yup sai da. Rai tim marai lahkawng gaw ndai Ma Lu hte Ma Roi ngu yan lahkawng gaw shan gaw bawn ban nna she, hpang shani gaw da e Ma Htu hpe lahpaw sa woi htak na shi gaw moi lahpaw grai htak wa jan re dai majaw lahpaw htak nna anhte lahpaw ni hpa ni lu jang gaw ndai kaw e anhte pyaw poi galaw ga ngu nna, ndai e lapu hpe mung tsun re nna Kanu hpe mung tsun re mai ai mai ai ngu nna she woi sa mat wa ai da. Htaw !! woi sa mat wa ai shaloi gaw langa tawng gaw ntsa de bang da, lawu de gaw ah krawk dai lasang tawng ngu ai anhte gaw nchye shamying ai grai hku grai sung na she le hka de du mat wa ai baw e ginlawng hku dai kaw wa she e shang nau kaw hpang de re nna dai Ma Htu hpe shawng u, shawng u, nang shawng u ngu she dai Ma Htu lapu na madu jan shawng, shawng shawng yang gaw dai kanawn hku de di hkrat mat wa ai da. Lawang hkye la rit lo lawang hkye la rit lo ngu tim shang nau gaw, Ha! si sai hpa n ra ai an nau gaw ya ndai lapu kaw an nau mahtang wa ga ya ndai Ma Htu hpe Ma Htu n nga sai ngu dai hku tsun ai da. Dai yang she, ndai Lapu gaw shana gaw masha tai shani gaw lapu tai re she, shi gaw Ma Htu hkrat sai Ma Htu n nga sai ngu jang shi gaw E shanhte ga de dai hku wa she dai dumraw hku de shanhte ga gaw matut da ai da, matut ai hku re da. Dai hku re nna she Ma Htu hpe sa hkye la ai nna Ma Htu hpe prat tup dai Kanu hte mung n hkrum sa, Kana ni hte mung n hkrum sa, prat tup dai lapu jan grai pyaw nna woi nga ai da. Mau mwi dai kaw htum sai. . Language as given: Jinghpaw
Format:Digitised: no Media: Audio
Identifier:KK1-0047
Identifier (URI):http://catalog.paradisec.org.au/repository/KK1/0047
Language:Kachin
Language (ISO639):kac
Rights:Open (subject to agreeing to PDSC access conditions)
Subject:Kachin language
Subject (ISO639):kac
Subject (OLAC):text_and_corpus_linguistics
language_documentation
Table Of Contents (URI):http://catalog.paradisec.org.au/repository/KK1/0047/KK1-0047-A.mp3
http://catalog.paradisec.org.au/repository/KK1/0047/KK1-0047-A.wav
Type (DCMI):Sound
Type (OLAC):primary_text

OLAC Info

Archive:  Pacific And Regional Archive for Digital Sources in Endangered Cultures (PARADISEC)
Description:  http://www.language-archives.org/archive/paradisec.org.au
GetRecord:  OAI-PMH request for OLAC format
GetRecord:  Pre-generated XML file

OAI Info

OaiIdentifier:  oai:paradisec.org.au:KK1-0047
DateStamp:  2017-08-19
GetRecord:  OAI-PMH request for simple DC format

Search Info

Citation: Keita Kurabe (compiler); Keita Kurabe (depositor); L. Chang Myaw (speaker). 2016. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata

Country: Myanmar
Area: Asia


http://www.language-archives.org/item.php/oai:paradisec.org.au:KK1-0047
Up-to-date as of: Tue Feb 11 15:33:47 EST 2020